مجموع الأوسمة: 18

↵"بــضــمّ إيــديـنــك لصــدري وأطــمّــن قــلبــك الخــواف" البــــار( 4 )ـارت بس ياأديم أرضي بالمكتوب قتلتي نفسك بالبكى أديم:أنا أتزوج واحد متربي باليتم وبدون أهل ماأبيه والله بقتل نفسي لو بتزوجوني له مزنه:كله من قليل الخاتمه تربية أمه بنتي بعز شبابها يرموها لواحد بالثلاثين وتربية ميتم كمان أديم:والله بهرب من البيت ريم:أديم والله لو يجي أبوك أو أحد يسمع كلامك أن اليوم يومك بيكون الدنيا متوتره لاتزيدها أنتي على ذمته الآن مايفيد شيء لو بتهربي بتضيعي سمعتك ولا تقتلي نفسك مصيرك النار فكري بعقلك لاتفكري بقلبك وبعدين رجال وله هيبه وإلي عرفته أنه دكتور نفسي والله حرام هالكلام لايكون هو أختار نفسه يكون يتربى بالمياتم كلنا من تراب عيب هالكلام ماربيتكم على هذي المبادئ أنا قومي توضي وصلي ركعتين وتهدي يله قلبي أديم: قمت وأناكلي خيبه حياتي إلي بنيتها مع مصعب صارت لغيره كرهت مصعب وجسار بهاللحظه مليون مره مو رخيصه أنا يزوجوني له كله بسببهم رحت توضيت وصليت شفت جدتي وأمي طلعو من الغرفه وغاده نامت قمت وأنا كلي إصرار أني بهرب لبست عبايتي ونزلت بالدرج بهدوء وأنا أرتجف ماصدقت أن رجولي جرتني للباب طلعت وأنا أجري بقوه الدنيا بنص الليل الظلام مغطي المكان الآن حسيت أنا وش سويت من غلط بديت أبكي وش هالغباء وين بروح حتى جوالي ماجبت والله لو أرجع البيت بيذبحوني جريت بكل قوه وأنا أرتجف أحد يشوفني ليش ماسمعت كلمات أمي جلست أبكي وش يفيد الندم اللحين جريت رجولي وأنا أروح لمنتزه قريب من البيت تخبيت في مكان كله أشجار جلست أفكر وش بيصير لي رفعت راسي للسماء دعيت الله بكل أمل أنه يعدي الأمور على خير قمت من النوم على صوت المنبه قومت عناد بصعوبه نومه ثقيل عكسي أنا صلينا الفجر وكل واحد مننا توجه لعمله مصعب:السلام عليكم العميد:سلامات وش فيك مصعب غايب ظ£ أيام مصعب:والله مريض العميد:عذرك الطبي سلمته العذر ورحت أخلص أشغالي يوم مرهق كله قضايا رجعت البيت المغرب وأنا راجع إلا عمي عبدالمجيد متصل مصعب:هلا عبدالمجيد:الله ياخذك الله ياخذك بسببك البنت هربت من البيت قوم يا##دور معانا مصعب:رديت وأنا مذهول وين راحت لوين بتروح عبدالمجيد:مدري كله بسبب عمايلك قوم ندور قبل ماتسود وجهنا توجهت بالسياره لمكان قريب من بيت عمي دورنا بكل مكان مالها أثر أنهد حيلي من اللف والدوران وين بتروح أصدقائها وسألنا مابقينا أحد قمت صليت العشاء دعيت الله يفرجها ونلقاها أستمرينا ندور لحد ما صار نص الليل ولا لقينا أثر لفيت للبيت إلا وألقى أتصال من عناد مصعب:بصوت رايح يحس ماله وجه يكلم عناد هلا عناد عناد:تعال للبيت أبيك ضروري مصعب:خير عناد:تعال ونتكلم بالبيت وجيب على طريقك عشى قفلت منه ولفيت للي بجنبي وسألتها : لهالدرجه ماتبيني طيب ليه هربتي كنتي تقولي لي وأطلقك مالقيت منها رد مشيت لين ماوصلت البيت نزلت وفتحت الباب ونزلت دخلنا البيت إلا أشوف مصعب يدق فتحت له الباب مصعب:مين هذي عناد عناد:هذي بنت عمك أديم مصعب:شاف لي بدهشه وش جابها لك عناد:سالفه طويله أدخل وانا أحكيلك كل شيء فيني يرجف خفت يسوي مصعب فيني شيء وش سويت بنفسي كنت أبكي بصمت ياليت ماطلعت حسيت بعناد يقرب لي عناد:ألحقيني أوديك الغرفه مشيت معه وأنا خايفه دخلني غرفه أرتجف جسمي من برودتها طلع وسكر الباب رميت نفسي فوق السرير وصلتني ريحته ضليت أبكي بحرقه يمكن صوتي وصل لهم ياليتني جلست بالبيت وش بيصير لي لو تزوجته ياليت سمعت كلام أمي شفته فتح الباب نزل لي العشاء عناد:تعشي وخذي راحتك بالبيت طلعت من عندها لمصعب أحكيله وش صار أنشاء الله تنحل الأمور على خير دكتور عناد عناد:هلا تغريد تغريد: ممكن تشوف البنت إلي بغرفة الإنتظار قبل ماتطلع العفو أخرناك بس أمرها غريب وتبكي مارضت تتكلم بما أنك دكتور تخصص نفسي يمكن تعرف حالتها عناد:اوك دخلت شفت أمرها غريب تبكي بقوه رفعت نظرها لي شفتها خافت عيونها مو غريبه حسيت نفسي أعرفها شفتها قامت تبي تطلع من غرفة الأنتظار لفت يدي الدبله إلي بيدها نفس إلي لبستها أديم مسكت معصمها حسيت برجفتها وتكلمت بصوت مهزوز أديم:أتر كن ي شفت لها بنظرات حاده وقلت أديم صح أديم:تكفى طلبتك فكني لا تقول لأحد عني عناد :أنتي أديم هزت لي راسها بصمت طيب وش جابك لهنا أديم تكلمت بعد وقت أديم:هربت عناد:أنصدمت منها معقول هربت عشاني ملكت عليها: أمشي أوصلك معي ولك الأمان ألتزمت الصمت وأخذتها للسياره ورجعت أكلم الدكتوره لا تفهم غلط وأتورط عناد:تغريد شكرا البنت طلعت من أقاربي يعطيك العافيه تغريد:ولو الله يعافيك توجهت للسياره ركبت وشفتها تبكي كسرت خاطري حالتها عناد:وشلون جيتي هنا تكلمت بصوت متقطع أديم: تك فى والله بي قت ل وني مالقيت مك ان أر وح له و جي ت هنا عناد:قلت لك لك الأمان ولا أحد بيلمسك بس أهدي عناد:وهذا إلي صار يامصعب مصعب:لاحول ولا قوة إلا بالله أبتصل لعمي وعلى طول جاني صوته عبدالمجيد:لقيتها مصعب:أيه عمي عبدالجميد:جيبها الآن والله لأمسح بها الأرض مصعب:عناد لقاها عبدالمجيد:قال بصوت كله غضب وش لقاها وين هي به الهايته قليلة الشرف وين راحت سودت وجهنا والله بترجع مطلقه الله يفضحك ويفضحها مصعب:أهدى لقاها بالمستشفى بغرف الأنتظار والآن هي عند عناد بكره وأجيبها لك عبدالمجيد:الآن تسحبها معك سحب الجوال من مصعب وتكلم بصوت حاد عناد:أديم زوجتي وهي بأمانتي الآن والله ماتنمد يد أي واحد عليها أنجبرت تتزوجني وهربت وانا برسل لها ورقة طلاقها مو لأجل أنها هربت بس ماأجبر أحد علي وهو مايبيني عبدالمجيد: تكفى لاتسود وجهنا أستر عليها والله بياكلو وجهنا الناس تطلقت من ثاني يوم بالملكه عناد:بستر عليها وقت وأجيبها لكم ماأقدر أكمل مع وحده مجبوره علي وبكره بجيبها لك ولا يجيها شيء تراني حلفت ماتنمد يد عليها أعتبرها أمانه جت لكم عبدالمجيد:ولا يهمك أشهد أنك رجال وانا بصون أمانتك ولابيجيها شي نستناك بكره العفو أبلشناك عناد:لا عادي ما صار شيء فمان الله مصعب:الحمدلله انحلت الأمور أنهد حيلي والله اليوم عناد:تعال تعشى يله ونروح ننام بالمجلس مصعب:بالله أنام على الكنب أبروح بيتي أنام أحسن لي عناد:ههههههه بالله تعال تعشى وبعدين روح مصعب:يله تعال معي عناد:مالي نفس أبد عليك بالعافيه مصعب:وراك عناد:مالي نفس والله أحس نفسي مرهق أبي أنام وش هالمعاناه إلي عانيتها هاليومين مصعب:أسف عناد والله على كل شيء والله منحرج منك عناد:رماه بالمخده إلي جنبه أقول أسكت بس مصعب:سبحان الله على صدف أحد يدري أنك بتلقاها أنت عناد:الحمدلله مصعب:الحمدلله يله بروح البيت أنتبه لنفسك عناد:وأنت أنتبه لنفسك رحت لغرفتي وألقى أديم على نفس حالها قتلت نفسها بالبكى والعشى ما لمسته توجهت لها وأنتفظت من الخوف عناد:أهدي وراك وش هالخوف كله جلست جنبها على السرير أرحمي نفسك الأمور أنحلت والله ما يجيك شيء أتصلت لأبوك وحليت الأمور أهدي رفعت نظرها لي شفت عيونها كيف حمرت من كثر البكى : أديم أسمعيني تبيني أطلقك بطلقك بس خلينا شوي مايصير أطلقك الآن ويتكلمو العالم عليك أهدي ليه كذا تسوي بنفسك وبعدين ليه هربتي تشوهي بسمعتك مافكرتي بأهلك بالله وش أستفدتي شفتها رجعت تبكي قتلت نفسها من كثر مابكت كسرت خاطري مدري وش جاني بس سحبتها لحضني أبيها تهدأ ماشفتها عارضت حسيت بشعور غريب وهي بحضني ضليت يمكن ربع ساعه شفتها هدأت وأنا حاضنها سحبت نفسها من حضني وهي منحرجه سحبتها مره ثانيه وسحبت الغطى منها شكلها طفله عناد:بالله أنا زوجك خنقتي نفسك من يوم ماجيتي وأنتي لابسته أديم:أنا أسفه تعبتك بس والله طلعت ومافكرت بالعواقب عناد:هربتي عشان أنك بتتزوجين واحد بدون أهل وتربية ميتم أديم أنحرجت كيف حطيت نفسي بهالموقف ماقدرت أرد ألتزمت الصمت عناد:ماألومك بنت عز تتزوجني أديم:تكلمت بتوتر بالحيل طلع مني الكلام: أعماني غروري أني أتزوجك ماأنكر بس الآن تندمت أني فكرت كذا وأصلا أنت ماتتشرف بوحده هربت من بيتها عناد:عجبني صوتها أرتحت من كلامها وأبتسمت: أنا ألي حديتك تتركيه شفتها ماتكلمت حبيت أوضح لها الموضوع عشان لاتفكر أني تقدمت لها عناد:مصعب خلاني بالأمر الواقع ولا أنا مالي نيه بشيء ماعمري فكرت أني أتزوج وخليها ببالك إلي مايبيني ماأبيه وقومي تعشي بغيتي شيء شوفيني بالمجلس طلع وسكر الباب أستحيت على وجهي ندمت أني سويت كذا والله انه رجال أفضل من مصعب أوجعني قلبي يوم ذليته بهالشكل بهروبي عشان مااأتزوجه وش ذنبه هو قدره أنه أهله توفو ويتربى بالميتم أه مايفيد الندم بشيء بس هو قال بنفسه مايبيني قالي أنه أنجبر علي آه يارب