مجموع الأوسمة: 18

"بــضــمّ إيــديـنــك لصــدري وأطــمّــن قــلبــك الخــواف" البــــار( 7 )ـارت قصي:تأخر بندر وين راح بروح أدور عليه هادي:أهدأ بيجي وين بيروح أجلس معانا وشوي ويجي قصي:يالله جاي أخذتهم السوالف ونسو غياب بندر عنهم وش فيك وش صاير لك مسكوها ودخلوها للغرفه قبل ما أحد يشوفهم حكيمه:سكري الباب يا رباب لاأحد يجي يارب سترك مين سوى كذا فيك ياوخيتي ليه كذا ملابسك دم وتراب ملاذ:بصوت رايح من البكاءالله ينت ق م منه أغت صبني وبدأت شهقاتها تتعالى بالمكان حكيمه:يامصيبه حلت علينا الله يجعلها بخواته مين هو رباب:أمانه أقصرو صوتكم قسم بالله لاننذبح ملاذ:بصوت متقطع ماش فت ماا أ عرف كا ن المك ان كل ه ظلام رباب:الله ياخذه قومي قومي أدخلي الحمام يله قبل ما أحد يجي جيبي ملابسك يارب أسترنا يارب مصعب:يله شباب عشى قصي:بروح أدور بندر له ساعه مختفي مصعب:وينه بندر ليه ماهو هنا قصي:لا أنا رايح له بدوره ونرجع هادي:جاي معك قصي:لا أجلس مع الشباب وأنا رايح له كيف نسيته وأنا ماشي إلا ألقى بندر بوجهي :بندر وش فيك ليه أنت كذا بندرر بندر:ياخي أقتلني أقتلني قصي:بندر أنت صاحي وش فيك وش هالدم إلي عليك أحد مسوي لك شيء بندر:قصي أقتلنيي قصي:بندر لاتخوفني عليك وش صار أجلس وفهمني وتنحل بندر:رمى نفسه بصدر صديق طفولته وهو يتكلم بصوت مهزوز:أغتصبت بنت بالبر قصي:قشعر جسمه من الكلام إلي سمعه:لاتقولها وش سويت أنت صاحي قول أنك تمزح أبعده عنه:قول أنك تمزح كيف سويتها يامجنووون بندر:ماكنت بوعيي قصي:لسى تشرب هالمخدرات وين كلامك يوم قلت مابترجع بندر:ماقدرت قصي:قوم لاأحد يشك بوضعنا أفسخ قميصك إلي عليه الدم وأرميه بمكان وأمسك هالماء غسل وجهك ونروح للربع ولاتبين شيء مد يده لصديقه ومشى هو وياه لمكان كشتتهم وهو مهموم على الحال إلي وصل له صديقه مصعب:ياهلا وش فيكم تأخرتو قصي:تأخرت لما لقيت بندر هادي:وين رحت بندر بندر:بهالبر جالس ألف عبدالعزيز:شكلك تعبانٍ تعال أنسدح هنا مصعب:وراك متفسخٍ بهالبرد أنهبلت بندر:أحس بالحر أنا ماأحس بالبرد رمى قصي الجاكت فوق بندر:ألبس أقول بس مصعب:حط أيده على كتف بندر وشاف له بنظره أستفهام بس ماحب يلفت أنتباه أحد بعدين ويفهم أيش فيه:يله تعالو تعشو بندر:أسفين أخرناكم عبدالعزيز:أبد يله تعال أقلط معنا على العشاء بندر:ماكان له نفس بس ماحب يبين أنه فيه شيء وتقدم معاهم ياملاذ وينها هالبنت حكيمه:أمسكي ولدي يا رباب أبشوف وش يبي أبوي حكيمه:هلا ابوي وش بغيت ابو متعب:بغيت ملاذ وينها حكيمه:ملاذ تعبانه قول وش تبي وأنا عندك أبو متعب:وش فيها قولي لها وين هي راميتنٍ قميصي حكيمه:بس حمى خفيفه أيه أسألها لك وأرجع أبو متعب:وراك كذا تتلعثمين بالكلام صايرٍ شيء حكيمه:لاأبد أبروح أسأل ملاذ وأرجع ام متعب:يمه ملاذ وينك فيه تعالي أجلي معي هالصحون حكيمه:ياربي وش فيهم اليوم كلهم ملاذ ملاذ:جايتك أنا بجلي معك أم متعب:لا والله مانتي بلامسةٍ شيء روحي لولدك وجهزي نفسك أكيد رجلك اللحين جاي حكيمه:ملاذ نامت يمه أم متعب:هو مو من عوايدها حكيمه:عليها حمى خفيفه أبروح أنادي رباب تجي تساعدك كيف بيكون ردت أهلي لو درو كيف بيكون مصيري كل أحلامي تشتت بنت مثلي ماصار لازم تحلم أبد كل شيء ينعاد قدامي أحس بالقهر حتى أني ماأعرفه ماقدرت أدافع عن نفسي كل شيء فيني يحترق قطع تفكيري صوت أختي تنادي علي حكيمه:ياقلبي ملاذ لي ساعه أناديك ملاذ:هلا حكيمه حكيمه:لاتفكري وتحرقي قلبك بنجيبه لك ويستر عليك ربك بيفرجها ياملاذ ملاذ:كيف تجيبوه وأنا ماأعرفه كيف تجيبوووه لاتقنعيني مافي أمل حكيمه:خلي أملك بالله كبير ياقلبي وكلي أمرك لله ايه صح أبوي يقول وين قميصه ملاذ:شوفيه على حبل الغسيل يمكن حكيمه:أوك نامي اللحين أنا قلت لأمي أنه عليك حمى ونمتي بطلع اللحين سياف جاي وأنتي يا رباب أمي تقول روحي أجلي معها فمان الله تبون شيء ملاذ:سلامتك رباب طفي النور وراك ابو متعب:وين ملاذي وش صايرٍ بك حكيمه:هنا أبوي مافيها شيء بس حمى ملاذ:شوي حمى يالغالي مافي شيء ابو متعب:والله أن شكلك مايوحي بحمى وبس قومي أوديك لعيادةٍ قريبه تشوف وش بك رباب:لا لا يبه أصلاً مافيها شيء كل ذا دلع وأنت عارفٍ ملاذ ابو متعب:وش دلع وأنا أبوك ماتشوفين البنت كيف وجهها شاحب حكيمه:أبوي لأنها ماكلت اللحين بتاكل وتصير بخير أبو متعب:تاكل وآخذها أبي قلبي يرتاح ملاذ:لا والله يبه ماني برايحه مافيني شيء أبو متعب:الله يشفيك ويقومك بخير أكلي زين وأنا أبوك ملاذ:آمر يبه يمه رباب تعالي ساعديني وأفتحي الباب لرجل أختك هماه عند الباب رباب:جايتك يمه حكيمه:يله فمان الله هذاه سياف جا طلعت وقلبي يتقطع على الحال إلي وصلت له أختي أبي أجلس عندها اليوم بس أدري بسياف مستحيل يخليني أكثر من كذا أجلس في صباح جديد هادي:قوم يابندر الناس قامت وذبحنا الذبيحه وأنت مو راضي تقوم قوم نفطر تبينا نموت جوع ونحنا نحتريك بندر:قمت قمت خلاص روح من قدامي قصي:أصحك تصدقه تراه بينام مرةٍ ثانيه هادي:أمانه جيب دبة الماء أبرد خاطري فيه لي ساعه أصحيه ومافي فايده قصي:آمر أمر مصعب:الآن بتصير حلبة مصارعه عبدالعزيز:أمانه أن جلستكم ماتنمل متعب:أيه والله مصعب:وأنتو والله صدحت أصوات ضحكاتهم على صراخ بندر والهواش إلي صار بينه وبين هادي وقصي قصي:هههههههههه قسم بالله شكلك تحفه بندر:وتضحك أنت وشكلك كمان قصي:أيه والله أضحك هادي:آخ الله يكسر يدك كسرتني أمانه أني خفت منك قايم كأنك ثور مصعب:شكلك ناوي على جلد ثاني أنت أخبر ببندر لما يقوم من النوم متعب:ياحظك نايم ولا وسخت نفسك بالدم ذا بندر:تذكر أمس وش صار وحس نفسه يختنق :أبروح أغسل وأجي قصي:يله شباب جهزو الفطور مصعب:وأنت معنا ولابس تتشرط قصي:أولاد وش صوت ركضو كلهم يدورو الصوت عبدالعزيز:وش هالصراخ تعالو للبير يمكن أحد طايح الصوت مناك بعد مسافه مشي راحو للبير وفعلاً الصوت من هناك أصوات صراخ شايب على ولده إلي طاح للبير والناس متجمعه محدٍ تجرأ ينزل يساعده ربط قصي ثوبه :أمسك هادي ماكون ولد أبوي أشوفه يحتاج المساعده وماألبيه هادي:وش تروح له مصعب:أنا بروح وأنت أجلس قصي:قلت أنا بروح أمسك ذا يارجاجيل عطوني الحبل أنا بنزل أجيبه بندر:أنتبه لنفسك قصي أبو رائد:ساعده ولك إلي تبي أمسك الحبل ربط الحبل على خصره وثبته بالحديد إلي يحاوط البير ونزل برجوله وشهامه وطلع الولد أبو رائد أرتمى على ولده إلي أختنق بالماء لاكن ما زال يتنفس :عساك للجنه عساك للجنه الله يفرج همك مثل مافرجت همي الله يفتح عليك أبواب السعاده عطني رقمك يالسنافي أشهد أنك رجالٍ ولد رجال قصي:ماسويت شيء عمي هذا واجبي قوم نسعف ولدك نلحق عليه أبو رائد:مشكور لا تتعب نفسك بنسعفه أحنا أنت قمت بالواجب وزيادةٍ رجعنا نفطر مع بعض وأنقضى اليوم إلي حمل الكثير من الأحداث بندر:مين قصي:هذا أنا بندر:هلا قصي أدخل قصي:اليوم بجيك للشقه الساعهظ© بندر:خير في شيء قصي:رمقه بنظرات حارقه: أظنك تعرف وش أبي منك مايحتاج أبو تميم:وش معاك مخلي شغلك وجاي لي روح أرجع قصي:يبه تكفى أبي أطلبك طلب يالغالي أبو تميم:وش طلبه بالبيت نتفاهم مو بالشغل قصي:يبه أبي اللحين نتكلم دام مافي ورانا شيء أبو تميم:كثرت طلباتك هالأيام وش وراك تكلم قصي:باخذ أجازه شهرين لبندر وأناأسبوعين بروح لمكه والمدينه يبه شايف حالة بندر بعد موت أمه ودي أخليه يغير جو طلبتك أبو تميم:أجازتكم بتكون معكم بس الأجازه حقت آخر السنه محذوفه قصي:تم ماطلبت شيء فمان الله أبو تميم:لاعاد أشوفك تطلبني بالشغل عندك أنا بالبيت قصي:ولايهمك أبو رائد:أشهد أنه رجال سنافي بحق وله إلي يبي لاجا هنا جهزو لي الذبايح أبسوي عزيمةٍ لهالرجال دق على رقمه مرتين ومارد حاول المره الثالثه وجاه صوت قصي قصي:هلا أبو رائد:ياهلا بالسنافي قصي:مين معي أبو رائد:معك أبو رائد الي أنقذت ولدي أمس قصي:ياهلا بأبو رائد أخبارك عمي أبو رائد :الحمدلله أنت وشلونك يالسنافي قصي:بخير الحمدلله أبورائد:مسويٍ بكره عزيمةٍ ولاتردني أبيك أول الحاضرين قصي:وش هالتكاليف عمي وش سويت أنا عشان ترد جميل لي أبو رائد:وش سويت لي هذا وأنت أنقذت ولدي الوحيد من بين ظ§ بنات يوم محدٍ وقف معي إلا أنت معروفك ما أنساه لو وش ماصار قصي:ماسويت لك إلا الواجب ولايهمك جايك بكره أبو رائد:أبرسل لك الموقع يله فمان الله غدير:أف والله راسي يوجعني من ذكر هالرجال أزعجنا بطاريه أبوي سناء:أيه والله من يوم ماجو من البر وذكره فيه غيداء:أسكتن وقومن نظفن معي الله يعين أبوي يقول بيعزم أهل الحاره وكل من يعرف تخيلي جاب ظ¢ظيمنع ذبيحه غدير:ياحظي وش ذا هذا عشان طلعه من بير بس جمان:بنت أسكتي هالرجال أنقذ أخونا فوق ماسوى جميل نشتم فيه اللحين بيجون روان وشيماء بنروح نلم المجلس ونادي الخدم يجون يساعدون هنا وأنتن قومن معي أثير:أنا معي هالبزران خلي العازبات يقومن جمان:أجل يله غيداء وغدير قومن معي غيداء:روحي لولدك جمان أنا وغدير بنشتغل غدير:ياربييي والله هلكت كل شوي ننظف أم رائد:يا بنات تحركن يالله الخدم إلي أستأجرهم أبوك اليوم وبكره يادوبهن ظ¢ قومن أشتغلن بكره ورانا شغل أكثر من كذا تحركن أنتن ياغدير وغيداء للمجلس والباقيات نيمو أولادكم وتعالو معي على المطبخ ال9 مساءً قصي:جالس لي بكل هالبرود ها كلمني ماعندك أحساس يومك تاخذ شرف بنت تخيل صارت بخواتك ماتخاف من ربك بتروح وتخطبها وتتزوجها وغصب عنك وبصراخ فااااهم بندر:وأنا وش عرفني مين هي لا أسم ولاشكلها حتى شفته لاتزيدني ياقصي تكفى والله ماكنت بووعي قصي:وين أصرفها هذي وييين اللحين تعطيني وعد رجال ماترجع لذي المخدرات لو وش ماصار والله لوأدري أنك رجعت لها مالي طريق معك بندر:مااقدر لو ماأخذتها راسي بينفجر قصي:بنروح مكافحة المخدرات وتتركها بندر:وعد ماأرجع لها وأنا رايح معاك حتى اللحين قصي:مشينا اللحين ياالله وبعدها ندور على البنت وتتزوجها مفكر الي مسويه سهل بندر:مستعد أنتزوجها بس كيف قصي:تفرج تفرج أمشي يله بندر:كم بضل هناك قصي:كلمني بصراحه كم لك عليها بندر:قبل زواج عناد بيومين قصي:مده بسيطه أجل خلنا نمشي مشيت وأنا كل همي تعدي الأمور على خير وصلنا لمكافحة المخدرات بعد مرور ساعتين ماخفى علي خوف بندر تغير كثير ماهو بندر إلي أعرفه دخلنا وسوينا فحص جلست مده ساعتين التقارير والنتيجه بسيطه لأنه ماله إلا شهر ويومين تقريبا والجرعه مو كبيره يبيله بس أسبوعين ليقضي على الأدمان مسكوه بقسم التحقيق مع مين كان يتعامل لأخذ الحبوب تكلم بندر وأنا أسمع لكلامه بتدقيق واحد ما أعرفه ملثم عطاني حبه وقال بتفك ألم راسك والضيق الي فيك لو تبي كمان أتصل لرقمي نصحني فيها لين أدمنتها ويعطيني الجرعه بألف ريال وعرفت أنها مخدرات حاولت أتركها بس ماقدرت أبدا مسكوه عندهم وجلست أنا معاه صوت تلفوني صدح بالمكان قصي:هلا يبه أبو تميم:وينك فيه ليه برى البيت بهالوقت قصي:يبه أنا مع بندر مو براجع إلا بعد يومين أبو تميم:يعني تتأمر أنت أقول أرجع اللحين قصي:يبه أنا مشغول لو شفتك بقولك وبكره أنا معزوم عند رجال ساعدت ولده وحلف لأحضر عزيمته أبو تميم:لي كلام معك بعد اليومين هذي قصي:تم بغيت شيء أبو تميم:سلامتك بندر:روح قصي عند أبوك قصي:أبوي ماعليك منه إلا ماتدري أن الرجال إلي ساعدت ولده عازمني بكره حسسني مدري شسويت بندر:تستاهل كل خير قصي أحس راسي ينفجر جيب لي ولو جرعه بسيطه قصي:بنادي الدكتور وأجيك مر اليوم بتعب على بندر وجسمه إلي ماأحتمل يقضي اليوم بدون جرعه