مجموع الأوسمة: 18

على كثر الهموم اللى تجينـي مـن هنـا وهْنـاك
حبيبـي كـلّ هَـمّ يْـهـون يــوم ألـقـاك قـدّامـي

من اوّل ما نظَـرْ عينـي يعانِـقَ بـارق مْحَيَّـاكْ
بشوفك تحتفل حتى الجروح .. وتسكـن آلامـي

كأنّي في زمـن غيـر الزمـن لَمَّـا أكـون وْيَـاك
وْكَـنّ العمـر يبـدا فـي لقـاك وتشـرِقْ أيّـامـي

أحبّك؟ .. كلّ شي فيني يحبّك يعشقـك يهـواك
ولا حَدّ في الهوى مثلـي متيَّـمْ .. هايـم هْيامـي

عيوني مهجتي روحي فـؤادي منزلـك وحْمـاك
حياتـي كلّهـا لاجلـك غـرام وعـشـق متنـامـي

بروحي والعمر أشري هَنَاك وبسمتك وِرْضَاك
أموت ولا احتمِلْ دمعـه تِجَـرِّحْ خَـدّك السامـي