يادنيتي وشبك تشوتيني شوت
وحظي معك يا دنيتي دايما نحس
ماجيت بك يا دنيتي جامع القوت
صبحي وليلي منعمس خاطري عمس
والصدر من زود الغرابيل مكبوت
والقلب فيك من الشقى ينحمس حمس
مليت يا دنيا الشقى واطلق الصوت
يكفي اشوف اليوم حزنه مثل امس
يا دنيتي والله ماني بمبخوت
ولا شفت ساعات الفرح لا و لا لمس
فقري منتف ظايع الدرب مفلوت
وما بين لوعات الامل واصفق الخمس
ماني بمن هم يلبسو طقم وبشوت
طفران مامعيه بجيبي ولا فلس
من حسرتي كني على حد تابوت
واشوف فقري يهمس بمسمعي همس
انطر واحاتي وانتظر فايت الفوت
والله مافي مثل حظي ولا جنس
قمت ارتجي من هول مافيني الموت
يوم الشقى كابس على خافقي كبس
دام الزمن والحظ يشوتني شوت
وشلي بعمري دام حظي كذا نحس
...ممار اقي لك
عضويتي
يادنيتي 
})
العرض العادي
