يمر الوقت ومانحسب حسابه والعمـر يجـري..
ولا ندري متـى نرحـل مـن الدنيـا ومافيهـا..
عجب شفت من الدنيا هموماً ضيقـت صـدري..
وشفت البعض يتسلى على جروحـي ويحييهـا..
اذا بعض البشر يهنى علـى غيـره ولا يـدري..
ترى اقسى من قسى الصخره عيون الناس نبكيها..
ابي افهم متى العالـم تحـس وترفـق بعمـري..
عجزت افهم مشاعرهم وبعض النـاس يخفيهـا..
ضحكت بوجههم دايم وسقيت الحلو مـن مـري..
واشوف وجيههم تعبس بشوفـي وانـا اداريهـا..
قريت الظلم بعيون البشر من هـول مايجـري..
وشفت البعض يستانس على نفسـي وشقاويهـا..
ابروز داخل عيوني بقايا مـن صـور قهـري..
واكسرها على اهدابـي بقايـا دمـوع اهليهـا..
اواسي الناس بالضيقه واتحمل حمـل ظهـري..
ونفسي بساعـة الضيقـه ادور مـن يواسيهـا..
وحيد بصحبة اوراقي ومرسم كم نزف شعـري..
وبقايا من قصايد حب عجزت اوصـل معانيهـا..
خطاي اني وفيت بقلب سرى صدقه مثل يسري..
بعرقي دمي واتعايـش مـع نفسـي واحاكيهـا..
افتش عن حضورالحزن واشوفه حاضراً بدري..
وافراحي نسـت " ....... " مثـل ماكنـت ناسيهـا..
كثيره احزان هالدنيا كثر هـذا الرمـل وادري..
ابـد مايـوم انـا تهنيـت بايامـي ولياليـهـا..
اعشم نفسي في بكره ولكـن هالبخـت عثـري..
تعبت امنـي اقدامـي علـى بكـره بخطاويهـا..
تعبت احلم واتوهم وضاع العمر مـن عمـري..
كفايـه ماتـت احلامـي وانـا لليـوم أرثيهـا..
دفنت بداخلي حلماً بنيته مـن عـرق صبـري..
تخيل كم صبرت سنين وكـم طاحـت مبانيهـا..
خلاص الوقت مايرجـع هـذا حظـي وقـدري..
مـدام ان العمـر ساعـه وتحكمهـا ثوانيـهـا. 
او 
لمشاركة اصدقائك!
عضويتي
]
يمر الوقت ومانحسب حسابه. 
العرض العادي
