البارت 23

صبااااح جديد ��

نجود صحت واخذت شور
ولبست فستان ميد
ناااااعم باللون الابيض .. شعرها ع طبيعته
صحى راكان ع ريحة
البخور الرايييقه .. رفع راسه وشافها
تلبس اكتسواز
راكان والله لا انكد
عليك : ما تشوفيني نايم ؟
كل هالازعاج سلامات ؟
ع انها كانت تتحرك بـخفه
وما حسّ فيها
نجود وهي تعدل روجها :
عمي اتصل وقال لي
ينتظرنا ع الغداء
راكان عدل جلسته :
وليش ما قلتي لي ؟

نجود بكذب : صحيتك
وما حسيت ش اسوي فييك
راكان : اُف
ابتسمت بنفسها وتحس
انها سوت انجاز !
لانها تكذب ما صحته
ولا شي .. !! راكان اخذ شور سريع
ولبست ثوب وشماغ
بـعجله ابوه ما يحب
الانتظار .. !
راكان : اذا ابوي كان
يبيني سوي اي شي
وصحيني سااامعه
نجود ببرود :
مو مسوؤله عنك انا
انتبهه لـ جوالك
راكان تمالك اعصابه
ما يبي يصارخ ع هالصبح !
نزلو تحت وكان
فعلاً بـ انتظارهم ابو راكان
وبـفرح : ياهلا ياهلا
نجود باست راسها :
شخبارك عساك نمت مرتاح
بعد امس ؟
ابو راكان : اي والله يا بنيتي
يالله لك الحمد
وجلسو ع طاولة الطعام ��.. راكان : وين باسل ؟

ابو راكان : نزل قبل الظهر
هو وزوجته و افطرو معي
راكان : بـ اتصل عليه
ينزل يتغدا

ابو راكان : لالا كذا
افضل البنات ما ياخذون
راحتهم
نجود : عادي عمي البس
حجابي
راكان : شهالكلام يبه
الي مو مرتاحة تروح تتغدا
بغرفتها كيف
واتصل ع باسل وقال
له انزلو تغدو معنا
نجود الي كان معها حجابها
احتياطاً لان باسل عايش
معهم ..

عند باسل ��

باسل : يلا البسي
بننزل نتغداء مع
ابوي
هدى : افطرنا معه !
باسل : لا يكثر وقومي
البسي بس
وايه احسبي حساب
راكان وزوجته تحت !! هدى قامت بتملل ما
تبي مشاكل من اول
شي .. !
وما في الا دقايق ��

ونزلو باسل وزوجته
واتجهو لـ طاولة الطعام .. وجلسو بجنب بعض

ابو راكان بـفرح :
الحمدلله الي بلغني
هاللحظة واشوفكم حولي
مع زوجاتهم وتنهد بفرح :
عقبال ما اشوف عيالكم
قولو امين
نجود لاشعورياً كحت
بصدمة .. قال عيال قال !
مد لها راكان مويا :
تخيلي عيالي انا امهم
وحده **** وضحك بسخرية !

نجود حاولت تكتم غضبها !
هدى بـجراءه : الله كريم
عمي .. باسل حرك رقبته بغضب
وحاول يتمالك نفسه !
عم الهدوء لـ ثواني .. هدى : اممم نجود انتي
عشتي بالكويت صح ؟
نجود : ايه .

هدى : الله يعينك شلون
استحملتي
نجود : استحمل ايش ؟
هدى : يعني ابوك عايش
بعيد عنك ولا يدري عنك .. نجود تحاول تطول
بالها : كان يزورني
بين كل فتره وفتره .. هدى بسخرية :
ههههههه ايه ايه
يتنقل بين بناته الاربع
صراحة ابوك ذا
نجود ما تمالكت
اعصابها الا ابوها !! وبصرخة : شنو خصج
بهالموضوع ؟؟ كان يزورني او لا
انتي منو عشان تسألني
هالاسالة .. هدى بسخرية :
اتطمن ع سلفتي بس
حرام طلعت يتيمه وابوها
عايش بعيد عنها !!! نجود الي كان بيدها
كوب المويا لاشعورياً
كبته بـ وجهه هدوء قدام
الكل !!! وبصرخة : احذرج للمره
الثانيه اهلي حياتي
الخاصه ما لج علاقه
فيها
الكل بحاله صدمة
هدى ببكا : مجنونه
انتي ش سويت ما
تشوفها يا عمي !

��.. نجود وقفت وبغضب :
لما يكون الموضوع ابوي
ما علي من اي احد
وبصرخة : سااااامعه !! واتجهت للدرج بغضب
هدى هي كانت مستقصده
تستفزها
بس ما تخيلت رده الفعل
الجنونيه !! مد لها باسل منديل
وبهمس : كله من
لسااانك
راكان كان بيقوم وراها
بس وقفه صوت ابوه :
خلها يا راكان
راكان : ما احترمت اي
احد !
ابو راكان ركز ع هدى :
سمعت كلام ثقييل
وتعرف هي حساسه
بموضوع ابوها
هدى ببكا : ش ذنبي كنت
اسولف معها
ابو راكان : اذا هذي
سوالفك لا تسولفين معها
وقاام من الغداء
باسل طق الشوكة ع
الطاولة وبغضب :
عاااجبك الي سويته ؟؟؟ نكدتي عليهم الغداء
هدى : ما سويت شي
باسل رفع يده وده
يضربها ع فمها بس
تمالك نفسه وقام من
السفرة !
هدى ناظرت لـ الطاولة
الكبيره الي طلب منهم
ابو راكان يجهزونها
عشان عياله وزوجاتهم .. !
وقامت تاكل بـشراسه
احسن ان شاء الله كل
يوم تزعلون .. !!! في بيت ام فهد ��

بعد الغداء كل البنات
بدو لـ التجهيزات
العشاء
لـ بنتهم نجود و هدى
من باب الذوق فقط !

بغرفه راكان ��

راكان بغضب :
صاحيه انتي !
شلون تسوين بالبنت
كذا وقدام ابوي !! نجود تحاول تتجاهل
دموعها بس واضح من
نبره صوتها البكا :
الا ابوي ما اتستحمل
احد يتكلم عنه او عن
ماضي حياتي الي عشته !
راكان : تقدرين تردين
عليها بـ اسلوب
غير هذا
نجود بدت تحرك رجولها
بتوتر وخوف : اصلاً انا انا
عشت طبيعي انا ووقفت
وتحرك يدينها بتوتر :
انا كان عندي ام
ايه ايه ام ربتني وعاشت
معي حطت راسها ع
الجدار وبدت تضرب راسها
ع الخفيف : ما ناقصني شي
ليش تقول يتيمه ليش
وضربت راسها بقوه
سحبها راكان مصدوم
من تصرفاتها !!!!!!! راكان : شفيييك
نجود الي بدت تفقد
السيطره ع نفسها :
حتى انت حتى انت
تظن اني ****** لان ما احد رباني
صح صح وبدت تضربه
بخفه ع صدره :
ادري حتى انت تفكر
اني تربيه ****** لالا والله لا امي ربتني
وابوي وتنهدت ببكا :
كان يزورني وعند
اي خطا يعاقبني حتى لو
ما كنت راضيه عليه
وبعدت عنه وحطت
يدها ع راسها وكانها
تحاول تمنع التخيلاتّ ! : ابوي اكيد كان راضي عني
ايه ايه انا بنته اكيد
بس وبتوتر واضح :
مات وانا قبلها بسنتين
ما شافته
وبدت تهز رجولها :
ما شافته كنت زعلانه هي
بس مع هذا ووقفت بحده :
زوجة اخوك ما لها حق
تتكلم معي كذا
ما لها حق ما لها حق
وبدا صوتها يهدأ ... راكان كل هالوقت
مذهووووووول جداً .. !!
شفيها كذا
ليش تتكلم وتتصرف كذا !
وجلس وهو يتذكر كلام
فهد لما تهاوشت مع
وسن " لازم اطول بالي عليها
بعد وفاه امها دخلت
الطب النفسي مرتين
وخالتها تقول من وفاه ابوها
صايره حساسه مره
بخصوص هالموضوع فما
ابي اضغط عليها "
ضرب ع جبينه بخفه
وهو يشوفها جالسه
وضامه رجولها لصدره
بتوتر وخوف .. !
يعني عشان كذا
اُف منك يا هدى !! كيف بتعامل معها ؟
اتصل ع فهد
لالا ش بيقول عني
من صباحيه زواجها زعلتها !!!

انتهى....