مجموع الأوسمة: 18

"بــضــمّ إيــديـنــك لصــدري وأطــمّــن قــلبــك الخــواف" البــــار( 8 )ـارت في يوم جديد أثير:يله بنات بيوصلو تحركن جيبي البخور يا غيداء جهزو المجلس وطلعو للمطبخ غدير:آخ والله بروح أنام ماعاد فيني حيل أشتغل تعبت غيداء:كلنا تعبنا مو بس أنتي يله أشوف قومي معنا جمان:بنات جو الرجاجيل لحدن يدخل المجلس شيماء:اوك جمان العشاء وصل بالمطبخ روان:ياسميره تعالي هنا ونحنا ندخل المطبخ سميره:أوك ماما شيماء:يمه وصل ذا الرجال إلي العزيمه له إلا وش أسمه هو أم رائد:لا ماوصل أسمع أبوك يقول عنه قصي غيداء:أسم حلو هو شباب ولا عجيز أم رائد:وأنا وش عرفني أتركي هالهرج عنك غيداء:غدير تعالي معي فوق جمان:وين بتروحن غيداء:بنروح نشوف هالقصي روان:أستحن رايحتن تقزٍ بالرجال غدير:أيه بروح أأشوف هالسنافي إلي مزعجينا به غيداء:يله تعالو نشوف قبل مايوصل جمان:تخيلن مايجي غدير:أحسن عشان يشوف أبوي علوم السنافي ذا شيماء:الله لا يقوله أسمعن ضرب الرصاص وصل يا بنات قومن بشوف معكم جاني حماس طلعو متوجهات لأحد الغرف روان:يوه هو ذا صادق أبوي يوم يقول سنافي والله كله هيبه ورجوله شوفي الثقل إلي فيه غدير:وش ذا المدح عادي مافيه شيء تخيلي يسمعك بسام وأنتي تتغزلين بالناس غيداء:أسكتي بس أنتي مايعجبك شيء والله أنه يجنن أم رائد:ياخزيااه وش جالساتٍ تقزن بالرجاجيل وكل وحدةٍ معها رجال طول بعرض غيداء:يمه بس قلنا بنشوف مافيها شيء أم رائد :يابنات ياخوفي أبوكن يعرض غدير هديه له غدير:والله لأرفضه خير وش أنا رخيصه مع أبوي جمان:خلونا نتفاءل بالخير مع أني شاكه والله يلمح من الصبح غدير:يمه والله لو سواها أبوي لأدخل للرجاجيل وأقول ماني بموافقه أم رائد:أسكتي الله لايقوله تعالن جهزن يله وأتركن الرجاجيل غيداء:يمه باخذ غدير. وننزل تحت قرب المجلس أبي نسمع كلامهم وش أم رائد :أنتبهن أحد يشوفكن غيداء:أوك يله غدير مشيت لأبو رائد وبالي مشغول على بندر وصلت لبيته إلي عباره عن فله أستغربت من الأستقبال إلي جاني والناس الموجوده حسيت بحرج بينهم فكرتها عزومه بسيطه أبو رائد:ياهلا بالسنافي هلا بقصي تفضل المجلس حياك حياك قصي:حياك عمي حسيت بأهتزاز تلفوني ماوقف مين يتصل شفت الرقم وهو رقم أبوي شفته أتصل أكثر من مره أستأذنت أروح أكلم طلعني أبو رائد لحديقه خلفيه أبو رائد :خذ راحتك ياوليدي قصي: طلع أبو رائد وأتصلت لأبوي :هلا يبه أبو تميم:ليه ماترد قصي:يبه قلت لك أنا معزوم عند الرجال أبو تميم:أرجع أخوك تميم سوى حادث قصي:وش تقول وين مسويه أبو تميم:بشارع ال## جت شاحنه قدامه بس صار فيه رضوض وجروح بسيطه قصي:الحمدلله على سلامته أبجيك بعد ماأطلع وش من مستشفى أبو تميم:مستشفى ال ## قصي:فمان الله سكرت من أبوي وشدني كلام بنتين غيداء:غدير أهدي وش والأخلاق اليوم مانتي بصاحيه غدير:أسمعي أسمعي أبوي وش يقول أسمعي المبلغ الي بيعطيه ويقول أي طلب يبيه له كل ذا بس عشان طلعه من بير غيداء:وش فيك رائد كان بيموت غدير:ياليته مات غيداء:أستغفر الله غدير اليوم ليه كذا غدير:أيه مو أنتي مكاني أنتي جاك عريسك وطلبك والله لو يعرضني أبوي له بأذبح نفسي خير يهيني ماني برخيصه غيداء:أهدي وكل خير بيصير أستغرب من الكلام يعني بيعطيه بنته فعلاً أهانه لها لو يسويها وش هالعلوم ياليت ماجيت توجهت للمجلس وأنا بحيره أبو رائد:تفضل أقعد قصي:زاد فضلك أبو رائد:هذا عشان الشهامه إلي فيك ولاتردني قصي:والله مايجي شيء يا أبو رائد أفا والله زعلت منك أنا ماسويت إلا واجبي أبي الأجر وجاي تعطيني مكافأه أبو رائد:أشهد أنك سنافي هذا قليل بحقك أطلب إلي تبي وأنا جاهز :تستاهل أكثر أنقذت ولدنا الله يجزاك خير :أيه والله يومنا ما قدرنا ننقذه ولا أحدٍ فزع لنا جانا هو وقف معنا وقفة نشميه قصي:ماسويت شيء يستاهل والله وهذا واجب علي مشكور ياعمي مانبي غير دعواتك :أفا والله ماتطلع من هنا إلا ونحنا كارمينك على فعايلك قصي: دامك مصرٍ لو معك بناتٍ ماهن لاحد أبي واحدةٍ من بناتك تصير حليله لي أبو رائد:أشهدو يالرجال بنتي لك وأشهد أنه قليل بحقك جيب الشيخ وخذها معك قصي:لا ياعمي أسأل البنت أول ولو صار نصيب جيتك أنا وأهلي وبعدها نعقد وماابي منك شيء أبو رائد :لك إلي تبي يالسنافي يله يارجال أقلطو للعشاء قصي:وش سويت أنا وش بقول لأبوي وهو ناوي على بنت عمي وش هالتهور إلي مسويه غيداء:غدير وش فيك أحمدي ربك طلبك هو ولاجت من أبوي غدير:وأنتي مفكره أبوي بياخذ رايي أكيد بيجبرني غيداء:وش فيك أنتي رجال والنعم ليه ترفضين كل ما جاك أحدٍ رفضتيه وش فيك صاحيه غدير:ماأفكر بالزواج أبد ولاني براضيه بقصي غيداء:أيه أرضي بالطيب ولا بالغصب وش ناويةٍ تفشلين أبوي قدام هالرجاجيل غدير:خلاص أسكتي ماعاد أبي أسمع شيء غيداء:قومي نطلع فوق يالله جمان:غيداء وش صار وش فيها غدير كذا أم رائد:أكيد عرضها أبوها غيداء:أسمعن ماتصدقن وش صار أصرو عليه ما يطلع بدون شيء وطلب هو بنفسه أنه يبي وحده مننا حليله له قاله أبوي جيب الشيخ وخذها ورفض يقول أسأل البنت أول وبجيك أنا والأهل شيماء:تمزحي جمان:وليه غدير معصبه لاتكون ماهي براضيه روان:أكيد غدير وتعرفينها أم رائد:هالمره بتاخذه وبدون كلام ماهي بكيفها شيماء:يمه لاتضغطين عليها أنتي وأبوي أم رائد:وش ناويه تفشلنا قدام ولد الناس والرجاجيل برفضها بروح لها لاتسوي لنا علومٍ تسود غيداء:يمه والله ماتروحين لها خليها بحالها ماهي مسويه شيء اللحين ولو هدت روحي لها يمه جمان:الله يهديها يارب أبي أعرف ليه ماهي مقتنعه بالزواج كل ماجا لها رجالٍ رفضته أثير:تبني أحلام ماهي بقدها رافضتن الزواج تبي تدخل الجامعه وهي عارفتن أن ماعندنا هالسلوم وأبوي ماهو براضيٍ لها أم رائد:ربيتكن وحدةٍ ورى الثاني ظ¦ بنات وماهميت واحدةٍ وجت هالغدير شيبة راسي بهالعناد كلكن مادرستن الثانوي بالعادات إلي لزمتكم للمتوسط وتوقف البنت إلا هي درست وقدرت تقنع أبوك ماهي بصعبةٍ دامها كسرت راسه اليابس بالثانوي قادرتٍ تكمل الجامعه هاذي غدير غيداء:وأنتي صادقه يمه بس تدرين شكلها حقدت على رائد اليوم بقوه جمان:ههههههه غدير هي ورائد ماينحطون بجنب بعض اللحين بتطلع وتفش خلقها فيه وقولي ماقلت مصعب:بندر شوف لي بندر أرحم نفسك وقوم كل لك لقمه تنهد بضيق للحال إلي وصل له من يوم ماجا رفض يكلمه ولاحتى ياكل تغير كثير بهاليوم إلي جلس هنا كيف بيكون حاله بالأيام الباقيه وجه الشاحب المصفر هالات قضت على ملامحه ضم صديقه لصدره وبدأ يقرأ عليه آيات من القرآن وهو يدعي أنه قصي يوصل يعرف أن بندر مايلين إلا لقصي مسكت الخط وأنا أفكر وش بقول لأبوي وكيف حال أخوي وبندر إلي وصيت مصعب عليه توجه للمستشفى يشوف أخوه وبعدها يروح لبندر وبكره يتكلم بالموضوع ملاذ:مجرد مالفتت يدها الساعه إلي بيد أخوها عادت لها ذكرى ذلك اليوم بمراره هي نفسها إلي لمحتها معاه :متعب وش هالساعه إلي على يدك متعب:والله ماخذها من واحد من أخويا هادي جو لنا للبر ملاذ:تكلمت بصعوبه:ومين أخوياه ومتى جو لنا متعب:يومي قلت لك هماي اليوم بروح مع خوياي ونكشت وأنام معهم ملاذ:أها وهم من أهل وشو متعب:وانتي وش لك بالأسئله ذي ملاذ:لا أبد مجرد فضول لأن مبين سعرها غالي متعب:أيه والله بندر حالفٍ أنها لي واللهٍ أني مستحيٍ منه ملاذ:أها . يمكن يكون صدفه بس نفس اليوم ونفس الساعه مستحيل تكون صدفه أبو تميم:هالعزايم صايره أهم من أخوك قصي:يبه تكفى خلي اليوم يعدي على خير وش ناوي أرد الرجال وبعدين هذاني جيتك أبو تميم:أدخل لتميم دخلت لتميم وحاله مايسر كل مكان فيه وهو منجبر قصي:كيفك تميم وش هالحال إلي أنت به وش صار تميم:آخ ياقصي والله مدري وش صار مادريت إلا وأنا هنا قصي:سلامتك يالغالي والأهل درو بالي صاير تميم:لا لو كان عندهم علم كانك سمعت صياحهم قصي:وأنت صادق تميم:وش صار أهرج أبوي أسمعه يشتم فيك وش مسوي قصي:الله يعين يشتم وأنا بس رايح للرجال كيف لو درى بالي صار تميم:وش مخبص فيه الله يستر قصي:والله مخ توقفت عن الكلام يوم شفت أبوي داخل أشرت لتميم أنه ما يتكلم بشيء أبو تميم:زوجتك مزعجتني تقول أنك ماترد وهماي قلت لها أنك هنا قالت أمرها بتجيك تميم:جوالي مدري وينه فيه وش تروح لها يبه خليها بالبيت ماله داعي جيتها أبو تميم:تعرف أنت زنة زوجتك بروح أجيبها لك وقصي يجلس هنا معك قصي:يبه سامر معه يكفي أنا بروح لصديقي بتطمن عليه أبو تميم:أنا قلت تجلس هنا اللحين صديقك أولى من أخوك قصي:يبه ماله أحد وهو اللحين بالمستشفى تميم:يبه خليه يروح وأنا سامر معي أبو تميم:عمرك بيصك بالثلاثين وأنت عقل مامعك ماخذينه أخوياك طلعت برى الغرفه لأجل ماأغلط على أبوي توعذت بالله من الشيطان الرجيم ورحت لبندر وأنا بالي معاه مادريت إلا وأنا واقف قدام مكافحة المخدرات نزلت وأنا أسرع بخطواتي قصي:لو سمحت ابي أروح مرافق لبندر العتيبي :في عنده الآن مرافق قصي:أيه خليه يطلع وقولي له قصي جا وهو بيجلس معه