مجموع الأوسمة: 18

"بــضــمّ إيــديـنــك لصــدري وأطــمّــن قــلبــك الخــواف" البــــار( 5 )ـارت ايه لقوها الله لايوفقها مزنه:الحمدلله لقيناها قبل مايدرون فينا الناس والله ماكنا بنسلم من لسانهم ريم:الله يهديها مافكرت بالعواقب والله زوجها بياخذ عنها فكره غاده:يمه متى بترجع ريم:بكره أنشاءالله والله خايفه عليها منتهى:مايصير إلا خير بس لازم تشدو عليها هيا بفترة طيش مزنه:والله ما بيجلطني غير عيالكم منتهى:الله يهديهم عناد:اللحين مصحيني الساعه ظ¥ جاي تقولي بتروح تمسك هذي القضيه لا وألف لا لاتخليني أجي وأسحبك يا## شايف قلبك يتحمل صاحي ولامهبول أنت مصعب:صاير بمقام الأم هذي الأيام أقول توكل الي يسمع يقول مدري وش فيني من مرض كلها عمليه بسيطه وأنا بخير مابضيع فرصه مثل كذا من زمان وأنا ورى هذي القضيه لحد ماجى اليوم إلي مسكت طريق لأصحابها وتبيني أتركها بالبساطة هذي عناد:لايكون إلي رماك بالأسيد هذاك اليوم مصعب:أيه هم من طرف القضيه هذي المره الرابعه إلي يسوون فيها قضية سرقه والله ماأعديها عناد:عصابة قتل وكل الأنواع وشوله تدخل نفسك فيها طلعت سلامات هذاك اليوم هذي المره بتجيب جنازتك فيها مصعب:لو على موتي هذي المره ما أكون الضابط مصعب ولد أحمد الغجراني عناد:أنا بنجن منك منين جايب هالعناد أنت مصعب:منك عناد:أنتبه لنفسك مصعب: يله عناد فمان الله دعواتك عناد:الله يوفقك ويحميك سكرت وأنا أدعي الله يحفظه مازال هذاك اليوم يرجع ذكراه يوم أنحرق مصعب كان حرق صطحي في رجله الحمدلله على كل حال أستودعه الله كل الأماكن تضج بأصوات الشرطه الأمور متوتره لأبعد حد عبدالكريم:مصعب ياهو وين رحت مصعب:هلا عبدالكريم:جاهز مصعب:أيه جاهز بدأ بتغطية وجه والسلاح بيده تشهد قبل ما يمشي مايضمن نفسه يعيش اليوم دخل للمكان إلي لقاه مقر لأحد العصابات وهو يمشي بحذر مستغرب كيف لمكان مثل كذا يكون مقر فعلا عصابة محترفه عشان مايجيبو الشبهات لهم سمع صوت شخص يمشي بهدوء خلفه لف يده بحركه سريعه ومهاره وضربه تحت رأسه مما تسبب بأغماء له صرخ بصوت مصعب:أطلعو مافي حل للهروب شاف الدخان ينتشر عرف أنه مسكوه من نقطة ضعفه سدد على أنفه يضطر يكتم نفسه ولايشم الغازات غاده:يماااايماااا ريم:وراك تصارخين وشفيك غاده:أبووي يقول جهزو أديم بنسوي عزيمة رجال وتروح لبيت زوجها ريم:بطلي مزحك الشين وأذلفي ماني بناقصتك غاده:يمه وراك والله أكلمك جد ريم:لا حول ولا قوة إلا بالله العلي العظيم روحي بلغي بيت عمانك وجدتك مزنه توها راحت مع منتهى وأنا بروح أقول لأديم يله غاده:يمه ترى حرام والله ليه كذا تحرموها فرحتها كلمي أبوي يمكن يغير رايه ريم:أبوك وتعرفيه كلمته ماتنثنى وأديم هذا حصاد أعمالها غاده:أجل أنا بروح أكلمهم وبنزل السوق مع ريان أشتري كم غرض لأديم ريم:تسوين خير عناد:هلا عمي عبدالمجيد:هلابك عناد:آمر بغيت شيء عبدالمجيد:تعال وخذ أديم لبيتك وتراي مسوي عزيمه رجاجيل تعال عالساعهظ¦ عناد:وشو آخذها اليوم والزواج وشو عبدالمجيد:لازواج ولاشيء خذها لبيتك وتوكل عناد:جايك على الموعد فمان الله مشغول الآن سكرت الخط وأنا مو مستوعب وش الأحداث ذي الي تصير. ماأمداني أفكر إلا والجوال يرن ياالله وش في كمان ينتظرنا عناد:ألو سلطان:مصعب تصاوب اليوم عناد:وش تقول عمي سلطان:إلي سمعت ألحقني على المستشفى عناد:جايك بس أي مستشفى سلطان:مستشفى#### يارب سهلها أستأذنت من المستشفى هالأيام كم أخذت أجازه يارب أحمي مصعب هالولد أعند منه ماشفت ريم:أديم أديم:هلا ريم:جهزي نفسك بتروحين اليوم لعناد وبدون زواج أديم ماقلت شيء أصلا ماعاد باقي شيء أقوله والكلام مابيغير شيء :أنشاء الله عديت للحمام آخذ لي شور يريح أعصابي أحس بغصه بحلقي بكيت بحرقه أحس نفسي أختنق أخذت لي شور ريحني رحت أقرأ قرءان وصليت ركعتين إلا أمي داخله معاها لي شنطه صغيره ريم:خذي ياأديم سوي فيها إلي تحتاجي وغاده راحت تشتري لك شوية أشياء لو كان ماهربتي كان ماصار فيك كذا سودتي وجهنا قدام زوجك أديم:شكرا حطي الشنطه و أطلعي مالي نفس أحد يجلس يتكلم فوق راسي ريم:لأمك هالكلام أديم:ماعندي أحد دامكم كذا ترموني للغريب والله ماأعتبر لي أم وأب ريم:والله أن قلبي يتقطع عليك يوم أشوفك كذا شوفي حتى كيف تغيرتي بهاليومين وبعدين صار زوجك الغريب إلي تتكلمين عنه أديم:تكلمت بسخريه قصدك أبن الميتم ريم:خافي ربك وش هالتكبر كلنا من تراب ومردنا الكفن ماهقيتك بنتي إلي ربيتها وش غيرك أديم أديم:بصراخ أستفذ كل طاقتها أنتو غيرتوني ماني سلعه رخيصه تبيعوني كله بسبب جسار الله ياخذه يارب ويقلب حياته مثل ماقلب حياتي ريم:أنتي الكلام معك ضايع ولاتدعين على أخوك طلعت وسكرت الباب وراها مسكت كل شيء على المكتب وكسرته طحت على الأرض وأنا أبكي ندم أستغفر الله والله من حرتي قلت كذا وشلون هانت علي أمي أسمعها هالكلام سمعت أمي رجعت تدق ياالله قلب الأم مافي مثله رغم أني سمعتها كلام ماينسمع إلا أنها جت خايفه أكون سويت بنفسي شيء ريم:أديم أفتحي ياقلبي لاتسويين بنفسك شيء مافي شيء يستاهل أفتحي ياروح أمك والله ماأخليك تروحين لعناد بس أفتحي فتحت لها الباب وأرتميت بحضنها أبي حنانها ما أبي شيء غيره :لاتتركيني سامحيني ماكان بقصدي يمه يمه والله هو قال بنفسه مايبيني كيف ترضون علي ريم:ولايهمك هاماك ماتبينه مايصير الي تبيه قومي ياقلب أمك مايهون علي أشوفك كذا غياب وجهك وتعالي عندي يالله يااااارررريم يارب عساه خير روحي ياأديم غسلي وجهك ريم:هلا وش بغيت عبدالجميد:روحي مع البنت جهزوها بالمشغل ياالله ريم:بنتي ما تروح اليوم وعلى موتي يا أبو جسار ترضى تهيين بنتك بهالشكل عبدالمجيد:والله أن ما نزلت أن ورقت طلاقك اليوم توصلك وروحي بيت أهلك ريم:لو كلف الأمر طلاقي أهم شيء بنتي ماتنهان عبدالمجيد:أنتي طا أديم:صرخت بكل صوت:لاتقولها يبى تكفى لا والله نازله وبروح لعناد بس لاتطلق عبدالمجيد:أنتي مالي كلام معك أنزلي مع أمك ولا عاد أسمع صوتك لبست عبايتي ونزلت ياالله كانت بتنخرب حياة أمي بسببي شفت أمي لابسه عبايتها والدموع بعيونها أنكسر قلبي أديم:يمه لا تخافين كل شيء بيكون تمام ريم:ماأقدرت أسوي لك شيء سامحيني أديم:يمه تكفين دموعك لاأشوفها يله نمشي عناد:ياسستر وديني غرفه رقم ظ¦ظ¥ روح يمين ثلاث غرفه يسار عناد:شكرا فتحت الغرفه وأسمع ضحكات وجدان ومصعب أنشرح صدري يوم شفته يضحك سلطان:ياهلا بعناد مصعب:لو تجي تعطينا موجز أطلع الله يعطيك العافية عناد:أخذت علبة المناديل ورميتها بوجهه هذا جزاي جاي أشوفك وجدان:خير تضرب أخوي انت عناد:جا محامي الدفاع كيفك مصعب الله وش هالورد والحركات وجدان:أيه أنا جبتهم وأنت ليه ماجبت له شيء عناد:عز الله فلسنا من كثر مابنجيب له وهو كل يوم بمستشفى تعالت ضحكاتهم مصعب:على الأقل تكرم يوم وجيب يالبخيل سلطان:خلينا من ذا الكلام مصعب أنت عارف وش الخطر إلي سببته لنفسك عناد:كلمه يا عمي والله أن راسه يابس مايسمع من أحد سلطان:مافهم منك تبيه يفهم مني مصعب: أهم شيء جبت رأس واحد منهم عناد:وش صار كلمنا مصعب:والله يا طويل العمر حاصروني بدخان سبحان الله لقيت مخرج وعلى خروجي إلا أشوف واحد منهم صوبته برجله إلا وتجيني أصابه بالكتف وجت الشرطه ومسكنا واحد والآن هو قيد التحقيق عناد:الحمدلله طلعت سلامات إلا معي لكم خبر مصعب:عساه خير سلطان:وش معاك عناد:أتصل علي عمي عبدالمجيد يقول خذ اليوم أديم بدون عرس بنسوي عزيمة رجال وتوكل مصعب:وش تقول أنت وش هالمسخره سلطان:حرام والله يا هالبنت كم ظلموها حطها بعيونك ياعناد مصعب:الله يعين أجل يله سوو لي خروج أبطلع سلطان:وش تطلع أنت سامع وش قال لك الدكتور نبضات القلب ضعيفه يبي لك تنويم مصعب:وأنا بصدقه أبي أحضر مع عناد عناد:والله ماتجي وهذاني حلفت أجلس مكانك يالله وهو ماهو بعرس باخذها للبيت ولا ناوي تجي معاي للبيت كمان مصعب:كان نفسي أخربها عليك بس وضعي مايسمح وجدان:مصعب تراي بجلس عندك ألتفتو لها وصوت ضحكاتهم تعالى بالمكان أبتسمت بحرج منهم مصعب:أبي أعرف وشوله تجيبين شكولاه وبالأخير أنتي من ياكلها وجدان:تكلمت بحرج خلاص بجيب لك غيرها عناد:لا وتقول ليه ماجبت شكلها كانت ناويه على الي بجيب سلطان:ههههه والله هالبنت فشلت فيني مصعب:أفا وش هالكلام كلها فدا لوجدان شكلك يا عمي ماتجيب لها شكولاه سلطان:يوميا وهي عندها بس عندها أدمان بالشكولاه عناد:أبي سر الوصفه يوم أنتي نحيفه كذا والشوكلاه يوميا معك مصعب:قول ماشاءالله وبسكم من وجدان تراها بتزعل تعالي تعالي عندي محتاج حنان أنا وأنت تقلع ياعناد عدل شكلك لاتتخرع بنت عمي من شكلك وجدان:جايه عندك ليه مصعب بيتزوج عناد مصعب:أيه بيتزوج أديم تذكرينها وجدان:ياربيي كيف وهي خطيبتك مصعب:لاماهي بخطيبتي هي زوجة عناد عناد:بالله فمان الله جايك بكره أنشاءالله مصعب:مبروك ياعريس الله يوفقكم يارب حط بنت عمي بعيونك فمان الله نشوفك على خير عناد:أديم بعيوني ولايهمك سلطان:الله معك مبروك كنت بجي بس بجلس مع مصعب مصعب:لا والله أنك تروح أوقف مع عناد كفايه أنا ماجيت وخلي وجدان معي عناد:أنتبه لنفسك سلطان:وأنتي ياوجدان لاتزعجين مصعب تراه مريض يله فمان الله سلطان:رايح أقضي شوية أمور أنا نزلني عند الشركه وبعدها مرني عناد:أوك الساعه ظ¥ ونص بجيك حركت السياره توجهت للسوق أشتري شوية أغراض لأديم أكيد ما أشترت شيء وأشياء ناقصه للبيت وبعدها بمر الحلاق وأروح على البيت :يابنت وقفي دموع هذي المره الثالثه إلي أعيد لك أديم:خلاص لاتصاررخين سوي لي وخلاص ماعاد ببكي ياالله قديش التعب إلي فيني أنهد حيلي من الصباح وأنا بهالمشغل معانآه جلست أفكر بحياتي مع عناد كيف بتصير أكيد بتنتهي بالطلاق توعذت من الشيطان الرجيم وش هالأفكار أنشاء الله كل خير إلي بيكتب لي ربي راضيه ريم:ماشاءالله قمرر أديم:تسلمين لي ياقلبي ريم:متى بتخلصين لها :لسى باقي لها شوية تعديلات وتصير جاهزه ريم:أوك غاده:شكلهم مو بالبيت بروح أجهز شنطة أديم واجهز نفسي ريان تكفى قول للخدم يتعنون بالضيافه ريان:أنا أنهد حيلي من السوق روحي أنتي غاده:ياربي منك مزنه:السلآم عليكم غاده وريان:و عليكم السلام غاده:ياهلا فيكم ماأمداكم تجون تأخرتو منتى:والله البنات أخروني غاده:تعالي يله سما أنتي وتهاني أبيكم تساعدوني سما:أوك يله تهاني:وين أديم غاده:بالمشغل منتهى:يله بنات ورانا شغل مرام:هلا بنات مزنه:زين وصلتو وين أمك مرام:هماهم ينزلون الأغراض هم وعماتي مر الوقت بالتجهيزات وجت الساعه ظ¦ المجلس مزدحم بالرجال وروائح العود منتشره بالمكان وراكم ماسويتو عرس عناد:واحد من أخوياي توفى وما حبيت أسوي عرس باخذها كذا :ولد مين أنت طيب ووين أهلك عتاد:ولد عزام المصعبي وأهلي عطوك عمرهم مابقى لي أحد :الله يرحمهم ريان:تجنب أسألتهم هذا العاشر إلي سأل عناد:والله ياهم نشبه ريان:وأنت صادق إلا أقول أخاف اليوم يصير فيك شيء والله عاد شفت أديم خقيت أنا كيف أنت عناد:أستحى من كلام ريان ومارد جلس يتخيل كيف بتكون سلطان:ياعناد عناد:هلا سلطان:عمك عبدالمجيد يبيك عناد:وينه سلطان:يقول خلي ريان أو جسار يوصلك لمجلس الحريم داخل ريان:قوم معي أنا أوصلك مشيت مع ريان وأنا متوتر وش يبي مني يمكن يقول خذ زوجتك بس توه بدري ما حسيت إلا ونحنا بالمجلس عبدالمجيد:روح ياريان وخلني مع عناد ريان:آمر عبدالمجيد:مايامر عليك عدو أجلس هنا وأنا عمك عناد:هلا عمي عساه خير عبدالمجيد:كل خير لاتفكر يوم عطيتك أديم كذا أنه مامعاها أهل أبيها تدري يومها هربت أنها غلطت غلط كبير مو صغير حطها بعيونك تراها أغلى أولادي كلهم لاتزعلها ولاتأذيها عطيتك ياها أمانه برقبتك أنتبه تخون للأمانه ياعناد خاف الله فيها وأنت رجال وينشد فيك الظهر عناد:قمت وحبيت على راسه:أفا ياعمي أديم بعيوني وإلي يضرها يضرني ولايهمك أنشاءالله ما أخيب ضنك عبدالجميد:ريحت قلبي الله يريحك قوم تأخرنا على الرجاجيل غاده:يااأديم والله أنك قمرر تهاني:ماشاءالله عليك والفستان يجنن غاده:طبعا ذوقي ماعليه كلام سما :ياربي متى يكمل الأسبوع هذا وأتزوج مرام:أسكتي أحد يسمعك يقولو مشفوحه على الزواج تهاني:الله يعين هاني عليك سما:يابخته لانا:بالله أديم وش شعورك أديم:والله خايفه ومتوتره سما:أيه والله الله يعينك شخص غريب عليك تهاني:وترتيها زياده بدال ماتهدين عليها منال:الله يوفقك مومصدقه أنك خلاص بتصيرين عروس ليان:مبروك ياحب أديم:الله يبارك فيك وبدأت التبريكات بمناسبة اليوم الجميل