رواية تعذبت وماشكيت واكتشفت ان طيبة قلبي هي سبب حالي

4 - 11 - 2024, 03:32 AM

البارت السادس
__________________________________________________ ________
فقدتك يا أعز الناس
فقدت الحب والطيبه
وانا من لي في هالدنيا
سواك ان طالت الغيبه
رحلت ومن بقى وياي
يحس بضحكتي وبكاي
وحتى الجرح في بعدك
يغزيني واهليبه
تصدق قد من حنيت
اشوفك في زوايا البيت
واسولف معك عن حزني
واحس ان انت تدري به
شسوي بالالم والآه
ولكن البقا لله
يصبرني على بعادك
وذا حظي وراضي
فهالبارت ناس بيكرهوا ناس وناس بيعزموا عالانتقام وناس بيظنوا إنهم فقدوا أغلى الناس وناس وناس .(صدق اللي قال الدنيا غداره!)
_______________________________________
فغرفة نجد
نجد: ريما تعالي اجلسي ليش واقفة
ريما: اااا طيب
. وراحت جلست معها عالسرير
نجد: يلا قوليلي قصتك من اولها لآخرها
ريما : ههه طيب .....................................وقالتها كلها
نجد بدهشة: وااااااااو كل ها صار لك
ريما بجدية: نجد طلبتك لا تقولين لحد عن كل هذا خليه سر بيني وبينج
نجد: انشاالله ،يلا تعالي ننام
ريما: الفجر بيأذن بعد شوي ما باقي عليه شي خلنا نسولف لين يأذن ونصلي وننام
نجد: طيب، يلا سولفي
وجلسوا يتحدثون حتى أُذن للصلاة خخخخخخخخخخخ.
__________________________________________________ ________________
نورة: يمه ما كان في وقت عشان اقولج
ام نورة ببكا: تستهبلين ، يمكن كنا لحقنا عليه قبل ما يدخل فهالغيبوبة اللي الله العالم متى بيفيق منها
نورة: بس يمه بس روحي تعبانه لا تزيدين علي
راكان: بس يا عمه نوره مالها دخل كل شي قضاء و
نورة تقاطعه: لا كله بسبتها السوسة اكرها
سارة بدفاع: ريما مالها دخل ولا تتكلمين عنها بهالطريقة (ناظرتها من فوق لتحت)تراها احسن من بعض الناس.
محد فهم قصدها غير نورة اللي نزلت راسها وسكتت
ام نورة وهي جالسه على السرير وما سكه يد ولدها: ولدي حمدان قوم بسويلك اللي تبيه بس قوم اللي تبيه بيصير انا كنت ابا مصلحتك لأن ريما ما تناسبك ، بزوجك ليلى وبيجي يوم وتقول مشكورة يمه كنت طايش واعمى ومااشوف ادريبك دايم تسمع كلامي وهالمرة بعد بتسمع صح
سارة: يمه خلاص عاد شو ذنبها ريما ، ليش انتو كذا ريما مو بنت عمي ليش تعاملونها كذا ولا كأنكم تعرفونها ها ليش ليش، والنتيجة تعرفوا شو هر ( وسكتت لأن ريما وصتها ما تقول لحد انها هربت من البيت)
راكان: كملي
سارة: ها لالا ولاشي
راكان بشك: متأكدة
سارة: اي اي متأكدة
راكان: على راحتج
وما مرت لحظة إلا لقوا نورة طايرة من الغرفة للدكتور وراحت يابته للغرفة
نورة: اي اي يا دكتور والله متأكدة
الدكتور: امم طيب بشوف (بعد خمس دقايق لف عليهم) مبرووووك المريض كان فمرحلة قريبة من الغيبوبة بس جسمه قوي والحمدلله قدر يقاوم لو سمحتوا كلكم بره عشان يرتاح
ام نورة: لو سمحت يا وليدي بس بكلمه شوي
الدكتور: لا ما اسمح يلا ياعمتي لوسمحتي طلعي
ام نورةبترجي : بس دقيقة
الدكتور رحمها: طيب بس دقيقة
خلاها الدكتور وهي ركضت له شافته يفتح عينه
ام نورة بفرحة: الحمدلله عالسلامة ياوليدي خوفتنيي عليك
حمدان: وين انا
ام نورة: بالمستشفى، يلا قويي عمرك عشان ترد البيت ويانا ونزوجك قريب
حمدان: ريما
ام نورة بتكشيرة: لا وشو ريما ، ليلى
حمدان: انا ما ابا ليلى فهمي ما ابغاها ولو تنطبق السما عالأرض
ام نورة: انزين انت هد نفسك الحين وبعدين نتكلم
حمدان: ما بهدي ليلى ما ابغاها >>
ام نورة عصبت: وانا قلت ريما ما بتاخذها ، يمه هذي طمعانه ففلوسك
حمدان: خلااااااااااااااص بس انتي كل همك الفلوس بببببببس اسكتي اسكتي (وبصراخ) اطلعوا بره ما ابا اكلم حد ما ابا
وعلى صراخه تجمع الكل
راكان: حمدان شفيك
حمدان: راكان ابغاك
راكان: شتبي آمر
حمدان طالع الكل وبعدين رد نظره لراكان الكل فهموا انه يبغاهم يطلعوا . طلعوا
راكان: ها شتبي
حمدان: ريما
راكان: حمدان انت تعبان الحين لا تفكر بحد
حمدان: ابا اروح لها
راكان:انت تخبلت شو تروح لها
حمدان: لا ما اتخبلت ابا اشوفها
راكان: اوك بقول لسارة
حمدان: الحين قولها دخيلك
راكان: شو الحين اهجد بس
حمدان: الحين طلبتك
راكان: اوووه عنيد وعنادك ما في منه طيب .(وصرخ) ساااااارة سارة وصمخ
سارة دخلت: ها شفيك تصارخ كذا
راكان: بنروح لريما الحين
سارة فتحت عيونها عالآآخر وقالت بارتباك : بس بب بس حمدان بعده تعبان
حمدان: انا ما تعبان ولاشي
سارة ارتبكت وبعدين قالت: ريما تزوجت
حمدان انصدم وناظر راكان وبعدين سارة وصرخ: من من تزوجت ، بقتله ، من قولي من
سارة خافت بس قوة عمرها: سافروا
حمدان: لاااااااااااااااااااااا لا كله بسببكم كله بسببكم انتوا ما بسامحكم اكرهكم كلكم اكرهكم
راكان: حمدان هدي هدي ما في شي صلي على النبي
حمدان: عليه الصلاة والسلام .
راكان رفع راسه اللي كان منزلها ما يبغا يشوف ردة فعل حمدان وانصدم: حمدان تصيح (تبكي)
سارة على طول رفعت راسها انصدمت واندمت انها كذبت عليه
راكان: خلاص حمدان ، اسكت خلاص
حمدان: طلعوا برررره كله بسببكم برررررررررره بررررررره
راكان: حمدان
حمدان قاطعه: بره ما ابغا حد فالغرفة
طلع راكان وقال للدكتور يعطيه اي شي يهديه وعطوه ابره .
__________________________________________________ ____________________________________
تركي:شباااااب بنااااات شكله الدكتور غاااااااايب شرايكم نرووووووووح الملااااهي
فيصل: اوك
لينا وميرنا: يلا
وكلهم لفوا لعلي ينتظروه يجاوب
علي: شفيكم انا ماا بروح
تركي: لاااا عاد الطلعة كلها ما تحلى من دونك
حامد: اي يلا
علي: اعذروني ما اقدر
لينا مسكت ايده: طيب عشاني
علي نفض ايدها وضربها بالجدار بقوة : صج قلة ادب ما تستحين على ويهج انتي مالت عليج غبية ما تفهمين انا اكرهج ، يا حثاله المجتمع.
تركي: علي امشي
علي: خلني اعلمها الادب اللي ما تربت
تركي شده بقوة وراحوا
اما فيصل وميرنا وحامد ساعدوا لينا تقوم بعدين طلبت منهم يروحون
لينا: والله لاورجيه وما اكون انا لينا ان ما خربت بيته
.......: لينا لا تتهوري
لينا: لا تخافي اختك بعشر رجال
.....: طيب يمكن يعرفوا انك انتي اللي عملتي هيك
لينا: من هالناحية لا تخافي انا مالي دخل اللي رح يعمل هالعملية رح يتصور ولو شكوا فيني صوره كلها بتروح لهم وخصوصاً علي
........: لينا راجعي نفسك
لينا: اسير خلص راح انفذ اللي فباليي يعني رح انفذه
اسير: طيب خلص براحتك
لينا: بس بدي اياكي فشغلة
اسير: من عيوني التنتين
لينا: تسلم عيونك امم .......................................... خلاص
اسير: ايوة بس خايفة
لينا: لا تخافي ماراح يعرفوا شي
اسير: انتي بتعرفي مكانها
لينا: مراقبتها من زماااااااان
اسير: طيب خلص وقت ما تنفذي العملية قولي
لينا: يلااا باااااي سي يو
اسير: سي يو
__________________________________________________ _______________________________
سادم: هلا اخيرا جيت هذا الولد اتخلص منه بأي طريقه حتى لو اطريت تقتله !!
حليم: اقتله لالالالا ، انت تستهبل صح
سادم: ولك اللي تبيه
حليم: خلاص صار ، من بكره ها الولد راح يختفي
سادم: كفو (وطلع له فلوس وعطاه) هذا بس شوي من اللي راح تاخذه بكره بعد ما تخفي الولد
حليم: طيب يلا سلاااام
سادم: سلااااااامات
__________________________________________________ __________________________________
نجد: ريما تعالي شوفي هالغبي
ريما: شفيه
نجد:هههههههههه قاعد يتغزل بالبنات ببوكس المحادثات بالمنتدى
ريما: هه اصلاً عدد قليل منهم تلاقينهم مؤدبين ومحترمين
نجد: اي والله صدقتي
ريما: شيقول هاتي انا برد عليه
نجد: اوكي .(وعطتها اللاب)
ريما شهقت: لحقي شوفي شو كاتب. وراحت كتبتله (قلبت عليك دنياك قل آمين)
نجد: هههههههههههههه كل ها عشان قال قلبي ما يسوى عليه
ريما شهقت مرة ثانية: شف الغباء. وكتبت(اقول يا محترم شل عفشك وانقلع عن المنتدى ترا هالأشكال مو كفووو تجلس فمنتديات محترمة نفس هذي)
خلنا نشوف المحادثة
صايع ضايع
اقول انطمي ، شايفة عمرك
بنت الأجواد
أكرمنا بسكوتك أحسن
صايع ضايع
شكلك بنت شوارع
بنت الأجواد
شارع يشلك تحت سيارة تدهسك يا قليل الادب تحسبني مثلك
صايع ضايع
شكلك هبلة
دمعة جفا
يا جماعة هدو اذكروا الله
بنت الأجواد
لا إله إلا الله
صايع ضايع
لا حول ولا قوة إلا بالله
بنت الأجواد
اقول صايع اصلاً الاسم يدل على شخصيتك ، مالت بس مسوي عمرك عالفاضي
صايع ضايع
مالت عليكي ، يالهبلة
بنت الأجواد
مافي أهبل غيرك
دمعة جفا
هدووو شوي الحين من الغلطان
بنت الأجواد
هو بدا جالس يتغزل فبنات الناس ما يستحي
صايع ضايع
والله أنا حر اسوي اللي اسويه محد له دخل
بنت الأجواد
ماااااااااالت عليك (وطلعت)
___
نجد: واااااااااو قوية
ريما: ههههه أعجبك

4 - 11 - 2024, 03:33 AM

تكملة البارت السادس

نجد: ريما عاد قووووووومي ساعة اصحي فيكي نومك ثقيييييييل اول مرة ادري
ريما: اوووووووووووه نجووووووود قومي عن راسي تعباااانة حيييييييييل
نجد بخوف: ليه شفيك تبغين تروحين الدكتور
ريما ابتسمت وبصوت خفيف لأن راسها مصدع: لا مافيني شي بس راسي مصدع شوي
نجد: متأكدة ما تبين تروحين ترا حسام بعده ما راح الجامعة وبالمرة يوصلني فطريقه ..
ريما حزنت على حالها كانت تتمنى تروح الجامعة وتكمل بس ما تقدر تقول لعمها يكفي انه معيشها عنده أما نجد اللي حسة بحالها وسبة نفسها على اللي قالته طلعت من الغرفة قبل ما تقول شي زيادةً.
ريما من تحت اللحاف وهي تصيح:

ليش كذا كلهم سعيدين بحياتهم إلا أنا ، إلا انا دايم بحزن وهم آآآآآآآه وش اسوي ياربي ارحمني ودي اكمل دراستي

اهئ. كانت تصيح بقوة بس اللي ماتعرفه انه في شخص واقف قدام الغرفة وسمع كل شي وحط فراسه شي بيسويه!!!
بعد ما هدت من البكى وخصوصاً إن نجد بعد شوي رح ترجع من الجامعة راحت غسلت وجهها وهي طالعة سمعت صوت جوالها ( للتذكرة جوالها اللي اعطتها اياه سارة بنت عمها ابوراكان) راحت ترد وقبل ما تقول أي كلمة
....: سارررروه تعرفي لو ما بعدتي عن طريقي براويج شي عمرك كله ما شفتيه فهمتي ، اي وعلى فكرة نوااف بعدي عنه لأنه لي أنا وبببببس وسكرت الخط...
ريم انصدمت بقوة من هذي اللي تهدد سارة ومن هذا نواف والأهم من كل هذا سارة شسوت عشان كل هذا ، طردت هالأفكار وقررت تغير شريحة الجوال عشان فيه أرقام سارة وراحت تقول لعمها .....
دخلت المجلس لقت حسام رجع من الجامعة وابوه وامه راحت باست راس ابوحساام وام حسام .
وقالت: السلام عليكم
الكل: وعليكم السلام ورحمة الله وبركاته..
ابو حسام: هلا والله بالغالية هلا والله ببنتي
هنا اتفاجؤؤوا كلهم يوم لقوا نجد عند الباب وواقفة ومتخصرة: نعم ، نعم ، هي غالية انا وشو

اهئ
حسام: بسم الله ، غربل الله ابليسك ما تعرفين تدقين الباب دايم دفشة
ابوحسام: ههههههه ، لا حدك إلا نجد ما حد يقول عنها شي وأنا عايش على هالدنيا
نجد راحت باست راسه:فديت ابوي انا
حسام: مصاااااااالح.
نجد: انت انطم
حسام: مالللللللللت
نجد : اقول حسامووووو لا تدخل فشي ما يخصك ترا رزة الفيس من طبايع التيس
حسام: اهجدي انتي وامثالك اللي نفس وجهك
نجد جت تتكلم بس قطع عليها سوت ابوها: ببببببببس (سكت شوي بعدين تكلم) ريما يبه من باكر تروحين الجامعة (ريما جت تتكلم) وما ابا اعتراض مالك حجة ولا ما تبغين تدرسين
ريما: لا اكيد بس
حسام: لا تقعدين تبسبسين دام ابوي قال بتروحي يعني بتروحي
ريما: بس يا بوي خايفة اثقل عليك
ابوحسام: لا تثقلين ولا شي وبعدين انتي بنتي مثل ما نجد بنتي وما في فرق بينهم
نجد: يمه شفيك ما تتكلمين
ام حسام لفت وجهها
حسام: شكلها الوالدة زعلانة من الموقف اللي صار امس ، ما توقعتها تغار كذا
نجد: ويلي ويلاااااااااااااه الوالدة تغااااار من قدك يابو حسااااااااااام امي تغار عليك
ام حسام وجهها قلب احمر
ابوحسام: بس يا عيال امكم استحت هههههههههههههههه
هنا ضربته ام حسام بالمخده
ابوحسام باستهبال: ااااي يعور ههههههههههه
حسام وهو يقوم: وي الوالد فالها عايش ايام شبابه خلنا نقوم احسن
قاموا كلهم راحوا لغرفهم
__________________________________________________ __________________
الدكتور: هو بخير الحين وتقدرون تشلونه بس ما تعرضونه لأي صدمات لأنه ما بيقدر يتحمل
ابوحمدان: تسلم يا دكتور تعبناك ويانا ، وانشاالله ما يصير إلا اللي تبيه، يلا استأذن
الدكتور: اذنك وياك ، تفضل
___________________________
راكان: بس عاد حمدان انسى تقولك تزوجت تزوجت
حمدان: انسى تحلم
راكان: حمدان ما يجوز اللي تسويه بعمرك انت كذا تعذب نفسك وتعذبنا وياك
حمدان بانفعال: ليش اعذبكم انتوا اصلا تكرهوني متى حققتولي اللي ابيه ها قول يلا متى بس والله لاخليكم تندموا على كل شي
راكان: حمدان استهدي بالله
حمدان وهو يتنهد: ونعم بالله
قطع عليه كلامه ابو حمدان : ها يبه شلونك الحين
حمدان باستهزاء: ها ها جاي تسأل عن حالي وانتوا السبب فيه
ابو حمدان ما فاهم شي: نحن السبب فيه ؟ كيف؟
حمدان: سوي نفسك ما تعرف شي وانت اصل همومي كلها ليش ليش تسوون فيني كذا انت ما فيك رحمة انت شو عديم احساس ان قطع كلامه كف قوي على خده انسمع بانحاء المستشفى كلها
راكان: بس يا عمي هدي حمدان مب بوعيه
حمدان: لا بوعيي واعلى ما بخيله يركبه ، وانا رايح ولاحد يدورني لانكم ما بتلاقوني
راكان جا يلحقه بس ابوحمدان مسكه
راكان: عمي خلني الحق عليه توه طالع من الغيبوبة
ابو حمدان: خله عادي يطلع انا كنت جاي عشان اخذه ونروح للفله
راكان : بس لو صارله شي ولا سوى بعمره شي
ابو حمدان : بسم الله عليه ، ما بيصيرله شي حمدان كبير وعاقل واعرفه عدل لا يمكن يضيع نفسه عشان شي تافه
راكان: عمي هذا ما شي تافه
ابوحمدان: إلا تافه وماله أهمية وهذي ريما بينساها مع مرور الوقت
راكان فنفسه ( مسكين يا حمدان طحت تحد يد أهل مغرورين وما ينرحمون وتنهد ولا ريما كسرت خاطري ما عندها أهل وتزوجت واحد يمكن اصلاً هي ما تقربله) واننتبه لنفسه انه سرح وقال: يلا عمي استأذنك ، مع السلامة
ابو حمدان: ربي يحفظك
__________________________________________________ __________________________________
.........: هذا الولد بس وين الفلووووووووس
...... في داخله ( يالله ناس ما ترحم الحمدلله اني لحقت على هالولد قبل ما ياخذه حد غيرله ويسويله شي) : تفضل
........: خذ وهذا الولد حلال عليك
........: مع السلامة .. وخذ الولد وراح لسيارته همر على الفله!!!
__________________________________________________ ___________________________
تركي: علي علي وين سرحان من الصبح اناديك
علي: ها ولا شي ولا شي
تركي باستنكار: لالا انت فيك شي مو معقولة هاليومين صرت تسرح وايد
علي: الصراحة اي ، اشتقت لريما ابا اشوفها شصار لها عقب موت امي وابوي ، كان ودي اكون وياها الحين بس لازم ادرس عشان اقدر اشتغل شغله حلوة واصرف عليها ، ااااااااه ياليتني كنت جلست هناك بس ما قدرت اتحمل شكلها وهي بالمستشفى ما قدرت ، طلعت من المستشفى وما لقيت حل غير اني اسافر اشتغلت كل انواع الاعممال لين ما وفرت ثمن تذكرة السفر وجيت هنا واتعرفت عليك وانت ساعدتني وااايد ما ادري لولاك كان ضعت بهالدنيا
تركي: علي لا تقول كذا نحن ربع
علي: واكثر من ربع بعد ، نحن اخوان ، ربي يخليك لي
تركي وهو يرمش بعيونه: آمين، ادري ما تقدر تستغني عني
علي بنص عين : بلا استهبال مو فايق ويلا قوم عشينا فأي مكان حدي جوعاااان
تركي باستهبال: من العين دي ابل العين دي ( من العين هذي قبل هذي) ويأشر على عيونه
علي صرخ: ترككككككككي تعدل مو فايق لك
تركي حز بخاطره بس سكت عشان ما يزيد هم علي: طيب ، عندي لك مطعم جديد يخليك تاكل اصابعك ورى الأكل
علي: نشوووووووف
__________________________________________________ ____________
وعلى فكرة للتذكيييييييير ( ريما كانت تغطي وجهها قدام حسام وشباب العيلة اللي بندخلهم فالبارتات الجاية )
__________________________________________________ ___________
ميرنا : انتي من صدقك
لينا: ايوه من صدقي
ميرن: لينا انتي جنيتي ، ما بشترك وياك فهالجريمة لو شو صاااار
لينا: الظااااهر نسيتي ولا اذكرك
ميرنا: حقيره ونذله ، ما عرفت حقيقتك إلا الحين ، صدق اللي قال ياماا تحت السواهي دواهي صدق انك بلوة وداهية . قالت كذا ودموعها تنهمر على خدها كالشلال
لينا ببرود يقهر: والحين رح تسمعين الكلام ولا لا
ميرنا ودموعها على خدها : حرام عليك اللي تسويه لو انا سويت فيك كذا شو راح تسوين حرااااام اللي تسويه بالناس والله اول مرة اشوفك على حقيقتك
لينا بقلة صبر : اسكتي انتي ونصايحك وبعدين احنا فمكان عام واذا بدك تتكلمي الجوال موجود وانتظر اتصالك يا إما تساعديني يا إما انفذ اللي فبالي
خذت ميرنا شنطتها وطلعت بره المطعم وهي تتحسب وتدعي على لينا
لينا : ههههههه واخيراً يا علي رح انتقم ، بس انت اصبر علي ورح تندم على كل كلمة قلتها وكل اهاناتك رح اردها لك ويا انا ويا انت.
وشالت شنطتها وراحت بره المطعم
نهاية البارت السادس

4 - 11 - 2024, 03:34 AM

ايا حزن ابتعد عني ودع جروحي يزل همي

واني بك ياحزني غير العذاب لا اجني

ايا حزن ماالك مني الاترى الذي بي يكفيني

تعبت من كثرة التمني ولست انت بحائل عني

ايا حزن لاتسئ ظني فانت في غنى عني

فلي من الالام مايبكي ولي من الجرووح مايدمي

الاياحزن اتعتقد انني منك اكتفيت

الم يحن الاواان بعد الم يحن زوالك ياحزني

__________________________________________
واااااقفة عند الباب ، مكان غريب عليها ، حتى جامعتها القبلية ما كانت كذا هذي غير ، الناس فيها كثييييييير والأصوات عالية ، هزت راسها بأسف (وين ما تطقها عوجة) كانت تتمنى تكون مع نجد علأقل تعرفها لكن هي فجهة ونجد بجهة، تقدمت بخطوات بطييئة وكل ما تلف تسمع اصوات ضحكات غبية ، فجأة وقفت قدام ثلاث بنات ..
دانة وهي تطالعها من فوق لتحت : شكلك وحدة جديده وضحكت بسخرية وليش متغشية خلنا نشوف وجهك الحلووووو . وشدت الغطا من على وجهها بقوة بس سرعان ما تحولت ابتسامة السخرية اللي على وجهها لوجه مصدووووم الكل التفت وانصدموا من جماااااااالها مع انها ما كانت محطية اي نوع من المكياج بوجهها .دانة ندمت انها كشفت على وجهها اما ريما فعلى طول اخذت الغطا من يد دانة وغطت وجهها بعشوائية.
دانة بقهر من الطلاب اللي يطالعوها بانبهار لأن دانة كانت ملكة جمال الجامعة اما الحين فريما بتغطي عليها اكيد: حلوووووووة بس مو احلى مني صح بنات . والتفت على اللي ووراها .
اميرة : هي صح
العنود وهي مو فوعيها: لا اكيد هي احلى جمالها يهبل. للمعلومة ( العنود بوية الجامعة )
دانة بقهر : تعرفين ليش اكييد من الممكياج اللي حاططته ، ولفت على ريما :إلا وش اسمك يا حلوة
ريما: ما يخصك
دانة: ردي رد حلو احسن لك لأنك ما تعرفين من انا
ريما: من يعني ؟ ضحكت بسخرية هههه
دانة وبدون استثناء طرااااااااااخ : وهذاا يعلمج كيف تكلميني يا . وطالعتها من فوق لتحت وراحت
أما ريما فراحت جلست على كرسي وبكت ، وفجأة
ديما وهي تطبطب على كتفها: ولا يهمك ، هي مغرورة وما يهمها حد
ريما رفعت راسها وابتسمت لها
ديما وهي تقوم وتقومها : يلا اللمحاضرة بدت إلا انتي وش اسمك
ريما: اسمي ريما
ديما: حلووووو ، وانا ديما
ريما: عاشت الاسامي
ديما: عاشت ايامك: يلا تعالي بعرفك على باقي الشلة
ريما: طيب. ومشت معاها وتعرفت عليهم
ديما(بنفس عمر ريما طيبة وحبوبة وما تحب الظلم ابداً بس ما تقدر تسوي شي طولها متوسط عيونها رمادية وبشرتها حنطية خدودها تحمر يوم تعصب او تضحك بقوة وهي جميلة ومن عيلة غنية ولها مكانتها )
دانة( تلقب بملكة جمال الجامعة جميلة عيونها بلون السما بشرتها بيضة طويلة رموشها طوييلة مغرورة وتحب تكون الأحلى دايماً تكره الأقل منها وهي من عيلة غنية وتحب حد فالجامعة بس هو ما معطيها وجه)
العنود( بوية الجامعة تقول الحق دايماً ، وتمشي مع دانة بس ما تحب غرورها واكيد في شي صار خلاها تصير ببوية ، نتعرف علليه مع الأحداث، عيونها ازرق غامق فيها لمعة بشرتها بين اللون الأبيض والحنطي شكلها حلو بس دايم تحاول تخفي جمالها ، تحاول تخفي انوثتها بصفاتها العربجية والدفائة ..الخ.. من عايلة غنية )
اميرة( جمالها عادي بس مع المكياج تكون حلوة عيونها سودة بشرتهههها مائلة إلى السواد ، مغرورة وفيها نفس صفات دانة)
شلة ديما ( امل- منال)
امل( حلوة عيونها سودة رموشها كثيفة بشرتها بيضة ، ويسمونها الدافورة )
منال( حلوة وعيونها سماوية عليها تخطيطات توديك فستين داهية ، بشرتها ححنطية)
__________________________________________________ _________
ام حمدان: ياويلي على ولدي وييييييييين رااااااااح
نورة: يمه هدي بيرجع بيرجع
ام حمدان وهي تصيح: اي يرجع خلااااص رااااااح كله بسبتها كله بسبتها
ابوحمدان وهو داخل الفله ومنزل راسه: لفينا الدنيا كلها ما لقيناه
ام حمدان زاد صياحها : مالي دخل جيبولي ولدي وين راااااااح
نورة بتفكير: يمكن سافر
ابو حمدان: لالا شو يسافر ما بيلحق
نورة: وليه لا ، طيارته الخاصة توديه المكان اللي يبيه
ابو حمدان باقتناع : يمكن
ام حمدان: ودوني له وراحت عن ابو حمدان ومسكت اايده : واللي يرحم والديك وديني له
ابو حمدان: استهدي بالله هو راح يغير جو وبيرد
ام حمدان: يارب رده لي سالم
نورة: هذا ما وراه غير المصايب
ام حمدان: نورة لا تقولين عن اخوك كذا وطلعي فوق ما متفيقة لك
نورة: اووووف اللي يقول الحق فهالبيت غلطان ، وطلعت غرفتها
ام حمدان: يا حسرتي عليك يا ولدي وين رحت
ابو حمدان بعصبية: خلاص عاد ، قلنا بيرجع
ام حمدان استغربت عصبيته: هذا ولدي تعرف يعني شو ولدي
ابو حمدان: اذا رجع زوجيه ريما
ام حمدان: بس هي مو من مقامه
ابوحمدان: لا من مقامه نسيتي انها بنت عمه ولو ما حرمناهم من الورث كانوا الحين مثلنا واحسن منا
ام حمدان: بس انا بزوجه ليلى
ابوحمدان: خلك على عنادك واذا راح وما رجع قولي ارجع وبزوجك اياها
ام حمدان: خلاص خلاص بتصل له الحين
ابوحمدان: يلا اتصلي
_____________________________
كان جواله يرن للمرة 25 بس هو ما معبره جالس مكانه فالمكان اللي يحبه ومحطي رجله بالماي وايده فالتراب ، رن جواله مرة ثانية سواله صامت ورماه مكانه ، بعد دقايق شاف جواله ينور ويعلن وصول رسالة فتحها لقى مكتوب فيها ( يا ولدي رد وبزوجك ريما وبسوي اللي تباه) ضحك بعد ما قراها وقال بصوت عالي : بتزوجني اياها هههههههه بعد شو خلاص تزوجت خلاص هههه. وخذ جواله وتوجه لسيارته ركبها ورااااح للمجهوووول
________________________________________
علي: اوووووف متى بيخلص هذا
فيصل: اووق علي يقول متى يخلص اللي كان دايممممماً يتمنى انه ما يخلص
علي: فيصل مو فايقلك
تركي: خله بحاله
فيصل: عدال يدافع عنه
تركي: فيصل اسكت
ميرنا: بس خلاص
لينا بدلع وهي توها جاية : هااااااااي كيفكم
ميرنا لفت وجهها وعلي نفس الشي
تركي بملل: وعليكم السلام
فيصل: هاااايات ، هلا والله
راحت لينا وجلست جمب ميرنا اللي سوي وبتحترق من قهرها
ميرنا بنفسها ( جاية ولا كأنها مسوية شي ، يا كرهي لها)
علي قام: شباب بقوم مليت هذا ما بيخلص الا يوم تطلع روحنا منو بيجي معاي
تركي: انا اكيد
ميرنا: وانا بعد
علي: فيصل بتجي
فيصل: لا بلحقكم بعد شوي
أما لينا فما صدقت انها لقت فيصل
لينا: فيصل
فيصل : لبيه
لينا استغلت الموقف : انا فمصيبة وبدي اياك تساعدني
فيصل: عيوني لك
لينا : تسلم عيونك .................................................. .................................................. ..................
فيصل: بس
لينا: لا بس ولا شي ، يعني بدك اياني انهان وانذل ولا اخذ حقي
فيصل: لا ، خلاص موااافق بس على شرط
لينا: قول
فيصل: تزوجيني
لينا بنفسها ( اوووووووووووووف ياربي رح اقوله موافقه الحين وبعدين يحلها الف حلال): اوكي موافقة بس بعد ما تنفذ الخطة
فيصل بذكاء: وكيف اضمن انك ما تكذبين
لينا : انا مو كذاااابة
فيصل: العفو بس يمكن يمكن تكذبين
ليننننننننننا: خلص انت شو بدك الحين
فيصل: امممممممم .......................................
لينا: اتفقنا ، غالي والطلب رخيص وخذ هذا اللي تبيه . تقول كذا وهي تمد له ظررررف
__________________________________________________ _________________
..........: لقيناها طال عمرك
.........: خخلاص احجز على اقرب فرصة تلاقيه
.......: تم طال عمرك، شي ثاني
.........: لا ، اقفل الباب وراك
بعد ما طلع
.........: ااااااااااه وينك يا ريمااااااا لازم انفذ وصية امك قبل لا الله ياخذ امانته ، الله يسامحها امك ما قالتلك عن شي اه يارب يطول بعمري واشوفك فرحانة ومتهنية بحياتك..
_________________________________________________
دخلوا الفله
كااااااااانت فخمة وكبييييرة لها بوابتين كبار وفيها طابقين الطابق الارضي والعلوي الطابق الأرضي فيه درجتين تتعداهم وتلاقي مجلس بالوسط فيه كراسي فخمةة .. وفيه بوابتين كبار بوابة امامية والثانية خلفية ..الخ
المهم دخل واستقبلته اخته حضنته وبعدين خلته ووجهت نظرها للطفل الصغير اللي معاه : من هذا
وافي: هذا عمااار .................وحكالها القصة
نظرت له نظرة عطف : اها مسكين معقولة في ناس بهالقسوووة، كيفك حبيبي
عمار: تنااااااام (تمام) وانتي؟
امل: انا بخير والحمدلله
وافي: امووول بطلع الحين وانتي اهتمي فيه اوكي
امل:: وش اهتم فيه وراي دراااسة
وافي: انتي ما وراك غير الدراسة ، بس عشاني اهتمي فيه هالمرة
امل: اووووه طيب ،ومسكت ايده : تعال حبيبي
عمار بطفولة: وين
امل: غرفتي
عمار: تيب . ومشى معاها
(امل هي اللي فشلة ديما)
__________________________________________________ _________
راكان: حمدان انت وين قولي بجي لك
حمدان: بسرعة واللي يخليك انا تحت قدام الفله
راكان اخذ جواله ونزل تحت طيرااااااااان.
__________________________________________________ ____
على طاولة الغدا
نجد: اوووف هالتيس اللي عندنا وتقلد صوته ( ما بعيد الدرس اللي يبا يفهم يفهم)
الكل ضحك
ابو حسام: وانتي شلونك يا بنتي، وشلون الجامعة وياك
ريما: بخير والحمدلله ، الجامعة حلوووة واتعرفت على بنات مرة طيبات
ابو حسام: الحمدلله
حسام: اقول يبه اليوم بروح مع ربعي البر تروح معنا
ابوحسام: اي اي برروح وبالمرة ناخذ الجدة تفرفش ههههههههه
الجده: ها وش تقووول كني سمعت اسمي
نجد اللي لسانها متبري منها : بسم الله ، قطوة بخمس اذوووون
ريما اللي سمعتها كبحت ابتسامتها ونغزت نجد
نجد: اي
ام حسام: وش فيك يا بنيتي
نجد: ها ولا شي ولا شي، الا اقول حسام ودنا اليوم السوووووووووق
حسام: ما تسمعين بطلع مع الشباب
نجد: حسوومي بلييييييييييييييييييز
حسام: امري لله ، العصر اجهزوا وبجي اخذكم انتي وريما
الجدة: وانا ابغا اروح
حسام باستهبال: اي انشاالله، ترا طلعوا نوعيات جديدة من الجوالات ولا المكياج لا يفوووووووووتك يا جده .
الجدة: تستهبل علي ياا ولد ، عيب هالكلام الله يرحم ايام زمان ، كانت الحرمة ما تحط على وجهها شي كانت نفس القمممممر
نجد: اي مبين مبين
الجدة: واكبر دليل انا شوفوني احلى من مية حرمة
نجد بضحكة : اي مبين مبين
الجدة: ودام انك تقولي مبين ليش تحطين مكياج ها
نجد ابتلشت: انا احط متى ولا مرة حطيت
الجدة: اجل وش اللي فوجهك ذا
نجد: هذا كريم اساس
الجدة: وشو كريم نعاس
نجد: اساس اساس
الجدة: المهم اللي هو
ريما: الحمدلله . وقامت
ام حسام: ما كليتي شي
ريما: الحمدلله شبعت
ام حسام: براحتك.....
______________________________
حمدان: راكااااااان حاس اني بختنق
راكان: انزل انزل
حمدان: وش
راكان: انزل انا بسوق
حمدان نزل وبدلوا الأماكن
حمدان: راكان ودني لشقتي اللي شريتها السنة الماضية ولا تقول لحد اني هناك
راكان: حتى امك ، تراها خايفة عليك وايد
حمدان: حتى هي
راكان تنهد: بكيفك، بس متى بتشرف الجامعة من زمان ما داومت
حمدان: عن قريب ، عن قريب.

4 - 11 - 2024, 03:35 AM

يا دمع عيني خف جرحت عيني

والعين تبكي خوف تفقد بصرها

كف يا دمع ما ودي تجيني

بنسى عسى نفسي تدارى خطرها

ودي الصبر والوقت يرحم أنيني

والنفس من ذا الصبر تجني ثمرها

يا دمع عيني جرحت عيني

والعين تبكي آآآآه تفقد بصرها

يا غير صبري مل والله يعيني

والروح تبكي ضايقه من صبرها

هو صاحبي كفى ودمر سنيني

كان الامل كان حياتي عمرها

كان الوفاء والشوق يموت فيني

هو دنيتي من ثم عيوني نظرها

هو غايتي هو راحتي هو ضنيني

هو مهجتي بالحب نفسي غمرها

يا حيف وقت حان بينه وبيني

وتبدلت الاحلام لحظت سفرها

والي انكتب وان صار وسط الجبيني

لابد الايام تكشف خبرها

يا دمع عيني خف جرحت عيني

والعين تبكي خوف تفقد بصرها

هلا اترككم مع تكملة البارت الساااابع

____________________________________

نجد: اممم ريما اقولك شي
ريما اللي كانت ماسكة كتابها وتقرا : ام قولي
نجد: اول انتبهيلي وخلي اللي فإيدك
ريما وهي تخلي الكتاب : ها يلا قولي يا ست نجد
نجد: اممممممم ريما انا احب
ريما: وييييييييييييييييي حركااااااااااااااااات
نجد: ريما صدق
ريما واللي حست بالجدية بكلام نجد: منو هذا
نجد: و ولد عمي خالد
ريما: وهو يحبج
نجد: لااا ، ما ادري
ريما: انزين فكيينا عبالي عندك موضوع مهم
نجد: اووووووووه نسيت حسوووووووم تحت نزلي لا يكسر الدنيا فوق راسنا من الصبح ينتظرنا بالسيارة
ريما: اوووك ، ويت بجهز وانزل
نجد: يلا بسرعة
ريما: اوكي.
__________________________________________________ ____________________________

حمدان: باكر برد للجامعة
راكان: واخيرا قررت تفك الحصار
حمدان: ههههه ، مهما سويت خلاص هي تزوجت وش تبيني اسوي يعني
راكان: ههههه طيب طيب هدي اعصابك شوي
__________________________________________________ ______
ريما شهقت فجأة: يمممه
نجد وحسام: شصااااار
ريما: و و ول ولد ع عمي ح حمداان
حسام بلا مبالاة: وشو يعني ما تقولي انهم طردوكي خلاص ما يقدروا يسوولك شي
طبعاً نجد كانت تعرف السالفة كلها: لا حسام خلاص اصلاً نحن اشترينا وخلصنا ، يلا مشينا
ريما: اي اي يلا
حسام: طيب يلا
___________________________________
اما عند حمدان فراكان شاف ريما وانتبه لها بس ما حب يخبر راكان لانه توقع انه اللي وياها يكون زوجها والبنت يمكن اخت زوجها، ،،
حمدان: راكان راكان وينك .. ويأشر بيده على وجه راكان
راكان: ها لا انا هنا
حمدان: مبن من ساعة اناديك ما ترد
راكان قام: يلا استأذنك بروح البيت الوالدة تبيني
حمدان: اذنك وياك
راكان وهو يمشي ( معقولة اللي شفتها هي ريما لا لا لا مستحييييييييييل بس ليش مستحيل يمكن هي ، اوووه خلني امشي احسن)
اما حمدان فكان بعده جالس عطاولة بالمطعم وسارح بأفكاره ......>>
__________________________________________________ _________________
وافي يصارخ: ومتى بيشرف حضرته طووووووول الليل والنهار بره شو تبين الناس تقولين علينا ما عرفنا نربي صح اهلنا متوفيين بس وانتي اصغر منه بس لازم تعلميه السنع حسبي الله عليكم فضحتونا بين الخلق.
امل بخوف: خلاص وو وافي هدي ما صار شي
وافي: لا والله ، قولي شو ما صار بسبة اخوج فضحنا بين الناس والعالم يطلع من الفجر ويرجع آخر الليل
عماااار جا ركض من غرفته اللي خصصوها له بجناح امووووووووووووول : هاه ثو في (شو في)
امل بحنان: ما في شي حبيبي ارجع لغرفتك
عمااااااااار: ليث بابا وافي معثب ( ليش بابا وافي معصب )
امل: ما فيه شي صح وافي
وافي بهدوء : اي صح يلا روح لغرفتك الحين
عمار: تيب يلا اموول ابيث تدين مااي ( طيب يلا امول ابيج تجين معاي)
امل: من عيوني ، يلا حبيبي
وطلعوا لغرفة عمااااار
وشوي الا ماجد يجي كانت الساعة 5 الفجر
وافي: هلا والله ، تو ما نور البيت ، وين كنت حضرتك
ماجد بنص عين: مالك دخل وقم عن طريقي بروح انام
وافي: وقت النوم راح ، صليت الفجر ولالا
ماجد: اي صليت يلا خلني برووح
وافي: بخليك ، بس اسمعني عدل هذي آخر مرة تجي بهالساعة من الليل ، يا تجي الساعة تسع ، او لا تجي البيت اصلاً، انا حذرتك وخلاص.
ماجد: اوووووووووووووه فكني . وطلع متعدي اخوه وافي .
وافي زفر بقوة: الله يهديييييييييييييييك.
__________________________________________________ ___________________________
نجد: ريمووووووو يوم الخميس بنات خالي رح يجو
ريما: والله
نجد: اي يبون يتعرفون عليكي
ريما: هلا فيهم والله
حسام: اقول عن شو تتكلمن خلني اسمع ليش تتهامسون
نجد: شي ما يخصك
حسام: افا هذا جزاي رايح اوصلكم للجامعة
نجد: غصبن عنك بتوصلنا ، هو اللي ناقص بعد
حسام: خلاص خلاص : كليتيني ما قلت شي وما ابا اعرف
ريما ضحكت :هههههه
حسام: خير ست ريما ليش تضحكين
ريما: ها ولا شي
حسام: يلا انقلعن وصلنا
نجد: حشا وش ذا اللسان
حسام: يلا بسرعة نزلي ولا افتحلك الباب بعد
نجد : اي لو سمحت
حسام: اقول بتضفين وجهك ولا لا
نجد: ياخي فكنا .. ونزلت
طبعاً ريما راحت لجهة ونجد بجهة
ديما: هلا والله ريموووووووو
ريما: هلا فيكي
ديما: ها شحالك اليوم
ريما: بخير والحمدلله
ديما: دووووم
ريما: تسلمين
ديما: الله يسلمك، يلا تعالي بعرفج على سارونة ربيعتنا بس بسكشن غير وامل ومنال ينتظروكي من زمااااااان
ريما: اها ، يلا
سارة كانت لافة وجهها اول ما لفت على ريما
ريما: سااااااااارة . وحضنتها
سارة: ريما شحاللللك حبيبتي ، شخبارك
ريما: بخير والحمدلله
سارة: دووم انا تمامز
ريما: دوووم
امل باستغراب: تعرفون بعض
ريما: سارة تكون بنت عمي
امل: صدق
سارة: اي صدق
امل: طلعتن تقربن لبعض حلوو
منال: بنات قررنا انا واموووووووول يكون لنا كل خميس طلعة شراااايكم او نتجمع فبيت وحدة فينا
ريما: اعذريني ما اقدر
منال: لا والله، حلفت عليكي بتجين يعني بتجين معانا
ريما: طيب
البنات: ونحن مواافقين بعد
منال: انتن متأكدة من الموافقة لانكن مشفووحات عالآخر..
سارة: لا والله
منال: اي والله
ديما: يلا بنات خلنا نلحق عالمحاضرات ، تفرقوووووووا يا جيش الروووووووم
كلهم ضحكوا على تعليقها بعدين راحوا لمحاضراتهم ولاازم شوية حش والاستاذ يشرح ولا ما يكونن بنات
__________________________________________________ ______________

...: وشووووو تستهبل انت كيف انتقلت
.....: والله هذا اللي صار ، لإنه من آخر مرة قلتلنا نراقبها فيها ولقيناها قلت شيلوا المراقبة عنها
... (ضرب راسه بيده): اووووووووف بعد ما لقيتها ضاعت من يدي اااااااااااه
.....: تامرني بشي طال عمرك
....: اي ارسل حراس يدوروا عليها وشدد المراقبة عليها اذا لقيتوها لازم تلاقوها باسرع وقت
....: انشاالله ، طال عمرك ، رح اخبرهم
__________________________________________________ __________________

علي : ما مصدق بااقي شهر وارد لبلادييييييي اشتقت لها ولأهلها
تركي بحزن: وتخليني بروحي نفس ما كنت قبل
علي: تركي تعال معاي وعيش عندي ما لازم عند اهلك
تركي: حسبي الله عليها نفس ما ظلمتني
علي: ها موافق
تركي: افكر
علي ضربه على راسه : غصبن عليك بتجي
.................................................. .

4 - 11 - 2024, 03:36 AM

الباااااااارت الثااااامن

_________________________________
منااااااااااال: واخيييييييييييرا الخمييييييييس ما مصدقه حد يقرصني
امل قرصتها
منال: ااااخ ووجع
امل ببراءة: انتي قلتي حد يقرصني وقرصت
منال: ما قلت انتي حشا ممو اييد مطرقة
امل: ها ها ها
ديما: بنااااااااااااااااااات ما كأنكم قلتوا بتطلعونا اليوم وين بنروووووووح
منال: خلي الطلعة علي ، امووول زقررررررري سارة عشان تجي معانا
امل: انشاالله ، انتظروني لا تروحوا
منال: يلا خلصينا
منال سكتت شوي بعدين تكلمت: ريموووووو هاي اول طلعة لج ويانا لازم تستانسين
ريما: طيب
وبعد شوي جت سارة واتجمعوا البنات وراااحوا يركبوووا السيارة كانوا ( ريما - سارة - امل- منال - ديما)
ريما وسارة وديما كانوا راكبين فالمرتبة الخلفية وامل ومنال بالوسط ورا الدريول (السواق)
منال: اقووول رااجو شغل شي
راجوا: شو يبيب ماما
منال: اي شي الوسمي الجسمي اي شي
راجوا: حاضر ماما
وشغل وعاد منال ما قصرت الرجه كلها فيها اما امل فجالسه ساكته كان ودها تروح البيت وتذاكر اونه هذا تضييع للوقت
وريما تسولف مع سارة وعن شو صار من بععدها بس ما خبرتها عن سالفة حمدان عشان ما تتضاييق وخصوصاً انها لو ردت البيت بترد للعذاب والذل..
سارة: اي ما قلتلك
ريما: وشو
سارة: راكان طلع ييحب نوووووورة، الله يلوع بكبده ما لقى غيرها
ريما: سبحان الله ، بالعكس لايقين على بعض
سارة: بس انا ما ابغاه ياخذها ، نورة ما تصلحله
ريما ما فهمت: كيف
سارة: كل شي عندها فري
ريما: اها
منال: شكلكم تحشون فحد
ريما: ها لالا انتي خليك باغانيك
ساارة: منووول قوليله يشغل قرآن افضل
منال: طيب ويت، راجوووا شغل قرآن
راجوا: طيب ماما
وكملوا سوالف لين ما وصلوا
ريما: الملاااهي
منال: اي يلا لا تضيعون وقت ، وشدتها من يدها ودخلتها والكل دخل وراها
وقفوا قدام لعبة
منال: واااي وناااااسة يلا ركبي ريمو
ريما طفولة : ما ابغى اخاااااف
منال: حرمة شكبرج وتقولين اخااااف
امل: خلاص منو خليها على راحتها وانا بجلس وياها
منال: كيفكن يلا سارونة وديما ، انتن الشجاعات فيهن والباقيات ، الله لا يبلينا بصفاتهن
سارة ابتسمت: انزين يلا
ركبو اللعبة اللي كانت عبارة عن صحن كبير يجلسوا فيه ويبدا يدور خفيف وبعدين يسرع
اما عن ريما وامل
امل: ريما ممكن اسألج سؤال؟
ريما: اي عادي
امل: انتي صارلك شي بحياتك وشي كبير بعد
ريما ارتبكت: كيف يعني؟
امل: قصدي خلاكي تخافين من كل شي وكذا يعني
ريما: لالا ما صار إلا كل خير
امل: قولي الصدق
ريما:" ما في شي
امل: عالعموم اعتبريني نفس اختك متى ما بغيتيني قولي
ريما ابتسمت: مشكووووووووورة
امل: انزين وين كنتي تدرسين قبل
ريما: فجامعة....
امل: مبين من شكلج انك دافورة مثلي
ريما: مو لهذي الدرجة تقدرين تقولين نسبتي 98%
امل بفهاوة: شو ، لا والله، انتي اشطر مني انا نسبتي 93%!!
ريما: ماشاالله شاطرة
امل بفرحة: واخيراً جيتي الجامعة كانت تنتظرك من زمان عالأقل تقهرين دانة وامثالها
ريما: ليش
امل: دانة الله يسلمج هاي اللي ضاربتك يوم جيتي الجامعة اول مرة وتعتبر أهم وحدة فالجامعة لأنها تجيبط طلاب للجامعة وتساهم بدفع مبالغ بعد وفيج تقولين ترشي الجامعة كلها عشان تنجح وهي اللحين مغترة بعمرها عشان نسبتها 94% وانتي كذا تكوني غالبتنها ولو عرفت الجامعة بيستغنون عن خدمات دانة لان اللي ما تعرفيه ان جامعتتنا تكون اقل جامعة فمستويات الطلاب!!
ريما: اها ، كل ها ما اعرفه
امل: المهم وبهالمناسبة الحلوة انك بردتي حرتي فهالدانة المغرورة عازمتتنج عبيتنا
ريما: شكراً بس ما اقدر
امل: لالالا ما في ترفضين تجين يعني تجين
وبعد شوي ين سارة ومنال وديما وهن يتمايعن بالمشية تقول سكرانات
ريما: بسم الله شفيكن
ديما: حسبي الله عليج يا منال
امل: يه شصااااااااار
سارة: الاستاذة منال ر راحت قا الت لراعي االلعبة يزود السرعة
ريما وامل: هههههههههههههههههههههههههههههههههههههه
منال: اي ضحكن ضحكن المرة الجاية عليكن
ريما وامل: بسم الله علينا منكن
__________________________________________________ ______
ام حمدان: يا يمة لي متى بتظل كذا
حمدان: كذا مرة قلت زواج ما بتزوج
ام حمدان:يمه البنية بتضيع من يدك
حمدان: فستين داهية ولو كلمتيني بهالموضوع مرة ثانية اتحملي الللي بيصير
ام حمدان خافت عليه:لا لا خلاص بسكت ها
حمدان: انا طالع
ام حمدان: الله وياك، انتبه ععمرك، ولا تسوق بسرعة
حمدان: انشاالله , وطلع.
__________________________________________
حمدان: راكان ودي افحط
راكان: بس فااااااالك طيب ، تعال >> ابو المصايب
حمدان: يلا
______________________________________
لينا: صبرت عليكي كتيييييييير خلصيني
ميرنا: فاحلامك اشارك وياك فهالجريمة
لينا: خلص لا تلوميني اذا نفذت اللي براسي
ميرنا: حسبي الله عليك ، انتي ما تستححين على وجهك ، تستغلين الناس بهالطرقة، عالعموم كيفك سوي اللي تسويه بس عادي اخبر علللللي بكل شي.
لينا: هههههههههههههههههههههههههههههههههههه قوليلو وشوفي شو رح يصييييييير
ميرنا بخوف: وحدة بوحدة
لينا بتحدي: احكيلوا وشوفي شو رح يصير
ميرنا: ليه في اكثر من كذا بعد
لينا: فيه فيه بس اصبري
ميرنا: حسبي الله عليج,

4 - 11 - 2024, 03:37 AM

الساااعة 8 الصبح قامت على رنين جوالها
ريما بنعاس: الو السلام عليكم
امل: وينننننننك يالدوووووووووبة من زمان انتظرك ما قلتي بتجين اليوم
ريما: اوووووووه كم الساعة
امل: 8
ريمااا: وويه راحت علي نوومه يلا امول بقوم اصلي الصبح وبستأذن من عمي وبجيكي
امل: طيب انتظرك
ريما: مع السلامة ، في حفظ الله.
امل: وياااكي.
قاااااااامت بسرعة غسللللللللت وجههها وتوضت وصلت وراحت لعمها ووافق طبعاً وقال لحسااااااام يوصلها
ويوم وصلت عند الفله او القصر
حسااااام: متى اجيكي
ريما: امممم 7 الليل !
حساام: مو كأنك بتطولين هناك
ريما: لا عادي بالعكس ، نحن بنذاكر ويا بعض
حساام: طيب كيفك
ريما وهي تفتح باب السيارة: يلا مع السلامة
حسام: الله وياكي..
دقت باب الفله وفتحت لها امل وخذت منها العباة وجلستها فالصالة
ريمااا: واااااي حررررررررررر
امل: المكيفاااااااات كلها شغالة
ريما: بختنق حررررررر وايد
امل: عادي فصخي شيلتك
ريما: ما في حد في البيت
امل: لا كلهم بررررررررره، شو تشربين
ريما: لو تسمحين ماااي باارد
امل: ثواني ويجيكي
وراحت امل تخبر الخدامات بالمطبخ ، وفي اثناء ما هي بالمطبخ ماجد.. من دون لا يتحمحم ولا شي . غريبة يجي بهالوقت بس من يوم تحذير واففي له وهو ملتزم.
وقف متصنم بمكاااااااانه من اللي شااااافه ،وقال من دون وعي: وش ذا الجممممممممال
ريما انصدمت وبسرعة شلت شيلتها وتغطت وقامت عشان تطلع بس ماجد كان واقف عن المدخل: لو سممممحت بطلع
ماجد: ها اي تفضلي
رااحت ريمااا وهي ميته من الخوف وخصوصاً انها توها جاية ومستحيل تتصل لحسام وتقوله تعال فقررت تنتظر لييييين الساعة 7!!
_______________________________________________
لينا: لا اصبر شوي بما رح ننفذ الخطه إلا بعد شههههر
فيصل: طيب
تركي: شفيييكم تتهامسوووون
فيصل : بسم الله الرحمان الرحيم من وين طلعت انت
تركي: من بطن امي ها ها ها
فيصل: سخيييييييف
تركي: ما اكثر منك
فيصل: تركي شتبي الحين
تركي: لا بس شفتكم جالسين لوحدكم قلت اجي اسليكم
فيصل: لا بس اقلب وجهك
تركي: على الصفحة كم؟
فيصل: تركككككككي انقلع ما متفيق لك
تركي: اجل متفيق للينوو
فيصل حده عصب: بتنقلع ولالا
تركي: خلاص خلاص ، خلكم يا روميو وجوليت هههههههه. وراح
وبعد ما مشا
لينا: يلا فصوووووووووووولي بدك شي
فيصل: لاااااااا ، تسلمييييييييين
لينا: الله يسلمك ، سلاااااام
فيصل: مع السلامة..
__________________________________________________ ____________________
علي: كيف يعني؟
تركي: ما ادري بس هالأيام وايد الاقيهم مجتمعييييييين
علي: غرريبة
تركي: اي والله غريبة ، لينا ما كانت تطيق فيصل، شصار!!
علي: خلنا منهم ما علينا ، بااااااااااقي شهههههههههر وارد
تركي: علي خايف اثقل عليك
علي: لا ثقل ولا شي انت مثل اخوي وكذا ولا كذا بجي معاي
تركي: تسلللللللللم والله
علي: الله يسلمك.
_____________________________________________
ميرنا وهي فبيتها ( اوهووووو الحين اقوله ولالا ياااااربي بس لو قلتله يمكن لينا تنفذ اللي براسها وانفضح مع اني ما مسوية شي ، حسبي الله عليها ، امممم طيب ليش ما اخبر الشرطة ، لالالا لينا بتوقف بوجهي وهي اللي بتنتصر بالأخير، اووووه وش اسوي يعني ، خلاص قررت مالي دخل بأي شي عشان ما اسبب مشاكل لحد ولو على موتي ما اشترك معاها بجريمتها )
____________________________________________
نووووووورة: اي بيبي
حمد: ابغى اشوفك
نوورة: لا بيبي سوري ما اقدر
حمد: خلاصص اجل باي
نورة: لالا خلاص متى ؟
حمد: باكر انشاالله
نورة: اووووكي بااااااااايو
حمد: سلام.
حمد فنفسه بعد ما سكر( اوووووووكي يا عيا ال.... اجل انا تتحدوني هه ما تعرفون منو انا ، ان ما نزلت راسكم بالتراب ، مسكينة عبالها احبها هههههههههههه، باقوم اريح شوي ههههههههههههههه)
__________________________________________________ ___
سلااااااامة: حموووووووووووود من زمان ما كلمت ريما
محمد: ليش
سلاامة: اخر مرة كلمتها كانت تكلمني من كبينة التلفون بالشارع وقالتلي انه تلفونها خرب ، ما ادري الحين عاد عندها جوال ولالا.
محمد: صبري يمكن تتصلك
سلامة: اممممممم ويت عندي فكرة
سلامة اتصلت: الو السلام عليكم
سارة!!: وعليكم السلام ورحمة الله وبركاته شحالك سلامة من زمان عنك
سلامة: ههههه والله اشغال، المهم انتي شخبارك
سارة: بخير والحمدلله
سلامة: دوم، المهم بغيت اسالك عن ريما اذا كان عندك رقمها
سارة: اي عندي بعطسكي بس لا تعطين حد
سلامة بفرحة: طيب كم
سارة *********
سلامة: طيب يلا مع السلامة وشككراً
سارة: الله يحفظج، العفو
________________________________________________
وعلى طول اتصلت سلامة لريما
ريما: الو السلام عليكم
سلامة: وعليكم السلامم هلا بالقاطعة هلا
ريما بصراخ: سلوووووووووووووووووووووووووم شلوونك
سلااااامة: تممام والحمدلله وانتي ؟
ريما: بخيرررر والحمدلله ، اشتقتللللللللللك واايد
سلامة: وانا اكثر بس ليش ما كلمتيني من آخر مرة
ريما: الورقة اللي كنت كاتبه فيهاا رقمك ضاعت
سسلامة: اها ، طيب شفيه صوتك كذا كأنك ترتجفين
ريما ارتبكت: ها ولا شي
سلامة: ريما قولي الصدق لا تخبين
ريما: قلت ولا شي
سلامة: براااااحتك يلا بقفل تامرين علي شي
ريما: سلاامتك، وسلمي على محمد
سلامة: يووووصل ، في حفظ الله.
_____________________________________
ريما بنفسها ( يا ويلي يا ليتني قلتلها اني هنا عالأقل كان تصرفت انا الحين شسوي برد عالأقل يوم كنت داخل كان حر والحين ليييييييييييييييل يالله باقي ساااعة ويجي حسااام)
.......: يالأخت شتسوين هنا وحدك
ريما بخوف: لا بس انطر اخوي
وووووووافي: انزين ليش خايفة تفضلي البيت لين ما اخوك يجي
ريما: لا مشكور باقي ساعة وبيجي
وافي : ووووووووش سااعة اقول ما في يلا تعالي جلسي مع اختني اموووووووول
ريما: انت اخو امل
وافي: اي تعرفيها
ريما: صديقتي بالجامعة
وافي: اي طيب يلا
ريما قامت ودخلت مع وافي الفله وطبعاً استقبلتها امل بالأسئلة ليش راحت والخ....
امل: ريمو متأكدة
ريما: اي ما صار شي بس لقيت الجو حر طلعت بره
امل بشك: طلعتي 5 ساعات بره
ريما ارتبكت: اوووه امول خلاص عاد فكينا من اسئلتلك
امل: قولي اول شصار
ريما عشان تفتك قالت كل اللي صار
امل شهقت: اكيد هذا مجوووود
ريما: مجود من
امل: اخوي
ريما: اها
امل: خليني بس بروح بعد شوي اهزبه هزبه محترمه
ريما: هههههههههه
.......: فديت الضحكة
الاثنين لفوا
امل: مجوووووووود وش قلة الادب هذي انقلع
طبعاً ريما من الصدمة ما غطت وجهها كانت متصنمة من جرأة ماجد
وعالصراخ دخل وافي صح انبهر بريما بس غض البصر على ططوول وريما غطت وجهها اخيراً
وافي : ها شصاير
امل: شف اخوك عديم التربية جالس يتغزل بصديقتي
وافي لف لماجد: صح هالكلام
ماجد ببساطة: ما قلت شي قلت فديت الضحكة
ريما كانت منقهرة منه فقال بعصبية : فدااااااااك ديناصور منقرض
ماجد ضحك عكلامها وامل ابتسمت اما وافي فمسك نفسه غصب
وافي: مجود اياني واياك اشوفك مقرب من المجلس وصديقات امول موجودين سمعت
ماجد يخاف من وافي فعلى طول قال: سامع . وطلع
وافي: آسفه يالأخت ، اوعدك ماا يصير كذا مرة انية
ريما: لا عادي ، تسلم ، ولفت على امل: يلا امول بستأذن
امل: وين بدري
ريما: اي بدري باقي خمس دقايق ويجي حساااام
امل: اووووف انتي وحسوم ذا قوليله يتأخر شوي
ريما: لا والله، احمد الله انه يوصلني، وبعدين عمي بو حسام ما يدري اني بعدي هنا
امل: طيب طيب مع السلامة
ريما: في حفظ الله.
طلعت ريما اما وافي فراح لأمل: امووول من هذا حسام
امل باستغراب : هذا هذا
وافي : تكلمي
امل: قالت له قصة ريما من يوم ما هربت ، لأن ريما قالت لها هي ومنال القصة ونبهت عليهن ما يقولن لحد.
وافي بعصبية: وكيف تجلس مع حد ما يقربله
امل: وانت شدخلك
وافي ارتبك: ها ولا شي
امل: طيب يلا بروووووووووووح اناااااااااااام، تصبح على خير
وافي: وانتي من اهله.
___________________________________________
محمد: حلفيييي
سلامة: والله
محمد: يعني تغليني بعدها
سلامة: حمود كم مرة اقولك ريما تعتبرك اخ لها
محمد: بس انا اغليها وابيها زوجة لي
سلامة: اوووووووه حمود ما يفيد معاك الكلام انا بروح انخمد ، تصبح على خيير
محمد: وانتي من أهل الخير
__________________________________________________ _____
سميرة: تعاااااااال بسرعة مصيبة وطاحت فوق راسي
سادم اخوها: خير شصاااااااااار
سميرة: تعال وبتعرف . قالت كذا وهي تبكي!!
__________________________________________________ _____
حااااااامد: اووووووووووووووه تركي قلتلك لا تقول لحد عن اللي صار
تركي: بس يا حامد كلهم لاحظوا غيابك
حامد: تركي انا قلتلك عشان انا اثق فيك وما ابيك تخبر حد
تركي: لا حول ولا قوة إلا بالله ، الله يشفيك
حامد: تسلم
تركي: الله يسلمك ، الا متى بتخلص من هالعالاج
حامد: ما ادري، قريب انشاالله
تركي: انشاالله ، يلا اترخص ، تامرني على شي
حامد: لا سلامتك
تركي : الله يسلمك ، مع السلامة...
_______________________________________
سميرة: ااااااااه يا عايدة هذي آخرتها ، يا ويلي يا سميرة ، حسبي الله عليه
عايدة اختها: خلاص حبيبتي قدر الله وماشاء فعل ، لا تزعلين نفسك
سميرة: شلون ما ازعل عمري وهو خذا كل ما املكه وانا اللي كنت مخططة اني انتفه تنتيف
عايدة: عادي ، خيرها بغيرها ، الجايات أكثر، وانتي الكل يتمناك !!!!!
دخل سادم : خير شصاااااااار
سميرة: سررررق كل شي ذهبي وفلوسي
ساادم: ال......
سميرة:

اهئ
سادم: خلاص لا تبكين ، وعندي لك خبر حلو
سميرة : وشو
سادم: ولا يهمك كان قبله طالبك للزاج واحد غيره صح مو غني بس حاله متوسط وتقدرين تطلعين منه بكم فلس
عايدة: وهذي جتك فرصة غير
سميرة: طيب موافقة ... وهذا انشاالله ما اضيعه من يدي!!
__________________________________________________ _
نهاد: نعم طال عمرك تبين شي
حليمة: اي ابي كل شي عن الطالبة اللي اسمها ريما ال....
نهاد: طيب
وراحت نهاد وجت بعد شوي ومعها ملف ريما الخاص : تفضلي
حليمة تفاجئت: نسبتها 98%..
نهاد: والله
حليمة: مو مصدقة
نهاد: يا سلااام ، واخيراً بنفتك من دانوه وتهديداتها لنا
حليمة : لا ما نقدر لو اتخلينا عنها اكيد بتخبر الكل انها كانت تعطينا رشوة عشان ننجحها وانها كانت تساهم بمبالغ كبيرة للجامعه و...
نهاد: يعني ما في مخرج من هالورطة ابدا
حليمة: فيه نستفيد منهم هم الاثنين مع بعض!!
نهاد: كيف؟
حليمة: ريما الشطارة، ودانة الفلوووووووس
نهاد: بس الفلوس مو كل شي ، وريما بإذن الله، بتخلي جامعتنا من ارقى الجامعات اذا نسبتها كذا
حلييمة: اخ بس شسويي اذا جامعتنا اكبر نسبة فيها 94% واصلاً هم مطلعينها من قايمة الجامعات ولا كأنها موجودة
نهاد بحب: بس الحين والحمدلله ، ريما بترفعنا
حليمة: انشاالله.
نهاد: يلا تامرين على شي
حليمة: لا ، طلعي وقفلي الباب وراك!!
نهاد تنهدت بصوت خفيف لأنها تعلارف ان حليمة مزاجية مراات تضحك ومرات تعصب !! وطلعت
__________________________________________________ _____________
نجد: اي ريما ، تعالوا هي بالغرفة فوق
امينة: يلااااا
نجوى :هجووووووووووم
هدى: يلا
نجد: بسرعة قبل ما تقوم نبا نخوفها
نجوى : ياااااااااااي احلى شي
( نجوى وهدى وامينة بنات خال نجد)
نجوى وهدى ( عمرهن 19 توأم حلوووووووين ويشبهون بعض بس الاختلاف فبشرتهن نجوى بشرتها سودة مايلة للببياض ، وهدى بيضة ، عيونهن سووووود ونجوى رجججججججه وتحب المقالب ، اما هدى اسم على مسمى عاقلة وتحب تنصح الناس وفي سبب خلاها تكون كذا مع انها اول كانت نسخة من نجوى، بس للأسف الشديد هي معاقة ما تقدر تمشي )
امينة( 18احلى وحدة فيهن بشرتها في الوسط لاهي سودة ولا هي بيضة عيونها ازرق غامق ، وشعرها طويل واشقر، وخدودها تحمر يوم تستحي!!)

خالد اخوهن ( عمرة 23 سنة، حلووووووو وطوله متوسط شعره طويل لين رقبته ، بشرته حنطية ، عيونه سووووووووووووووود ).
__________________________________________________ ______________
دكتووووووور سعد: اي شفتها
دكتوووور سالم: انت وبعدين معاك ياخي عيب عليك كذا ، ما يجوز تراقب البنت
دكتووووووور يعد وهو مطنشة: تعرف من يوم هالمريضة اللي اسمها ريما راحت وانا كل يوم اقول ياليتها تمرض مرة ثانية عشان اشوف اللي معاها.
دكتور سالم: ترا ما ينفع كذا ، والله ما يجوز، انت خاطب اختي وانا ما اسمحلك تسوي كذا وياها
دكتور سعد: وانا خطبتها غصب عشان هي بنت عمي
دكتور سالم: وليش وافقت عليها اذا ما تبيها
دكتورر سعد: لأن عمي الللي هو ابووك هو اللي رباني من وانا صغير واستحيت ارفض طلبه ان يزوجني بنته مع اني كل يوم يزيد كرهي لاختك لانها هي اللي وقفت بطريقي واخاف تتعذب بسببي
دكتور سالم: سعد انا حذرتك اختي مب لعبة فيددك ما تبيها طلقها وخلصنا ترا العرس قرب وما بتقدر تتراجع بعدين لأنك بتفشلنا قدام الكل
دكتور سعد : هه اطلقها ، اي عشان الناس يقولون طلقها عشان فيها شي وانت تعرف الناس وكلامهم وانا ما ارضاها لا على عمي ولا بنته.
دكتور سالم: سعد انساااااااااها
دكتور سعد: مستحييييييييل
دكتور سالم : اوووووف ما منك فايدة انا طالع سلام
دكتور سعد: الله يحفظك.
_______________________________

نهاية البارت الثامن

4 - 11 - 2024, 03:38 AM

وهالبارت التاسع.

__________________________

ريما: بس يا نجد أنا طولت عندكم كثيير والناس بدت تحكي وأنا ما ارضى عليكم بشي
نجد: الناس ما علينا منهم، احنا ما يهمنا حكيهم ، انا تعودت عليكي كثير وما ابيك تروحين
ريما: وانا بعد بس لازم اروح
نجد: ولو رحتي وين بتعيشين انشاالله؟
ريما: فبيتنا القديم
نجد شهقت: وحدك
ريما: اي وش فيها؟
نجد: ريما انا خايفه عليك خلك معنا احسن
ريما: لا تخافين، انا موكلة أمري لله ، واصلاً وش بقى فالحياة ما خسرته هه
نجد: ريما بليز لا تقولين كذا
ريما ابتسمت : ياحبي لك
نجد: الله لا يحرمنا من بعض
ريما : آمين ... سكتت شوي بعدين قالت : نجد ممكن طلب صغيرون؟
نجد: انتي مو بس طلبين انتي تامرين
ريما بابتسامة : تسلمين، بس ابيك تقولين لهم عن قراري اني بروح
نجد: اوووووف لازم، طيب خلاص عشان خاطرك بقولهم
ريما: اي صح ايش اخبارك مع خالد
وجلسوا كذا يخلصون من سالفة يدخلون فغيرها > هع
_______________________

بنفس الوقت بس بلندن
لينا: ولا يهمك قرب وقت التنفيذ هههههههه
اسير: انا خايفه
لينا: ما رح يصير شي ما عليك غير انك تصوري وخلص
اسير: لينا ليش ما تتركيه بحاله
لينا: اي هيدا اللي ناقص ، لازم انتقم منه يعني لازم
اسير: بس البنت ما الها ذنب يصير فيها هيك
لينا بوقاحة: خليها تتحمل غلطة خيها
اسير: طيب خلاص انا رح امشي ، باي
لينا: بايات
_________________________-
: معقولة هالنذالة كلها فيك يا لينا، على قص رقبتي يصر شي لعلي ، بس ايش دخل اخته؟ وشو رح يسوون؟ لحظة يمكن مو علي المقصود ، لالا هو ، هو الوحيد اللي ذلها واكيد هي تبغى تنتقم منه ، انا لازم اراقبها بكل تحركاتهاا علشان اعرف شوراها.
_______________________
__________________________________________________ ______

دانة: خذته مني ال...
اميرة: شفيك دانة اعصابك
العنود بعربجية: ما يسوى عليك كل هذا عشانه
دانة بعصبية: ما اكون انا دانة ان ما راويتها شغلها
اميرة: دانة اقصري الشر، هو يحبها وما يبيك انتي
دانة: بس هو كان يحبني اول ويوم جت هالسارة خذته مني
العنود: بالطقاق اللي يطقهم
دانة: بس مو أنا اللي انرفض يالعنود
اميرة: دندون بس عاد
دانة: ولا زادتها هالريما وانضمت للشله
العنود: ما عرفتن
دانة واميره: اييييييييش؟
العنود: ريما بنت عم سارة
دانة شهقت: ايـــــوة ، كملت !!
اميرة بلا مبالاة: وشو يعني
دانة: يالهبلة سارة هذي اللي ما تسوى ربعي جت واخذته مني اجل ريما شبتسوي
العنود بملل وكذب عشان تخلص السالفه: اصلاً مهما صار ما فيه احلا منك
دانة بغرور وهي تعدل الشيلة اللي نص شعرها طالع منها : ادري
_____________________________________________
وبعد ما حامد تعافى من المرض اللي كان فيه وطبعاً الكل عرف بسبب تركي، عزمهم حامد عالغدا بمناسبة شفاءه هع

علي: وين كنت؟
حامد بربكة بس حاول يكون طبيعي: اااا كنت اطلب طلباتكم (وحول لهجته لمزح ) حشا مو بطون عليكم
علي : لا يالنحيف
حامد مد بوزه: اقول بتسكت ولا اتنيذل وياكم وت
علي وتركي وفيصل يقاطعونه : لالا خلاص بنسكت
حامد: إلا على طاري الفلوس انا ما معي خير 100دولار
الكل: وشوووووووو؟
حامد بتعجب: شفيكم؟
علي: ما تكفي
حامد: ليه جايب معي بقر وانا ما ادري
فيصل: صدق ما معك غير هذول
حامد: اي والله صدق
تركي: عز الله متنا اليوم من الجوع
حامد: يعني وش اسويلكم ، وبعدين انا طلبتلكم وجباتت خفيفة ويوم ترجعون بيوتكم كلوا اللي تتبونه
شهق تركي: ويييييييييييش؟ وجبات خفيفه

اهئ
حامد: شفيك؟
تركي: وش وجبات خفيفه ، ما تشبع
حامد: احمد ربك ، احسن من ولا شي
علي : طيب بناكل هذا، وبكره تعزمنا عندك بالبيت عشان تعوضنا عن اكلة اليوم
حامد: لا والله
فيصل: اي والله ، صدق علووووي
حامد: طيب ، امري لله . وقال بصوت خفيف : عز الله الثلاجة اتنتفت
تركي: لا مو لهالدرجة
حامد فز: بسم الله ، من وين سمعت بعد
تركي وهو يأشر على أذونه: من هنا
حامد: عليك اذون
تركي: قول ماشاالله عن تحسدني
حامد: ماشالله ، ماشاالله
_______________________
عالغدا بنفس الوقت
: وشووووووووووووووو
امل وماجد: شفيك؟
وافي بعصبية: كيف تجلس بروحها فالبيت؟
امل: عادي
وافي: وشو عادي ، انتي ما تحسين بنت لوحدها تجلس فبيت روحها من غير اخ ولا اخت
امل: وانت شفيك مشتط الحين، وبعدين سارة بنت عمها قالتلي انها بتقول لحمدان انها رجعت عشان يملك عليها ويتزوجها .
وافي: اها ، طيب انا طالع
امل: ليكوزن وافي يحبها ؟
عماريصارخ : امل
امل انتبهت : هلا حبيبي
عمار: تااالي الابي ماي (تعالي لعبي معي )
امل: طيب بجي الحين
__________________________________

تحياتي

لي عودة لتكملة البارت التاسع
انتظر ردودكم
دووم في حفظ الرحمان.