يابنت تدرين الهوى يتعب الـروح=واللي مثل حالـي عذابـه عيونـه
لاشفت زول(ن) ناحل القد مملـوح=واليا مشـى ودك تراقـب فنونـه
دمه خفيف ويسحر الروح بمـزوح=والكحل في عينـه حـلاه وفتونـه
كنه يعرف اني هـواوي ومجـروح=احب شوف الورد كاسي غصونـه
مريت جنبه والعطر فايح(ن) فـوح=زوّد عذاب القلب واشعل شجونـه
لولا الحيا واعز نفسي عـن البـوح=لاخذ معه وقت(ن) لو الناس دونـه
لكن ابترك غايـة النفـس واروح=وابعد عن اللي في دروبـه مهونـه
حتى الصبر مايخفي الهـم والنـوح=تبيـن فـي عيـن المولـع طعونـه
حب العذارى يشفي القلب والروح=لاجابت القسمه حبيب (ن) يصونه
وبعض الهوى مافيه فود(ن) ومصلوح=تطرد سراب وراعي الحـظ دونـه