مجموع الأوسمة: 18

من غلاك اعاتبك وازعل لعينك واتشره
من غلاك اعاتبك وازعل لعينك واتشره
ذاب في قلبي العتاب وفي هواك القلب ذايب

لو تعرف اللي لحقني من كلامك من مضره
كان ماجاك الصباح الا وراسك منه شايب

كان قصدك يوم قلت الهرج ذا تبريد حره
ما استحق القسوة اللي جاءتني وانت السبايب

صار كل الكون ضدي ما صفى فلعمر مره
والزمن يجري ولا ادري وش معه لي من مصائب

حظي اللي كنت احسبه عاثر لله دره
يوم جابك قلت يا حظي كسبت أغلى الكسايب

التقيتك بالوداد وبالحنان وبالمسرة
ما عطيت الود غيرك لا وداد ولا طلايب

ثم تعاهدنا على حب يدوم بمستقرة
عامر لو حط فوق اللي رحل منا نصايب

يشهد اللي فات بعهود علينا مستمرة
لو نقضت العهد ماني بنت حلال النشايب