مجموع الأوسمة: 18

البارات 10 ...ببيت هند... ببليكونه سندس قاعده ع كرسي وماسكه تليفونها بيدها...تتكلم بخاطرها:الولد شكله معجب فيني وايد...والي سواه موغلط...اعترف باعجبه لي من غير مايلف ويدور...وانا كنت وايد اتمنى اعيش قصه حب مثل الي بمسلسلات وافلام...ادق عليه ولالا...اذا دقيت عليه شقول؟؟...لالا ماادق عليه احسن...لا ادق الرجال يبي مني رد ...بدق والي فيها فيها...طلعت الكرت الي فيه رقم سامي ودقت...سامي يقوم من ع فراش وياخذ تليفونه ويرد عليها:هلا سندس منحرجه:اسفه ع الازعاج سامي:لابالعكس لا ازعاج ولاشي...شلونج؟؟ سندس:حمدلله زينه...انت شلونك؟؟ سامي:دامي قاعد اسمع صوتج اكيد بكون خير سندس:يله باي سامي:وين ع الله؟؟...توالناس...وبعدين انتي داقه عشان تقولين كلمتين وخلاص سندس:لاباجر وراي جامعه...ولازم انام مبجر سامي:دام جذيه السالفه خلاص معذوره سندس:مشكور سامي:اقول سندس سندس:هلا سامي:يصير اشوفج باجر؟؟ سندس:ليش؟؟...في شي؟؟ سامي:لابس حاب اقعد معاج شوي سندس:خلاص اوكيه...باجر دز لي لوكيشن الي بنقعد فيه وانا اجي لك سامي:لا انتي اختاري مكان الي تبينه وانا بجي سندس:اوكيه...يله تصبح ع خير سامي:وانتي من اهله حبي ...ببيت حصه... بالغرفه منار قاعده ع سرير دخلت عليها امها وقعدت عندها:منار شفيج يمه؟؟...لاقمتي تروحين جامعتج ولاتاكلين حتى طلعه لصاله ماتطلعين...كله حابسه روحج بالغرفه...خير صاير؟؟ منار:تعبانه يمه...تعبانه حصه:تعبانه؟؟...شفيج؟؟ منار:الي فيني شي وايد كبير...شي ماله حل حصه:قولي يمه فضفض لي...يمكن ترتاحين منار:يمه الراحه خلاص ماعاد بشوفها بحياتي حصه:يابنتي لاتقولي هالكلام...كل شي بدنياء له حل منار:الي مشكلتي يمه...الي مشكلتي...اهى اهى اهى حصه تحضنها:انتي تقولي شفيج؟؟...انا امج وبسوي كل شي عشانج منار:يمه انا مااستاهل...مااستاهل تسوين شي عشاني...اهى اهى اهى حصه:لاحول ولاقوه الا بالله ...ببيت عائشه... بالغرفه دينا منسدحه ع سرير دخلت عليها رنا:خالتي تقول نزلي عشان تتريقين دينا ع وضعها:ماابي رنا تمشي لعندها:دينا خلاص رحمي نفسج شوي...مايصير الي قاعده تسوينه دينا:عساني اموت وافتك من هالدنياء رنا:استغفر ربج مايجوز هالكلام...خلاص ارضي بمكتوب لج دينا:موحرام اخذ واحد اكبر مني بثلاثين سنه...لا وبعد متزوج ثلاثه مرات وعنده ولد كبري رنا:شتبينا نسوي؟؟...اخوج الي دينا تقاطعها بصارخ:واخوي ماحد يقدر يوقف بوجه...ماحد...كلكم تخافون منه...لوابوي عايش...والله مابيقدر يمشيني ع كيفه...اهى اهى اهى...اووووه ياراسي...اهى اهى اهى اهى ...بالمطعم... سندس قاعده ع أحد طاولات جالعندهاسامي:مساء الخير سندس تبتسم:مساء النور...يهلا سامي يقعد:موكاني تاخرت عليج؟؟ سندس:لا...انا ماصار لي وايدمن لما جيت لهني سامي:اشوا...باجر لطلبت اشوفج مره ثانيه ماترضين...بتقولين يتأخر سندس:بعد فيها مره ثانيه؟؟ سامي:ثانيه وثالثه والخامسه والعاشره بعد...اسمح لي ع كلام الي بقوله...انا مااتحمل مااشوفج بيوم سندس تغير السالفه:الاصج تقول إن سامي قاطعها لما مسك اصابعها وطلع الخاتم وحط بوحده من اصابعها:احبج...وابيج توعديني بانج ماتطلعينه سندس منصدمه من حركته:انت جنيت؟؟ سامي:والي يشوف قمر مثلج يظل صاحي؟؟ ...بشركه بوخليل... بوخليل قاعد ع كرسي مكتبه دخل عليه محمد:السلام عليكم بوخليل:عليكم السلام...حياك اقعد محمديقعد:احمد يقول انك طالبني بوخليل:ايه صحيح...ومدله ورقة شيك:هذا المبلغ الي طلبته عشان تسدد قروض الي عندك مقابل اخذ اختك محمدياخذ شيك:بوخليل والي يعافيك ماابي أحد يدري بسالفه بوخليل:خايف من كلام الناس؟؟...المهم فلوسك واستلمتها واختك بملك عليها بعد ثلاثه ايام يعني يوم الخميس...وباخذها معاي للبيت بدون زفاف ولا عوار الراس ...ببيت عائشه... بالغرفه دينا قاعده ع سرير وعندها رنا وعائشه...دينا تتكلم:يوم الخميس جذيه أشكره؟؟...لازفاف لا تجهيزات مثل الناس...كاني وحده عانس طايحه بكبد اهلها ويبون يفتكون منها...انا شمسويه لكم حتى تقطوني هالقطه؟؟...بس خلاص كافي حرام الي قاعدين تسوه فيني والله حرام عائشه تبكي:يابنتي مادري شقولج؟؟...وانا اصلا مو راضيه بالي قاعد يسويه فيج اخوج...بس تدري فيني مالي كلمه عليه دينا:يمه انتي اكثر وحده مفروض توقفيني معاي...وتوقفي محمد عند حده...الام تسوي مستحيل عشان عيالها...وانتي ماقدرتي تمنعين محمد أن يزوجني واحد كبر ابوي...قومي تحركي سوي شي انقذني...لاتقعدين تتبككين...انا ماابي اشوف دموعج...ابي اشوف قوتج و تحميني ...ببيت هند... بصاله عبدالله وهند وسندس قاعدين ع كنبه...هندتتكلم:شفيج ؟؟...من لما جيتي من برى وحلجج متشقق من وناسه ...اذا في شي ياونس قولي...بنستانس معاج عبدالله:الله واكبر عليج ياهند...حتى وناسه مستكثرتها عليها هند:هووو عبدالله...ترى موقائله شي انا...ماحد يقدر يقول شي بهالبيت عبدالله:خلاص يبه قولي الي تبينه...ع قولتهم عبري عن مشاعرج... ماحد ماسك حلجج هند:وانت خليت احد يقول شي...كله تشعم...كله تشعم عبدالله:قلنا لج قولي الي تبينه...ماحد بيقول لج شي...هو انتي تزعليني ع اذانات الدون...كبريت هند:هذا انت تتحرش فيني وتطلعني انا الغلطانه...كانك ملاك البرائي نازل من السماء عبدالله:انتي ماتصدقين على الله احد يقول لج شي عشان تروحين تزعلين هند:ايه مشكور... جزاك الله خير يجي منك اكثر سندس الي كانت قاعده معهم كجسد أما البال شارد بعالم ثاني:احس نفسي طائره من الفرح...اول مره اكون مستانسه هالكثر...يمكن لاني شفته؟؟...أو اني لقيت الشخص الي ظل ما حلمت فيه طول هالسنين...والي يعجبني فيه اكثر جرائته وصرحته...أحسه غير عن باقي شباب هندتقوم:بروح ارتاح فوق احسن بوايد من مقابله وجهك عبدالله:قعدي يبه...قاعد اتغشمر معاج هند:لا بروح فوق احسن...وراحت عبدالله:امج يبي لها طولة البال...لواني مااعرفها زين كان الحين قاعده ببيت اهلها سندس سرحانه: عبدالله يتلفت لها:سندس...يبه سند سندس:ها عبدالله:هههه وين سرحتي يبه؟؟ سندس:هاولاشي عبدالله:تعبانه؟؟...فيج شي؟؟ سندس:ها؟؟...لايبه...لالاتعبانه شوي...راسي مصدع...ع اذنك بروح غرفتي...ومشت عبدالله:شفيها هذي بعد؟؟ ...ع البحر... سامي ورفيقه راشد يتمشون...سامي يتكلم:بعلقها فيني وخليها مثل خاتم بصبعي راشد:كل هذا عشان تنتقم من ابوها؟؟ سامي:عيل شنو؟؟...عشان سواد وجها راشد:اخاف تحبها مع الوقت سامي:هالشي لايمكن يصير ومستحيل...لاني داش بحياتهم لانتقام وبس...بهالحظه رن تليفونه باسم((الحب)):كاهي دقت...وردعليها:هلابقلبي...تونا ع طاريج انا وقلبي...مشتاقين لج ووايد بعد سندس:شكثر؟؟ سامي:والله ياحياتي ماكو بهالدنياء هذي كلها محدد لاشتياقي لج...شوقي لج ماله وصف او حدود سندس:وانابعد حاسه نفسي مشتاقه لك سامي:صج؟؟...اخيرا عبرتي عن مشاعرج...ياكتومة المشاعر سندس:سامي بليز عن احراج عاد سامي:ههه خلاص عمري حقج علي انا اسف ...ببيت حصه... بصاله حصه قاعده تخيط الدراعه دخل عليها سفيان:السلام عليكم...انا موقائل لكم تفضون البيت؟؟...مااشوفكم جهزتوا اغراضكم...لعلمج انا خلاص ثمنته وبعته باجر بيجي رجال يستلم البيت حصه:احنا بعد ماجهزنا اغراضنا سفيان:هذي مشكلتكم مو مشكلتي...ويطلع طرف من جيبه ويقطه ع حصه:وهذا نصبيكم من البيت...يله عجلوا وأخذوا اغراضكم عشان ناس مايقطون قشكم برى البيت...وطلع حصه:حسبي الله ونعم الوكيل فيك...ماحد يسلم منك ومن طمعك ...وين نروح احنا الحين؟؟ ....ببيت بوخليل... بالغرفه دينا قاعده ع سرير ودموع بعينها مو راضيين يتوقفون دخل عليها بوخليل:السلام عليكم...وطلع بشته دينا رأسها ع الارض:لارد بوخليل يقعد عندها ابتعدت عنه دينا:شفيج خايفه؟؟...تراني خلاص صرت زوجج ع سنة الله ورسوله...ودلع البنات هذا مااحبه دينا:اشلون طاوعك قلبك تاخذ وحده كبر بنتك؟؟ بوخليل:افهم من كلامج انج ماتبيني...تصدقين يااخت دينا...الف وحده تتمنى تكون مكانج الحين دينا:وانا ماني من الف الي يتمنونك...تكفى طلقني وخليني اروح بحال سبيلي بوخليل:انا اذا حصلت ع شي مااخليه وكل يوم اتمسك فيه اكثر...عشان جذيه لاتحاولي تسوين شي مايرضيني ولا يعجبني...لان ماحد يقدر يفكج مني بعدين