مجموع الأوسمة: 18

البارات 11 ...ببيت حصه... بالغرفه كالعاده منار قاعده ع سرير دخلت عليها امها:لاحول ولاقوه الا بالله...يابنت مابتقولين شفيج؟؟ منار بوجهه شاحب ومهموم:يمه خلي الي فيني فيني...مانتي ناقصه كافي الي فيج حصه:ع راحتج...اقول جمعي اغراضج وحطيهم بالجنطه عمج خلاص باع البيت...وجاب لنا نصيبنا بنروح ندور لنا شقه نقعد فيها منار:أن شاءالله حصه:يله...الليله بنطلع ...عند البحر... سامي وسندس يمشون...سامي يتكلم:حبيبتي سندس:عيونها سامي:يخلي لي عيونج...انا مااقدر اتحمل اكثر وأخاف أحد ياخذج مني...عشان جذيه قلت اتقدم لخطبتج سندس:بهالسرعه سامي؟؟...مامداني اتعرف عليك سامي:انا واحد صادق بمشاعري وابي علاقتنا تنتهي بزواج...واذا ع معرفه اعتقد أخذنا الوقت بمافيه الكافيه سندس:بس سامي يقاطعها:حبيبتي بليز وافقي...والله العظيم حتى بمنامي اشوفج قدامي خلاص ماعاد اقدر اتحمل اكثر ارحميني سندس:بحاول اكلم ابوي سامي:ابيج تكلمينه واليوم...وانا الي أعرفه ابوج وايد يحبج ومايرفض لج اي طلب...وصدقيني بخليج اسعد وحده بالكون ...ببيت بوخليل... بصاله ع طاولة الاكل بوخليل ودينا قاعدين يتريقون... بوخليل يتكلم:ليش موقاعده تاكلين؟؟ دينا:مالي نفس بوخليل:امس طول الليل تبكين والحين ماتبين تاكلين...وانا ياما قلت لج دلع بنات انا مااحبه...الدلع ومساخه الي ببيتكم...تنسياه هني...فاهمه؟؟ دينا تقوم: بوخليل:وين رايحه؟؟ دنيا:بصعد الغرفه بوخليل:قعدي دنيا:ماابي بصعد فوق بوخليل:اقولج قعدي لا يجيج شي مني مايصرج دنيا:بتطقني يعني؟؟ بوخليل:اطقج واكسر راسج بعد...قعدي يله عن الدلع...دينا خافت وقعدت بوخليل:اكلي...دينااخذت خبزه وتحاول تاكل بوخليل:ناقصج انا ...ببيت هند... بصاله عبدالله قاعد يطالع ملفات وهند قاعده تشرب چاهي وتطالع الفيلم نزلت سندس من ع درج وقعدت بدون اي صوت...عبدالله يتكلم:سندس سندس:هلا يبه عبدالله:شلونج يبه؟؟...شلون دراسه معاج؟؟ سندس:حمدلله كل شي اوكيه...سكتت شوي وبعدين تكلمت:يبه عبدالله مندمج مع ملفات:خير يبه امري سندس:ممكن تحط الي بيدك وتسمعني شوي...ابيك بموضوع هندتلف لها:شمعنى ابوج موانا...خلاص نسيتوني ماحد مسوي لي قدر ولاقيمه سندس:يمه حتى انتي بعد لازم تسمعين الموضوع وابي رأيكم كلكم هند باهتمام:عيل تكلمي نسعمج سندس:في واحد يبي يتقدم لي وانا موافقه هند:ومنو هالواحد الي وافقتي عليه وماشورتينا عبدالله:لحظه هند خلي البنت تكمل كلامها سندس:يبه خلاص كملت كلامي عبدالله:سمعي سندس...انا صج اثق فيج وبقرارتج واخليج تسوين كل شي ع كيفج...بس يبه الزواج مسأله فيها مسووليه شريك حياه جاهل وغيرها من هالامور...وانتي بنيتي الوحيده مااقبل اي واحد ياخذج...اخاف يحبج اليوم ويقلب عليج بأجر...الدنياء مالها امان هند:صاج ابوج...عيال الحمائل مايرضون باي واحد ياخذ بناتهم سندس:يبه البنت مردها الاول والاخير تتزوج...انا هالشخص شفته يناسبني...وانت عمرك ماحرمتني من شي ابيه عبدالله:زين هو وين يتشغل؟؟...من ولده؟؟ سندس:هو بيجي بعدالمغرب يخطب وانت اساله عن كل الي تبيه عبدالله:زين يصير خير ان شاءالله هند:كلمتين منها خلتك تغير رايك؟؟...حمدلله وشكر...وتوجه كلام لسندس:اذا انا شفته موكفو ومايناسب عائلتنا تحملين اوفق عليه...اعرف ذوقج انا ماينوثق فيه ...بالمطعم.... ع أحد طاولات سامي وراشد قاعدين مقابلين بعض يرن تليفون سامي:هذي الحبيبه...اللهم بأخبار تصر الخاطر...وردعليها:هلا عمري سندس:هلافيك سامي:ها بشري سندس:تعال بعد صلاة المغرب سامي بفرحه:يعني وافق سندس:أن شاءالله يوافق سامي:أن شاءالله سندس:يله حبيبي اخليك الحين سامي:اوكيه...احبج سندس:وانابعد سامي:ياعمري انتي...يله ماابي اخرج...مع سلامه...وصكر الخط:اسمع رشود ابيك تدور لي بدله رسميه وسياره كشخه ابي اترززفيهم قدام عبدالله راشد:من وين اجيبهم لك؟؟ سامي:تصرف ولك مني الي تبي راشد:زين سامي:وابيك بعد تطلع لي ملفات أو أوراق مال شركات والعقارات ابي اكتب عليهم شركه وهميه الي بتكون انا صاحبها راشد:انت من وين تجيب هالافكار سامي:مخي ع طول الشغل...كل الي طلبته أبيهم قبل المغرب...زين؟؟ راشد:زين ...ببيت بوخليل... بالغرفه دينا قاعده سرير دخل عليها بوخليل:متى بيخلصوا ايام العزاء عندج؟؟ ديناتطالع فيه:الله لايجيب ذيج الايام بوخليل:والله الي يشوفج يقول جذيه...ماابي اعيد واكرر نفس الكلام كل يوم...اذاماحتزمتي وصرت مره برويج وجه ثاني دينا تقوم وتبكي:انت شتبي مني؟؟...حرام عليك ارحمني...ماابيك ماابيك يااخي طلقني بوخليل يقرب منها ويشدها من شعرها:الحلم الوحيد الي مابيتحقق بحياتج بانج تكوني مطلقه مني...ومن هاليوم بكون لي اسلوب ثاني معاج...ودفها بقوه ع سرير وطلع وخلها بعد تبكي:اهئ اهئ اهئ اهئ...الله ياخذك...الله ياخذك اهى اهى اهى اهى ...ببيت عائشه... بصاله عائشه ورنا قاعدين ع كنبه...عائشه تتكلم:يااني ولهت وايد لدينا...حسها صوتها شطانتها...البيت من غيرها ماله طعم رنا:ايه والله خالتي صاجه...الحين ماعندي أحد اقعد واسولف معه عائشه بمزح:وانا مو مليئه عينج؟؟ رنا:حبيبتي خالتي انتي الخير والبركه عائشه:قاعده اتغشمرمعاج رنا:اقول خالتي بماننا قاعدين جذيه لاشغل ولامشغله...شرايج نفتح لنا مشروع جذيه صغير ع قدنا؟؟...وكلنا نستفيد منه عائشه:مشروع حق شنو؟؟ رنا:يعني نفتح لنا مطبخ ونسوي اكلات حلويات كيكات ومن هالاشيا...وعاد ماشاءالله اثنينا علينا نفس بالطباخ عائشه:والله فكره حلوه...بس محمد يمكن مايرضى رنا:انتي كلميه وحني عليه وأن شاء الله يرضى عائشه:أن شاءالله ...ببيت هند... بدوانيه سامي وعبدالله قاعدين ع كنبه...عبدالله يتكلم:زرتنا البركه ياولدي سامي بثقه:البركه فيك عمي عبدالله:موكاني شايفك قبل؟؟ سامي:يمكن في حفلات رجل اعمال أو شي جذيه عبدالله:انا هالحفلات بذات مااحبها ولااحضرها...يمكن مشبه عليك سامي:يمكن...ع العموم عمي خلنا ندش بموضوع الي جايك اليوم عشانه...انتوناس ونعم فيكم وقربكم ونسبكم يشرف...بعد اذنك ياعمي انا جاي اطلب ايد بنتك سندس للزواج ع سنه الله ورسوله عبدالله:انت مبين عليك خوش ولد...بس تدري الواحد يخاف ع بناته ويحب يتطمن عليهم وانا ماعندي غير هالبنت وو سامي يقاطعه:والله عمي هذا حقك...بس تاكد ان بنتك بحطها بعيوني عبدالله:وقبل كل شي لازم نسال عنك وطبعاء هالشي من حقنا سامي:طبعاء هالشي اكيد بس كلام الناس وايد ومولازم نصدقه...ويطلع الورقه من جيبه:هذي الورقه تختصر لك الاجوابه للاسئله الي يدورون ببالك...وقام:وأن شاءالله اسمع منك اخبار زينه...وطلع ...ببيت حصه... بغرفه حصه نائمه ع سريردخلت عليها منار:يمه انا جاهزه حصه:لارد منار:يمه قاعد اقولج انا جاهزه شوي وجي التاكسي يأخذنا منار تقرب منها:يمه...يمه...وتهزها:يمه يمه يممممممه...اهى اهى اهى...وتصيح ...بشقه... بالغرفه محمد وحنين قاعدين ع سرير...حنين تتكلم:محمد متى ناوي تعترف بزواجنا؟؟ محمد:هالشي ماراح يصير حنين:ليش محمد؟؟ محمد:جذيه مزاج...موانا قائل لج قبل بان بيتم زواجنا بسر ع طول حنين:والي ببطني؟؟ محمد:الي ببطنج ولدي وماراح اقصر معه بشي حنين:دام هذيج ماتجيب عيال...شحقه خليتها ع ذمتك؟؟ محمد يبي يقهرها:لاني احبها ومااقدر تستغني عنها حنين بالقهر:وانا؟؟ محمد يقرب منها:انتي بتجيبي لي جاهل وتحققين رغباتي وبس حنين انقهرت وسكتت