مجموع الأوسمة: 18

اجامل من صدفته في طريقي وخاطري مكسور
تصنعت الفرح قدام كل الناس بأسبابك
وانا لا من لفى ليلي تهيض حزني المستور
يذكرني بهم صار يعشقني من غيابك
وتاخذني هواجيسي على درب بدون شعور
اجيه وجعل ماحد القدم للدرب هو جابك
تشابه بالهجر ليلي وليلي ماعقبه النور
غديت بليلي المظلم تقول الدرب يضوى بك
تأكد لو خذاك الوقت وحدك للهجر مجبور
يجيب الوقت لي صدفة قدم هالعين واحيابك
وماني من تنكر لو هوانا في لقانا يجور
لو ان وصلك شحيح بالعطا وان خابني وخابك
تصبر والصبر طب الاماني لو تجي بقصور
تصبر لاتهل الدمع عند الناس تدرابك
ولو صاحت جروحك وان هقيت ان الهقاوي تبور
بتلقاني عليك اقرب من ارموشك على اهدابك
وماني من على وقت الرخا بس يبغي اعجابك
غلاك بداخلي ثابت لو ان الوقت فينا يدور
مدام أكبر بيكبر هالغلا وعيني على بابك