تقول الناس عينك وش بلاها
على خدك تنثر كل ماها
صحيح الناس مايدرون عني
ولا حسوا دموعي وش وراها
ولا يدرون ليه أسهر لحالي
ولا يدرون حالي وش برها
ولا عاشوا دقيقه في عذابي
لأن النار تحرق من وطاها
أنا يا ناس مجروحٍ فؤادي
جروحٍ خافيه محدٍ يراها
ثلاث سنين متحمل عذابي
موصي النفس لا تبيّح خفاها
ولكن للأسف خلّصت صبري
وكفتني المحبه من عناها
ولا أقدر على جور الليالي
كت عيني وجاها ما كفاها
أترجم همي بكلمات شعري
أبي الكلمات يبكي من قراها
يقدّر عبرتي من عاش مثلي
ويبري علتي رافع سماها