مجموع الأوسمة: 18

قصيدة سيرة عقابان - مطلق النومسي أقام الشيخ عبدالكريم بن عقاب العواجي حفل بمناسبة شفاء خادم الحرمين الشريفين الملك عبدالله بن عبدالعزيزال سعود اطال الله في عمره بعد الوعكة الصحية التي المت به في محافظة تيماءحيث اجتمع شيوخ وكبار وابناء قبيلة ولد سليمان وكان من ضمن فقرات الحفل تكريم لشاعر المبدع دائما مطلق النومسي وشارك ابناء عمومته والشعب السعودي الفرحة بسلامة خادم الحرمين الشريفين وليس بمستغرب على شاعرنا هذا الشعور الأخوي الكريم و وحدة الصف بين مواطني الخليج العربي. طواريق القصيداللي تغنى بيني حين وحين نحولها قصايد والقصايد من يغنيها يغنيها الشعور اللي يبين فوق موق العين وانا عيني تسريني غلا قدام اسريها سريت من الكويت ودرت وجهي يم تيما لين تنطحت الشمال وحركت نفسي طواريها يقولون العرب علم الحيا والغانيمين يبين وانا ربعي تبين والحيا يشبه يمانيها ياضلع غنيم علم برد لايشكي عذذاب وبين مادامه في حجا تيناء وتيماء تحت اهاليها واهاليها ربوعي عز هالدولة وعز الدين وانا بسم الشيوخ احيي ربوعي واحييها بسم عبدالكريم عقاب شيخ معرب الجدين وجدانه نفاخر بين خلق الله باساميها واليا قيل العواجي قيل والله كفو والنعمين رجال يعرف التاريخ حاضرها وماضيها سلالة فخر وايل قبل تطلع بيوت الطين عقاب الخيل وعقابان سيرة نفتخر فيها ياكم ارقاب راحت من طغانا مالها تثمين يوم العفن ينقز جرة المهره ويهبيها تواريخ وبطولات وفخر يستاهل التدوين ثلاث مية سنة او زود والاجيال ترويها وهالحينه بحمد الله نزلنا تحت حكم الدين وبايعنا معزي لين ثبتنا مباديها وابن مقرن معانا بالنسب والدم والتكوين وحنا قوم نفخر كل ماقالوا بني خيها وهذ الليل جامعنا فرح سلامة الركنين عيال سعود حكام البلد وحماة اراضيها سلامة راس عبدالله عسى راسه يدوم سنين وسلامة عضدة الايمن بدم القلب نشريها على التلفاز يمشي لاعدمته مشية التمرين وحنا نرفع كفوف الدعاء والشكر ماليها عسى ربي يحفظه للعرب قولي معي امين وعسى نفس تمنى طيحته مولاي يرميها من نيويورك شف شعبك بتياء بالخبر فرحين وروحك ياجلالة سيدي بالروح نفديها بسم عبدالكريم عقاب قلناها بنطق زين ضنا سليمان عند الشيخ ياربي تحييها