على طاري الفراق ارحب عسا باب الوصل مسدود
مادامك رحلت (ن) عدت وضاعت فيك هقواتي
مادام ان بيت حب (ن) قد بنيته جيت له مهدود
خلاص اقطع حبال الحب وانسى كل مافاتي
وفيت ولا لقيت من الوفاء مكسب ولا به فود
ولقيتك تلتفت لعيون حسادي وشماتي
فمان الله وشف دربك ولاتبذل معي مجهود
خلاص القلب عافك وانفجر من كثرت اسكاتي
تحملت التعب لجلك وشفت النقص قبل الزود
ولا عينت منك الا التجاهل يومي احاتي
بفارق واتركك وسط الطريق الي عليه شهود
وبنهي قصة (ن) فيها بداية كل اهاتي
لاني ماقبل القسمه ولا اغرتني عيون (ن) سود
غناوي وبدوي (ن) عزتي هي كل غاياتي
صحيح اني هويتك وانتشيت وقلت هبت نود
ولكن ضاعت الوجهه ولا حققت رغباتي
عضويتي
فمان الله 
.gif)
العرض العادي
