يوم انا رديت من ذاك السفر
شفت نور العين قبلي بالمطار
ينتظرني وشفت شوقه بالنظر
والسفر طول عليه الانتظار
شافني ومن الفرح دمعه عبر
جا وصافحني وفي يده سوار
قال يامرحب تراحيب المطر
وعد ماينبت من أشجار وثمار
قلت له مليت جيتك ياقمر
ياحياة الروح ياشمس النهار
انت من دونك حياتي في خطر
مالها قيمة ولاحتى اعتبار
كم شكيت بغربتي ظلم السهر
وذقت كل الهم في ذيك الديار
رغم ماعندي لوجهك من صور
بس ماكانت تنسيني المرار
كانت تسوي من اشواقي بحر
يرتفع موجه الين أعلى مدار
واتذكر شوفتك عند النهر
تبتسم تضحك وكلن منك غار
ويوم شفتك بعد ماعدى شهر
جيتني خايف وبعيونك وقار
يومها غبنا عن عيون البشر
عاشقين وسرنا مابه جهار
شفت بعيونك ملاذي والمفر
وشفتني ساكت وبعيوني قرار
عندها صافحت يدك ياقمر
وقلت شعري فيك واهديتك سوار