مضى لك وقت تستوطن خفوقي وتستبيح ارجآي
وأنا استغفر الله من احساس ٍ يجيني واتبع احساسي !!
اخاف الوقت يكتبني حبيب وتنقري اشيآي
واخاف الشوق يرسمني غريب وتنمحي ناسي !!
حبيبي مالي وجر الربابه وارتعاش النآي
عن اجراس الهوى واهل الهوى تغنيني اجراسي !!
انا اللي جيت في عز انكسار كحامل ٍٍ مبدآي
ابا اسوّي بها دور الكبير وجت على راسي !!
غريب ٍ خانني وجه الديار ولا وفى مسرآي
ورحت احطب متاهات السرور وملّـني فاسي !!
لمحتك .. قلت يشبهني كثيربنظرتي وخـْـطآي
عرفتك .. قلت تفداه العيون وجيت لك ناسي !
عناويني .. ليالي غربتي .. دربي .. عيون اعدآي
طموحي .. بسمتي .. روعة حضوري .. صوت جلاسي !!
تخيّل من كثر مـ/اكره فراقك لا لمحتك جآي
اشيل هموم توديعك بقلبي واكتم انفاسي !!
يا أول من تجمّــل في دموعي واستفز بكآي
يا أول من تفلسف في غروري واظهر افلاسي !!
يهمك تعـْــرف ان غلطةغرامك بعثرت دنيآي
تعال اسمّعك نبرة سكوتي وصمت وسواسي !!
وتعال احدّثك عن بخل صبري وعن كرم ذكرآي
اذاحدّتني اشواقي عليك وانت متناسي !!
ظنون .. جنون .. غيرة .. شوق .. إلى اخر مدى ويآي
متاهات ٍ أقاسي جورها وشلون ماأقاسي؟ !!
وانا اللي قبل تذكرني المحبة داله ٍ نسّآي
ينومسني طموحي واعتلي ويـْــزيد نوماسي !!
واغني للأماني خطوتي واسمع صدى مغنآي
اذا هبت نسانيس الوصول وهب نسناسي !!
سقى الله ياحبيبي ما مضى يوم النصيب ارضآي
قبل لا اميل ميلة من كبر والشوف متواسي !!
لك الله .. كيف ابحر بهواك ونظرتي مرسآي؟
لك الله .. كيف عراني غلاك وداخلي كاسي؟ !!
حرام اني مـ/ عاد املك من اوطاني سوى منفآي
وحرام ان باسي اللي تذكره ماعاد هو باسي !!
ماغير اروي على عجز انتظاري مقدرة مولآي
وماغير اطفي حطب صمتي - عبث - واشب كراسي !!
بليل ٍ مثقل ٍٍ بالموت محبط شاحب ٍٍ شروآي
غفابي لين ما صار المحال المعجز نعاسي !!
سجن .. وحراسه اغلو عبرتي واستعذبو نجوآي
الا واشيب عيني مْـن التناجي وسجن حراسي !!
حبيبي .. دامها وصْـلت مداها لا تجيب اقصآي
تراني بالهوى لين مشاعر والهوى قاسي !!
دخيلك لا تعلقني على كف الزمان الجآي
واراوح بين دوامة رجاي وغطرسة ياسي !!
حبيبك خاف في عز التلاقي لا يخونه رآي
وصاح : الصدق دربي يازمن والعز نبراسي !!
انا لو ضاعت ايامي محبة ماتضيع امنآي
وانا لو مالت كفوفي هوى ما ينحني راسي !!
بعيدٍ .. تغرق بساكت بحوري همهمة شكوآي
ثقيل ٍ .. لا طغى موج الليالي شفتني راسي !!
حبيبي ما علينا .. ماني مغنّي على ليلآي
تطول المسألة من حد قرطك لين قرطاسي !!
بفارق دامها من جرح قلب ودمع عين وجآي
ودخيلك لا تواسيني .. وش تخلي وش تواسي !!
حبيبي جفـّت أوراق المسا - خوف - وقست يمنآي
وجيتك طالب ٍكف الوداع وقلب هوجاسي !!
اذا اهديت الهوى حرف الموادع .. لا آعدم معنآي
واذا شحّيت في حبر الجفا .. لا عاش كراسي!!
الموضوع الأصلي :
حبيبي والغلا بعثر سكوتي وتوني مامداي || الكاتب :
مــلآمـح خ ــجل || المصدر :
شبكة همس الشوق
عضويتي
حبيبي والغلا بعثر سكوتي وتوني مامداي 
العرض العادي
