يوميات مسروقه من [ دفتر طفل ]
السـبت :
فتحت عيوني ، ادور عن [ نور ]
قالوا لي : غمض ، وغمضت
بعدها ماشفت { لا أبيض ولا أسود }
الأحد :
كنت أسمعهم يقولون :
ياحمار ، ياحيوان ، ياثور ، يابقرة ، يالوح ، ياجدار
توقعت إني في [ حديقة حيوانات ]
فتحت عيوني أبغى اشوف هـ { الحيوانات }
قالوا لي : مايصلح تشوف ، قلة أدب
سألتهم : طيب فيه [ عصفور ]
صرخوا في وجهي : أنطم وغمض ~
الأثنين :
سمحوا لي أشوف التلفزيون
كنت بروحي منسجم مع أفلام كرتون
دخلت أمي ، وكان أبو عائلة آدمز ( يبوس ) أمهم
ركضت أمي وغيرت القناة
وصرخت بـ أعلى صوتها [ عيب عليـك قاعد تشوف قلة أدب ]
{ ناظرتها بكل براءة } وانا مستغرب من تصرفها : طيب وش صار ابوهم يبوس أمهم !
صرخت بوجهي وهي معصبة [ التبويس قلة حياء ]
الثلاثاء :
كانوا بنات خالتي عندنا ، وكنت الولد الوحيد اللي يلعب معهم
وأبوي بس يبحلق عيونه فيني وين مارحت ووين ماجيت
بعد ما راحوا بنات خالتي ، ناداني ابوي وقال :
{ عيب الواحد يجلس مع بنـات ، قلة أدب }
بعدها بكم يوم ، كان أبوي جالس مع عماتي بروحه
ناظرته بـ طرف عين وانا حاقد عليـه
وقلت له : [ بابا ، اللي يجلس مع بنات قليل أدب ]
الأربعاء :
كنت أسمعهم بعد يقولون [ جيم كاري فاسد ] فـ كرهته من قلب
وكانوا يشوفون أفلامه ، ويضحكون
سألتهم : ليش تضحكون ، ما تقولون عنه فاسد ؟
قالوا : ورا ما تنطم وتسكت !
الخميس :
كنت جالس مع أبوي ، قال لي ذاكرت دروسك ؟
قول الصراحة ، لا تكذب ، الكذب حرام ، واللي يكذب يدخل النار
وفجأة يرن التليفون !
قال أبوي ، رد وإذا لقيته عمك ، قل أبوي نايم
رديت وبكل براءة :
[ هلا عمي ، بابا يقولك أنه نايم ]
وينه أبوك ؟
ابوي هنا جنبــي
{ بعد المكالمة }
عصب علي أبوي ، يالوح ماتفهم ؟
قلت بابا [ أنا ما أبغى أدخل النار ]
الجمعة :
أسمعهم يقولون :
أن اللي يطول في المكالمة [ يغازل ]
واللي يروح السوق بكثرة [ يغازل ]
واللي يعرف الأنترنت [ يغازل ]
وانا ما أعرف معنى يغازل !
وأمي تطول على التلفون ، وتروح السوق كل يوم ، وتدخل الإنترنت كل يوم
رحت لـ بابا وأنا أصيح : بابا إلحق [ ماما تغازل ]
تستحق القراء ةة ,, 
الموضوع الأصلي :
مين قدك المايك معك || الكاتب :
حلوه ماتنصاد || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
رد: مين قدك المايك معك 
العرض المتطور
