مجموع الأوسمة: 18

البارات 13 ...ببيت سفيان... بالغرفه منار قاعده ع سرير سمعت طراق الباب قامت وفتحت الباب:هلاعمي...حياك دش سفيان يدخل:ليش قاعده بروحج هني يبه؟؟...نزلي قعدي مع منى تحت منار:حبيت اقعد شوي بروحي سفيان:براحتج يبه...تريقتي ولا اخلي الخدامه تجيب لج ريوق؟؟ منار:مالي نفس اتريق سفيان:مايصيريبه تقعدين جذيه ع لحم بطنج...لازم تاكلين وتهتمين بنفسج وبصحتج منار:عمي والله مالي نفس سفيان:موبكفيج...الحين اخلي خدامه تجيب لج الاكل...وطلع ...ببيت سفيان... بصاله منى وولدها جراح قاعدين ع طاولة الاكل يتريقون...جراح يتكلم:يمه...بنت عمي حلوه؟؟ منى:ويع...هذي وينها وين الجمال...والله زين انك ماتعرفها ولا شفتها جراح:كلش كلش جيكره؟؟ منى:ايه والله جيكره طالعه ع امها جراح:لمتى بتم عندنا؟؟ منى:وانا اقول متى بتروح جامعتك...تراك صجيتني باسئلتك...بهالحظه نزل سفيان:جوري...جوري جوري تطلع من المطبخ:يس بابا سفيان:ودي الاكل حق ماما منار جوري:أن ساءالله بابا...وراحت للمطبخ منى:عشتوا وصارت ماما بعد...ليش ماتنزل وتقعد تتريق معانا؟؟ سفيان يقعد:المسكينه مستحيه وحرام نخليها تقعد جذيه بدون اكل جراح بخاطره:شسالفه؟؟...شهلحنيه الي نزلت ع ابوي فجاءه؟؟...ابوي طول عمره يكره عمي وعياله ومكرهني فيهم بعد...والله شكله راسم ع شي سفيان:جرحوه...جرحوه وصمخ جراح يصحى من سرحانه:ها سفيان:توك تصحى؟؟...صار لي ساعه اكلمك وانت ولا ع البال جراح يقوم:انابروح الجامعه...وطلع سفيان:شفيه ولدج؟؟ منى:والله انت الي شفيك؟؟...اظاهر قلبك بدءيحن ويلين ع بنت اخوك سفيان:ههههه...هالشي بذات مستحيل...انا عمري ماراح انسى الي سواه فيني ابوها ...ببيت فاطمه... بصاله فاطمه وسامي قاعدين يتريقون...سامي يتكلم:يمه ذهبج الي تقولين جدتي الله يرحمها عطته ياج للحين بعده موجود معاج؟؟ فاطمه:ايه يمه موجود...خيريمه؟؟...ليش تسال؟؟ سامي:محتاج يمه وابي ذهبج عشان أبيعه فاطمه:مايغلى عليك يمه...الحين اجيبه لك سامي:مشكوره يمه والله يطول لي بعمرج ...ببيت بوخليل... بالغرفه دينا قاعده ع كرسي طلع بوخليل من حمام:نزلي تحت قولي لخدامه تجهز ريوق ديناتقوم:أن شاءالله بوخليل:ههه صرتي تسمعين الكلام...اظاهر طراق حق امس جاب النتيجه دينا لفت له:لو انت صج رجال ماتمد يدك ع وحده جاهل بوخليل:بعد لسانج طويل؟؟ دينااكتفت بصمت: بوخليل:تدرين اشلون...نزلي تحت وروحي ع طول المطبخ ابيج انتي تسوين لي ريوق اليوم دينا:اكيد خدامه مسويه ريوق من صبح...وبعدين انا مااعرف اسوي شي بوخليل:وانا ماابي طباخ خدم دام زوجتي موجوده دينا بصوت خفيف:ياشينها من حلجك...زوجتي بوخليل:مجنونه تكلمين نفسج؟؟ دينا:بنزل اسوي لك ريوق بوخليل:خلال نص ساعه بس احصله جاهز...سامعه؟؟ دينا:نص ساعه وايد...ربع ساعه ويكون جاهز...وطلعت ...ببيت هند... بالغرفه سندس قاعده تطالع نفسها بالمرايه دخلت عليها هند:لعبتي براس ابوج ومشيته ع كلامج سندس تقوم وتلف لها:الموضوع يخصني انا...وانا مسووله ع قرارتي هند:ابوج وايد عطاج وجه سندس:لأنه واثق فيني هند:وثقه الي عطاج ياها والله مو بمحلها سندس:انا الي أعرفه الأم وايد تستانس حق بنتها...ليش انتي تحبين تنكدين علي ؟؟ هند:لاني اشوف كل شي...موعميه مثل ابوج سندس:بليزلا تغلطين ع ابوي هند:من حلاة ابوج عاد ...ببيت بوخليل... بصاله بوخليل قاعد ودينا واقفه ع طاولة الاكل...بوخليل يتكلم:شنوهذا؟؟...الاكل كله محروق...اشلون اكله؟؟ دينا:قلت لك مااعرف اطبخ بوخليل:انتي تعرفين تطبخين بس تعاندين...وقام:بروح دوامي الحين لاني وايدتاخرت...وبعدين بنتحاسب ...ببيت عائشه... بالمطبخ رنا وعائشه قاعدين يسوون طلبيات الزبائن دخل عليهم محمد:عساكم ع القوه عائشه:الله يقويك يمه محمد:ماشاءالله كل هذا طلبيات الزبائن؟؟ عائشه:ايه ماشاءالله تبارك الرحمن محمد:وهم شعرفهم بانكم فتاحين مطبخ؟؟ رنا:حنان بنت خالتي سوت لنا اعلان بالانستقرام محمد:اهااازين...بروح الدوام...تبون شي؟؟ عائشه:سلامتك يمه...وطلع عائشه:الاتعالي ماقلت لج...اشلون نوصل لناس طلبياتهم؟؟ رنا:كلمت عبود ولد خالتي يجي ياخذهم كل يوم وبنعطيه كروته...هو اصلا قده قاعد لاشغل ولامشغله ...بالمطعم... سامي وراشد قاعدين مقابلين بعض...راشديتكلم:قبل مانبدء بخططك الجهنميه نبي نطلب لنا شي ناكله سامي:انت عيوني لك تامر امر..كاهي قائمه قدامك واطلب الي تبيه راشد يطالع فيه:اقول سموي سامي:هلا راشد:خلي ضميرك صاحي واترك الناس بحالهم والي صار صار سامي:كلام هذا بنسبه لي منتهي وانا وصلت لنص الطريق ولايمكن أتراجع عنه....اطلب اكلك قبل ما اهون راشد:والله كيفك ...ببيت سفيان... بالحديقه منار قاعده ع كرسي نزل جراح من سيارته وشافها بطريقه:سلام منار:عليكم السلام جراح:انتي مناربنت عمي مو عدل؟؟ منار:ايه عدل...وانتاااا جراح: جراح ولد عمج سفيان...تصدقين اول مره اشوفج...كنت ادري أن عندي بنت عم واسمها منار بس شكليا مااعرفج...ع العموم حياج الله البيت بيتج منار:الله يحياك جراح:اذا محتاجه شي مايردج الا لسانج...تراني ولد عمج وبحسبة اخوج منار:تسلم ماتقصر...تطلع منى هالحظه تشوفهم قاعدين يتكلمون:هذا شعنده واقف عندها؟؟...اكيد قاعده تسوي له سوالف وتخليه يحبها حسبي الله عليها...وتناديه:جراح...جراحوه جراح يلف لها:هلا يمه منى تاشير بيدها بمعنى تعال ومشى جراح لعندها:هلا يمه منى:شعندك مع بنت عمك؟؟ جراح:ولاشي....وانا نزال من سياره شفتها بالحديقه قلت اسلم عليها منى:مره ثانيه لشفتها سوي نفسك ماشفتها وامشي بطريقك...سامع؟؟ جراح:ليش يمه؟؟ منى:من غير ليش...ويله روح تسبح وغير ملابسك عشان تتغذاء جراح:ماابي اتغذاء...ودخل للبيت منى تطالع بمنار:مالت عليج...ودخلت ...ببيت هند... بصاله عبدالله وهند وسندس قاعدين ع كنبه...سندس تتكلم:بس انا ماراح اسوي عرس ولا طقطقه....مااحب عوار الرأس عبدالله:مهر مارضيتي تاخذينه و ع قولتج تبينه صدقه للفقراء والمساكين قلنا مايخالف ويستاهلون...بس بنسبه للعرس وطقطقه...احنا اهلج وماعندنا غيرج ونبي نفرح فيج هند:ماقلت لك بان بنتك استخفت وزار عقلها...ولا اكو بنت ماتبي عرس وتفرح وتلبس مفنوف الابيض حالها حال البنات عبدالله:سندس يبه الزواج لازم نسوي زواج حتى ولو كان عائلي ومحفوف اهم شي نسوي زواج هند:خلف الله عليج ياهند...الحين وين اودي وجهي من صديقاتي...والله بيقعدون يحشو فيني سنه كامله سندس:الحين انتي هذا الي هامج؟؟ هند:حريم يعزموني بكل مناسبات وعروسهم...ولما بنتي تزوجت ماراح اعزهم...فشلتيني الله يفشلج