دام لك عندي معزّه ولك أمر ٍ مطاع
اقبض ب حبل الموده و بالك تقطعه
لي سفينة حب في بحركم ترفع شراع
والبحر دولاب والسفن فيه مشرّعه
ولي قصايد حب فيكم تبي حسن استماع
شاعر ٍ ما يبغي الا انت وحدك تسمعه
اجمع حروف المشاعر و ازيد الصاع صاع
ولا لقيتك ضاع كل الكلام اللي اجمعه
أتفكّر فيك دايم بدون اي انقطاع
واتحرّى موعدك بالفصول الاربعه
حطني في موق عينك ولا تطري وداع
وإن تبسّم حظنا لا تحاول تمنعه
الموضوع الأصلي :
دام لك عندي معزه || الكاتب :
همسه الشوق || المصدر :
شبكة همس الشوق