7 - 1 - 2025, 01:56 PM
|
| |
|
اطا الخطر كني معارض حكومه
 
عزالله إني يوم حبيت حبيت
ما كنت احسب الحب هذي علومه
ضحيت وأخلصت وعطيت وتفانيت
لو إن نفسي من عطاي محرومه
الظاهر إني طحت وأنا ما سميت
ولا أظن لي من بعد ما طحت قومه
ما جت لي الدنيا على ما تمنيت
حلمت والاحلام شبه معدومه
عجزت وأنا اللي الى قلت سويت
حظي فتر حيله وبردت عزومه
ياما قطعت من الدروب وتعنيت
وسريت ليل ٍ ما تشعشع نجومه
وكم ليلة ٍ روحي على كف عفريت
وأقول ما احد ٍ ميت ٍ قبل يومه
ما تحت رجليني يا كود الدناميت
اطا الخطر كني معارض حكومه
وقفت في وجه الظروف وتصديت
وقفة شجاع ٍ راس ماله سلومه
وش عاد أخذت من المحبه وخليت
حب ٍ مضى وقته وبقيت رسومه
عليه أجر مع الونين التناهيت
لا أخذت لي في جوه الرحب حومه
ذكراه حولي كل ما أصبحت وأمسيت
رحل والأصعب من رحيله قدومه
الموضوع الأصلي :
اطا الخطر كني معارض حكومه || الكاتب :
همس الشوق || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري