مجموع الأوسمة: 18

البارات 17 بصاله عائشه ورنا قاعدين ع طاولة الاكل...عائشه تتكلم:رنا يابنتي لاتقعدين تفكرين وايد لجاء محمد فهمي منه السالفه رنا:محمد مايتحاشى ويجي يطلع رجولته علي...بهالحظه دخل محمد بيده جنطه:يله دشي...دخلت حنين وبيدها ولدها:السلام عليكم رنا وعائشه قاموا وهم مصدومين:؟؟؟ محمد:هذي زوجتي حنين تزوجتها قبل سنه واليوم تحقق معها الحلم الي يحلم فيه كل انسان متزوج من زوجته تحققه له وهي الابوه الي انحرمت منهاءطول ثلاثه سنين...واليوم جيت أعلن زوجي منها قدامكم وتعيش ببيت زوجها معززه مكرمه وتأخذ حقوقها بالكامل بعدما كنت ظالمها كونها زوجتي بسر رنا تجمعت دموع بعيونها:شفتي خالتي...كل شكوكي طلعت بمحلها...يعني كان يخوني وانا مسكينه ياغفرينكم الله محمد:انا ماخنتج انا تزوجت ع سنه الله ورسوله رنا تبكي:هذا جزاءي؟؟... بعدما كنت زوجه وفيه ومخلصه لك...هذا جزاءي؟؟ ...تحملي لظلمك وظلائمك وسوء معاملتك لي محمد:انا اعترف باني كنت ظالمج بس هالشي مايمنع انج تفرحيني وتجيبي جاهل يشيل اسمي رنا:انت تدري ان هالشي بيد رب العالمين مو بيدي محمد:زين خلاص انا مو مجبور اقعد طول عمري مع وحده عاقر رنا:وتعايرني بعد محمد؟؟...طلقني...محمد لوسمحت طلقني عائشه:لاياعيال تعوذوا من شيطان وقعدوا تفاهمو رنا:ماعادبقى فيها تفاهم بيني وبينه...انا بروح بيت اهلي وبآجر ورقه طلاقي توصلني ولا والله اروح المحكمه واخلعك...وصعدت لفوق عائشه:لاحول ولاقوه الا بالله...وصعدت وراءها حنين:جايتي سببت خلاف بينك وبين زوجتك محمد:ردت فعلهاكانت طبيعيه ودامها تبي تتطلق بطلقها واعيش مع زوجتي وحبيبتي وام فارس الغالي ولدي ...ببيت سفيان... باللملحق منار قاعده بزوايه تبكي:اهى اهى اهى...فتح سفيان الباب ودخل عليها:لمتى بتتمين تبكين؟؟ منار بقهر:لين الله ياخذ حقي منك ياظالم سفيان يقرب منها ويمسكها من شعرها بقوه:ظالم ها؟؟...ويشد ع شعرها:انا ظالم؟؟ منار تتالم:بس حرام عليك...حرام عليك...اهى اهى اهى سفيان:تحرم عليج عيشتج...تف عليج...بعدج ماشفتي مني شي ياسافله منار:اه شعري...هدشعري حرام عليك سفيان يهد شعرها:بطلع الحين وان سمعت لج صوت ماتلومين الانفسج منار:عمي انا ماسويت شي...ليش قاعد تعذبني جذيه؟؟ سفيان:قاعد اعذبج لانج بنت انسان آلي عذبني وقهرني واكل حقي ومارحمني يوم بحياته منار:لالا ابوي كان انسان طيب مايسوي جذيه...انت قاعد تتبلى عليه سفيان:لا موقاعد اتبلى عليه هذا هو ابوج عندكم يظهر بصوره الملاك البرئي وعندي يظهر بصوره شيطان الرجيم...عرفتي ليش اعذبج؟؟...وبتم اعذبج لين اطلع قهر سنين الي فيني...طلع وصكر الباب منار:عمي...عمي...عمي...اهى اهى اهى ورجعت تبكي اقوى من قبل ...بالفندق... بالغرفه سندس قاعده قدام المرايه وسامي توه طلع من الحمام:حبيبي شرايك نروح نتغذاء بالمطعم اليوم؟؟ سامي:لامابنتغذاء بالمطعم...بنتغذاء عندكم بالبيت سندس:والله فكره حلوه سامي:بس هالمره لازم تنجحين بتنفذ الفكره الي بتسمعينها مني وماتخذلني مثل هذيج المره سندس:اوكيه سامي:فديت انا الي يسمعون الكلام...يله خلج مركزه معي واسمعي الكلام الي بقوله لج ...ببيت بوخليل... بالغرفه دينا قاعده ع سرير سمعت صوت طراق الباب:منو؟؟ خليل من وراء الباب:انا خليل دينا:شتبي؟؟ خليل:فچي الباب بكلمج دينا:لاماني فاچه ولوسمحت روح من هني خليل:كلها دقيقتين من وقتج دينا:ثانيه وحده حرام اضيعها معاك خليل:يعني مانت فاچه؟؟ دينا:ايه ماني فاچه...روح انقلع يله ياقليل الحياء ...ببيت ام رنا... بالغرفه رنا قاعده ع سرير تبكي دخلت عليها امها:ابوج يقول تعالي تغذي معانا رنا تمسح دموعها:مو مشتهيه امها تقعد عندها:يمه اذا هو تزوج وتخلى عنج...شحقه بعد تبكين عشانه...خله يولي وان شاءالله ربج بكتب لج نصيب مع واحدثاني احسن منه رنا:انا موقاعده ابكي عشانه...ابكي متحسفه على سنين من عمري قضيتهم معاه ام رنا:شقاعد اقولج انا من شوي...ربج بيعوضج أن شاءالله بالي يستاهلج...وبحنيه:سمعي كلامي يمه وقومي غسلي وجهج ونزلي تغذيتي معانا لا تخلينا نحتاين رنا:انا مافيني شي ام رنا:زين...شرايج اجيب لج الاكل لهني؟؟ رنا:لا ماابي اكل ام رنا تقوم:ع هواج...اذا تبين شي بتلقيني بصاله تحت رنا هزت راسها بالايجاب ...ببيت هند... بصاله عبدالله وسامي وهند وسندس قاعدين ع كنبه...سامي يتكلم:كثر الله خيركم عمي عبدالله:امين...وزين انكم جيتوا تغذيتوا معانا وايد ستنسنى فيكم سامي:تسلم عمي الله يطول لنا بعمرك عبدالله:الااقول سامي...شلون الشغل بشركتك؟؟ سامي بالارتباك:ها...الحمدلله الأمور ماشيه عبدالله:الحمدلله هذا اهم شي هند تكلم سندس:سندس وايد ضعفانه...لايكون حامل سندس:ويه يمه توالناس ع الحامل هند:بس ضعفتي سندس:تدرين فيني احب الرشاقه...سامي يغمز لسندس طالعة فيه وحركت رأسها بالايجاب سندس تقوم:ولهت وايد على غرفتي...بروح اشوفها...وصعدت عبدالله:يوم الخميس ماعندي شغل وايد باجي اشوف شركتك سامي:انا هالايام مااجي الشركه تعرف توني معرس جديد وجذيه...بس دامك بتجي حياك الله باجي واستقبالك...ويتكلم بخاطره:والله بلشه ...ببيت سفيان... باللملحق منار منسدحه ع الارض فتحت عليها منى الباب وبيدها الاكل:جبت لج الاكل عشان ماتموتين ونتوهق فيج منار:خذي ابيه منى:بحطه لج وانتي كيفج...وحطته ع الارض:تصدقين هالمكان وايد لايق لج منار:لارد منى:اشوفج وايد هادئه اليوم...وين لسانج؟؟...خفتي تنطقين...هههههه...اشوف والله حرام للحين اثار الطق موجود بوجهج من ذيج اليوم...هههه اعرف اطق مو جذيه؟؟ههههه منار:لوسمحتي طلعي برى منى:اكيد بطلع برى...عيل اقعد بهالمكان المزبل هذا منار:جزاءج الله خير..و.عسى يكون لج مكان اخص من هذا بيوم من الايام منى:ويه بسم الله علي...هذي الأماكن مو لي...لج انتي وامثالج منار:اللهم الهمني بصبر بس ...ببيت عائشه... بالغرفه حنين قاعده ع كرسي ومحمديلاعب ولده...حنين تتكلم:محمد محمد:هلا حنين:انت مو متحسف انك طلقت رنا؟؟ محمد:لامو متحسف هي تبي تتطلق وطلقتها حنين:بس انت كنت تقول بانك تحبها محمد:قبل ما اتزوجها كنت احبها ووايد بعد...بعد ازوج مادري شنو الي غيرني عليها فجاءه...ع العموم كل شي بيني وبينها انتهى...ويكفي وجودج انتي وولدي فارس بحياتي حنين اكتفت بالابتسامه ...بالفندق... بصاله سامي و سندس قاعدين ع كنبه سندس تطلع ملفات من جنطتها:هذي الملفات الي لقيتهم بمكتب ابوي سامي ياخذهم ويطالع فيهم:بس هذا الي يبيه...هذا هو المطلوب سندس:ملفات هذي شنو فيهم؟؟ سامي:فيهم اشياء تخص شركة ابوج سندس:دامهم يخصون شركة ابوي...انت شتبي فيهم سامي:بهذي ملفات اقدر اخذ حقج من غير مايعرف ابوج سندس:وهالشي ماراح ياثر ع شغل ابوي أو ياثر ع فلوسه؟؟ سامي:طبعاءماراح ياثر...وبعدين لاتفكري اني ممكن اذي ابوج...ترى ابوج عمي وحسبت ابوي سندس:ادري فيك تحب ابوي سامي بخاطره:الي ابيه وصلت له...والحين مانا بحاجه لج...الحين جاء دور ابوج انتقم منه سندس:سامي متى بتعطيني ملفات عشان ارجعهم بمكتب ابوي سامي:يوم يومين بالكتير ...ببيت بوخليل... دينا فتحت باب غرفتها لفت راسها يمين ويسار ماشفت احد:شكله طلع...مشت لين قريب من درج ظهر بوجها خليل...دينا:بسم الله الرحمن الرحيم...انت هني؟؟ خليل:ايه اكيد هني...وين تبيني اروح وانتي موجوه بهالبيت دينا:لوسمحت احترم نفسك خليل:مااقدر اشوفج واظل ساكت دينا:خليل ترى الي قاعد تسويه عيب خليل:موبيدي يادينا والله العظيم مو بيدي...يله تعالي معاي لغرفتي خلنا نسولف شوي هناك دينا طقته كف:صج انك عديم التربيه خليل بعصبيه:تمدين ايدج علي...انا اعلمج...يبي يمسكها رجعت ديناء خطوه لوراء من غير ماتنتبه بأنها بتطيح من درج وفعلا طاحت لاخر درج تحت