مدخل
شَقّيت جَرحِي ..." وَ المُوآجِع قِويّه "
( مِثل الوِجَع لآ جَآء بِجَرحِك قِزَآزَه )
صَدَيت عَنّك ... وَ لآ أبِي مِنك جَيّه ..
مَآ دَآم صَآر بـ العَلآقـه .. حَزآزه !
بالجرح والحرمان الله يمسيك
وانا عسى النسيان يسعد مسايه
يامتعب ٍ عقب الندم لي خطاويك
يجحدك درب ٍ قد جحد لي خـُـطايه
ماهي سنه ! ضاع العمر في حراويك
أتلفت قلب ٍ معتني بك عنايه
كابرت في حقي وزدت بتحديك
وانا شموخي مايذله هوايه
وش عاد لو قلبي بصفك ويغليك
طول الهجر خلاه يوقف معايه
درب ٍ خذاك اليوم جعله يهنّيك
والله يعدي ليلتي من شقايه
وياقلب لاتحزن فلا عاد يمديك
وخلك جناح ٍ للفرح في سمايه
اليوم كفّن حبك العود بيديك
الموت حق !! لكل نفس ٍ نهاية
وياليلي الساري هلابك هلافيك
انت الخوي ان خان طيب اخويايه
وياليلي الساري سريتك ومابيك
عن موحش الذكرى ابنسى خطايه
غيري تهنى يالضرير بـ لياليك
وانا قليل النوم عندي كفايه
لا جيتني ابكيك وان رحت ابكيك
ياحافظٍ سري عن اذن الوشايه
وياوقت لا تعطي عسى الله يغنيك
يكفي عطاك العام هم ونكايه
بعطيك كل اللي تبي وعد بـعطيك
بس انت صد شوي يكفي أسآيه
آية حسن خانت وهزت مباديك
وماكنت اظن بيوم بتخون آيه
لكن عسى من يكتب العشق يمحيك
وانا عسى النسيان يمحي هوايه
مخرج
لا تقطف الورده ولا تقطع العرق
خلّه يموت ان كان ودّك لحاله
خلّك تشوف الفرق يا جاهل الفرق
عساك تحلم كل يوم بخياله 
او 
لمشاركة اصدقائك!
عضويتي
بالجرح والحرمان الله يمسيك 
العرض العادي
