5 - 5 - 2022, 06:35 AM
|
#51 |
رد: ديوان ونبذه عن الشاعر فهد المساعد
الطفل والمحارم
كان في وسط المدينه...
طفلٍ أكبر من سنينه..
والده مات بحنانه..
ولاقعد يندب زمانه...
صادق هموم الشوارع ..
يمسح الدمع ويصارع ..
طفل لكن كان بارع ..
مات ابوه وجا مكانه ...
يمسح أطراف القوايل عن جبينه ..
يبعد الشمس ويطاردها بيدينه..
طفل أحزانه معالم..
طيب وسمح ومسالم..
يمشي ويطوح بصوته ..
يبغى قوت أمه وقوته ..
المحارم....المحارم....المحارم ..
المحارم....المحارم....المحارم ..
ولا أقبل الليل ..ورحل وجه النهار ..
راح لامه مثل الأطفال الصغار ..
وأرتمى في ...حظنها ..
أرتمى في....جفنها ..
أرتمى في....حزنها..
وقامت امه تبكي لضيعة سنينه ..
وصاح...يمه
ليه ياعمري حزينه؟ ..
دمعتك يالغاليه والله ثمينه ..
تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامك أنتي تحترينه..
وفي صباح من صباحات الضياع ..
الحزن قدر يقول له الوداع ..
نادت أمه...ماسمع ..
صاحت أمه...مانفع ..
طاحت أمه...مارجع ..
الصغير اللي ملى الدنيا صراع...
مات ....من كثر الوجع
|
|
|
|
| | |
 | |
5 - 5 - 2022, 06:36 AM
|
#52 |
رد: ديوان ونبذه عن الشاعر فهد المساعد
الحصاد
كل ماجبت كبوه قلت كبوة جواد
وطال كبو الجواد وطال معه العدي
كنت أجمّع قروش ٍ بيض لجل السواد
ويوم ساد السواد أنشلّ معصم يدي
آه ياهي غروسي طوّلت بالحصاد
يوم نوّخت حلمي عند باب الجدي
يالحبيب الكبْر ماخلْق لجل العباد
خلق للي ينادي: يالعباد أعبدي
جيت مثل الغريب وكنت مثل البلاد
وقمت أباهي وأصوّت يابْلدي يابْلدي
أحسب أني كسبت الكسب يوم الجهاد
وجبت راس العنيد وشلت حمْل ابعدي
وأثر كسبي عيون ٍ ماتذوق الرقاد
وشاعر كل ماضاقت عليه يحدي
هيه ياللي بديت بشي مثل الوكاد
وأنتهيت بظنون ٍ حاربت مرقدي
أعتبر كل عمري معك كبوة جواد
وألف شكرا على أني صرت اعرف آعدي
|
|
|
|
| | |
| |
5 - 5 - 2022, 06:36 AM
|
#53 |
رد: ديوان ونبذه عن الشاعر فهد المساعد
صدفة
الشوق ماله عمر يفنى وينعاد
له في الضلوع أن عاد وأن غاب رجفه
مع كل فرقا له ورى الجفن ميلاد
وأن ماتت الفرقا لقى الشوق حتفه
جيت أقتل الفرقا من بلاد ل بلاد
ملّ الطريق يشيلني فوق كتفه
وأنا بعد مليت من كثر ما أرتاد
هالشارع اللي كان لك فيه شرفه
تظمأ عيوني شوفك وتشبع سهاد
عيّا الزمن يقطع ظماها ب رشفه
لاوجهك أسقاها ولا ذاقت رقاد
ماغير طيفك طيفك اللي أعرفه
كنّه ظبي وعيوني ظلال صياد
يجفل قبل يرتد للجفن طرفه
مشكلته أنه كل ما أشتقت يزداد
حتى ملا جدران وقتي وسقفه
وأصبحت أشوفه ف أول الغيم لاجاد
وف أقصى الشفق لاطاحت الشمس خلفه
وفي الأرض لانامت عقب صوت رعاد
وفي كل شباك ٍ صحت منه درفه
أتعبت طيفك لوم واللوم مافاد
ويوم الأمل في شوفتك مات نصفه
نويت أسافر عنك بجروح ٍ جداد
وعمر ٍ من أوراق الزمن حان قطفه
نويت لكن جابني الشوق منقاد
وجابك حنينك والزمن سال عطفه
شفتك تبسّم لي خجل مدري عناد
وفي نظرتك شوق ٍ من الظلم وصفه
حسيت كني طفل وعيونك أعياد
ياعيدي اللي له ورى الصدر رجفه
سمّ اللقا صدفة وأسمّيه ميعاد
أنا أنتظرتك وأنت مريت صدفه
|
|
|
|
| | |
| |
5 - 5 - 2022, 06:37 AM
|
#54 |
رد: ديوان ونبذه عن الشاعر فهد المساعد
آخر الصيف
تغيّرت بنت الضلوع المهاديف
تغيّرت والله .. وانا في رجاها
مدري متى؟! أو وين؟! أو ليه؟! أو كيف!؟
لكن اعرف أنه تغّير غلاها
هي سلمتني للزمن والصواديف
وانا اتذّكرها .. ولا اذكر خطاها
شهور .. كن غيابها في الصدر ضيف
مافيه ضلعٍ ماتقوّس وراها
حاولت فيها ترجع .. وقلت: ياحيف
هو من متى والأرض تنكر سماها؟!
كم كان وجه الحزن في عيونك مخيف!
كم كنت أواسي دمعتك في شقاها!
نسيتي أمواج الزمن والعواصيف؟!
وضلوعي اللي كم غفيتي وراها
ودعتي البحر .. ورميتي المجاديف؟!
من وصلك هذي الشواطي سواها؟!
ياما كتبتك فوق روس المشاريف
قصايدٍ مر السحاب وقراها
ويوم المطر مرّت عليه السواليف
حوّل يبي ضحكتك تسقيه ماها
وياما انجرحتي من فراق المواليف
وقسوة قلوب الراحلين وجفاها
طيب علامك كل ماارسلت لك طيف
عوّد عليّ بدمعةٍ مابكاها!!
حقك عليّه يالعروق الملاهيف
دام السوالف واصله منتهاها
الله عطاها من هنا لآخر الصيف
إن عوّدت للقلب .. والا نساها
|
|
|
|
| | |
| |
5 - 5 - 2022, 06:38 AM
|
#55 |
 
|
5 - 5 - 2022, 06:38 AM
|
#56 |
رد: ديوان ونبذه عن الشاعر فهد المساعد
التفاصيل الصغيرة
ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب
***
ياأدفى من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل: ماأبيك
وإذا رجعت اصالحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وماتحسسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
***
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع ونغترب
بالتفاصيل الصغيره
نقدر نعيش ونحب
|
|
|
|
| | |
| |
5 - 5 - 2022, 06:39 AM
|
#57 |
رد: ديوان ونبذه عن الشاعر فهد المساعد
انت زعلان
أسمعك ياللي تناديني يابو قلب ٍ خلي
بس انا ماني خلي القلب لأجل اسكت واجيك
الخلي ماهو بقلب ٍ من هيامك ممتلي
الخلي قلب آدمي ٍ شافك ولا هام فيك
انت زعلان لجفاي مادريت إن زعلي
يوم قلبك مايبيني قد ماقلبي يبيك
حتى لو عيت همومك في غيابي تنجلي
كل هذا مايساوي لهفتي يوم احتريك
كان ماصدقت هرجي طيب اسمع مايلي
ياحبيبي ياعسى ربي يحفظك ويهديك
جايز إنك في غيابي تقلب الدنيا علي
بس انا من قبل اعرفك قالب الدنيا عليك
|
|
|
|
| | |
| |
6 - 5 - 2022, 02:57 AM
|
#58 |
رد: ديوان ونبذه عن الشاعر فهد المساعد
يعطيك الف عافيه على روعة ذائقتك...
.بانتظار المزيد من ابداعك المعهود....
| | |
| |
7 - 5 - 2022, 08:04 PM
|
#59 |
رد: ديوان ونبذه عن الشاعر فهد المساعد
| | |
| |
7 - 5 - 2022, 08:05 PM
|
#60 |
رد: ديوان ونبذه عن الشاعر فهد المساعد
الغربة
أيوالله أن شوفته تستاهل عنادي
اللي عشانه تركت الدار والتربه
مااقول لك شوفته نستّني بلادي
لكنّها يافهد نستّني الغربه
وش عاد لو قلت عني ضايع وغادي؟
وش أبركه من ضياعٍ دلّني دربه
تبغاني ارجع! وأنا ياصعب معوادي
مادام همّي نساني وأنقلع سربه
الهم هاللي تشوف انه عليّ بادي
ياليتك تشوف كيف يصير في قربه
الله يحرم ... عيوني لّذة رقادي
أنّي معه .. مااعرف حزني ولااشعربه
هرجك فوادي وأنا ياخوك في وادي
الله يخلّيك ... حالي لاتعّذربه
راضي بحالي كذا ... واللي يجي عادي
لعيون منهو ركز في قلبي الحربه
بصوته شقاوته مزحه طبعه الهادي
يملا عليّ الفضا .. من شرقه لغربه
يكفيني أنه غدا هو شربي وزادي
أو تقدر تقول أنا اللي زاده وشربه
ياخي أذا الحب عيب! فشفني آنادي:
سجل ..... أنا من عرف عيبه وجاهربه
وسجّل هنا كلمةٍ تستاهل عنادي
بقولها قبل أسافر وأترك التربه:
والله ماأقسى من الغربه عن بلادي
الا .. شعوري وانا في بلادي بالغربه
|
|
|
|
| | |
| ديوان ونبذه عن الشاعر فهد المساعد |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 02:27 PM
| | | | | | | | | |
عضويتي
العرض العادي
