في حبك تماديت
مديت لك .. واخذت مني .. ولا اعطيت
وطلبتني في شي وخذيت كل شي
وسامحتك لأني في حبك تماديت
وامسيت لي واصبحت في الصبح مو لي
بلا سبب ما اخطيت .. وان كاني اخطيت
اخطيت يوم اهدي ضميري وهو حي
المشكلة قَفيت عن وافي الصيت
وسايرت ناس باعت لحومها نِي
غروك من قدح الفلاش وتناسيت
ان الفلاش يموت في حضرة الضي
شبيت نارك في حماي وتدفيت
ماتدري ان صافي لواهيبها في
والحين نارك كنها نار كبريت
وانا بحر والبحر ماضرهـ الكي
شف نار راس العود ان كان شبيت
بتهينها لا ولعت قطرة المي
|
|
|
|