مجموع الأوسمة: 18

يبقى الغلا ما ينزّحه العتب و اللوم
في قلب صادق يصون الحب و العشره

إليا تشرّه عليك الغالي من القوم
لا صارغالي ف حقه يعتب و يشرّه

بالعكس يزداد قدره كل يوم و يوم
و يقل ف القلب قدر إنسان ما يشرّه

و إللي يحبك بيعطيك العذر ملزوم
قد قيل من حب صدق من الصعب يكره

كن الزعل ف السما لا تلبدت بغيوم
و إليا تلاشت صفت و أنقشعت الكدره

الدعوه إحسان و امصافح و حب خشوم
و العفو واجب ليا من صار لك قدره

ما تدري الناس كلٍ فيه كوم هموم
و كلٍ معه حقه و كلٍ معه عذره

و ترا حياة البنادم مستحيل أتدوم
و يدوم ف الناس من له سيرةٍ عطره

كم حي روّح من الدنيا وهو محروم
و كم واحدٍ خلدوه الناس من ذكره