روايه أحظان رومنسيه جريئه من واقعنا هذا لاتخلوا من مؤامرات البشر

#1 31 - 10 - 2024, 04:53 AM

روايه أحظان رومنسيه جريئه من واقعنا هذا لاتخلوا من مؤامرات البشر

بسم الله الرحم الرحيم
هذه قصه حدثت في زمانن ما ومكان ما ابطالها أشخاص يعيشون الان في هذه الحياة
لكن بأسماء مختلفه ، وايضا بقصص مختلفه وددت ان اكتب قصتهم لكم وأسف عن الأخطاء فيها
لأني لست محترفا روائيا انما امكانيتي محدودة طبعا هي فقط قصه تحاكي زمن ذهب نسترجعه
الى هذا اليوم ، بما فيها من حب وجنون ورومنسيه وأحداث قد يستغربها الكثير منكم لكنها وللأسف موجودة
في هذا العالم الصغير
اتمنى ان تنال اعجابكم واتمنى توجيهي الى اخطائي
ودمتم بود

تقبلوا فائق أحترامي وتقديري
السيف الفيصل

{{ أحظان }}
الجزء الأول

بدايه اتكلم عن بطل قصتي المتواضعه هذي شاب اسمه احمد عمره 23 سنه الأن
تربى احمد في اسرة كان الشباب فيها يفخرون باعداد الفتيات الي يعرفونهم ويتباهون كل شخص بجمال صديقته امام الاخرين ليقولوا عنه (( الولد الجنتل ))

أحمد ولد اسرة غنيه الى حدا ما وايضا كان صاحب جمال نسبي وصاحب طول وكان محط انظار البنات عليه اكثر من سواه وكان ايضا هدف للغيرة من أصدقائه وأقاربه ،

عنده صديق واحد مخلص وهو بعد يصير ولد خالته وأخوه بالرضاعه اسمه راكان بنفس عمره

بيوم من الأيام كان أحمد وراكان جالسين بأحد المقاهي يدخنون شيشه طبعا كان راكان مدمن عليها
وأسترجعوا بذاكرتهم أيام المراهقه
فذكروا فتاه اسمها "غدير "

كانت هذي غدير اول بنت تعرف عليها أحمد بحياته
مطلقه عمرها 18 سنه
اكبر منه بسنه
طبعا عن طريق الترقيم في الأسواق

غدير هذي من الشخصيات الي تحب توقع الشباب في شباكها . لكن اذا حبت تحب بجنون حتى انها تقتل في سبيل انه هذا الحب مايروح لغيرها يمكن كان حب تملك
هيا شخصيه يصعب تحليلها للاضطرابات الكثيرة الي تبدر منها

طبعا استمرت علاقه احمد وغدير لمده سنة كامله تخللها احداث كثيرة
كان اول اتصال بينهم.
غدير : الو
أحمد : هلا " طبعا كانت علامات الخجل واضحه فيه لانه اول مرة يصير معاه هذا الشي "
غدير : كيفك
أحمد : الحمد لله زين انتي كيفك
غدير : تمام انت اسمك احمد صح كذا مكتوب في الورقه
أحمد : ايه صح
غدير : عاشت الاسامي

طبعا استمرت المكالمه بينهم وكان الحديث كله تعارف
أول مكالمه

طبعا احمد مانام ذيك الليله من شده فرحه

جا اليوم الثاني كان احمد ماسك الجوال ينتظر اتصال من غدير وتعدي الساعت لين ماقرر هو الاتصال
اتصل فيها
كان انتظار بكالمه اخرى
بعد ربع ساعه اتصل بعد انتظار

طبعا استمر الحال لمده ساعتين متواصلات والرقم كان انتظار
قرر احمد مايتصل وخصوصا انه شك انها تكلم احد ثاني
بعد ربع ساعه
رن جواله
احمد بسرعه : ألو
غدير : مسا الخير
احمد : صارت الساعه وحده ونص الصبح ، صباح النور
غدير فورا بدون مايسأله : أنا كنت قاعده اكلم اختي المتزوجه وقضيناها سوالف وماحسيت بالوقت انا حيل أسفه
احمد : لا عادي
غدير : طيب انا نعست بروح انام توصي شي
أحمد : سلامتك
غدير : يالله باي

حس احمد بشي غريب خصوصا هذي اول تجربه له
بس كانت تدور براسه كلمه كان يسمعها كثير بس يقولها بدون مايعرف وشو معناها ولا اذا هذي الكلمه صحيح تحكي عن مشاعره الداخليه او لا
" مو مهم اني اكون الوحيد بحياتها المهم اني اكون المميز "

طبعا وفي ههذي الليله بعد حارب النوم عيونه
وبقى منشغل التفكير

مرت الأيام كانوا يقضونها اتصالات او يشوفون بعض من بعيد لبعيد

وفي مساء يوم اتصلت غدير ب أحمد وكان وقتها جالس مع اصحابه في مقهى يتابعون مباراة لبرشلونا واسبانيول
طلع أحمد خارج المقهى

أحمد : الو
غدير : هلا أحمد تقدر تجيني الحين ضروري
أحمد : خير عسى ماشر
غدير : تعال وانت تعرف محضرتلك مفاجأة
احمد : طيب يالله شوي واكون عندك

قفل احمد الخط وأستاذن من الشباب وفورا ركب سيارته وراح عند المكان الي وصفته له غدير

أول ماوصل اتصل فيها

أحمد : ألو
غدير : هلا
أحمد : انا في المكان الي تقولين عليه بس مافي شي
غدير : شفت الليموزين الي واقفه
أحمد : أيه شفته
غدير :خلاص روح لها وأوقف وراها

راح احمد وصفط ورا الليموزين وقعد ينتظر
انفتح الباب وركبت معه وحده
كانت غدير

غدير : كيفك حبيبي
أحمد : هلا حياتي شالسالفه طيب عطيني خبر
غدير : مو حلوة المفاجأة ، يالله امشي لاحد يشوفنا

أحمد : طيب ، وين تبين نروح
غدير : بكيفك أي مكان المهم نكون سوا

مشى احمد وماكان عارف وين يروح بس كان يمشي
وصلوا لمنطقه خاليه تقريبا ،

غدير : خلاص أحمد وقف هنا
أحمد : اوك

تقابلت عيونهم سوا وصارت لحظه سكوت استمرت لدقايق
كسرت غدير حاجز الصمت
غدير : تذكر مرة انت سالتني سؤال وانا ماقدرت اجاوب عليه وشو كانت الجائزة
أحمد : ههههه ايه صح كانت بوسه وضحك

ماحس الا وغدير بايسته على خده ، حست انه أحمد وقته في قمه الأحراج
وضمته حيل

حس أحمد بشعور غريب ماقد حسه من قبل ، كان وكأنه حلم
بقوا مع بعض لمده ساعه تقريبا كان السكوت سيد الموقف بس ،وقتها شعور أحمد انه حلم جميل يتمنى انه مايفيق منه

رجع احمد بعد ماوصل غدير للمكان الي قالتله عليه ، وجلس بين ربعه بس علامات الصدمه معتليه وجهه ،

منصور : أحمد شفيك منت طبيعي صايرلك شي
أحمد : لا والله أبد معاكم انا
رائد : والله مانت معانا من جاك الاتصال وطلعت وقفلت جوالك وجاينا الحين مصدوم وبالك مشغول هههه شكلك عشقان ياولد
أحمد : هههه يمكن كل شي جايز
راكان : بعلمي تعشق برشلونا ها أشوف ولا سألت ان فازوا او خسروا
أحمد : هههه يارجل معاهم رونالدينيو ماينخاف عليهم

طلعوا من المقهى ، أحمد وراكان في نفس السيارة ، أحمد تفكيره سارح بغير عادته يضحك ويسولف هذي المرة وقته كله سكوت وابتسامه صفراء صغيرة تدل انه مو مصدق الوضع الي هو فيه ، راكان حس الوضع غريب شاف اخوه وصديقه وولد خالته مو طبيعي
راكان : أحمد شفيك انت ، ترا احسك اليوم منت طبيعي مو كالعادة
أحمد : أسمع بقولك ، انت الوحيد الي أقوله كل شي عني ،

وشرح أحمد كل شي لراكان وقاله عن سبب طلعته اليوم من المقهى وشصار

راكان : هههههه لا كذا انا عاذرك بيدك حق والله كل هذا يصير فيك ، طيب ممكن توصف

طيب ممكن توصف لنا الي ماخذه عقلك ، نشوفها تستاهل كل الي قاعد يصير فيك
أحمد : طويله وشقراء وبيضه وعيونها عسليه وجسمها ممشوق ، تعرف انت خوالها شوام هههه ، بس تدري عمرها 18 سنه ومطلقه

راكان : ههه يعني هذا الكلام الصح تتهنى يابعد جبدي هههه

فعلا كانت غدير فتاة حسناء جدا بارعه الجمال ،
مضت الايام وطبعا الاتصالات كانت مستمرة بينهم لكن مافي اي لقاء
لحد مابدت اللعبه الي كانت تحاول ترسمها غدير على أحمد بدت جاهزة للتنفيذ ، بعد ماحست انه أحمد بدا يتعلق فيها بشكل سريع ،

طبعا غدير كان عندها ثلا اخوات اكبر منها وكانت تستشيرهن في كل شي ، بأدق التفاصيل وحتى أن امها كانت على درايه شبه كامله بالي يصير بين بناتها والكلام

وفي جلسه جمعت الأخوات الاربعه
"مها " الكبيرة الرأس المدبر وصاحبه الخطط المحكمه ، متزوجه عنده ولد وبنت
" رهف " الثانيه لاحول ولا قوه وضيفته بس اقناع الست الوالده بافكار خواتها . متزوجه جديد
"ندى" ثالث وحده الي أكبر من غدير طالبه جامعيه تدعي المثاليه لكن ابعد من ما تكون عنها ، غير متزوجه لاتخلوا من بعض علاقات الصداقه مع بعض الشباب
"وغدير " الصغيرة

مها : غدير ماخبرتينا عن سي احمد بتاعك
غدير : هاها وقع لشوشته
مها : طيب انتي تاكدتي انه يحبك وتعلق فيك
غدير : أي طبعا ، تدري كيف ، لازم الحين اذرب معاه اسلوب اخليه يغار فيه ، كل ماغار يتعلق اكثر
مها : أنتبهي ترى يمكن ينفر منك بهذا الاسلوب
غدير : لا مستحيل ، هوا قلبه طيب وثانيا واضح عليه اول مرة يكلم بنت فا سهل التحكم فيه
مها : الله يكتبلك الخير ويكون من نصيبك هههه
رهف : الحين انتوا صارلكم ساعه تخططون على المسكين واخر شي تقولون الله يكتبلك الخير ويجعله من نصيبك
الي مايبيك ياغدير من قناعه لاتاخذينه

غدير : لاتخافين ابي اربيه على ايديني . يكون تحت امرتي انا وبس
ندى: الله يسترنا على كذا عقليات ، حشى منتي صاحيه

طبعا كملوا جلستهم واستمتعوا بجمعتهم
بالطرف الاخر كان أحمد هو وراكان يفترون بالسيارة ، بس بشكل لا ارادي احمد كل شوي يمر من حارة بيت غدير ، حس بالشوق لها ، طبعا اول انسانه دخلت حياته

راكان : أحمد خلنا نروح للبيت
أحمد : ليه شعندكم بالبيت
راكان : ولا شي القرايب كلهم مجتمعين وتدري انت لازم نروح نجلس معاهم شوي
أحمد : طيب ، خلاص انا اوصلك واروح مالي نفس اشوف احد
راكان : شعندك ؟ الحين صرنا مو عاجبينك احمد باشا
أحمد : حشى لله . خلاص حاظرين اوامرك ياحلو

وراحوا لبيت أحمد واول مادخلوا كانوا مجتمعين الاسرة كامله دخلوا سلموا
السلام عليكم ، طبعا الكل رد السلام ، الى الخال فهد ، الخال فهد انسان شديد وصارم بنفس الوقت قلبه طيب حيل ومزوح وعنده حنيه وخوف على الناس الي تخصه

الخال فهد : أحمد ، ها هذاك اليوم من كان معك بالسيارة
أحمد وبدا العرق يصب منه :!!! أنا ها منو كان معي ؟
الخال : ماتدري ها ، ترا قالي راعي اللموزين عنك يعرف سيارتك
أحمد حب انه يغير الموضوع باي طريقة :!! خالي يمكن مشبه علي او شي
حس الخال بتلبك احمد وتغير لونه : خلاص انا اشوفك بعدين ونتكلم
طبعا راكان كان يبتسم ابتسامه صفراء ويناظر احمد ، كانه مستانس على فضيحته

احمد يكلم نفسه . . يالمصيبه شجاب راعي اللموزين على خالي . فضيحتك صارت على كل لسان . خصوصا ان خالي فهد يحب يمزح بفضايح الخلق

راكان بلئم : تعيش وتاكل غيره ياحبيب
أحمد : أسكت الله يفشلك والله ان باجر سيرتي على كل لسان ، خالك ولقاله سالفه يتونس به
راكان : هاهاهاها
أحمد : أقول روح شوف العشى ماخلص انا ميت من الجوع

حيال محمد الأسدي ,ناطق العبيدي معجبون بهذا

الموضوع الأصلي :‎ روايه أحظان رومنسيه جريئه من واقعنا هذا لاتخلوا من مؤامرات البشر || الكاتب : || المصدر : شبكة همس الشوق

31 - 10 - 2024, 04:56 AM

طبعا الايام تمر وبدأت المتاعب تظهر لأحمد وهو مايدري كيف تجيه.
من بين الخطط الكثير الي كانت توقعه فيها غدير انه تفرق بينه وبين اصدقائه ، وخلقت بينهم مشاكل ، كان منها
مشكلته هو وعبد الله.

عبد الله هذا صديق دراسه لأحمد ، وجمعتهم في بعض علاقات قويه وصداقه ، كانوا اصدقاء مقربين لكن كل واحد منهم يحذر من الثاني ، وخصوصا ان أحمد كان يعرف ان عبد الله انسان ماهو سهل ويتلون بكل الالوان في سبيل تنفيذ مصالحه الشخصيه ، وكلمه صداقه في قاموسه تنمحي اذا كان هناك مأرب له

طبعا تعلق أحمد في غدير بشكل كبير لايتصوره عقل ، وفي يوم من الأيام أحمد وعبد الله جالسين في بيت عبد الله تقريبا الساعه ال 2 بعد نص الليل دايم هذي اوقات جمعتهم
دق جوال أحمد
رد أحمد : هلا
غدير : أهلين وينك انت؟
أحمد : جالس ببيت خويي سهرانين سوا
غدير : اها ؟ وشقاعدين تسوون لهذا الوقت
أحمد : مو شغلك هذا وماني فاضي لك
غدير : طيب طيب انا أشوف شغلي معك
أحمد : أقول بلطي البحر باي . وقفل الخط
عبد الله : شفيك احمد ليه معصب
أحمد : من هذي الي موقاعده تفهمني بس وين رايح وين جاي ليه مسوي ليه وليه وليه ؟ ياخي اتمنى مرا تقولي مشتاقتلك . طمني عنك لا ابدا
عبد الله : طيب احمد ممكن انا اندخل بالموضوع واكلمها يمكن تفهم مني

احمد وقتها مايعرف عبد الله على حقيقته كان واثق فيه لا ابعد حد

أحمد : كذا تقول! !؟
عبد الله : ماعرف! ! انا حبيت اعرض لك ان تبي اساعدك في الموضوع

أحمد : طيب خلاص كلمها . يمكن تقتنع على ايدك

عبد الله : طيب انا الحين بسويلك كاسة شاي تروق اعصابك فيها . شرايك ؟

أحمد : أكون لك شاكر والله ياليت ،

راح عبد الله يسوي الشاي . واحمد جالس يفكر فيها في غدير . " شفيني انا يطلع علي الصبح ماطيق سيرتها . يجي الليل اشتاق لها

واحن لها وماقدر اتنفس الهوا الا ان شفتها او كلمتها وسمعت صوتها "

قطع عبد الله افكار أحمد
عبد الله : احم احم . . . هذا الشاي للي باله مشغول
احمد : تسلم ايدك.
عبد الله : أقول احمد . عطني رقم غدير انا اتصل فيها الحين واحاول اكلمها بخصوصك انت وافهمها
احمد : طيب

وفعلا اخذ عبد الله الرقم واتصل فيها وكلمها وبدا يشرح لها واحمد جالس قباله ويسمع للكلام . طبعا اقتنعت غدير من مكالمه عبد الله واتصلت فورا ب احمد
احمد : هلا
غدير : حبيبي انا اسفه على كل شي . سامحني
احمد : خلاص ولا يهمك حياتي حصل خير
غدير : فديتك ،منت زعلان مني
أحمد : لا ابد ماعاش الي يزعل منك
غدير : طيب حبيبي بكرة ابي اشوفك
أحمد : وين
غدير : خلاص انا اكلمك
أحمد : ان شاء الله حياتي
غدير : تصبح على حب حبيبي
أحمد : وانتي الحب ياروحي باي

قفل احمد وتنهد تنهيده كبيرة حس انه رتاح ويمكن الحين بدت تفهم عليه غدير بعد . كلام عبد الله السحري معاها
احمد : عبد الله هههه وربي انك انسان خارق
عبد الله : ولو حنا بالخدمه يالطيب
احمد بعد ماخلص كاس الشاي الكبير وحس بدفئ بعد هددي الليله البارده : يالله ابو عابد انا اروح انام لان النعس بدا يلعب فيني
عبد الله : طيب انتبه للطريق لاتسرع
احمد : اوكيه . بكرة اشوفك ان شاء ألله

راح احمد للبيت وحط راسه على وسادته ونام بعمق

31 - 10 - 2024, 04:56 AM

صحى احمد الصبح بدري على غير عادته كان يوم مشرق وجميل طبعا هوا من الأشخاص الي النوم عنده شي مقدس واذا نام لو يصير زلزال في الارض مايصحى
بس هذا اليوم صحى الساعه تسعه الصبح نظر من شباك غرفته المطل على حديقه الفيلا الكبيرة المليئه بالاشجار والورود المتفتحه جديد لانه شهر نيسان والدنيا ربيع
نزل للمطبخ تحت وسوا لنفسه قهوة وقعد يشربها في الحديقه
رن جواله
كانت الاغنيه الي بجواله ل اليسا " شاغلني وشاغل بالي ،، عيني عليك ياغالي ،. ولا غير هواك يحلالي . . حبك غيرلي حوالي "
طبعا اسم المتصل كان cia
وهوا اسم غدير عنده بالجوال
سماها بهذا الاسم لانها كانت مراقبه كل تحركاته بالتفاصيل من اقاربه واصدقائه الي كانت تتواصل معاهم بشكل دائم لاسباب اما معرفه تحركات احمد او لاستثارة غيرته الجنونيه

أحمد : الو
غدير : صباح الخير حبيبي. اشوف اليوم صاحي بدري
أحمد : اي والله
غدير بصوت مصطنع يمثل البرائه : طيب تعال قدام البيت ابي اشوفك ضروري
أحمد : الحين?
غدير : ايه يالله انتظرك لاتتاخر
احمد : طيب بس اغير ملابسي وأجي

قفل الخط وصعد غرفته بسرعه وجهز نفسه وتعطر بكميه كبيرة من العطر ، يبي يكشخ قدامه لان ذاك القاء بينهم كانت مفاجئه وماتجهز فحب يغير من شكله قدامها ولو بشكل بسيط
صعد سيارته وراح ويوم وصل قريب بيتهم نزل وقعد يتمشى قدام البيت
انفتح باب البيت وكانت غدير مختفيه ورا الباب وتقولربصوت خفيفخ حيل : تعااال ادخل بسرعه

مشى احمد بتلبك شديد ودخل
حضنته غدير وباسته وقالتله : مشتاقتلك حيل ، واستغربت من كشخته اليوم : حليان شعندك
احمد : ههههه مادري

كان اللقاء لمده دقايق معدودة ماتتعدى ال ربع ساعه
وبعده طلع احمد وتوجه لسيارته بشكل سريع خوفا يشوفه احد من الجيران
اول ماصعد سيارته دق جواله

احمد : الو . هلا حياتي
غدير : هلا بك
احمد : يالله تدرين ان هذا يمكن احلى صباح بحياتي
غدير : وانا بعد . احمد ماشفت شي بجيبك
احمد : اي جيب?
غدير : جيب البنطلون الي ورا
احمد : دقيقه أشوف . مد سده احمد وطلع من جيبه سلسله من فضه طويله وفيها حرف a
قال : الله ياغدير كيف حطيتيه ولا حسيت به . كثير حلو . شكرا لذوقك
غدير : فديتك ، هذا ابيك تلبسه ولا ترميه ابد
احمد : حاظر من عيوني

لبسه احمد وراح للبيت واتصل براكان
احمد : هلا ريكو كيف حالك ? ياخطير
راكان : ها اخلص عندي محاظرة الحين شعندك
احمد : ابد والله ماعندي شي ، بس ابيك لي خلصت
تجي عندي نتغدى سوا
راكان : وش طابخين
احمد : مادري ، بس خير الله كثير انت بس خلصت تعال
راكان : طيب انا على الوحده ونص اخلص واجيك
احمد : طيب بأنتظارك
صعد احمد غرفته وجلس على اللاب توب دخل اليوتوب وبدا يسمع مقاطع موسيقيى لموزارت وبتهوفن . هو صاحب مزاج متقلب بس يعيش لحظته حسب مزاجه ، بعيد عن العادة والروتين
وغفى على اللحان الموسيقى

31 - 10 - 2024, 04:57 AM

" سعد" اخو احمد الصغير هم ثنين بس مالهم الا بعض ، سعد اصغر من احمد ب سنتين بس ، ولد عاقل وهادي جدا اختلاطه مع الناس قليل طويل ووسيم بشكل لافت جدا

دق الباب سعد على احمد : احمد قوم راكان جا وينتظرك تحت بالمجلس ،

دق الباب مرة ثانيه : لاحول الله اصحى نايم نوم بقر ، دخل عليه واستخدم طريقته المزعجه جدا وهي هز الوساده تحت راسه : قوم الرجال ينتظرك تحت

احمد ومنظره كانه يبي يذبح سعد : ياحيوان احد يصحي كذا ، روح الحين جايكم الله يخلصني منكم انتو الثنين ماتخلون الاوادم تعرف تنام.

نزل سعد على راكان وجلسوا سوا يتسولفون ، ودخل عليهم احمد وهو معصب
راكان : انت تعزم خلق الله وتروح تنام?
احمد : ياخي ماني شبعان نوم . وبعدين البقرة الي جنبك اسلوبه حيل راقي يحسسك انه قنبله ذريه انفجرت براسك يوم يبي يصحيك
اقول سعد روح قولهم يسوون لي قهوة راسي يعورن

جلس احمد وراكان مقابلين بعض . وشكل احمد خلى راكان يضحك بشكل هستيري ، شكله للحين نايم وهو صاحي

دخل سعد ومعاه القهوة التركيه بكاس كبير مثل مايشربه دايم احمد
خلص قهوته : ايه ياشيخ راكان الحين اقدر اسولف معاك زين هههه
راكان : طيب ، ها قولنا وش عندك من علوم جديدة
احمد : تدري البارح وش صار

راكان : خير ان شاء الله ؟ وش صار
أحمد : البارح كنا جالسين انا وعبد الله تعرفه الي كان جاركم ويدرس معي
راكان : هههه الا اعرفه اكثر من نفسي خير شعنده ؟
احمد قال لراكان كل الي صار معاه بنفس الليله الي كان جالس فيها مع عبد الله
راكان : احمد انت صاحي ترا هذا واحد يغدر بابوه الي خلفه ، اعرفه زين
احمد : لا يارجل هو زين وصديقي
راكان : براحتك بتشوف هذا صديقك شبيسوي فيك

قاطعهم سعد اقول يا نواب البرلمان تعالوا الغدا خلص
راكان : ابو سعود ها وش طابخين

سعد : أقول تعال وشوف بعينك
احمد : أمشي مو وقت لقافتك الحين

دخلوا المطبخ وقعدوا ياكلون معكرونه سباجيتي من طبخ سعد
راكان : يا احمد مشغلني من اليوم تعال وعازمك على الغدا وقلت شوف الحين وش مسوي لي طبخ اخر شي معكرونه

سعد بعصبيه : اقول كول وانت ساكت
احمد : اسمع كلام سعد لا والله الحين نقضي يومنا نعاني الجوع
راكان : أمري لله! !!

31 - 10 - 2024, 04:58 AM

الجزء الثاني

(( بدايه هناك اناس في هذا المجتمع يولدون ولديهم حب السيطرة والتملك على كل شيئ ، ويستخدمون مختلف الطرق حتى وأن كانت طرق ملتويه أو دنيئه فقط لتحقيق غاياتهم ، ويساعدهم فيها اناس أيضا لهم غايات يطمحون الى تحقيقها ، فابلتالي تتكون مجموعه مغلقه من اصحاب مصالح ، يسعون الى تحقيقها ، تؤذي الاخرين بقصد او بدون قصد وتدفعهم الى طريق الجنون ))

استمرت علاقه أحمد بغدير اشهر طويله ، وفي مساء يوم من الايام اتصلت غدير با احمد

غدير : احمد ابيك الحين تجي ضروري انا في بيت اختي مها
احمد : طيب شصاير
غدير : خلاص تعال الحين بسرعه
أحمد : طيب الحين أجي
غدير : يالله انتظرك باي
قفلوا الخط وراح احمد بسرعه وهو مشغول البال وشتبي هذي تعال بسرعه ، ياخبر الحين بفلوس بعد شوي ببلاش

اتصل احمد بغدير : الو حياتي انا تحت
غدير : شفت الباب الي فوقه ضوء لونه اصفر
احمد : ايه شايفه
غدير : ادخل فيه واصعد فوق
احمد : طيب

صفط احمد السيارة ومشى بخطوات ثابته مكان ما وصفت له غدير ودخل
صعد الدرج لقى باب الشقة مفتوح
دخل
كانت غدير باستقباله وشافها بمنظر ماتوقعه قبل ، كانت لابسه فستان احمر قصير وصابغه شعرها اسود. وكانت بمنتهى الجمال

جلسوا في الصاله وكانت محظرة غدير كيك قطعت قطعه لاحمد وعطته كاس شراب برتقال
شرب احمد العصير ،، حس بالعصير طعم غريب ، بس قال يمكن هذا نوع ماجربته قبل ، لأن صايرين يتفننون في العصائر
بعدها اخذته غدير لغرفه النوم
كانت اول علاقه جنسيه لاحمد ، اثار الصدمه كانت واضحه عليه
بعد مرور ساعتين ودع احمد غدير لانها طلبت منه يروح اختها وزوجها بيجون بعد شوي

هذا اليوم كان استثنائي بالنسبه لأحمد ، اليوم دخل عالم ماقد جربه من قبل حس انه انسان ثاني ، كانت مشاعره مختلطه بين الفرح

وعدم التصديق ، واستنكار الموقف ، مصدوم بكل شيئ

راح للبيت وصعد غرفته وقفل على نفسه الباب وماكلم ولا احد.
قضى ليله كله وهو يسترجع كل التفاصيل الي صارت معه اليوم كأنه فلم سنمائي يكرره مرة بعد مرة وماهو قادر يستوعب الي صار

استغرب بعد غدير ماتصلت فيه اليوم ، يمكن كانت مشغوله مع اختها وعيال أختها ،
بعد تفكير طويل دام ساعات ، سلم احمد نفسه لنوم عميق

الساعه الثامنه صباحا
صحى احمد على صوت الجوال حاول انه يرد بس فصل الاتصال
شاف المكالمات 18 مكالمه لم يرد عليها منصور
اتصل فورا احمد بمنصور
منصور صديق احمد وراكان هو من ضمن الشله المعتاده ، منصور كان بنفس المستوى الاجتماعي لأحمد تقريبا ، وتجمعهم قواسم مشتركه كثير ، حتى ان اصدقائهم والناس تقول عنهم وجهين لعمله واحده

احمد : ها منصور خير شصاير
منصور : احمد ، انا الحين انا وئام خويتي والمدرسه قالبه الدنيا عليها وماعرف وش اسوي يمكن بيكلمون اهلها
مادري اذا تعرف مدير المدرسه أو احد فيها يقدر يسكر الموضوع
احمد : خلاص تعالوا عندي البيت لين ماشوف وش اقدر اساعدك فيه
منصور : انا تحت بيتك خل احد يفتح الباب
احمد : طيب انا بنزلك الحين

نزل احمد بسرعه وفتح الباب دخل منصور وكانت عليه علامات ارتباك كبيرة ، ودخلت وئام وعيونها مغرقه بالدمع
جلسوا في الحديقه وراح احمد يسويلهم ليمون يهدون فيه شوي

احمد : تفضلوا اشربوا هذا وهدوا اعصابكم ان شاء الله الامور بسيطه
وئام : أحمد تكفى والله اهلي اذا دروا يذبحوني
احمد : خلاص لاتخافين ، الحين اتصل بمدير المدرسه اعرفه كان استاددي الخصوصي بالثالث المتوسط
منصور : ايه اتصل فيه بسرعه

احمد : طيب بس اروح اجيب المفكرة كنت كاتب رقمه فيها.
راح احمد وغاب عنهم اقل من خمس دقايق
كانت فيها وئام تبكي ومنصور

يحاول يهدي فيها

رجع احمد : الرقم ماهو بالمفكرة الظاهر اني ضيعته
منصور : أحمد والحل
احمد : لاتخاف بتصل بالاستعلامات بسالهم عن رقم المدرسه ،
اخذ احمد رقم المدرسه من الاستعلامات واتصل فيها

الاستاذ صالح : الو
احمد : صباح الخير استاذ معك احمد الرائد
الاستاذ صالح : هلا احمد كيفك كيفها امور. عساك بخير ، كيفه الوالد
احمد : الحمد لله أبشرك كلنا بخير ، لو سمحت استاذي كنت ابي منك خدمه صغيرة واتمنى ماتردني
الاستاذ صالح : حاظرين أمر بس
احمد : والله ياستاذ عندك طالبه اسمها وئام ، كان احمد يأشر لوئام يبي يعرف اسم عائلتها
وئام بصوت خفيف : حس .ن
احمد : وئام حسن
الاستاذ صالح : ايه شفيها اليوم متغيبه وحنا مقررين نبلغ ولي امرها في الموضوع لان غيابها قاعد يتكرر بشكل ملحوض
احمد : استاذ انا طالبك في هذا الموضوع بالذات ، اتمنى منك هذي المرى تطوفه ، واوعدك انا ان هذا الشي مايتكرر ، وان تكرر مالومك على اي تصرف تسويه ، بس تدري شوي اهلها يمكن يسوون فيها شي وهي اقسمت لي انها ماتعيدها

وئام كانت تحرك راسها لاحمد بمعنى الموافقه

الاستاذ صالح : خلص يا احمد عشان غلاتك عندي وغلاة والدك بطوفها هذي المرة بس قولها تجي المدرسه الحين .
احمد : أبشر استاذ الحين برسلها لك
قفل احمد الخط مع الاستاذ صالح
وقال لوئام : اتمنى ماعاد تعيدينها لان ثاني مرة لا انا ولا غيري نقدر نساعدك
وئام : ان شاء الله
احمد : يالله منصور خذها وصلها المدرسه الحين لان قال خليها ترد المدرسه
منصور : حاظر ، شكرا بك احمد بعمري ما انسالك وقفتك معي
احمد : ضحك ولو حبيب ألبي ، يالله وديها بسرعه قبل لايغير رأيه

طلع منصور ووئام وصعد احمد غرفته يكمل نومه الي قطعوه له الثنائي صرصور مثل ماكان يدلعه ووئام

31 - 10 - 2024, 04:59 AM

وفي نفس اليوم بس الساعه كانت 11 ليلا اتصلت غدير ب احمد
احمد : الو
غدير : احمد ، كيفك
احمد : هلا ، حياتي أشتقت لك " أحمد كان يحس في هذي الكلمه طالعه منه بشكل غير طبيعي حس انه قاعد يحترق على شوف غدير "
غدير : وانا بعد ، تعال ابي أشوفك الحين ،
احمد : الحين ?
غدير : ايه
احمد : حاظر شوي واجي

قفل الخط احمد وراح متجه لبيت غدير وقف سيارته بعيد ونزل يمشي بين الشجر عشان ما حد يلمحه

وصل لمسافه شبه قريبه . لمح صديقه عبد الله يمشي باتجاه بيت غدير وكان يتكلم بالجوال . وقف عبد الله قبال بيتهم ، لمح احمد غدير وهي على الشباك وقاعده تكلم بالجوال
احمد كان مو مصدق الي صاير حبرانه يتاكد . اتصل بجوال غدير لقاه انتظار
اتصل بجوال عبد الله بعد لقاه انتظار
قطع الشك باليقين ، انهم يكلمون بعض

طبعا غدير عرفت انه احمد شافهم خصوصا انه عرفت من عبد الله ان احمد اتصل فيه وعلق على الانتظار

توجه احمد الى بيت عبد الله وكان يفور من الغضب ، واعصابه بدت تتلف
قعد ينتظر وينتظر قدام بيت عبد الله لين جا

نزل احمد والشرار يطلع من عيونه : عبد الله انت تخوني
ضربه بوكس في وجهه

عبد الله وكانت علامات الارتباك الكبيرى حيل واضحه عليه حاول يهدي احمد : أحمد شفيك انت ادخل ادخل وانا احاول اشرحلك كل شي

بعد ترجي عبد الله الطويل لاحمد دخل احمد : وجلس وعبد الله راح المطبخ يسوي قهوة

عبد الله : أحمد اشرب القهوة وانا اقولك عن كل شي
احمد : ما ابي أشرب منك شي ، نصحوني منك بس ماصدقت ، انا اعتبرتك اخو لي ، بس طلع كلام الناس عنك صحيح
عبد الله : احمد شوف هي كانت دايم تتصل فيني وتسالني عنك ، بشكل يومي وانا ماخنتك يا احمد
احمد : عبد الله لاتجنني واليوم وش كنت تسوي رحت لبيتها
عبد الله : هي اتصلت بي وقالت ابي اعطيك شي

ابي اعطيك شي توصله لاحمد ، وانا رحت ، بس يوم وصلت قالتلي انه غيرت رأيها وقررت هي الي تعطيك اياه بيدها
ويوم انت اتصلت فيني قلت اكيد انك جيت عندي البيت فورا رجعت

احمد : اعصابه شوي تخدرت من كلام عبد الله ، لانه كان يملك طريقه بالاقناع بشكل غريب ،: طيب عبد الله ابي منك وعد انك ماترد عليها ولا تكلمها ابد ممكن

عبد الله : خلص اعتبر الموضوع منتهي

شرب احمد قهوته وقعد شوي مع عبد الله كان جوال عبد الله يدق باستمرار وعبد الله يسويه صامت

احمد : عبد الله ليه ماترد ، شنة هي تتصل ?
عبد الله : بصراحه ايه ، وانا وعدتك اني مارد عليها خلاص هي تتصل شوي وبعدها تمل
احمد : ايه لاترد عليها ابد

جت رساله لجوال عبد الله من غدير كان مكتوب فيها " انا ادري انك الحين معاه وماتقدر ترد اذا طلع من عندك قولي زين "

طبعا احمد مادرى عن الرساله وعبد الله كان يحاول يغير الموضوع عن احمد ويقضيها تهريج وضحك

صارت الساعه 1 ونص بعد نص الليل احمد استاذن من عبد الله وقاله : عبود انت خويي عشاني الموضوع هذا ابيك ماتسويه
عبد الله : خلص تطمن

طلع احمد من عند عبد الله واول ماصعد سيارته ومشى دق جواله

احمد : الو
غدير : هههه ها حبيبي شلونه خويك عبد الله
احمد : انتي شلون تكلمينه ، ليش وش تبين
غدير : أقول ، قوله هو لا يكلمني هو لازق فيني ، ويتصل فيني
احمد : هو ولا انتي ? ارجوك غدير لاتجننيني
غدير : شنهو مانت مصدق! ! تحب اتصل فيه الحين واسمعك وش يتكلم عنك
احمد : لا غدير خلاص بس ارجوك لا تدقين عليه ، ارجوك
غدير : روح انت فهمه انه هو لايدق علي اذا انت منت واثق باصدقائك انا وش ذنبي
احمد : خلاص غدير الله يخليك ، لاتتصلين فيه عشان خاطري
غدير : خلاص يصير خير يالله روح البيت بسرعه ابي اكلمك
احمد : دقايق وأوصل

واوصل البيت واتصل بك. . . .

وصل احمد البيت واول ماصعد غرفته أتصل بغدير وكلمها لين طلعت الشمس

احمد كانت حالته غريبه غدير مسيطرة عليه سيطرة كليه . حتى انه صار مثل الخاتم باصبعها ، وهو طبعه متمرد بعمره ماحد قدر يحكمه ، كان يحس ان في شي غريب خصوصا بعد اول علاقه جنسيه كانت بينهم ، هذاك اليوم الي قلب حياة احمد بشكل غير طبيعي

بعدها بفترة ايام كان احمد جالس يشاهد قناته المفضله mtv arabic
وكان مندمج ببرنامج فيه sweet 16
دق جواله بنغمه رساله
فتح الرساله كانت رساله وسائط موجود فيها صورة ل غدير وعبد الله قاعدين سوا في مطعم

احمد كان الدنيا ضاقت فيه وحس انه بيختنق بشكل غير طبيعي ومن غير اي سيطرة على نفسه اخذ مسدسه الي في غرفته وراح بدون اي وعي متجه لبيت عبد الله

وصل البيت ودق جرس بيتهم بشكل جنوني
طلع عليه اخو عبد الله الصغير ماجد
ماجد : اهلين احمد تبي عبد الله
ا حمد : ايه روح ناديه بس لاتقوله اني انا الي برا قوله صديقك بس
ماجد : طيب
راح ماجد : عبد الله صديقك برا يبيك
عبد الله : منو صديقي
ماجد : ماعرف واحد قالي نادي عبد الله ماعرف اسمه بس مرات أشوفه معك

طلع عبد الله وشاف احمد قباله وعينونه تقدح نار : بارتباك : هلا احمد حياك تفضل
احمد : عبد الله تعال ابيك بكلمتين برا
عبد الله وهو يمشي باتجاه احمد : تعال ادخل ما اطلع برا ندخل داخل وقولي الي تبيه
طبعا احمد من غير شعور : طلع مسدسه ووجهه على عبد الله وصار يصارخ باعلى صوته انت تسوي فيني كذا ، الف مرة قلتلك اني احبها وتغدرني

طبعا عبد الله من غير اي شعور حاول يهرب وهو يركض كان يسمع صوت الرصاص دخل بسرعه وقفل الباب وراه

احمد كان منقهر انه ولا رصاصه صابته ويصارخ ياولد? ? ? ? اذا انك رجال اطلع
تجمعوا الجيران على احمد

وهو يصارخ اطلع والله لاذبحك
احد الجيران سحب احمد وخذاه البيته وقعده لين هدت اعصابه شوي وبعدها طلع احمد
اتصل بغدير
احمد : الو
غدير : شتبي?
احمد : انتي وحده فاجرة ومنحطه ولا عندك اي ذرة من اخلاق وكرامه
غدير : أقول اسكت
وقفلت الخط بوجهه

احمد الدنيا كلها سكرت بوجهه واتصل براكان
احمد : الو راكان دخيلك الحقني
راكان : احمد شفيك شصاير
احمد : انا واقف عند المقهى الي بشارع المدرسه تعال بسرعه انتظرك
راكان : انا دقايق واكون عندك

31 - 10 - 2024, 05:00 AM

وصل راكان ومشى بخطاوت سريعه لأحمد
راكان : أحمد شفيك ؟
احمد : طلع كل كلامك عن عبد الله صحيح ، يخوني مع غدير وهي بعد تخوني ، رحت اليوم لعبد الله ، وقف عن الكلام

راكان : ايه وش صار?
احمد : فقدت اعصابي وضربته بالمسدس
راكان :!!!!!!!!! مات ،?
احمد : ياليت انه مات نحاش ، ولا رصاصه صابته
راكان : اشوى يارجل ، وشو تبلي روحك بانسان مثله، خلاص ابعد عنه وعن هذي الاسمها غدير ترى ماتجيبلك غير المشاكل هذي اولها
احمد : هذي المشكله اني ماقدر ابعد عنها ياراكان ، احس ان بعدت عنها روحي تطلع مني ،
راكان : لا يا احمد ماهو انت احمد الي اعرفه ، كل هذا تسويه فيك وحده
احمد : والله ماهو بيدي ماقدر ، ياخي ان ماشفتها او سمعت صوتها احس اني بختنق
راكان : طيب خلاص خلنا نروح نغير جو بمكان
احمد : والله ياليت
راكان : يقولون في مطعم يسوي سمك نهري بس تحفه شرايك
احمد : يالله يابو انهار

راكان كان بالنسبه لاحمد هو عديل روحه كاتم اسراره واخوه وكل شي بالنسبه له كانت ثقته فيه ثقه عمياء تربوا سوا وكبروا سوا

طبعا استمر احمد مع غدير بس قطع علاقته ب عبد الله بشكل نهائي
الى ان جاء يوم ودق جوال احمد يعرف الرقم بس كان ماسحه من الاسماء

احمد : خير وش تبي
عبد الله : احمد انا اسف ، وحقك علي ياخوي ، انا غلطت ومنك السماح ، والله خي لعبت بعقلي ، وما ادري كيف انا طاوعتها انا

احمد : خلاص عبدالله لاتبرر لي الموضوع انتهى خير تبي شي الحين
عبد الله : احمد تكفى ياخوي لاتخلي بنت تخرب صداقتنا ، انا مستعد اسوي اي شي يرضيك المهم انت ماتزعل مني
احمد : خلاص عبد الله حصل خير
عبد الله : يعني اكيد مانت زعلان مني
احمد : لا ماني زعلان خلاص اصلا انا نسيت الموضوع من اساسه
عبد الله : اجل اذا كنت صحيح منت زعلان ،

تجي الحين انا عند بيت صديقي بندر
احمد : منو هذا بندر ? اعرفه انا شي
عبد الله : مادري بس يمكن تعرفه
احمد : خلاص مو مشكله وين بيته ?

عطا عبد الله عنوان بيت بندر ل احمد وقفل الخط وضحك ضحكه صفرا كان يدور براسه فكرة وحده بس كيف ينتقم من احمد والي سواه به والاهانه الي صارتله ببيته وقدام جيرانه

وصل احمد للمكان الي وصفه له عبد الله ، اتصل فيه
عبد الله : هلا احمد وصلت
احمد : ايه وصلت
عبد الله : طيب ، اطلع فوق الباب مفتوح مامن احد حنا شباب جالسين لحالنا
احمد : طيب

دخل احمد كان موجود عبد الله ومعاه ثنين شباب بندر طويل اسمر شعره اسود حيل ناعم
و محمد بعد طويل وضخم اسمر لون بشرته وشعره قصير ومجعد
بندر و محمد كانوا زملاء عبد الله في المعهد المسائي للغه ونشات بينهم صداقه
بندر كانت واضحه عليه علامات شخص مدلل بس فيه لئامه واضحه اما محمد فهو شخص واضح من ابتسامته وكلامه انه انسان طيب ولا يأذي نمله في الشارع

دخل احمد وسلم عليهم عرفهم عبد الله على بعض
بندر : انت احمد الرائد ، ياخي اسمع باسمك كثير بس ولا مرة التقيتك
احمد : الحين التقينا وانا مسرور بهذا الشي
طبعا جلسوا

بيت بندر كان عبارة عن شقه كبيرة بس مهتمين فيها بشكل كبير جدا
جلسوا وقعدوا يسولفون لين طلع الصبح استاذن احمد وطلع
بقوا اصدقاء المعهد الثلاثه جالسين
عبد الله مسك الجوال واتصل

عبد الله : الو صباح الخير غدير الحلوة كيفك
غدير : هلا عبد الله
عبد الله : اليوم والله احمد طول الليل وهو جالس معنا
غدير : كيف جالس معكم نسيت هذاك اليون كان بيذبحك
عبد الله : لا خلاص تراضينا حتى اذا مانتي مصدقه أسالي بندر ، هو سبب صلحتنا حتى انه هو واحمد حيل صاروا اصدقاء ، امسكي كلميه

بندر : الو صباح الخير
غدير : هلا صباح النور

بندر : !!! الله وش هذا الصوت الحلو صوت ملائكي الصبح اكيد انا في الجنه ماني في الارض
غدير : ههههه شكرا على المجامله
بندر : لا اي مجامله ، والله هذا هو الصدق ، انا ماعرف اجامل ابد
غدير : شكرا هذا كله من ذوقك
بندر : يالبى ذوقك انا
غدير : صحيح احمد كان عندكم الليله
بندر : اي صحيح توه قبل شوي طلع ، بس مسكين شكله مايعرف قيمتك
غدير :كيف ?
بندر : يتكلم عنك يقول هذس وحده كذا وكذا وكذا ،
غدير : اها هو يتكلم عني
بندر : ايه .
غدير : خلاص مو مشكله شكرا لانك قلتلي
بندر : طيب ممكن انك ماتحرميني سماع هذا الصوت الحلو
غدير : كيف?
بندر : اذا تسمحين لي اخذ رقمك من عبد الله واسمع لصوتك دايم لان بصراحه انا شكلي ادمنت على صوتك
ومثل ماوصفلي عبد الله انك بارعه الجمال فاتمنى انك ترأفين بحالي

غدير : ههههه خلاص خذه وتقدر تتصل فيني بأي وقت
بندر : شكرا لك فعلا انك انسانه رقيقه وذوق ، يالله شكلك مانتي نايمه تمسين على خير
غدير : تلاقي الخير

عبد الله : أقسم بالله انك معلم يابندر خطير! !!!!!!
بندر : هههه اعجبك بس ياولد عليها صوت شي يخقق
عبد الله : هههه للحين ماشفتها بس تشوفها وش تسوي بنفسك
بندر : ههه الله يستر
محمد : الحين انتوا راح الرجال وبديتوا تشتغلون من ورا ظهره
وانت عبد الله ماهو خويك ?
عبد الله : أقول انت اسكت ولا تتدخل
محمد : طيب انا اسف ماعاد اتدخل
بندر : يكون احسن ''

اندق الباب يابندر!؟ يابندر! ؟
كان صوت خشن وشكله كانه صاحي من النوم بس الصوت من برا داخل
هذا ابو بندر رجال عمره 52 سنه طبعا يسكر بشكل دائم
وماعمره دخل البيت وهو صاحي
على الرغم من وضع ابوه الا ان بندر كان يخاف منه بشكل كبير
بندر : هلا يبا
ابو بندر : شتسوي للحين
بندر : جالس انا والربع عبد الله و محمد

دخل ابو بندر عليهم
ابو بندر : السلام عليكم يالربع
عبد الله ومحمد : عليكم السلام
ابو بندر : ها افطرتوا ولا للحين ، بندر يا حيوان ليه ماتفطر ربعك
بندر : يالله الحين اسويلهم فطور
ابو بندر : خوذوا راحتكم ياشباب ترى البيت بيتكم
عبد الله ومحمد : اكيد مشكور عم

راح ابو بندر وحط راسه ونام لانه كان مايشوف متر قدامه

وبندر توجه للمطبخ يسوي فطور لربعه . وكان عبد الله مشغول يدور على المشروب وين يخفيه ابو بندر كان يبي يسرق منه

طبعا محمد ما شارك معاه بس جلس يضحك عليه
فتح عبد الله خزانه خشبيه كبيرة لقى فيها انواع واشكال الخمور فا سرق منها بطلين وخفاهم بالشنطه الرياضيه الي كان لابسها

دخل عليهم بندر وشايل معه الفطور
وقعدوا يفطرون وبعدها طلع عبد الله ومحمد من بيت بندر وهم على الدرج
محمد : بندر ترى عبد الله سرق من الخزانه الخشبيه بطلين
بندر : عبد الله صحيح
عبد الله : والله مارجعهم لك ونحاش
بندر يركض وراه : رجعهم لاتسويلي مشاكل معاه
وقطع الامل منه

31 - 10 - 2024, 05:00 AM

رجع احمد البيت ودخل غرفته ، فتح اللاب توب ودخل موقع hi5 يشوف بروفايله فيه ،
سعد دق الباب : أستاذ احمد ممكن ادخل ?
احمد : ادخل

دخل سعد وشايل بيده كاسين شاي كبار ، وجلس على السرير جنب احمد
سعد : اسمع ابي استشارتك بموضوع هههه ممكن
احمد بوجه متكبر : طبعا طبعا اكيد
سعد : بصراحه ماعرف من وين ابدا ، بس الموضوع يتعلق بوحده بنت
احمد : ههههههاي يا عشيق ، يالله قولي شالسالفه
سعد : اسمع ، في وحده دايم المحها يوم اروح للمدرسه ، تعرف ، في ثانويه بنات على طريقي
احمد : اها تابع
سعد : وعرفت ان اسمها رهف وعرف وين تسكن ، بس ماعرف كيف ابي اتواصل معها ، ممكن تفيدني ياخبير
احمد : طيب ماحاولت انك تكلمها ابد ?
سعد : لا والله احس نفسي ماقدر ماعندي الجرأة
احمد : طيب هي تناظرك ولا ماهي عاطيتك اهميه ?
سعد : لا يارجل الا اكلتني بعيونها
احمد : خلاص بكرة بروح انا اوصلك للثانويه ، وابي اشوفها من بعيد وافكر بطريقه عشان حظرتك يا اخوي العزيز
سعد : تروح معاي ? ليه يبا هي لي ولا لك
احمد : أحل اقلب وجهك مالي شغل
سعد : لا خلاص خلاص موافق
احمد : طيب يوم تصحى تبي تروح صحيني نروح سوا
سعد : خير ان شالله ، تصبحرعلى خير
احمد : تلاقي الخير

محمد كان بيوصل عبد الله لبيته ، والطريق شوي طويل نقص محمد صوت المسجل وناظر عبد الله بطريقه استفهام

عبد الله : هيه انت شفيك تناظرني?
محمد : الحين انت ليه سويت كذا مع احمد والله يبين عليه حبيب
عبد الله : محمد ، تبيني انسى كيف اعتدى علي كم مرة واخر مرة كان يبي يذبحني
محمد : بس ياعبد الله انت بعد صديقه وماتوقع انها تجي منك انت ، تكلم حبيبته
عبد الله : طيب شسويله اذا حبيبته عندها استعداد تكلم اي واحد ، هههه والاقربون اولى بالمعروف
محمد : انا مايخصني بس حبيت

اقول رأي
عبد الله : شكرا لك احتفظ برأيك لحالك

سعد : أحمد قوم خلنا نروح تتاخرت الساعه الحين 7
احمد : يالله صباح خير ، ياخي ابي انام
سعد : قوم اخلص علي
احمد : يالله قايم روح سوي لي فطور وانا بنزلك
سعد : مافهمت ? انا اسويلك فطور ? كيف يعني فسرها لي
احمد : ماتبي! ! خلاص اجل قلع شوكك بيدك
سعد : أفا يا استغلالي خلاص خلاص . ديل " اتفقنا "

نزل سعد يحظر الفطور ويغني على انغام فيروز ، واحمد راح غسل وجهه ولبس لباس رياضي وحط جل على شعره
ونزل للمطبخ

احمد : عشت يالذيب ، عز الله انك اخو صحيح
سعد : افطر بسرعه ترى يمكن ماعاد نلحق نشوفه ، خصوصا ان سايقهم هذا ، تقول انه سايق فورمولا ون
احمد : يالله يالله

فطروا الشباب وطلعوا
سعد : ماعندك سي دي لفيروز
احمد : يادب متى تتعلم الصبح اليسا فيروز انقرضت . ياخي انت قديم مرة
سعد : قديمك نديمك ، ولو تعددت الاذواق لبارت فيروز
احمد : ههههههه الله يقطع سوالفك الصباحيه
سعد : احمد احمد خفف السرعه هذيك هي تشوفها
احمد : هذيك هي ?
سعد : ايه حلوة صح?
احمد : والله مافيها جنس الحلى ، الله يقرفك على هذا الذوق
سعد : عاجبتني ، المهم شوف كيف الوضع ?
احمد : ياولد نزل القزاز خلها تشوفك عشان اقدر هي تبيك ولا لا
سعد نزل القزاز وجلس جلسه كانه امبراطور زمانه : ها قاعد تناظر?
احمد : مممم والله قاعد تناظر ،، بس يمكن تقول ويع الله يقرفه ذبحني وهو راز نفسه كل يوم
سعد : اقول ، والله ترى اكلمك جد
احمد : والله يا سعد هي قاعد تناظر . بس نظراتها ماتتفسر . احس انها تناظر بس حب لقافه لا اكثر
سعد : ياخي ابي اكلمها والحل
احمد : طيب انت وش تعرف عنها ?
سعد : أعرف بيتها واعرف اسمها ، رهف حسن
احمد : رهف رعد ? والله كأن سمعان انا بهذا الاسم ، طيب تقدر توصفلي
بيتهم وين?
سعد : تعرف الحي الي فيه السفارة الفانزويليه ?
احمد : ايه ، اعرفه زين
سعد : بنفس الحي قريب من السفارة
احمد : عندها اخت ، اسمها وئام شي?
سعد : والله مادري
احمد : ان طلعت اختها والله ابشر بالخير ياخوي
سعد : ههههه تتكلم جد ? الله يسمع منك

اتصلت مها اخت غدير بغدير
مها : صباح الخير غدورة كيفك
غدير : هلا صباح النور كيفك انتي وكيف العيال
مها : الحمد لله تمام التمام ، اقول غدورة انا وابو تركي اليوم بنطلع البحر بنقعد كم يوم هناك بتروحين معنا?
غدير : بس انتي وزوجك والعيال ?
مها : ايه ، كلمت رهف تقول مشغوله مع زوجها بيروحون لاهله يجلسون كم يوم ، والثانيه ندى ، تقول قاعد تحظر للاختبارات ، وانتي وشو عذرك
غدير : ابد بلعكس انا نفسي اطلع وأغير جو ، متى بتروحون?
مها : بعد ساعتين جهزي نفسك. . بسرعه بنمر ناخذك ونمشي
غدير : طيب

كانت غدير تجهز نفسه وتحط الاغراض في الشنط ودق جوالها ، رقم غريب اول مرة تشوفه

غدير : الو
بندر : صباح الخير
غدير : هلا صباح النور
بندر : كيفك اليوم يا أجمل مخلوقه في الكون?
غدير : الحمد لله ، بس من يتكلم?
بندر : له ياغدير لحقتي تنسين صوتي?
غدير : والله ماعرفتك ? ياليت تقولي من بسرعه لان شوي مشغوله
بندر : انا بندر
غدير : غدير هلا بندر ، معليه بندر شوي مشغوله قاعدة اجهز اغراضي لان بسافر بعد شوي
بندر : وين ?
غدير : والله بطلع مع اختي وزوجها وعيالها للبحر بنقعد كم يوم
بندر : طيب غدير ان رحت انا بعد ، اقدر اشوفك هناك
غدير : بتروح ، ليه عندك شغل هناك
بندر : لا والله بس بروح لاجلك انتي واتمنى اشوفك هناك ولو من بعيد
غدير : مممممم ممكن ليه لا ، طيب بندر انا الحين لازم اقفل واجهز نفسي لان الحين بيجون
بندر : طيب خوذي راحتك ، بلقاك هناك
ان شاء الله
غدير : ان شاء الله باي

ابو تركي: مها اتصلي باختك قوليلها تنزل بسرعه تأخرنا نبي نوصل قبل يصير الليل
مها : ان شاء الله ان شاء الله

اتصلت مها ب غدير
مها : غدير يالخبله انزلي بسرعه ترى تأخرنا حيل
غدير : دقيقه وحده ونازله

نزلت غدير وابو تركي معصب : هيه انتي من متى وحنا نقولك جهزي نفسك الحين متى بنصل كله بسببك
غدير : انا اسفه ،
ابو تركي : خلاص حصل خير ، تركي نورا لاتعذبون خالتكم

احمد وصل سعد لمدرسته ورجع البيت وأول ماوصل اتصل فيه منصور
منصور : هلا احمد كيفك
احمد : هلا صرصور تمام انت كيف
منصور : صرصور الي يرفسك قول امين
احمد : هههه ها وش عندك ? بعد تبي فزعه
منصور : لا والله بس طالعين انا ورائد للبحر وشرايك تكلم راكان ونطلع كلنا سوا
احمد : البحر ? والله فكرة يابو الشباب ، اسمع يالله الحين بتصل براكان واقنعه نروح كلنا سوا
منصور : يالله بسرعه ، اذا ماتبون تروحون عشان نمشي
احمد : خلاص ، اكلمه وارد اكلمك
منصور : طيب يالله تشاو
احمد : تشاو ورحمه الله وبركاته

عجبت احمد الفكرة حيل وخصوصا اذا كانت الشله مكتمله بيستانسون حيل ، اتصل فورا براكان
احمد : ركوني اسمع
راكان : طيب قول السلام عليكم
احمد : السلام عليكم ، اسمع
راكان : تفضل
احمد : رائد وصرصور رايحين للبحر واتصل بي يقول قول لراكان وتعالوا
راكان : ياولد والله فكرة ، موووافق مووووافق ، متى تروحون?
احمد : لا ادري انا بس اتصلت بك اشوف تروح ولا لا
راكان : الا انا الي اروح بس شوف متى عشان اجهز نفسي
احمد : طيب ، بردلك خبر سلام

31 - 10 - 2024, 05:01 AM

اتصل احمد بمنصور يتاكد منه متى يمشون
احمد : الو ، هلا منصور ، متى نمشي ?
منصور : كلمت راكان?
احمد : اي كلمته وقال انه بيروح معانا
منصور : طيب ، شوف الساع 7 ونص المسا نمشي
احمد : ليه مانمشي الحين
منصور : لا عندنا كم شغله نخلصها انا ورائد وانتوا ، خلصوا شغلكم وتجهزوا ونلتقي المسا ونمشي
احمد : اوك

ارسل احمد رساله للراكان " راكان بنمشي الساعه 7 المساء جهز نفسك "
راح احمد واخذ دوش وجهز شنطته وحاول انته يتصل بغدير يعلمها انه بيطلع البحر مع ربعه ، لكن ماكانت ترد على جوالها

مها : غدير اكيد عذبك تركي وهو نايم بحضنك
غدير : لا بالعكس ياحليله
ابو تركي : نورا بعد نايمه
غدير : لا قاعده تلعب بالجوال
مها : يالله باقي اقل من ساعتين ونوصل ، شرايكم نوقف بأستراحه ناخذ لنا شي
غدير : والله ياليت ، محتاجه كافي
ابو تركي : تامرون امر

بعد 14 كيلو في استراحه ضخمه وقفوا عندها ، ابو تركي راح بيصلي صلاة الظهر ، مها مشغوله مع العيال تشري لهم ، اما غدير راحت طلبت كافي وكانت تحاول تتصل باحمد
احمد وقتها ترك جواله فوق في غرفته ، ونزل يجلس في الصاله

ابو تركي من بعيد : ام تركي يالله نادي اختك وخلونا نمشي
وسبقهم للسيارة
مها :غدير يالله أمشي ابو تركي برا ينتظر
غدير : قاعدة اتصل باحمد مايرد مادري شفيه
مها : يمكن نايم
غدير : يمكن يالله نمشي

بنفس الوقت بندر في المطار هو ومحمد يدورون على حجز
عند شركه الطيران
بندر : السلام عليكم اخوي
الموظف : وعليكم السلام
بندر : أخوي نلقى عندك حجز اليوم للساحل
الموظف : دقيقه ادور لك ، ايه فيه بعد ساعه ونص طيارة ،
بندر : حلو احجز لنا فيها تذكرتين
محمد : بعد ساعه ونص نروح انت مجنون ولا صاحي
بندر : يارجال شفيك نروح اليوم ونرد بكرة الصباح

الموظف : ممكن.أثباتاتكم لو سمحتوا
بندر تفضل

وصلت غدير مع اختها وأبو تركي للشاليه الي ماخذينه ، الجو كان خرافي ، خصوصا انه نهايه الربيع وأول الصيف تقاسموا الغرف ، ودخلت غدير غرفتها الي مطله على البحر
حاولت تتصل باحمد بس مارد ،
قررت انها تتصل ب بندر
غدير : هلا بندر شلونك
بندر : هلا وغلا انا تمام انتي كيفك
غدير : الحمد لله ، انا الحين وصلت ، وحبيت اتصل فيك أشوف ان تبي تجي ولا لا
بندر : ههه كيف ، الا بجي ، انا الحين في المطار وطيارتي بعد أقل من ساعه
غدير : تتكلم جد
بندر : خلاص انا بس اوصل اكلمك
غدير : توصل بالسلامه

أبو تركي : أقول مها انا الحين بنزل اجيب لكم غدا وش تحبون تاكلون?
مها : على ذوقك
أبو تركي : طيب وغدير وش تحب تاكل
مها : تحب الدجاج المشوي
ابو تركي : خلاص ، وانتي يالغاليه ماتوصين شي
مها : لا حبيبي سلامتك

في المطار
" اعزائي المسافرون على الخطوط الجويه العربيه . . .. . المتوجهة الى الساحل الغربي رحله رقم 1146 ، التوجه الى الطائرة "

بندر : محمد هذي رحلتنا يالله خلنا نمشي
محمد : طيب بس دقيقه خله يخلص التحميل
بندر : اقولك الحين الطيارة بتمشي وانت تحمل افلام
محمد : يارجل هم يقولون النداء خمسين مرة وبعدين بيقفلون
بندر : براحتك انا بمشي
محمد : خلاص خلاص امشي

اول ماصعدوا في الطيارة المظيفه
أهلين فيكم تذاكركم لو سمحتوا
بندر : تفضلي
المظيفه : القسم الثاني حرف e مقعد 24 و 25
بندر : مشكورة
محمد : هذاك حرف ال e روح خلنا نشوف وين مقاعدنا
بندر : هذاك هو روح نجلس

بعد عشر دقايق رساله " اهلا بكم على الخطوط العربيه . . . معكم الكابتن ناصر على الرحله رقم 1146 سوف يتم الاقلاع بعون الله بعد قليل يرجى التقيد بالارشادات لسلامتكم "

أحمد كان نايم في الصاله ، خصوصا ان نومه صاير غير منتظم وبحاجه نوم كثير
دخل عليه سعد : احمد احمد
احمد : هلا سعد شعندك
سعد : راكان اتصل يقول انه اتصل فيك اكثر من مرة وانت ماترد
احمد : طيب الحين اتصل فيه

اتصل احمد فيه من الهاتف الثابت لانه يحس بنفسه تعبان ومافيه خير يصعد لغرفته
احمد : الو
راكان: وينك انت من الصبح اتصل فيك ماترد
احمد : والله في الصاله وغفيت شوي وجوالي ناسيه فوق بغرفتي
راكان : طيب الحين الساعه 5 العصر قوم تعال عندي البيت ، لين مانروح
احمد : طيب
قفل الخط وراح للحمام غسل وجهه ، وكان يصارخ بصوت عالي : سعد ، سعد
سعد من بعيد : هاه شتبي
احمد : تعال شوي
سعد : هاه جيت شعندك
احمد : أقول سعد حنا الحين طالعين للبحر ، شرايك تروح معنا
سعد : والله كان بودي بس تدري اختباراتي ماقدر اروح
احمد : طيب الله يوفقك ، ممكن اذا ماعليك امر تسوي لي قهوة
سعد : ابشر هالمرة بسويلك لانك مسافر بس
احمد : هههه ميرسي ميرسي

صعد احمد لغرفته ومسك جواله شاف مكالمات من منصور وراكان وغدير
اتصل فورا وبدون شعور على غدير ، بس للاسف ماكانت ترد

ابوتركي : أقول مها اختك غدير وين راحت
مها : مسكينه تعبانه من السفر تغدت ونامت
ابو تركي : اها زين ، طيب انتي بعد تعبانه تبين تنامين ?
مها : لا بالعكس متنشطه
ابو تركي : أجل خلينا نروح نشري اغراض نحتاجها
مها : طيب ثواني بلبس عباتي وبلحقك

في نفس الوقت وصلت طيارة بندر ومحمد ونزلوا من الطيارة بسرعه طلعوا من المطار طبعا ماكان معهم الا شنطه صغيرة لان رحلتهم يوم واحد بس
بندر : اوه زين زين مافي رطوبه
محمد : اصبر لها شهر وشوف الرطوبه
بندر : طيب خلنا نروح نشوف لنا فندق
طلعوا بلموزين
بندر : لو سمحت على الميريديان

وهو على الطريق بندر حاول

بندر حاول يتصل بغدير اكثر من مرة بس ماردت ، توقع انها تكون نايمه ، وقف راعي اللموزين عند الميريديان ، نزل بندر ومحمد
موظف الاستقبال : هلا كيف اقدر اخدمكم
بندر : نبي غرفه لشخصين يوم واحد لو سمحت
موظف الاستقبال : حاظر بس ممكن اثباتاتكم لو سمحتوا
بندر : تفضل
موظف الاستقبال : تفضلوا غرفه رقم 308 الطابق الثالث ، طبعا وجبه الفطور مجانيه ، معاكم شنط ?
بندر : لا ما معنا شكرا لك ماقصرت
موظف الاستقبال : اتمنى لكم اقامه جميله اهلا فيكم

صعد بندر ومحمد للغرفه محمد نام بدون وعي ، اما بندر فااخذ شاور سريع وكان بيجهز نفسه عشان يتلقي بغدير اليوم

احمد وراكان جالسين ينتظرون منصور ورائد يمرونهم
بعد خمس دقايق وصلوا

منصور : يالله اطلعوا خلنا نمشي
راكان : يارجل لاتقول انك انت بتسوق
منصور: ليه عندك مانع مثلا
راكان : والله انا ماني مسغني عن روحي
احمد : اقول راكان شبلاك من متى تخاف بعدين انا بقوله مايسرع يمشي بس 240 هههه
راكان : أذا بس كذا موافق ههههه
صعدوا السيارة
احمد : سلام رئوود كيفك يارجل ليه القطاعه
رائد : انا القاطع ولا انت ، دايم نطلع انا ومنصور وراكان وانت ماتجي معنا
احمد : والله حقكم علي بس يالله نعوضها ان شالله ، اقول منصور عندك سي دي لعبادي ?
منصور : عندي كل جلسات العود حقت عبادي
احمد : بالله شغله
منصور : ايه ابشر من عيوني
راكان : اسالكم بالله يا عشاق هذا وقت أللامكم
منصور : الله يبليك ونشوفك بعدين وش تسوي

صحت غدير من النوم ناظرت جوالها شافت المكالمات من احمد ومن بندر ، اتصلت بأحمد بس احمد بسبب الصوت العالي ماسمع الجوال ، اتصلت ببندر

غدير : هلا بندر
بندر : هلا غدير ، اتصلت بك يوم وصلت ماارديتي
غدير : أسفه حيل ، والله كنت نايمه
بندر : توقعت ، صح النوم
غدير : صح بدنك ، وصلت متى?
بندر : قبل ساعه تقريبا ، غدير اقدر اشوفك اليوم
غدير : اوك ، بس اطلع ، بتصل فيك واقولك وين انا
بندر : خير ياملاك ، الى اللقاء

قفلت غدير ، دورت في الشاليه مالقت اختها وزوجها ، ولا عيالهم ، اتصلت باختها مها
غدير : الو مها ، وينك ،
مها : انا وابو تركي ، طلعنا نشري اغراض ، تبين شي لازم شي
غدير : لا سلامتك بس يمكن اطلع اتمشى شوي
مها : طيب انتبهي لنفسك
غدير : اوك ، باي

جهزت غدير نفسها وتأنقت ، وراحت لمقهى قريب من الشاليه ، اتصلت ببندر
غدير : الو ، بندر
بندر : هلا
غدير : انا في مقهى ، قريب من الشاليه اسمه مووج
بندر : طيب انا بس مسافه الطريق واكون عندك
غدير : طيب انتظرك لا تتاخر

قفل بندر وطلع بسرعه ، يحاول انه مايتأخر على غدير

31 - 10 - 2024, 05:02 AM

منصور : اقول شباب انا حسيت بجوع شرايكم ننزل استراحه ناكل لنا شي
رائد : جبتها ، شرايكم يالربع
احمد : والله انا موافق
راكان : وانا موافق جدا جدا جدا
منصور : طيب

وصلو الاستراحه منصور وراكان ورائد مشوا للمطعم الي في الاستراحه ، اما احمد فتاخر عنهم شوي ، كان بيتصل

غدير : هلا حبيبي اتصل فيك من الصبح ماترد
احمد : اسف حبيبتي والله الجوال ماكان عندي

دخل رقم بندر على الانتظار
غدير : احمد اسفة لازم اقفل امي تتصل فيني ،
احمد : طيب انتبهي لنفسك

غدير قفلت المكالمه وأتصلت ببندر مباشرة
غدير : هلا بندر وينك
بندر : انا داخل المقهى ، واقف عند الباب
غدير : ايه شفتك ، انا يمينك اخر طاوله شفتني?
بندر : ايه شفتك ، يالله جايك

مشى بندر بخطوات ثابته وجلس على الكرسي واول كلمه نطقها : انا صحيح اني سمعت انك انسانه ذات جمال خارق بس ابد كانوا مقصرين بحقك وهم يوصفونك
غدير بوجه خجول : شكرا هذا من ذوقك ، وغيرت الموضوع كيف كانت سفرتك
بندر : لا حلوة ماتعذبنا
غدير: الحمد لله ، بس ماتوقعت انك بتجي عشاني
بندر : انتي لو تطلعين القمر بلحقك
غدير :ههههه
قاطعهم عامل المطعم : اهلا وسهلا فيكن شو بتحبوا تشربوا
بندر : غدير وش تشربين?
غدير : انا ابي شيشه معسل ورد ، وعصير ليمون
بندر : انا جيب لي عصير برتقال لو سمحت
عامل المطعم : بتحبوا شي تاني
بندر : لا مشكور
بندر يكلم غدير : انتي تشيشين
غدير : ايه احبها كثير ههه
بندر : ياليت اكون لك انا شيشه ماتفارق شفاتك
غدير استحت وماعرفت وش ترد

احمد دخل المطعم وشاف الشباب جالسين جلس معهم : ها وش طلبتوا
منصور : طلبنا رز بخاري ودجاج شوايه
احمد : طيب حلو
منصور: انت تبي شي ثاني
احمد : لا

وصل الاكل وقعدوا ياكلون بشراهة كبيرة حتى انهم يضحكون على طريقتم

بالاكل

جلسوا بندر وغدير يتبادلون القصص ويتكلمون عن بعض وسألت غدير بندر : انت متى بترجع
بندر : بكرة الصبح ان شاء الله انا جيت هنا بس عشان اشوفك
غدير باندهاش : بكرة الصبح?
بندر : ايه
غدير : طيب اذا ماعندك شي ابقى كمان يومين عشاني
بندر : والله انا كنت لازم ارجع بس عشانك اكيد ببقى
غدير : تسلم

اتصلت مها باختها غدير وقالت انها رجعت البيت هي وزوحها والعيال ، واستاذنت غدير من بندر بس بندر حلف انه هو الي يوصلها وفعأ وصلها قريب من الشاليه واستاذن منها ورجع الفندق

احمد والشباب وصلوا وبدت الأقتراحات بينهم رائد قال : شرايكم نروح على نفس الشاليهات الي جيناها السنه الي طافت والله كانت مرة حلوة

الكل ابدا موافقته بالفكرة وفعلا اتصل منصور بمدير الشاليهات الي اخذ رقمه من السنه الي طافت
وحجز شاليه
وصلوا الشاليه وقعدوا كل ثنين في غرفه كان الشاليه عبارة عن غرفتين وصاله كبيرة ومطبخ على الطريقه الامريكيه
خلصوا ترتيب شنطهم وملابسهم واجتمعوا كلهم في الصاله وبدت الاقتراحات وين بيطلعون بس مالقوا الا انهم يلعبون تريكس وقعدوا يلعبون لين الساعه 2 في الليل

بنفس الوقت بعد ماراحوا ابو تركي ومها لغرفتهم ينامون اتصلت غدير ببندر
بندر : هلا غدير تصدقين أشتقت لك
غدير : وانا بعد ، بندر حاسه بملل كبير
بندر : مممم طيب عندي اقتراح مادري اذا بتوافقين عليه
غدير : ممم حسب وشو هو
بندر : أنا بنفسي امشي على الشاطي شرايك امرك ونمشي بالشاطي الي عند الشاليه حقكم
غدير : تقدر ? بس مابي اعذبك
بندر : لا بالعكس ، طيب انا مسافه الطريق واكون عندك

طلعت غدير تمشي على الشاطئ وتلعب بالامواج برجلينها ماحست الا وبندر قريب منها ويناظرها
غدير : هلا بندر
بندر : هلا بأجمل من رأت عيني ، ممكن أشارك افكارك
غدير : هه

لا افكار ولا شي بس قاعده امشي وانتظرك
بندر : طيب خلينا نجلس ونسولف
وفعلا جلسوا وسوالفوا بامور كثيرة جدا حتى انه اغلب سوالفهم كانت عن احمد

احمد : أقول ياشباب انا بطلع اتمشى شوي برا احد يخاوي
منصور ورائد : حنا عندنا فلم متابعينه شوف راكان

دخل على راكان لقاه نايم ومسترسل بالنوم
فقرر انه يطلع يمشي لحاله

كان يمشي ويسولف مع نفسه ، أشتقت لها حيل ياليت اقدر اشوفها الحين ادفع نصف عمري واشوفها للحظه وحده بس
، ليه انا احس اني اختنق ، يالله ماعتقد في شوق بالدنيا يخليني احس بالاختناق والموت لهذا الحد

وهو كان يمشي مر جنب بندر وغدير لمحت عينه بندر وللحينه ماشاف غدير

احمد : ههه هلا بندر وش جايبك هنا

التفت بندر ومعاه غدير وكانت الصاعقه انه احمد واقف قبالهم
بندر بتلبك شديد : ها ه هلا اح مد
احمد : انتي وش جايبك هنا ومع من مع بندر من وين تعرفينه ،
ضرب احمد غدير كف لا شعوريا
مسكه بندر : هيه احمد احترم نفسك احسن اشوفك شي مايعجبك
احمد : والله شوفني وش تسوي

وتضاربوا بشكل جنوني وغدير تصيح

طلع منصور ورائد على الصوت حتى راكان صحى من نومه وطلع يشوف وش فيه
طبعا راكان ماتحمل المنظر دخل يضرب بندر ووقف مع احمد
وتجمعوا الناس حاولوا يفكونهم
واحمد يصارخ من بعيد : انتي وحده ماعندك شرف تفووو عليك ، وانت يابندر انا اعرف شغلي معاك
غدير كانت تركض للشاليه ودخلت لقت اختها مها وكانت شايفه كل الي صار
بندر صعد لموزين وراح للفندق فورا ، منظره كان كله دم ثيابه مقطعه

منصور ورائد وراكان دخلوا احمد للشاليه وبدوا يهدون فيه
راكان : ياخي انت واحد ماتفهم الف مرة قلتلك هذي وحده ماتستاهلك ماتستاهلك افهم
احمد : ياخي مو بيدي ماقدر احس انها مسيطرة علي ، مو بكيفي
راكان : شلون مسيطرة عليك ساحرتك مثلا

احمد : مادري مادري ، ذبحوني خلوني ارتاح ماعد اتحمل الي تسويه فيني
راكان يناظر منصور ورائد : يمكن فعلا ساحرته ، والله يا احمد اليوم بنروح لمطوع يقرا عليك
احمد : أقول انت يكفي تخربط
راكان : خلص يصير خير

صارت صلاة الفجر راكان ومنصور راحوا للمسجد بس قالوا لاحمد انهم بيروحون يجيبون فطور
رائد جلس عند احمد لان حالته كانت تبكي الصخر
بعد مانتهت صلاة الفجر راح راكان للمطوع وحكاله قصه احمد وشقاعد يصير معاه بالضبط
فطلب منهم المطوع انه يروح معهم ويشوفه لان ان قالوله مابيجي معهم

دخلوا راكان ومنصور والمطوع للشاليه كان احمد ورائد جالسين بالصاله ويشربون شاي

دخلوا سلموا وجلس المطوع يكلم احمد : كيف احمد
احمد : بخير الحمد لله
المطوع : أحمد احس انك تعبان
احمد : لا مافيني شي الحمد لله
المطوع : طيب شرايك اقرا عليك كلام الله يهديك
احمد يكلم راكان : يعني ماصار الا وسويت الي براسك ، بثبتلك انك ماتفهم شي ، تفضل شيخ سوي الي تبيه

جلس المطوع يقرا على احمد لمده ربع ساعه كامله ، وماصار معه شي ، الكل حس انه احمد فعلا مافيه شي وان تخيلات راكان مالها صحه ، بس المطوع بدا يرفع صوته واحمد بدا يحس بخمول كبير وتبع كبير وفجأة صارخ بصوت عالي : تكفى ياشيخ وقف وقف قاعد اتقطع من داخل

المطوع ماسمع له واستمر بالقراءة وطلب من منصور وراكان يثبتونه لا يتحرك لانه كان يحاول انه يهرب

احمد : خلاص خلاص وقف بطني بتتقطع ماعد اتحمل تكفى وقف

لكن المطوع استمر بالقراءة ، لين ماحس احمد بدوخه شديدة واستفرغ شي اصفر
وطاح في الارض بدون اي كلمه كان نايم

قالهم المطوع خذوه خلوه ينام وبكرة طمنوني كيف صار
سلم عليهم المطوع واستأدنهم وطلع
رائد وراكان اخذوا احمد وحطوه على السرير

مها تقول لغدير : فضحتينا انتي وسوالفك الي ماتبطلينها ابد
غدير : انا شدراني انه بيجي هنا، لا وبعد ساكن في نفس الشاليهات
مها : لانك حمارة ، وش استفدتي الحين
غدير : لاتخافين مايقدر يتركني لاني مسويتله سحر بيخليه طول العمر ملكي انا وحدي

مها بتفاجئ : سحر؟
غدير : ايه يخليه طول العمر ملكي انا وحدي
مها : انتي كل عقلك صاحيه انتي
غدير : أقول انا طالعه انام لاتكثرين سوالف تصبحين على خير