فز الخفوق وقلت يا حي هالراس
يا مرحبا بك يا بعد من وطاها
اهلا (ن) هلا من غير يا صاحبي قياس
نورت كوني واشرقت بك سماها
اهلا (ن) هلابك عدت اجرام واقواس
يا ساكن (ن) بالقلب واقصى حناها
اهلا هلابك عدت الطير والناس
وعداد ما يسري بروحي غلاها
وعداد ما خط القلم وسط قرطاس
وعداد ليل (ن) ساهره في رجاها
وعداد ما وقع على الأرض نوراس
وعداد ما هبت هبوب بفلاها
وعداد رمل القاع ايضا (ن) والايباس
وعداد نجم (ن) ساطع (ن) في فضاها
حياك يا مالك شعوري والاحساس
يا بعد حي والبشر يا غناها
يا مرحبابك من مواطيك للراس
انتي السعد وانتي الهنا يا ضواها
في غيبتك يا صاحبي صرت محتاس
اسهى عن العالم لأني معاها
الذي اغنيتني عقب الافلاس
انا اشهد انك غايتي يا مناها
وانت الذي فرحت قلبي بعد ياس
يا طب قلبي وعشق روحي ودواها
يا من تساوي الكون مع كل الاجناس
أنا اشهد اني ذايب (ن) في هواها
يا تاج فوق الراس ياقوت والماس
انت الغلا يا ظل روحي وذراها
يا جعل ربي يسعدك ويبعد الباس
ويحميك من شر الحياة وغثاها
ويسقيك من نهر الهنا في وسط كاس
ويسعدك ربي ويبعدك عن شقاها 
عضويتي
العرض العادي
