مجموع الأوسمة: 12

ياسامعين النصح مني نصيحه

والشوف مثل التجربه خير برهان

أهل الردا وأهل النفوس الشحيحه

لوهم قريبين معارف وصدقان

حذراك عملتهم تراها كليحه

وزودٍ تبي منها يعود بنقصان

لوكان حدك خير طيب ومديحه

يجيك منهم شرو أصبحت منهان

راع الردا لاجاك جدواه صيحه

الهم بعيونه تشوفه والأوجان

إلى رحمته لاتطوله فضيحه

ماقدر المعروف يجزاك نكران

وصارت علومه بالرجاله كسيحه

وللكذب جهز سرج وشداد وعنان

حكي القفا لابد ياصلك ريحه

يقول سبيتن مع إفلان وإفلان

أهل النفاق أهل الوجيه البجيحه

خلوه لو هو ينقل الشوف عميان

ينساك يوم يجيك نفسه جريحه

متحير في غبة الهم غرقان

نصيحة يهل الوجيه الفليحه

بالخير يجزا فاعل الخير وإحسان

ماقلتها إمعاناة نفسي إمريحه

قلته عن أهل الطيب من قلب ولسان

قيفان شعري بالنصايح صريحه

واللي سكت عن كلمة الحق شيطان