مجموع الأوسمة: 18

البارات 12 ...ببيت فاطمه... بالمطبخ فاطمه تغسل موعين دخل عليها سامي:حلوة لبن شقاعده تسوي؟؟ فاطمه لفت له:هلايمه...وزين انك جيت الحين عشان نتعشى قبل مايبرد الاكل سامي:حياتي يمه عاد الليله بذات حدي جوعان وبنفس الوقت شبه مستانس...الله عاد لوتكتمل وناستي...بكون اسعد واحد بهالكون فاطمه بالابتسامه:الله يجبر خاطرك يمه...وعساني اشوف سعاده دووم بعيونك سامي:امين...ايه جذيه كثري من هالدعواي فاطمه:وانامن لي غيرك ادعي له سامي يحبها ع رأسها:الله يخليج لي ولايحرمني منج يالغاليه ...ببيت هند... بصاله عبدالله وهند وسندس قاعدين ع كنبه...سندس تتكلم:يبه شرايك برجال؟؟ هند:ابوج هو الي مفروض يتكلم مو انتي تسالين عبدالله:تبون صراحه انا مارتحت له...أحسه ناوي ع شي...وبعدين اشلون يعطيني الورقه ويقول تختصر لك ع الاسئله الي ببالك...وين صارت هذي سندس:يبه انا سامي أعرفه زين واضح وصريح ومايحب لف دوران...اذا تحبني وتبي سعادتي وافق ع زواجي منه هند:لاوالله...وتقولينها جذيه اشكره لاحياه ولامستحى سندس تاجهلت كلامها:هايبه شتقول؟؟ هند:سمعي اذا انا ماني موافقه يعني ماراح يتم الزواج سندس:انتي صج امي بس بعمرج ماهتميتي فيني ولا تساليني عني كله لاهايه مع صديقاتج بالاعراس وطلعات هند:الله واكبر عليج من بنت...انا مااهتمام فيج؟؟...متى صار هالكلام ياناكره المعروف...هذا جزاي لاني ربيتج وكبرتج ودخلتج احسن مدراس عبدالله:بس عاد خلاص...انا بسال عن الرجال والي الله كاتبه بيصير سندس:كيفك يبه بس غير سامي ماني متزوجه...وصعدت لغرفتها هند:بنتك غبيه واظاهر هذا يبي يقص عليها مثل ما صديقاتها يقصون عليها عبدالله:لاحول ولاقوه الا بالله...وانتي ماكو بعقلج شي تفكرين فيه غير الفلوس...كانج وحده موشايفه خير...وصعدت لدرج هند:هذا جزاي لاني قاعده احذرك وانبهك ...ببيت عائشه... بصاله عائشه قاعده ع كنبه دخل محمد:السلام عليكم عائشه:عليكم السلام...هلايمه تعشيت؟؟ محمد:ايه الحمدلله عائشه:مايخالف يمه اخذ من وقتك شوي...ابيك بموضوع محمد:ايه يمه...ومشى صوبها قعد ع كنبه:خيريمه شصاير؟؟ عائشه:لابس قلت بما أن قاعدين جذيه لاشغل ولا مشغله قلت نسوي لنا مشروع انا ورنا يعني نفتح لنا مطبخ حق الكيك وحلويات وطابخ عزائم محمد:والله زين فكرتوا...ع اقل معاشي يكون لي واقدر افتح فيه حساب بدال مايروح لمصاريفكم ومصاريف البيت عائشه:لهدرجه احنا ضايقين عليك محمد؟؟ محمد:تبين صراحه يمه...واكثر مماتتصورين...ويقوم:ع العموم الله يوفقكم بمشروعكم بروح اصعد لغرفتي انام...تصبحين ع خير ...ببيت بوخليل... بالغرفه دينا قاعده ع سرير دخل عليها بوخليل وقاعد يمهاقامت دينا...بوخليل يتكلم:قعدي...وين رايحه؟؟ دينا:بنزل تحت اشوف تلفازيون بوخليل:هذا الي قدامج شنو؟؟ دينا:انت اكيد تعبان وتبي تنام بوخليل يقوم:انا هالحركات هذي اعرفها زين مازين...قعدي اشوف دينا:ماابي بوخليل:اقولج قعدي دينا دموع بعينها:ماابي ماابي بوخليل مسكها من يدها بقوه ولفها له:اشلون ماتبين؟؟...ع كيفج هو؟؟...دينا قسم بالله لوتميتي تعاندين جذيه ماراح ارحمج دينا:شبتسوي فيني مثلا؟؟... من غير ماتحس جاها كف قوي لدرجه طاحت من طولها:هذا اخرت عنادج تستاهلين... طلع وتركها تصيح بعده:يمه اهى اهى اهى...يمه اهى اهى اهى...وتحاول تقوم:يمه اهى اهى اهى ...مكالما بين سامي وسندس... سامي:هاعمري شصار؟؟ سندس:ابوي للحين بعده يفكر ويقول بيسال الناس عنك سامي:مايحتاج يسأل أحد عني...انا واحد معروف...كل الديره تعرفني سندس:خله يسأل ويتاكد سامي:عمري حوالي تطغطين عليه لاتخلينه يتصرف ع كيفه وبعدين ابوج كله مشغول واكيد بيسال واحد من الخمه الي عنده...ومثلا هذا سال احد من منافسيني بسوق...اكيد بيجيب كلام مو زين عني سندس:ايه والله صاج...انزين شتبني اسوي الحين؟؟ سامي:طغطي ع ابوج وخليه يعجل بزواجنا سندس:اشلون يعني تبين اطغط عليه؟؟ سامي:موهو ابوج؟؟...وانتي بنته الوحيده المدلله...بتعرفين اشلون تطغطين عليه سندس:زين سامي:يله عمري بنام واحلم فيج لين تصيرين حقيقه قدامي سندس:أن شاءالله كلها ايام ونكون تحت سقف واحد سامي:أن شاءالله سندس:يله حياتي تصبح ع خير...ماابي اشغلك سامي:وانتي من اهله عمري ...ببيت سفيان... بصاله منى قاعده ع كنبه سفيان فتح الباب ودخل:يله دشي منار تدخل وبيدها جنطتها:السلام عليكم منى تقوم:وعليكم السلام ورحمه سفيان يمشي صوب الكنبه لين وصل لعند زوجته منى:هذي منار بنت اخوي منى:ادري انها بنت اخوك...بس شعندها جايه ومعها جنطتها سفيان:مسكينه امس امها ماتت وماعندها أحد تقعد معه فقلت دامي انا عمها اخليها تقعد معانا منى:اها...بس احنا عندنا ولد ويبي ياخذ راحته ببيته منار:خالتي دامي بثقل عليكم خلاص بروح ادور لي مكان ثاني سفيان يخز منى بنظر ويلف لمنار:لالا شدعوه...افاعليج بتقعدين ببيت عمج معززه مكرمه...وماحد يقدر يضايقج بكلمه منار:مشكور عمي الله يخليك لي ولا يحرمني منك سفيان وينادي لخدامه:جوري...جوري جوري تطلع من المطبخ:يس بابا سفيان:شايلي عنها الجنطه...ووديها الغرفه الي ع يمين...هي مرتبه موعدل؟؟ جوري:يس بابا مرتب...عيل اخذي بنتي منار خليها ترتاح هناك...واي شي تطلبه سويه لها...زين؟؟ جوري:زين...مشت خدامه شايله جنطه بيدها ومنار وراءها منى:سفيان سفيان يقاطعها:قبل لاتقولين اي شي...ترى هذي محبه مؤقت وابيج انتي بعد تحبينها منى:شناوي عليه؟؟ سفيان:ناوي ارجع نصيب البيت الي عطيته ياهم...وبعدها توالي انتي امرها...انا ماعاد لي شغل فيها ومكانها بيكون الملحق منى:الحين فهمتك ...ببيت عائشه... بالغرفه رنا تطلع ملابس من كبت عشان تغسلهم مسكت بيدها دشدشه طلعت منها رائحه عطر نسائي:عطر نسائي؟؟...شجاب عطر نسائي لدشدشه محمد؟؟...معقوله يكون...لالا محمد ماعنده هسوالف...بس رائحه هالعطر مورئحت عطري...قطع تفكيرها دخول عائشه:بالمبارك بالمبارك...محمد وافق رنا:صج خالتي؟؟ عائشه:ايه صج...يقول بتوفروا علي وبفتك من مصاريفكم ومصاريف البيت رنا:بس خالتي لازم نروح الجمعيه عشان ناخذ لنا اغراض حلويات وكيكات وجذيه عائشه:عندي هناك كم دينار...أن شاءالله يكفون رنا:وانابعد عندي بنحطهم مع بعض ونشتري الي نحتاجه ...بشقه... بصاله حنين قاعده تطالعTvدخل عليها محمد:محمد!!! محمديقعد:ايه محمد...شفيج مستغربه؟؟ حنين:العاده تكون قاعد عندها مو عندي محمد:جاي ببالي اقعد وتغذاء هني اليوم...فيهاشي؟؟ حنين بفرحه:صج بتتغذا هني؟؟ محمد:ايه...بروح اتسبح واصلي واغير ملابسي وطبعاء اذا خلصت احصل غذاء جاهز...زين؟؟ حنين:من عين هذي قبل هذي...انا كم حمودي عندي ...ببيت هند... بالمكتب عبد الله قاعد ع كرسي مكتبه دخلت عليه سندس:قوه يبه...وقعدت عبدالله:هلابنيتي سندس:اكيد قاعد تفكر بموضوع زواجنا انا وسامي...موجذيه؟؟ عبدالله:تقدرين تقولين جذيه سندس:حبيبي بابا...ليش ماتريح تفكيرك وتوافق...ترى سامي خوش رجال...وما تقدم ع هالخطوه الي هو مستعد وبيكون قد هالمسوؤليه عبدالله:انتي تشوفيني جذيه؟؟ سندس:ايه يبه...واذا انت تحبني وتبي سعادتي بليز ووافق عبدالله:والله مادري شقولج يابنتي سندس:قول انك موافق وخلاص...يبه رجال عنده اشغال ويبي يعجل بزواج...لاتعطله عبدالله:دامج مصره ع رايج خلاص ماعندي مانع...انا موافق ...بالمطعم... سامي وراشد قاعدين مقابلين بعض رن تليفون سامي:هذي سندس...ورد عليها:هلاعمري سندس:حبيبي انت وينك؟؟ سامي:طالع مع رفيقي...خير صار شي؟؟ سندس:ابوي وافق ع زواجنا سامي:من صجج عمري؟؟ سندس:ايه والله من صجي سامي:الف الحمدلله وشكر لك يارب...انزين انا بأجر بجيكم البيت وحدد معه موعد الزواج سندس:زين سامي:زين ماقلتي لي...كم تبين مهرج؟؟ سندس:انا مايهمني المهر...اهم شي اكون معاك سامي:بس هذا حقج مشروع عمري سندس:قلت لك المهر مايهمني سامي:شتبين ابوج يقول عني؟؟...بخيل حتى المهر مايبي يدفعه سندس:انزين اخلي ابوي يحدد المهر وبعدها نتفق انا وانت...واكيد انت ماراح تقصر معي سامي:ايه ايه طبعاء عمري