البارت 28

بغرفه طارق 🌷

ام طارق جالسه ع السرير بس ما اخذو طارق للعمليات يالله لك الحمد
ابتهال : مين المتبرع ؟
ام فهد : فاعل خير أكييد .. !
ام طارق : الله يوفقه ويجزاه الجنـة الله يسهل له كل عسير الله يفرح له أبواب رزقه ياااكريم ..

() بـغرفه العمليات 🌷

بعد مرور ثلاث ساعات .

كانت العمليه سهله جداً من غير اي مضاعفات
بعد ما خلصت
الدكتور حمد : انقلوا المريضة لـ الطابق الثالث وانتبهوا احد يقولو لهم اسمها رفضت كشف هويتها
الممرضين : اوك
الدكتور حمد : وراقبوها ٢٤ ساعه لو قدر الله وصار فيها شي
و اتجه للباب يطمن العائلتين ع ابناهم ما كان يعرف انها بنت خاله !!
اتجه لـ ام ميثا الي كانت قريبه : ابشرك بنتك بخير وخلصنا العملية بننقلها بجناح خاص
ام ميثا بفرح :الحمدلله الحمدلله ..
اتجهه لـ ام طارق الي كانت تدعي وتستغفر : ابشرك يا ام طارق طارق صار بخييير
ام طارق بفرح :يالله لك الحمد يالله لك الحمد
ام فهد بفرح : الله يجزاك خير يادكتور ويطمن بالك ويحفظك
الدكتور حمد بـ ابتسامة : اجمعييين
ام طارق : وين المتبرع او اهله بنشكرهم ؟
الدكتور حمد : للاسف رافض احد يعرف من هو
وبـ ابتسامة : يبي الاجر والدعوات .
ام طارق : وصل له سلامي ودعواتي والله مستحيييل انساه رجع لي وليدي بفضل الله .
الدكتور حمد : ان شاء الله .. واتجهه لغرفته يرتاح شوي لان جدوله اليوم مزحوم بالعمليات النقل () .

انتشر خبر نقل الكبد بنجاح والكل فرح وانبسط لـ طارق سـوا من اهل او معجبين ❤️..

عند نجود 🌷

كانت بـمركز الشرطة التابع لسجون ****** جلست بغرفه الانتظار تنتظر عُمر !! المسوؤل لما عرف انها
من قرايب العقيد نايف الـ ******* سمح لها من غير ما يعرف من السجين او ايش تهمته !!

نجود جالسه بتوتر

عمر لما قالو له استغرب ! من الي زايرتني ! امي من تزوجت نستني معقوله هي !
لما دخل انصدم من وجود نجود !!!!
عمر بصدمة : نجججود
نجود ناظرت بخوف والذكرى تجدد لها !
عمر بسخرية : لاتقولين اشتقتي لي بس !!
نجود : انا جايه اسالك سوال واحد بس !
ليش سويتو فيني كذا ؟ ش ضريتكم فيه ؟
ليش كذبتو علي وقلت لي انك زوج سهام !
عمر بسخريه : ههههههه السبب ما فيييه بس عجبتيني شفت صورتك ودخلتي مزاجـي
نجود : ما تخاف الله ؟ تعرف انا ش عانيت منه ؟
انجبرت اتزوج من شخص ما ابيها ويشك فيني ! بس عشان ما يقول لا اهلي !!
عمر بسخريه : ههههه محظوظ فييك
نجود بعصبيه : احترم نفسك احسن لك !
عمر : بس صراحة صدقتك لما قلتي انك معجبه فيني هههههه بس خطك 👌🏻
نجود : ليش ع بالك انا وحده ***** اروح حفلات مختلطه ؟ انا بنت ناس واخاف ربي !
والله لو كان عندي ادنى شك ما جيت بس كذبت علي قالت حفلة عيد ميلادي !
وعمري ما حسيت انها من *******
عمر: لأنك بريئة ونيتك زينه مع الكل نصيحة أنا هالحين اخذت عقابي وسهام اخذت عقابها بس انتي
اعرفي من تصادقين ! اعرفي مع من تجلسين وتدخلينهم بيتك مو كل الناس طيبه مثلك
ووقف واتجه للباب نجود نزلت راسها

فعلاً انا كنت مغفلة !


بعد مرور يومين

ع الاحداث الاخييرة 💛.. طارق تحسنت صحته
وميثا بعد .. () بغرفه طارق :
روحي ارتاحي يا يمه والله تعبتي
ام طارق : بشوفتك مرتاحة يا وليدي
طارق : عشاني تكفين ؟
تنهدت ام طارق : ما اقدر اردك يالغالي هالحين اتصل ع السواق يجي ياخذني ..

بغرفه ميثا 🌷

فهد بغضب : لليش للييش ؟؟؟!!!
ميثا : فهد الله يخليك طول بالك هذا انا بخير وطارق بخير وعمو مرتاحة
فهد قرب منها :كنّا بنحصل متبرع غيرك
ميثا : ابا الاجر انا
تنهد فهد وجلس
ومسك يدها :طيب ليش ما قلتي لي !
ميثا :كنت بترفض !
فهد : طيب كيف صرتي هالحين ؟
ميثا : بخير الحمدلله يومين واطلع ان شاء الله .
فهد : امك وينها ؟
ميثا : ما ادري طلعت من شوي
فهد بنفسه اه يا ميثا وجلس يلوم نفسه لو صار فيها شي هذي امانه ابوي !!!

شوي اتصل جوالها ، مده لها فهد 🌷

ميثا : هلا امي وينج ؟
ام ميثا : اخذت لج كم بيجامة
ميثا : انزين امي فهد يبا يرمسج
ام ميثا : نص ساعه وانا عندكم
ميثا : اوكي .. قفلت من امها : شوي وبتجي
فهد : ب اشوف طارق واجي
ميثا برجا : لا تقول له
فهد تنهد : ابشري ..

عند نجود 🌷

نزلت فنجال قهوتها و ابتسمت بفـرح وهي تسمع التسجيل !
وبنفسها هييين يا راكااان بس تهدا الأوضاع ارسله له واطلب الطلاق وأرتااح منه !! " 🔒 "

في المستشفى 🌷..

فهد : ليش يا خاله سمحتي لها ؟
ام ميثا بضحكة : عنيـده
فهد تنهد : لو ترجع والله مستحيل اسمح لك لو قدر الله وصار لك شي ؟
ميثا : فهد والله انا بخييير الحمدلله ..

بـغرفه طارق 🌷..

طارق : ممكن تاخذني للمتبرع؟
الدكتور حمد بتوتر :ما يبي احد يعرف
من هو
طارق : بشكره بس !
الدكتور حمد : خصوصيه المريض ، ما يبي الا الدعوات ..

طارق بنفسه غريبه شسالفه !!! يعني لو عرفته راح يروح عليييه الاجر !! لازم اشوووفه !!

في بيت ابو راكان 🌷

ابو راكان : وين زوجتك ؟
راكان : ما ادري عنها
ابو راكان : روزانا روزانا ..
روزانا : نعم بابا
ابو راكان : قولـي لنجود تنـزل راكان بيتغذا
راكان :يبه انا آكل بروحي
ابو راكان : زوجتك موجوده تساعدك ..

شوي نـزلت نجود وجلست بجنب راكان 🌷

نجود : ش احط لك ؟؟
راكان من غير نفس : سمك
نجود بـ ابتسامة : ابشر
راكان تنرفز من رواقانها انا ابيها تكرهني ما ابيها تتعلق فيني !!!

بدت تؤكله بـ رواقان وابتسامة : السلطه ع ذوقي ممُكن حبيبي ؟
راكان كلمة " حبيبي "
لامس شي بقلبه !! تنهد وبهمس : لا تعيشين الدور
نجود بضحكة : انت عاد لاتصدق .. !

بالليل 🌷

كانت الممرضة المناوبة ما تعرف عن تنبيه الدكتور حمد بخصوص ميثا !
طارق : لو سمحتي ؟
الممرضة : تفضل
طارق : ابي اعرف اسم المتبرع او اشوفه ؟
الممرضة : المتبرعة قصدك
طارق : بنت ؟
الممرضة : ايه بنت امارتيه اتوقع
طارق : الله يجزاها خيير... وبنفسه عشان كذا يمكن خجلانه منّا"

الممُرضة : بـ اروح اشوف ميثا محتاج شي ؟
طارق : لا شكراً وصلي لها شكري وانا بالخدمة اذا محتاجة أي شي بالسعودية ان شاء الله بـ ارسل لها كرتي
الممرضه : ان شاء الله .

بـغرفه راكان 🌷

نجود هههههه والله لا اجننك قبل لا تطلقني !
لبست فستان قصير باللون الاسود ماسك ع جسمها
وشعرها ويفي وحطت ميك آب نااعم وعطرها المفضل .. لما سمعت صوت الباب اتجهت له
واستقبلته بـ ابتسامة : هلا هلااا
راكان اتسعت عيونه بـ اعجاب مهما حاول يخفي اعجابه ويظهر كره ذيك اللحظة
ضعـف قدامها !!!

ابتسمت نجود وقربت منه : اساعدك
سند جسمه وهو متخدر من ريحة عطرها وجمالها النااادر
وصل السرير وبعدت عنه : محتاج شي ؟
راكان : لا شكراً
نجود ابتسمت واتجهت لـ الكنب تكمل قراءة كتابها وكانت تعرف انه يراقبها !!

راكان وبنفسه يقول "لا تنخدع يا راكان لا تنخدع !!! هذي وحده ******* !!"

🌷 نجود بنفسها ههههه والله ما شفت شي يا ركان....

واتجهت لـ الكوميدنا الي قريبه من راكان وفتحت الدرج ع انها تدور شي !
وهي اصلاً كل ذا بس عشان تقهر راكان !
لاحظت نظرات الاعجاب ع انه يظهر لها الكره !
راكان : ش تدورين ؟
نجود رفعت راسها وسبلتّ بعيونها : شاحن تلفوني
راكان : شاحني هناك
نجود بـتمثيل : ايش هذاا " اثر جرح من الحاااادث "
وحطت يدها ع خد راكان بخف وبحنيه : يألـمك ؟
راكان : خفيف
نجود : ابوسه لك ويخفّ ههههههه

هي قالتها بمزح بس راكان الي كان منتظر منها اي شي !
سحبها لحضنه بكل قوه وقرب من شفايفها واخذ قبلـــة بكل شوق واعجاب !!!
نجود انصدمت اول شي !! واستدركت الموقف وسحبت نفسها
وبصرخة : مجنووونن انتتتتت
راكان مسح اثار روجها وتذكر عمر لما باسها
وبصرخة : لاتلعبين بالنار يا نجود ترا النار تحرقك !!

ووقف بصعوبه واتجهه للباب
نجود نزلت دمعتها بقهر ونددم !!!
واتجهت للدورات المياه ( اكرمكم الله )
وناظرت نفسها للمرايا وتحديداً شفايفها
اخذت صابون وحطت ع شفايفها وتاخذ من
المويا بيدها وتمسح بعنف !!! وبكا بصوت مسموع : تستاهليين تستاهلييين.....
قفلت المويا وسندت راسها ع المغسلة وبكت بحررقة وندم !!!

اما راكان نزل للحديقة

ومتجاهل الم رجله يبي يطلع من هالبيت يبي يبعد عنها !!!

شفيييك انت ما تمالكت نفسك !! عادي هي حلالي !
لا تكذب ع نفسك انت اخذتها بس عشان تكسر عينها
بس اعجبت فيها لا... لا... لا... ما اعجبت هذي وحده ***** !!


عند طارق 🌷

من طلع من غرفه الاشعة اتجهه للرسبشن :
لو سمحتي كم رقم غرفة المريضة ميثا الـ ***** ؟
الموظفة : ٩ الطابق الثاني.
طارق : شكراً
واتجهه لغرفته بمساعدة الممرضة وهو يفكر
كل شي كان واضح هي اختفت بيوم العملية ع كلام امي سافرت
والممرضة قالت لي بنت امارتيه كيف ما ربطت بينهم !!! وابتسم من قلب ع
طيبّه قلبها وبكل حُب وامتنان : الله لا يحرمك الاجر !

في بيت ابو راكان 🌷

كانت جالسه بجنبه بعد الغداء وهي مره كاره هالوضع بس عشان عمها !
وبنفسها اليوم لازم أقول له لازم !!!

راكان : شاي لو سمحتي
نجود بـ ابتسامة : ابشر يا قلبي
ابو راكان : الله يسعدكم
يا رب ويجعلكم من هالحال للأفضل
نجود بنفسها هه اخر مره بتشوفنا كذا يااا عميّ !!

في الشرقية 🌷

ابو احمد بمحل اثاث يختار غرف لعياله ، وتذكر زمان احمد كان يسولف مع امه وانه يتمنى غرفه
واسعه وفيها صور للـ ******* ولونها **** اختار له غرفه مناسبه لـعمره وبالوان فريقه الرياضي
واتجهه بعدها لـ مطابخ الـ **** " واختار مطبخ كلاسيكي باللون ********
وبنفسه تستاهل ام احمد
كان يضغط ع نفسه بين دوامين مسائي وصباحي واخذ قرضين من البنك ****** !
ودفع مقدماً اجار بيت سنة () !

في الليل 🌷

بالحديقه كان راكان جالس ما يبي يشوفها !!

نزلت نجود وسالت روزانا عنه وقالت بالحديقة !!!
اتجهت ومعها جوالها وناوية تسمعه التسجيل !
نجود : سلااام
راكان نظر لها بـ استحقار وببرود : وعليكم السلام ..
نجود الي كانت تعرف لو تكلمت بيهاوشها
ويمكن ما يسمح لها تكمل !!
نجود : بـ اسمعك تسجيل مهم أتمنى تسمعه للآخر
راكان بـ استغراب : ايش ؟
نجود مدت جوالها له....

بهالوقت فهد كان داخل بيت عمه
يبي يتطمن ع راكان () وهو كان يمشي سمع صوت بالحديقة واتجه له !!

راكان كان يسمع التسجيل اول شي صرخ صرخة مرعبة : رحتي له يا "****".....
نجود ببرود : كمل لو سمحت !

فهد شفيه يصارخ ؟؟؟!!!
قرب من الجلسه !

راكان اتسعت عيونه بذهول من الي يسمعه من بداية اعجاب عمر لـ كلامه الـ **** عنها
وانها كانت بريئة وهم سحبوها وخدعوها !!!!!!!!!!

حذف الجوال بقهر وندم !! وبصرخة : للللييييشش ....للليييشش هالحييييين لللييش
بععععد ما تعععلقتتت ؟؟؟؟
فيييييك ليييشش ما قلتتتي لييي من اولللل لييشخليتيني اتزوووجججككك واهييييينككك ليييشش
بعد ماااا تعععلللقتتت فيييك ليييشش ؟؟؟؟!!!!
نجود نزلت دموعها بقهر : كم مرههه قلللت لك اني بريئة
كم مره قلت لك انا مو ******* انتي الي مو راضي تسمعني !!!!!!!
راكان : انااا شفتتته يضممممك شفتهه بعيييوني
يبوووسسسك كيييف تبيييني اكذب عيوووني
واصدددقككك كيييف ؟؟؟؟!!!!

نزل راسه بقهر ودف الطاولة بكل قوه برجله الي فيها شعره "شرخ في الساق"
حاول يكتم الالم بس تلقائياً طعلت : اه
نجود تمالكت نفسها : طلقنننننني راكان طلقنييي
راكااااننن : مجنووونننههه انتتتتي !!! بعععد ما عرفت انككك بريئه تبينيييي اطلللقككك !!!


بهالوقت دخل فهد () !!!
انصدموا الاثنين من وجوده !!!
فهد بغضب : شسالفة !! وبصوت عالي : ليش تبين الطلاق ؟
وانت ش الي ماسكه ع اختي وتهددها فييه ؟؟؟
راكان ونجود سكتوا بتوتر
فهد بصرخة ارعب نجود : احد يقول لي شسالفة
قرب من نجود : تكلمي ش فييه ؟؟
واخذ الجوال من الارض وبصرخة : تكلمي
نجود بخوف وتوتر : حكت له كل السالفة من تعرفت ع سهام الى زيارتها لعمر بالسجن !!!

فهد جن جنونه وقرب من راكان ودفه بقوه ع الكرسي وبغضب : مااا تستحيي انت زوجتك اختي عديت رجالّ ينشد فيييه الظهر
راكان : فهد اسـ
قاطعه بغضب :والله ما تبقى ع ذمتك دقييقه وحده طلقها
راكان : فهد استهدي بالله لو انت مكاني
فهد بصرخة : لو انا مكانك ما اشك ببنت عمي وزوجتي اسمعها اعرف ش السبب الي خلها تروح هالطرييق
راكان : ادري والله انا غلطان
فهد : نجود بسرعه جهزي شنطتك
راكان وقف وبغضب : زوجتي ما تطلع من بيتها
قرب منه فهد ولكمه ع وجهه : لا تقول زوجتي
راكان حط يده ع شفايفه مكان لكمه فهد : الزم حدودك يا فهد
فهد نزل شماغه : ش عندك ؟؟؟ وقرب منه والغضب
يتطاير من عيووونه : اذا ما لزمت حدودي ش بتسوي يعني ؟؟
راكان ما تمالك نفسه وضرب فهد لكمه ع وجهه
وكل واحد منهم أقوى من الثاني فـ كانت المضاربة قويه
نجود ببكى : خلاص تكفون خلاص
قربت من فهد وسحبته
وبصرخة : فهههد خلااااص
راكان : طلاق ما اطلق
فهد سحب شماغه : نششوف يااا.... وبسخرية :ولد العـم
وانتي بسرعه جيبي عباتك انتظرك هنا

دخلت بخوف بسرعه واتجهت لغرفتها
راكان كان بيدخل
بس وقفته يد فهد
وبغضب : اقصر الشر يا ولد العم
والله ثم والله ما اطلع
الا نجود معي
نفض يده واتجهه للباب
طلع ابو راكان وانصدم
من اشكالهم : شفييييكم شصاير ؟؟؟!!!!
وبصدمة : متهاوشين !! نزلو راسهم بخجل من ابو راكان !!

فهد : ولدك يا عّم يقول لك وبسخرية : اذا تجرأ طبعاً
ابو راكان : ادخلوا ادخلوا
فهد بحزم :انا انتظر اختي بـ اخذها ونطلع
ابو راكان : وين تطلعون ؟
فهد : نتتظر ورقة طلاقها بالطيبّ وكلنا ندل باب المحاكم يا ولد العم !!!
ابو راكان : طلاااق !!! شصاير يا راكان ! ليش بتطلق زوجتك
راكان : مو مطلقها
فهد بسخرية : قل قل لعمي السبب
وبـ احترام : انا استاذن يا عمي ما لي جلسه بهالبيت كثر ما جلست فيه اللي ما يحترم اختي ولا يثق فيها
ما ادخل بيته !!
ابو راكان : افا يا فهد افا انا ما ادري ش السالفة بس عاد ما توصل كذا !!!
فهد : لو عرفت بتعذرني وقتها !! يلا مع السلامة....

بعد مرور ١٠ دقايق
نزلت نجود ومعها شنطتها ..

() ابو راكان تنهد : الله يهدي النفوس
راكان مسكها مع يدها وبرجا :تكفين لا تروحين والله مستعد اسوي الي تبين بس لا تتركيني
نجود تحاول ما تضعف سحبت يدها :إلي كسرته يا راكان ما يتصلح ابداً ..

وطلعت وتركت وراها قلب عاشق انكسر !!
ايه عاشق حبيتها رغم كل اللي كنت اظنه فيها !!
اسرت قلبي بجمالها وتعاملها مع الكل
وقوة شخصيتها واللي حبيته اكثر صبرها
ايه صبرها صبرت على كلامي كل هالمدة
رغم اني انا الظالم الغلطان....

ابو راكان كان وده يساله بس شافه جالس بالأرض ومنزل راسه
فـ قرر يأجل سؤاله !!!

بسياره فهد 🌷

فهد بعتب : ليش ما قلتي لي ؟
نجود : الله يخليك لا تعاتبني والله انا كنت وايد خايفه
وانت كنت مشغول مع شادن وامي ما كانت قريبه مني
ما كنت اعرف ش بسوي !

انتهى.....