روايه أحظان رومنسيه جريئه من واقعنا هذا لاتخلوا من مؤامرات البشر

يوم أمس, 05:02 AM

الجزء الـــثالث

لأبد لليل المليئ بالسواد الحالك بأن ينجلي ,, وتزاح الغمامه السوداء عن الطريق
ولا شك بأنه سوف يأتي النهار المشرق بعده
لنبدأ يومنا من جديد وننطلق في هذا القطار السريع الى محطه اخرة

في اليوم التالي ,,,

صحى احمد من النوم الساعه 9 الصبح بعد ليل كان صعب عليه جدا جدا
كان هذا الصباح عليه مختلف جدا لانه حس بانه صحى من كابوس طويل ماكان له نهايه
تخلص من الاشياء الي كانت تخنقه

دور احمد في الشاليه على الشباب راكان ومنصور ورائد مالقى احد فيهم
توجه للمطبخ يسوي لنفسه قهوة تركيه
دق جواله
كان المتصل cia يعني غدير أول مرة يتلقى احمد الاتصال من الرقم هذا وما يفز قلبه
اول مرة يحس انه لا مبالي وعنده استعداد لاي شي
تذكر الي صار البارحه معاه
وتذكر كيف كانت جالسه هي و بندر على الشاطئ
رد احمد على اتصال غدير

احمد : هلا
غدير : انت شسويت البارح وبأي حق تسوي كذا
احمد : فعلا انا البارح تصرفت تصرف غبي , وماكان لازم اسويه , وماكنت صاحي على نفسي واليوم صحيت
غدير : شقصدك؟
احمد : أبد ياغدير ماقصدي شي اطلاقا , بس يمكن انا وانتي ماينفع نكمل مع بعض .
غدير : ماينفع ايش ؟؟
احمد : غدير , خلاص ياغدير حنا مانصير لبعض اطلاقا , يكفيني ماجاني منك قبل , وخلاص
غدير : ليه على كيفك ان تفكر انك مثل مادخلت بتطلع
احمد : لا على كيفي ولا على كيفك . انتي للحينك باول شبابك وبتلقين الي يفهك ويستاهلك,
غدير : احمد انت للحينك ماتعرف انا وش اسوي ولا وش ممكن اسوي
احمد : انتي ماتقدرين تسوين شي
غدير : لا اقدر اسوي واشياء كثير بعد
احمد : طيب وانا اقولك سوي الي يطلع بيدك , ورجائا تنسين هذا الرقم, وتنسين احد اسمه احمد في حياتك
غدير : ههههه ماشي يا احمد انا اوريك

قفل احمد وشرب قهوته وحس انه تحرر من قيد كان مثقل عليه حيل
ويمنعه من انه يعيش حياته
الحين بس عرف معنى الحريه ومعنى انه هو الي يختار كيف يعيش وكيف يتحكم ويسيطر على نفسه

أتصل احمد براكان
احمد: هيه انت وينك صحيت مالقيت احد فيكم
راكان : والله ياستاذ شفناك نايم وتعبان فقلنا حنا جايين نستانس فطلعنا نبي نستاجر يخت وندخل اعماق البحار
احمد : ياباباي لا تاخذون شي قبل لا اجيكم
راكان : اجل بسرعه تعال مالنا خلق ننتظر اكثر,
احمد خلاص انتو وينكم بالضبط والحين اجيكم
راكان : حنا بمجمع اليخووت
احمد : طيب طيب جايكم

في الفندق
بندر يحاول يصحي محمد
بندر : محمد!! محمد!! ,, قوم اصحى نبي نمشي
محمد : يالله !!! بس خلني انام خمس دقايق
بندر : قوم اخلص علي بسرعه
محمد : يالله صباح خير ,,

بصعوبه صحى محمد وفتح عيونه وشاف خويه بندر وهو في حاله يرثى لها بعد الي صار امس

محمد : شفيك وش الي مسوي فيك كذا
بندر : قوم الحين غير ملابسك خلنا نمشي واحكيلك في الطريق
محمد: طيب طيب خمس دقايق واكون جاهز

احمد : راااااااااكان انتظر انت والبقر الي معاك
رائد : بقر الي يرفسك !!!
منصور بانزعاج شديد: اخلصوا خلونا نمشي قبل لا يغير رأيه راعي اليخت

مشوا الشباب ودخلوا داخل البحر,, وبدوا غنى ورقص ,,

غدير كانت تبكي في غرفتها ,, لانها اول مرة احد يعاملها بهذا الاسلوب وبهذي الطريقه
سمعت اختها مها صوت بكيها ودخلت عليها

مها : غدير حياتي خير وشفيك؟؟؟؟
غدير : ولا شي مها لو سمحتي خليني بروحي
مها : شلون اخليك وانتي بهذي الحاله , قولي لي شصاير وش الي مسوي فيكي كذا لايكون سالفه البارحة ؟؟
غدير : انا كلمته اليوم وماشفتي كيف الاسلوب الي عاملني فيه , لا ابد مو هذا احمد الي انا اعرفه
مها : وانتي بعد الي سويتيه البارح !! وش متوقعه تسمعين منه ولا كيف تبينه يكلمك او يتعامل معك
غدير : مادري مادري ,, خلاص مها خليني بروحي
مها : طيب على راحتك

طلعت مها وخلت اختها في حاله صعبه حيل ,, واضح عليها انها متأثرة بقوة بالي صار
والطريقه الي تعامل احمد معها واسلوبه

,,,

منصور : اقول شرايكم ناكل ترى جايب لكم معي سمك وروبيان وسوالف يحبها قلبكم
رائد : روبيان يععع !! مادري وش الي تحبونه فيه
منصور : ههه بكرة بس تتزوج تتعلم فوائد الروبيان يادلخ
رائد : ههه الله يسمع منك
راكان : ههه مستعجل ها ,, طيب قول لاهلك خلهم يزوجونك وش تنتظر؟
رائد : أنتظر الاقي بنت الحلال ,, صاحبة المواصفات الخارقه الي طلبتها
احمد : طيب ياعزيزي ممكن تكلمنا وش هي المواصفات الي تتمناها؟
رائد: طويله وبيضاء وشعرها اسود وعيونا رماديه
احمد : ههههه عيونها رماديه وشو تبي تتزوج قطوة
رائد : ياخي كيفي اخذ الي ابيه
احمد : الله كريم ان شاء الله تلقى ههههه
منصور : اقول بلا كثر سوالف وخلونا نقوم نجهز الغدا

محمد وبندر توجهوا للمطار وحجزوا على طائرة بعد ثلاث ساعات ,, جلسوا في مقهى وحكى بندر ل محمد كل الي صار البارح معه

محمد : يابندر اساسا انت ليه تحط نفسك في هذا الوضع
بندر : انا شدراني كله من عبد الله هو الي دخل الفكرة براسي
محمد : انا قلتلك من الاول عبد الله هذا مايجي من وراه الى المصايب ووجع الراس
بندر : صح والله معاك حق , انا لازم اعتذر من احمد وأشرح له كل شي بالتفصيل
محمد : والله يابندر يكون احسن ,
بندر : وهذا الي بيصير انا بنتظره كم يوم يهدى فيهم واقدر اسولف معاه , لان الحين مستحيل يتقبل مني اي كلمه بقولها

الساعه 8 في الليل رجعوا احمد وراكان ورائد ومنصور من رحلتهم البحريه
كانت رحله في قمه الروعه , استانسوا فيها جدا
فتح احمد جواله الي كان مقفل طول الرحله
واول مافتحه جاه على طول اتصال من غدير
فصل الخط ومارد عليها
اتصلت فيه اكثر من عشر مرات ومارد
اتصلت بعد قرر احمد يرد ويوقفها عن حدها

احمد : نعم ؟؟
غدير : ليه مقفل جوالك ؟ وليه ماترد على اتصالاتي
احمد : كنت برحله , واعتقد انا قلتلك ان كل الي بيننا انتهى فماله لزوم اني ارد على الاتصالات
غدير : ولا انا ابي اسمع صوتك ,, بس انا حبيت اذكرك بشي ,,, تذكر قبل اننا تسولفنا وقلنا يانعيش سوا يانموت سوا ؟؟
احمد : ايه اذكر وهذاك اليوم راح في حال سبيله حنا عيال اليوم
غدير: لا ياشاطر ,, نسيت اقولك اني مصابه بالايدز , واكيد المرض انتقل لك
احمد : مصابه بوشو؟
غدير : مثل ماسمعت ,, وان مو مصدق عندي التقارير اذا تحب بوريك اياهم
احمد : غدير انتي وش تقولين ؟؟

طبعا على صوت احمد لدجه انه يصارخ ,, والشباب الي كانوا يمشون قدامه وقفوا ورجعوا لعنده
احمد طاح على الارض وطاح الجوال من ايده وكان بحاله صدمه شديدة
راكان : احمد شفيك ؟؟
رائد : احمد رد علينا شفيك شصارلك؟؟؟
راكان : احمد رد ,, رد شبلاك
احمد : تقول انها نقلت لي الايدز,,, تقول اني انا مصاب بالايدز
راكان : من يقول ؟؟؟ مصاب بايدز ؟ ايش
احمد : غدير تقول انها معاها الايدز ونقلته لي
راكان : خلك مننها هذي كذابه يوم شافتك تركتها بدت تخترع سوالف عشان ماتروح منها
منصور : احمد كلام راكان صحيح
احمد : تقول عندي التقارير اذا تحب تعال شوفها
راكان : طيب بالمنطق لو انها مصابه بالايدز كيف خلوها لحد الحين ؟؟ ليه ماحجروا عليها ؟؟؟
احمد : مادري مادري
منصور : احمد استهدي بالرحمن وخلنا نروح الشاليه الحين ويصير خير

راكان ومنصور ورائد كانوا بيساندون احمد لانه مايقدر يسند نفسه ويمشي
الصدمه كان لها تاثير كبير عليه
من هول الصدمه اول ماوصل البيت حط راسه ونام

جلسوا راكان ورائد ومنصور في الصاله يفكرون بالي صار معهم والمصيبه الي جابتها لهم
غدير ,, الي مايخلصون من مصيبه الى توقع خويهم وصديقهم واخوهم احمد في مصيبه ثانيه

يوم أمس, 05:03 AM

أتصل بندر ب عبد الله أول ماوصل كان يبي يقوله عن الي صار معه في الرحله ,,
بندر : هلا عبد الله , كيف حالك ؟
عبد الله : هلا بندوور تمام اخبارك انت ياقاطع وين الغيبه ؟
بندر : بعدين بقولك بس أبيك اليوم تجيني البيت اذا تقدر
عبد الله : ايه خلاص اجيك ان شاء الله
بندر : تمام انا انتظرك

أما في الشاليه أحمد نايم ويهذي في حلمه كانه شايف كوابيس ,, وراكان ورائد ومنصور جالسين في الصاله ويحاولون يفكرون في المصيبه الي صارت لخويهم
وكيف يتأكدون من كلام هذي البنت خصوصا انها تكذب كثير بس بعد اذا كانت صادقه فأمر احمد بيكون منتهي نهايته الحجر الصحي وتدمير مستقبله

رائد : أنا لقيتها
منصور : شلون لقيتها هات قولنا ؟
رائد : عندي ولد خالتي ,, دكتور مخبري , بكلمه في الموضوع , واخليه هو يتدبر الامور
راكان : بس يا رائد اخاف اذا الولد فيه شي ,, ولد خالتك هذا يروح يعلم بالسالفه ,, وخوينا ترى ينتحر ولا احد يدري عنه أو يحجرون صحيا عليه

رائد : لاتخاف هو رجال مثلنا متحرر شوي وبيفهم علينا
منصور : طيب خلاص كلمه ,, وأول مايصحى احمد بنرجع من هذي الرحله الي كلها مشاكل ومصايب

...........
وصل عبد الله بيت بندر ,, ودخله بندر بسرعه وهو يشد يده بقوة ,, كأنه يبي ينتقم منه
عبد الله : هي يالدب شبلاك شاد يدي
بندر : أقول امشي ادخل معي وانا بعلمك

بندر : تدري انا وين كنت ؟
عبد الله : أيه ادري اتصل بي محمد وقال لي
بندر : طيب وتدري انا ليه رحت ؟
عبد الله : أيه ادري عشان غدير
بندر : وتدري يالغالي من شفنا هناك ؟ وش صار
عبد الله : لا والله مادري !! بس لازم الحين ادري وش صار ؟
بندر : شفنا احمد هناك ,, ولقانى جالسين أنا وغدير سوا
عبد الله : ههههه بالله عليك
بندر : وش يضحكك يامال الوجع
عبد الله : لان هي بتكون اكيد متصله فيه وتبي تسوي فيه هذا الشي انتقام او تحرك غيرته غدير واعرفه اكثر من نفسي

بندر : لا يالغالي هل مرة كانت فعلا صدفه
عبد الله : طيب وشصار؟
بندر : تضاربنا انا وهو
عبد الله : اوف اوف والله ؟
بندر : ايه والله ,, وكل السبب اأنت ,, انا وشو الي علقني معكم ,, بس تدري غدير شكلها طيبه

عبد الله : ههههههاي غدير طيبه ؟ والله ماحد طيب الا انت

,,,,,,,,,,,,,,
يوم صحى احمد من النوم ,, وحس بجسمه مكسر كله
خلال ثواني تذكر كلام غدير الي للحينه يرن في اذانه
نزل من على السرير وكسر كل شي في الغرفه وهو يصارخ بصوت عالي : بموووت موتي صار قريب ,, والله لاذبحك ياغدير ,,

دخلوا عليه رائد ومنصور بسرعه
رائد : احمد هدي وشفيك ؟ سمي بالله ياخوي
احمد : خلوني بحالي ,, لاحد يلمسني
منصور : هدي شبلاك ترى هي كذابه تقول هذا الكلام لان حست بانك بتتركها
احمد : خلووووني واطلعوا برا لاتخلوني الحين اذبحكم واذبح نفسي

رائد : اقول منصور خلينا نطلع الحين وبس يهدى نكلمه

طلعوا منصور ورائد وتركوا احمد بحاله هستيريه

دخل راكان الشاليه وسمع صراخ احمد والتكسير الي جاي من غرفته : شباب شفيه شصايرله
منصور : من اول ماصحى من النوم وهو على هذي الحاله
رائد : راكان انت ادخل عليه انت اقرب واحد له ويسمع منك

دخل راكان على احمد ,, بدون مايستاذنه
راكان : احمد اجلس ابي اكلمك
احمد : راكان تكفى اطلع وخلني بروحي
راكان : اجلس ابي اكلمك
احمد بصوت عالي : راكان قاعد اقولك اطلع

راكان ضرب احمد على صدره بقوة وجلسه غصب : اسمع هدي بقولك كلمتين
يا احمد شفيك انت كل هذا يصيبك من كلام وحده كذابه ,, وانت تدري انها تكذب
أحمد : ياراكان هذا ايدز ماهو مزح
راكان : طيب ,, ادري ,, بس الي قالك الخبر انسان كذاب
أحمد : شلون كذاب وهي تقولي اذا مو مصدق تعال بشوفك التحاليل
راكان : ليه ياحمد الي يسوي تحاليل ايدز ويكون حامل للفايروس يتركونه كذا يمشي ويسوي الي يبيه ,,؟ ليه مافكرت انهم بيحجرون عليه ,, عشان مايعدي ناس ثانين ؟
احمد وحس ان كلام راكان فيه شي من المنطق : ايه صح ,, بس ياخي يمكن قدرت تفلت من الموضوع ؟
راكان : طيب خلاص بتروح انت تحلل ,, وتتاكد من نفسك
احمد : أنت مجنون ؟ أروح احلل تبيهم يحجرون علي ؟
راكان : لاتخاف ,, انا متاكد ان مافيك شي ,, بس خلاص بناخذ عينه من دمك ونخلي احد بيروح ويوم تطلع نتيجه التحاليل بنقولك

احمد : خلاص موافق ,, بس الله يخليك بسرعه ترى ماعاد فيني اتحمل اكثر
راكان : لاتخاف ,, خلاص الحين بنرد لبيوتنا ان شاء الله وبكرة من الصبح ,, بنسوي كل شي

احمد : طيب ,, طيب

منصور يكلم رائد : فعلا ماحد يقدر يهديه غير راكان ,,

طلع احمد وراكان وقعدوا مع منصور ورائد وسئل راكان منصور متى يمشون ؟
منصور : الحين ان شاء الله بعد نص ساعه

يوم أمس, 05:04 AM

طول الطريق وهم راجعين ,, احمد شارد ولا هو في هذا العالم سارح في عالم ثاني يتذكر لحظات حياته كانه شريط فيديو يمر عليه بشكل سريع ,,
والشباب كانوا حزانين عليه وعلى حالته ,, فما حبوا يكلمونه بأي شي ولا يزعجونه فالتزموا كلهم الصمت في هذي الرحله

وصلوا بع مرور 5 ساعات تقريبا في الطريق وكانت كانها 5 شهور بالنسبه لهم
نزل احمد وراكان في بيت راكان ,, وأول ماشغل احمد السيارة يبي يمشي يروح البيت جاه راكان : اقول احمد مافي روحه اليوم بتنام عندي

احمد : لا راكان بروح البيت برتاح شوي
راكان : قاعد اقولك مافي روحه ,, يالله انزل ابي اتونس معك اليوم , وبكره عندنا شغل سوا بنطلع
احمد : طيب ,,
راكان : يالله انزل والحين اكلم خالتك اخليها تسويلك عشى ,, ههه بس مو معكرونه
احمد :ههه لا ماله لزوم مالي نفس اكل شي
راكان : براحتك لا تاكل باكل بروحي

دخل احمد وراكان البيت واتصل احمد ب اخوه سعد وبلغه انه وصل بس بينام اليوم في بيت راكان

الصبح الساعه 8 تقريبا ,, احمد يصحي راكان : راكان يالله قوم
راكان : احمد شبلاك انت ,, ياخي خلني نايم شتبي بي
احمد : قوم خلنا نروح الحين للمخبر
راكان : ياخي طيب كمل نومك الحين ,, نام لك بس ساعه
احمد : راكان انا مانمت ولا بنام ولا بيجيني نوم الا اعرف النتيجه

راكان : طيب ,, طيب

لبس راكان ملابسه وفورا طلع هو واحمد ,, وراح للمخبر الي قاله عليه رائد حق ولد خالته
أتصل راكان بالدكتور : الو صباح الخير دكتور عماد
دكتور عماد: هلا صباح النور ,, من معي ؟
راكان : انا راكان صديق رائد ,, مادري اذا رائد كلمك في الموضوع البارح
دكتور عماد:ايه صح ,, هلا رائد ,,كيف حالك
راكان : الحمد لله بخير دكتور ربي يطول بعمرك ,, بصراحه انا واحمد الحين بنجيك ,, مادري اذا بتسقبلنا

دكتور عماد: اكيد حياكم الله ,, انا الحين طالع للمخبر ان شاء الله نص ساعه وبكون هناك
راكان : خير انشاء الله ,, مشكور

دخل احمد وراكان المخبر وجلسوا ينتظرون الدكتور لين مايجي ,, وفعلا بعد عشر دقايق دخل الدكتور وسلم عليهم : راكان صح
راكن : ايه وهذا احمد
دكتور عماد : هلا فيكم تشرفت بكم والله ,, تفضلو ادخلوا

بعد مادخلوا ,, داخل مكتب الدكتور احمد يقول للدكتور : دكتور الله يخليك الموضوع هذا ابيه سري ما ابي أي احد يدري فيه

دكتور عماد : شفيك الله يهداك ,,, انشاء الله مافيك الا العافيه , بلا وساوس ,, ترى بتتعب بدون أي سبب
عطني ايدك خل اسحب دم,,,,

راكان : دكتور متى بتطلع النتيجه ؟؟
الدكتور عماد : انشاء الله بكرة الظهر ,, لان باخذه لمخبر ثاني مختص هنا مافي تحالليل هذا المرض ,, بس انا حبيت اني انا اسحب الدم حسب طلبكم وعشان مايخاف السيد احمد ههه

أحمد : دكتور مافي طريقه يطلع اسرع ترى والله مافيني شدة لبكرة
الدكتور عماد : ههه شفيك عاد انت رجال ,, وبعدين أبي اسالك انت كيف تشك ان فيك المرض ,, تحس بعوارضه شي ؟

احمد : لا والله
راكان : بصراحه دكتور .. احمد يعرف وحده ,, وهي قالتله ان معاها المرض
الدكتور عماد: طيب هي وينها الحين في حجر صحي ولا كيف
احمد : لا هي في بيتها وعايشه حياة طبيعيه
الدكتور راكان : احمد مايصير يخلونها الظاهر هي مخترعه لك السالفه ,, صدقني مافيك شي وبلا وساوس

احمد : الله يخليك يادكتور طمن قلبي ابي النتيجه ,, مابصدق كل كلامكم لين ماشوف النتيجه

الدكتور عماد : خلاص انشالله بكرة العصر تقدرون تجون تستلمون النتيجه ان شاء الله

راكان : مشكور دكتور ماقصرت
الدكتور عماد : هذا واجبي ,, اخوي راكان
احمد : مشكور دكتور

طلع احمد وراكان من عند الدكتور عماد ,,, وقتها احمد حس بشويه راحه من كلام الدكتور عماد ,, كانت كلماته له فيها شي من الواقع ,,بس رغم ذلك ماكان بيصدق الا بيتاكد من نتائج التحاليل

يوم أمس, 05:04 AM

أحمد يكلم راكان بعد ماطلعوا من المخبر : راكان انا وصلني البيت برتاح شوي ..
راكان : طيب مثل ماتبي ,, بس ليه ماتجلس عندي اليوم والله ابي استانس معك " طبعا راكان ماكان وده يترك احمد بهذي الحاله ابد خوفا عليه من أي شي يسويه بنفسه لانه يعرف صديقه واخوه ماهو طبيعي "

أحمد : لا معليه راكان وصلني البيت ,, بعد بشوف سعد أشتقت له والله ,, وبرتاح
راكان : طيب مثل ماتحب

وفي الطريق وهم رادين لبيت أحمد طلب احمد من راكان انه يوقف عند صيدليه
راكان : ليه شتبي ؟؟
احمد : والله ابي اخذ بندول ,, احس نفسي شوي مصدع
راكان : ليه ماعندك باندول في البيت ؟
احمد : لا ذاك اليوم كنت بدور مالقيت
راكان : طيب مو مشكله

وقفوا عند أول صيدليه شافوها حاول راكان هو الي ينزل ويجيب البندول ,, بس احمد رفض واصر انه هو الي ينزل ,, طبعا راكان ظن انه احمد مايبي راكان يدفع حق الدواء
بس احمد وقتها كان بياخذ حبوب منومه ,, ومايبي راكان يدري في الموضوع لانه اكيد بيمنعه

وفعلا نزل احمد لحاله ودخل طول شوي داخل الصيدليه لانه كان بيحاول ياخذ الحبوب والصيدلي ماقبل يعطيه لان هذي الانواع لا تصرف الى بوصفه طبيه
عطاه احمد ضعفين سعر الدواء عشان اخذه منه ,, وطلع

وصلوا البيت حاول راكان ينزل ويجلس مع احمد ,, بس احمد رفض يدري ان راكان مانام الا كم ساعه ولا حب يثقل عليه

دخل البيت مالقى سعد لان عنده اختبارات في نهايه السنه ,,
توجه لغرفته واخذ 4 حبوب من الدواء المنوم ,, ورمى نفسه على السرير ونام بعمق شديد
,,,,,,,,,,,,,,,,,,,,

طبعا أستمرت الاتصالات بين غدير وبندر بشكل متواصل بس بندر كان يحس او انه متاكد ,, ان غدير ماحد ملك قبلها الا أحمد ,,
بس كان مصر انه يكمل معها ,, لانها على قولته " كيكه لاتتفوت"
بس استمروا بدون أي لقائات مجرد مكالمات هاتفيه

في اليوم التالي طبعا اتصل راكان باحمد اكثر من عشرين مرة بس كانت كل محاولاته فاشله ,,
لان احمد دخل في نوم عميق أشبه بغيبوبه
أتصل باخوه سعد

راكان : مرحبا سعد ,., شلونك
سعد : هلا ريكو ,, تمام انت شلونك
راكان : بخير ,, الا سعد احمد وينه مايرد
سعد : والله البارح من رديت للبيت الى الحين وهو نايم صارله يومين
راكان : طيب سعد حاول تصحيه ,, لين ما انا اجي
سعد : حاظر ,,

وفعلا حاول يصحيه بس دون جدوى لانه كان في نوم عميق ,, لين وصل راكان ورموا عليه ماء بارد عشان صحى
واول ماصحى كانت البشارة الي انتظرها من زمان طلعت من فم راكان:
طلعت التحاليل نجيتيف يااحمد ,, مامعاك شي
احمد وللحينه ماهو مستعوب الي يسمعه : قول و الله
راكان : خوذ شوف بعينك
احمد واخذ الاوراق وهو مو مصدق الي قاعد يقراه : أي والله الحمد لله الحمد لله
راكان : يالله قوم اصحى خلنا نروح نحتفل ,, لان صارلك يومين مسوي لنا كئابه عامه
احمد : هههه يالله يالله ,,,

واتصل راكان في رائد ومنصور يقولهم الخبر ,, وتواعدوا يطلعون سوا يغيرون جوا بعد كم يوم كانوا كابوس فضيع بالنسبه لهم كلهم
التقوا الشباب الاربعه ,, وجلسوا في احد المقاهي

اتصلت غدير بأحمد بس احمد مارد ابد وأستاذن من الشباب وطلع ,, يبي يروح يشري رقم جديد ,, وفعلا حاول انه يقطع علاقته بشكل نهائي بغدير ,, الي كانت بالنسبه له فترة سوداء بحياته
رجع احمد للشباب وعطاهم رقمه الجديد وكسر الرقم القديم وقال : ماضي وانتهى ان شاء الله ,, الله لا يعيده هههه

راكان : كفو والله ,,

منصور حاول الاتصال بوئام كذا مرة بس ماكانت ترد,,,
وحس بقلق ,,
بعدها بفترة جائت رساله لجوال منصور ..
" حبيبي انا اسفه ماقدر ارد ,, ولد عمي عبد الرحمن توفى "

سأل احمد منصور لأن حس انه تغير كثر ماهو منصور قبل خمس دقايق : منصور خير ان شالله شصارلك ؟
منصور : والله يا احمد ولد عم وئام توفى
احمد : الله يرحمه ان شاء الله
منصور : امين انشاء الله , المسكينه رهف مادري وش بتسوي بنفسها
احمد : رهف منو ؟.
منصور رهف اخت وئام
احمد وتذكر اخوه سعد فورا : رهف اخت وئام ؟؟ ليه وشدخلها
منصور : ايه اختها ,, كانت تحبه حيل ويبون بعض وأول مايخلصون الثانويه كانوا بيخطبون
احمد : منصور هذي رهف تدرس بالثانويه الي قريبه من السوق
منصور : ايه ,, ليه انت تعرفها ؟
احمد : لا والله ,, بس كذا مجرد استفسار بعدين بقولك عن الموضوع
رائد : الله يرحمه طيب ماتدري كيف مات ؟
منصور : لا والله للحين ماادري !! ,, خلاص ياجماعه الله يرحمه والحي ابقى من الميت ,, خلونا نستانس
راكان : والله اول مرة تقول كلمه سنعه بحياتك ,, ياصرصور هههههههه

طلعوا من المقهى وتوجهوا لبيوتهم ,, احمد وصل البيت وأول ماوصل حاول انه يكلم اخوه سعد ويخبره بالي صار وسمعه اليوم

احمد : اقول سعوود بقولك شي
سعد : هاه شعندك ؟
احمد : ههه رهف طلعت تحب واحد ويبون يخطبون بعض ,, يصير ولد عمها , بس الله يرحمه توفى اليوم
سعد : والله ,, لاتقولها
أحمد : قلتها وخلصت فدور غيرها
سعد : وربي انك دب ,, انت تقول توفى ,, طبعا الله يرحمه ,, يعني الحين ماضل احد بحياتها
احمد : هههه ياشرير ,, اقول انا طالع لغرفتي ادخل النت شوي اذا تبي شي اطلع لي فوق ,, ولا اقولك سوي لي كاسه شاي كبيرة ولا امر عليك
سعد : اقول روح سوي لنفسك ,,
احمد : افاااا ,, ماني اخوك الكبير ,,
سعد : وانا اخوك الصغير ,, اعطف علي ههههه
احمد : لو سمحت ,, طلبتك
سعد : خلص ابشر

صعد احمد لغرفته ,, ودخل النت بيشوف الجديد ,, بعد خمس دقايق لحقه سعد : تفضل كاسه الشاي ياباشا
احمد : صحيح سعد ترى انا غيرت رقمي خذ رقمي الجديد
سعد : وليه من كثرة الازعاجات يا جورج كولوني؟
احمد : ماتبيه كيفك
سعد : خلاص هاته هههه

دق جرس الباب الخارجي وطلع سعد يشوف من في الباب : هلا اخوي تفضل
بندر : السلام عليكم ,, احمد موجود ؟
سعد : ايه موجود .. من اقوله
بندر : قوله بندر
سعد : تفضل ادخل الحين بخليه ينزل لك

دخل بندر وجلس في الحديقه ,, ويحاول يجمع الكلام وش يبي يقول لاحمد ,, وكيف يبي يعتذر له
نزل احمد وعليه ابتسامه عريضه : هلا يالله حي بندر
بندر : هلا بك ,, من قال يحيى
احمد : سعد ممكن قهوة
بندر : بصراحه يا احمد ,, انا جاي وابي اعتذر لك عن الي صار ذاك اليوم ,, والله كل السبب عبد الله هو الي عطاني الرقم وخلاني اكلمها
احمد : لا ولايهمك وانا عاذرك واصلن انا طلعت من الموضوع والطريق مفتوح قدامك
بندر : انا بس اتمنى انك ماتكون زعلان مني ؟
احمد : لاعادي انت مالك أي ذنب ,, اذا كان في ذنب فهوا على عبد الله الي ماحترم الصداقه الي تجمعنى , وعلى غدير الي ماحترمت الحب الي بيني وبينها
لا تعتذر انت ماسويت أي شي غلط
بندر : بصراحه يا احمد كلامك هذا كبير حيل وماتوقعته منك ,, مادري وشلون صديقك عبد الله يسوي معك كذا وانت ماتستاهل والله
احمد : ههه عادي الاخوان تصير بينهم مافي أي مشكله

يوم أمس, 05:05 AM

(( الـــجزء الــرابع ))

تتغير حياتنا في كل ثانيه نعيشها سواء الى الأفضل ام الى الأسوأ
لكن رغماً عنا يجب أن نقضيها

نرجع لاحمد وراكان في المقهى ,,, راكان يسأل احمد : هههه وش ذكرك بذيك الايام ,, ايام غدير ومشاكل غدير ,,
احمد : تصدق يا راكان رجعتني 6 سنين ورى تذكرت كل التفاصيل ,, صحيح كانت ايام قاسية بس اشتقت لها ,, اشتقت لهذيك الايام
راكان : اكيد يا أحمد الماضي نشتاقله بس لو رجع بنتالم ,,
احمد : صح ياراكان معك حق
راكان : تدري يا احمد ,, بكلامك وذكرياتك ذكرتني بملاك
احمد : هههه ملاك ها
راكان : هههه ايه والله

ملاك طالبه جامعيه تعرف عليها راكان خلال دراسته في لندن
كانت مبتعثه
بنت جميله بس شوي قصيرة ,, جمعتها مع راكان قصه حب رائعه بكل معنى الكلمه
كانوا اثنينهم لايقين لبعض ,, والكل حسدهم على علاقتهم ببعض ,, الي كانت قويه جدا
توئم روح ,, وتوئم حب

جالسين احمد ومنصور وراكان ورائد يودعون رائد وراكان لانهم بيسافرون بريطانيا بكرة الصبح للدراسه
كانت حفله وداعيه غريبه ههههه كلها فرفرة في الشوارع وتعليق على خلق الله
طبعا كانت رغبه راكان لانه حس بانهم لازم يسوون شي قبل لايسافر لازم تبقى له ذكره حلوة

احمد يكلم راكان ورائد : هههه ياحظكم بتشبعون ببنات اوروبا
راكان : هههه يارجل ترى حنا رايحين نتعلم
احمد : والله شوف لو ماعرفكم زين يمكن صدقت ههههه
رائد : هههه والله بشتاق لكم جدا جدا ياصدقائي العزيزين
منصور : الا اقول انت وياه متى السفر أي ساعه
راكان : بكرة الساعه 7 الصبح
منصور : طيب الحين الساعه 11 في الليل شرايكم نبقى مواصلين سوا ونوصلكم للمطار وابقوا ناموا في الطيارة
رائد : بس في اغراض ماجهزتها
راكان : اذا انت في اغراض ماجهزتها ,, انا ماجهزت ولا غرض هههه
منصور : ماهي مشكله ,, خلاص بنروح مع كل واحد لبيته يجهز اغراضه المهم انه بنكون اليوم لين موعد السفر كله سوا
ديل ؟؟
راكان : ديل
رائد : خلونا نفلها ونفلها ,, اوك ديل
منصور : احمد ها انت شرايك ؟؟
احمد : انا ثلاث ديلات ونص هههه

وفعلا قضوا الوقت كله سوا من بيت لبيت ,, لين ماصارت الساعه 6 الصبح
وتوجهوا للمطار
أول ماوصلوا المطار كانوا يحاولون يسايرون احمد بانه ينزل لانه رفض النزول .. يخاف من لحطات الوداع
بس راكان نزله غصب
على صوت في قاعه المطار " الى ركاب الخطوط الجويه البريطانيه المتوجهة الى لندن ,, التوجه الى البوابة رقم 6 "
عانقوا الشباب بعض وطبعا كانت دموع مخفيه حاولوا قدر المستطاع انهم يكبتونها
رائد وراكان تحركوا بسرعه لانهم يعرفون انه لو تاخروا اكثر بيكون الوضع حرج بالنسبه لهم وبالنسبه لمنصور واحمد ,, وخاصة احمد الي واضح عليه التأثر بوداعهم بشكل غير طبيعي

اختفى راكان ورائد عن نظر احمد وطلب منصور من احمد انهم يمشون ,, وافق احمد بس بصعوبه لانه عز عليه فرقه اصدقائه وخصوصا راكان اخوه واقرب الناس له

دخل راكان ورائد البوابه واستعدوا لدخول الطائرة
وأول مادخلوا الطائرة كانت واقفه عند البوابه مضيفه شقراء تقول "welcome sir walk on this way plz "
" اهلا بك سيدي من فضلك امشي من هذا الطريق "

جلس رائد وراكان في مقاعدهم
واقلعت الطائرة ,, طبعا رائد غط بنوم عميق بعد يوم طويل ماقدر ينام فيه
بس راكان حاول النوم ,, ماقدر خصوصا انه يتذكر كل الايام واللحظات
وكيف انه انتقل الى حياة ثانيه وودعهم

قاطعت المظيفه سلسله أفكار راكان " hello sir ,, how I can help u "
مرحبا سيدي , كيف اقدر اساعدك

راكان " thank you a lot , just I want a water plz "
شكرا جزيلا لك بس ابي مويا من فضلك

بعد ماشرب راكان المويه غط في نوم عميق

يوم أمس, 05:06 AM

وصل رائد وراكان مطار هيثرو في لندن ,, وخلصوا الأجرائات ,, واول ماطلعوا من المطار ماعرفوا وين يروحون ,,
خطرت ببال راكان فكرة
راكان : أقول رائد شرايك نروح على شارع الي يقولون فيه عرب كثير ,, بدايه لين مانتعلم زين في لندن ونغير مكاننا
رائد : والله فكرة ,,
راكان : ماتعرف اسم الاحياء الي فيها عرب ؟
رائد : مادري بس اسمع بشارع فيه عرب كثير اسمه على ماعتقد " ادجور رود "
راكان : خلاص خلنا نوقف لموزين ونقوله ياخذنا لهذا ادجور رود

وفعلا طلعوا مع اللموزين ,, وطلبوا ياخذهم الى هذا الشارع

واول ماوصلوا المكان .. لمح راكان مطعم اسمه((منقله)) ,, مطعم عراقي فاخذ راكان من ايده ودخلوا المطعم

راكان : السلام عليكم
عامل المطعم : وعليكم السلام
راكان : بالله لو تسمح نبي شقق ننزل فيها , وحنا تونا واصلين من السفر , ولا نعرف شي بلندن
عامل المطعم : يابا ماكو مشكله اقعدوا هسى نشربكم شي
راكان : مشكور والله
عامل المطعم : اهلين عيني

جاب عامل المطعم كاستين شاي عراقيات لرائد وراكان وقالهم :
أخوتي انتو شنو بالضبط تريدون شقق
راكان : شقق مفروشه اذا في نجلس فيها كم يوم
عامل المطعم : طيب انتو شكثر تريدون تكلفتها , يعني هوايا غاليه ولا شنو ؟
راكان : لا يعني متوسطه اذا ممكن
عامل المطعم : طيب ياخوي هسى ادلكم على شقق صايرة في اخر الشارع ,, بتلقون طلبكم فيها
راكان : ياليت تقولنا الحين ,, لاننا تعبانين وناوين نريح شوي
عامل المطعم : شوف اخويا ,, هسى تطلع من المطعم هنانا وتروح تمشي لاخر الشارع وبعدها تروح يسار تمشي خمسين متر تقريبا تلاقي قبالك شقق مفروشه

راكان : شكرا ماقصرت ,, تسلم
عامل المطعم : ولا يهمك اخويا واي شي تحتاجه باوع ترى لاتتردد تعال وانشالله اقدر اخدمك فيه
رائد : اشكرك

وطلعوا رائد وراكان من المطعم وراحوا يمشوون يدورن عن الشقق الي قالهم عنها العامل الي في المطعم
وفعلا وصلوا المكان الي قالهم عليه العامل ,, كان في شقق اسمها الاسعدي
ودخلوا عليها وحجزوا لهم
ودخلوا اخذوا شاور سريع وحطوا روسهم وناموا بعد تعب كان معتليهم بشكل كبير

,,,,,,
احمد يكلم منصور : شفيهم ماتصلوا ولا قالو لنا اذا وصلوا او لا ولا شيسوون
منصور : يارجال اكيد الحين بيكونون تعبانين من السفر ويبون يرتاحون , انا متاكد اول مايرتاحون بيتصلون فينا ويكلموننا
احمد : يمكن
منصور : طيب شرايك اليوم وين نروح ؟
احمد : والله مادري ,, بس مالي خلق اروح لمحل
منصور : طيب شرايك نروح للبحر ؟؟
احمد : لا تكفى كل شي ولا هذاك المكان
منصور : طيب شوف لنا حل نبي نطلع نروح مكان
احمد : والله مادري ,, خلنا نروح نجلس في البيت نسوي شيشه ونجلس نشاهد لنا فلم
منصور : كذا تقول
احمد : عندك اقتراح ثاني
منصور : لا والله
احمد : اجل امشي ,, وانت ساكت

يوم أمس, 05:07 AM

راكان نام ساعتين بس ريح فيهم وبعدها صحى ,, لقى رائد نايم ماحب انه يصحيه ,, فقرر انه ينزل يمشي شوي في الشوارع ,, ويعرف الاماكن الي قريبه من مسكنه ,,
وهو يمشي شاف هاتف عمومي في الطريق ,, تذكر انه يتصل باهله واحمد ويطمنهم عليه
مع انه يحب التشويق ويخوف الناس عليه ,, بس بضحكه صفراء ارتسمت على وجهه قرر انه يتصل فيهم ,,
اتصل اول شي في امه وابوه وكلمهم وطمنهم انه وصل بخير ,,
وبعدها فورا اتصل باحمد

احمد هو ومنصور مندمجين مع فلم الاكشن الي يعرض على قناة تو
دق جواله ,, ناظر رقم من الخارج ,, فورا رد : هلا ريكوووو
راكان : هههه كيف عرفتني ؟؟؟
احمد : قالولك ان شركاتي بلندن كثيرة !! ترى مالي احد هناك غيرك انت ورائد ,, ورائد ماتوقع انه يتصل قبلك
راكان : ههههه صح والله معاك حق
احمد : الحمد لله على سلامتك .. وشلون الجو عندكم ها مستانس انشالله بشرني
راكان : يارجل ماصار لنا كم ساعه بس ,, ماعرفنا خيرها من شرها
احمد : روح عيش ايامك راكانووو, والله لو اني انا محلك ماقعد لحظه
راكان : وانت شمسوي ؟؟؟
احمد : ابد والله جالسين انا وصرصور نشاهد فلم
راكان : ياحظكم والله قسم اني شتقت لكم وودي ارجع الحين
احمد : ارجع احد ماسكك
راكان : طيب ياحلو تصويني شي تامرني شي ؟؟؟
احمد : ابد سلامتك انتبه لنفسك .. وسلم على رائد ,, وسلم على الشقر الي حولك
راكان : ابشر يوصل من عيوني

قفل راكان ,, وأستمر يمشي ويقطع في الشوارع لين شاف كافيه ستار بكس ,, دخل وطلب قهوة امريكيه وجلس جنب الزجاج المطل على الشارع
ويتأمل بالناس الي رايحه وجايه ,, والأشكال العربيه المنتشرة بكثرة في المنطقه

خلص قهوته وطلع من المقهى وأستمر في المشي ,,, وهوا بحاله تأمل كبيرة

,,,,,,,,,,,,,,

احمد : اقول سعوووود جيب البلاي ستيشن خلنا نكسر راس منصورو بالكورة
منصور : انت تكسر راسي هاههاهاههاي
احمد : وليه مو مصدق
منصور : لا والله نفسي اصدق بس ههههههه

جاب سعد البلاي ستيشن وركبه : أقول ترى الي يربح يباريني انا موافقين
منصور : جهز نفسك انا الي اباريك
احمد : ايه يالله اختار فريق وبدون كثرة سوالف
منصور : انا ريال مدريد معروفه
احمد : وانا اول ريدي برشلونه

بدوا المباراة ,, وطبعا كان الخاسر أحمد ,, لانه مايعرف يلعب كورة ابد,,
سعد : يالله احمد قوم
احمد : استح على وجهك وين اقوم
سعد : شنو خسرت يالله قوم
احمد : انا اخوك الكبير ,, والحين لازم ارد بالثار
سعد : خلاص ولا يهمك انا اخذ بثارك
احمد : خلاص بس هذي المباراة اذ خسرت اعطيك
سعد : امرنا لله .. ورينا وش تسوي ,, يامارادونا

ولعبوا المباراة الثانيه ,, وبعد احمد خسر
سعد : يالله حبيبي احمد ودع البطوله
احمد : سعد بس مباراة بعد ابي اخسره
سعد : اخلص علي ترى والله افصله
منصور : يارجل انت مباراتين ومامنك خير ,, عطه خليه يورينا لعبه

عطى احمد لسعد يلعب مع منصور ,, وماطول منصور بيد سعد ,, خسره 6-1
واحمد أِشتغل فيه مسخرة وضحك ,, لين مافطس

,,,,,,,,,,,,,

حس راكان بالتعب بعد مشي طويل حيل ,, ورد الشقه
رمى نفسه على السرير وحاول انه ينام ,, بس ماقدر كانت الافكار كثيرة تدور براسه
وابرزها بكرة ,, وكيف بيروح للجامعه وكيف بتكون
سلم راكان نفسه للنوم ,,

الساعه 7 الصبح رائد يصحي راكان : راكان قوم بنروح نشوف الجامعه بسرعه لانتاخر نبي نتعرف عليها
راكان : روح لحالك انا ابي انام
رائد : قوم خلصنا عاد
راكان : يارجل انت شبعان نوم وجاي تتفلسف عن راسي ,, يارجل خلني انام
رائد : اسمع انا نازل اجيب قهوة لي ولك ,, بلطع اشوفك جاهز
راكان : خير ان شاء الله يصير خير

نزل رائد وسوى في الكافي الي تحت ثنين قهوة ,, وصعد فيهم فوق ,, ولقى راكان للحينه نايم
رائد : ياخي انت ليه ماتفهم ,, قوم خلص
راكان : يالله ,, يالله ,,

شربوا القهوة ثنينهم ودخل راكان يسوي شاور سريع وفتح باب الحمام : هيييي رائد يا دب جيب لي ملابسي من فوق السرير

رائد : اطلع انت خوذهم
راكان : بالله عليك رائد افندي والله الحين مو وقتك ,, عطني ياهم اخلص علي
رائد : هدي اعصابك شوي شوي لا يطق لك عرق ,, خوذ

جهز راكان نفسه ونزل هو ورائد مستعدين يشوفون الجامعه ,, ويتعرفون عليها
وقفوا في الشارع واشروا للموزين ,, وطلعوا فيها
راكان : good morrning plz take us to University College London

وصل راكان ورائد للجامعه ,, وتمشوا فيها وبين اروقتها وشاهدوا الفصول الي فيها ,, وبسرعه توجهوا للمقهى حق الجامعه
جلسوا على طاوله معاهكم كاسين من القهوة ,, ويتأملون خلق الله الي في المقهى ,, يدورون فيها عن وجه مألوف ,,
بعد لحظات سمعوا كلام جاييهم من ورا : يالله حيهم الشعب العربي ,, شحالكم
التفتوا عليه : هلا فيك ,, بخير الحمد لله
جلس معهم وبدا يعرفهم عن نفسه : انا اسمي سعيد من الامارات ,, ادرس هنا في الكليه هذي اول سنه لي
راكان : وانا اسمي راكان ,, وهذا خويي رائد ,, بعد هذي اول سنه لنا وتوه البارح واصلين من الديار
سعيد : الحمد لله على السلامه ,, وكيف كانت سفرتكم عسب ماتوهقتوا
رائد : لا الحمد لله سفرة تمام ,,
سعيد : تعالوا معي اعرفكم على الشله ,, ترى كلنا عرب .. وفي نفس السنه بعد

وقفوا راكان ورائد ,, ومشوا مع سعيد واتجهوا لطاوله كان فيها 4 بنات و 3 شباب سعيد يعرفهم : هذا وليد من مصر ,, وهذي روعه من الاردن .. عبد الله من الكويت ,, وبدر من عندكم ,, كوثر من العراق ,,و اخيرا ملاك وسارة بعد من عندكم ,,,,, رائد وراكان

تبادلوا السلام في مابينهم وجلسوا على الطاوله ,, كان الحديث كله موجه لرائد وراكان ,, يسألونهم ويحاولون يتعرفون فيهم اكثر

يوم أمس, 05:08 AM

أستاذنوا راكان ورائد من الموجودين وانصرفوا ,,
لحقهم سعيد يصارخ وراهم !! : راكان رائد !! انتظروا شوي

وقف راكان و رائد والتفتوا باأستغراب لسعيد ,, الي كان يلهث بشكل غير طبيعي ,, بعد سرعه الجري الي قام بها وهو يلحقهم

سعيد : أقول ياشباب !! انتوا وين بتسيرون الحين ؟؟
راكان : ابد والله بنروح نتمشى شوي في لندن ,, وبعدها بنروح الشقه
سعيد : طيب انا ماعندي شي ,, شرايكم بسير وياكم ؟؟
راكان بتعجب : ابد حياك الله
قاطعه رائد : ايه تعال نبي تعلمنا على لندن وشوارعها واماكنها ,,
سعيد : أبشروا ,, يالله تفضلوا

طلعوا الثلاثه من الكليه

وبنفس الوقت كانوا داخل المقهى ,,
وليد وعبد الله استاذنوا البنات بيروحون المكتبه بياخذون مراجع كانوا يحتاجونها ,, وطلبت كوثر انها تروح معاهم
اما كوثر وملاك وسارة بقوا جالسات
كوثر بضحكه صفراء : هاه بنات وش رايكم بعيال بلدكم ؟؟ حلوين هاا
سارة : ياشيخه للحين ماعرفنا خيرهم من شرهم توهم واصلين
كوثر : بس واضح على الي اسمه راكان ,, انه انسان ذووق حيل ,, وبعد كان يباوع ملاك ,, ولا شال عيونه من عليها
ملاك : يناظرني انا !!!
كوثر : لا عيوني يناظر جارتك
ملاك : مانتبهت والله

سارة تقاطعهم ,,,: اقول ملاك انا بروح البيت ,, بتمشين معي ولا بتبقين
ملاك : لا بروح معك
كوثر : وين تروحون وتخلوني لحالي ,,

البنات ماردوا عليها ,, ومشوا وخلوها
وطبعا كوثر نزلت فيهم سب وشتايم وحملت اغراضها وطلعت

,,,,,,,,,,,,,,,,,,,,,,,,,,,,,,,
سعيد : اقول شباب ,, انتوا وين ساكنين دحين
رائد : والله بشقق مفروشه ,, بشارع ادجوارد رود
سعيد : طيب وشرايكم تييون تسكونون بالشقه عندنا ,, ترى كبيرة ومافيها الا انا وعبد الله
راكان : لا مانبي نثقل عليكم ,, بنشوف لنا شقة انا ورائد وناخذها
سعيد : لا ياريال لاتقول جي ,, بلعكس اصلن نستانس يوم نكون كلنا سوا
راكان : وشرايك رائد ؟؟؟
رائد يهز راسه بالموافقه : براحتك انا ماعندي مانع
سعيد : عيل خلاص الحين بنسير الشقه وبتاخذون اغراضكم ,, وبنسير نحطها في الشقه حقتنا ,, وبعدها بنطلع ندور في لندن
راكان : مثل ماتبون

وقفوا لموزين ,, وفورا توجهوا الى الشقق المفروشه ,, صعد راكان وسعد يحملون الاغراض من الغرفه ,, بين ماكان رائد يخلص اجرائات الاخلاء ,,