اهديتني جرح موجعني و عاجبني

#1 23 - 1 - 2013, 07:21 AM

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِِ مَا يِرَاعِيهَا

بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟

مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟

يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا

أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

وْ أَهْدِيتِنِي جَرْحْ مُوجِعْنِي وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا

صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا

مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا

لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎

فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا

مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا

‎
أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎

نِشَدْتْ عَنِّكْ وْ سِمَعْتْ إِللِّي {يِفَرِّحْنِي}
وْ يِرْتَاحْ صَدْرِي مِنْ هُمُومِِ يِحَاتِيهَا

تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

الموضوع الأصلي : اهديتني جرح موجعني و عاجبني || الكاتب : امر تدلل # || المصدر : شبكة همس الشوق

23 - 1 - 2013, 07:24 AM

مما راق لذائقتي

23 - 1 - 2013, 07:26 AM

طرح رائع كروعتك
يعطيك العافيه

23 - 1 - 2013, 07:30 AM

همسه
مرورك الرائع لاعدمته

الله يعافيك

اسعدتني طلتك المميزة ..

23 - 1 - 2013, 08:39 PM

تقف الكلمآت عآجزة ..
عن وصف روعة آنتقآئك ..وعذوبة ذوقك ..
تسلم يمينك على روعة طرحك وآنتقآئك..
ولنآآآ في آلقآدم آنتظآآآر..
لروحك آكآليل آلورد..
دمت بـ نقآء..||

24 - 1 - 2013, 03:19 AM

يعطيك العافية .... على الطرح الرائع
ماننحرم من جديدك المميز
تقبلي مروري البسيط بمتصفحك
امنياتي لك بدوام التألق والابداع
بآقآت ـالشكر وـآالتقدير ـاإقدمهآ لك

24 - 1 - 2013, 03:30 AM

ودي ولكن كيف تحقيق ودي ؟؟
عيا زماني لايجي لي على الكيف

لقيت من وقتـي عنـاد وتحـدي
يمرني عمري مثل عابر الطيـف

يامـا تمنيـت الدقايـق تهـدي
وياما تمنيت الشتاء ينقلب صيف

ظلم الليالي مع نصيـب متـردي
تجمعوا واصبحت انا عندهم ضيف

فصلت من خام الشقا ثوب قـدي
كسيت نفسي بالعنا والتحاسيـف

وغديت تايه دمعتي فـوق خـدي
دمعة يتيم ٍ لوعتـه الصٍواديـف

قلبي ومحبوبي مع الوقت ضـدي
كل شي يهون الا صدود المواليف

مادام من حبيـت عنـي يصـدي
والسالفه طالت وراحت سواليـف

يانفس لايـام الجفـاف استعـدي
موتي قهر والا على ضربة السيف

27 - 1 - 2013, 12:44 PM

يعطيييج العاافيه
الكلمات مره حلوه وعبره

28 - 1 - 2013, 06:42 AM

كلمًِآتُ رآئعهًٍ وذآًٍئقه عذبةًٍ
عآفَآك ِالموْلى عَ آلطرٍُح ًالرآقِي وً آلمميزًٍ
بـًٍ نتظـًٍآر جديدٍُكِ آلرآئعًٍ
دمتًٍ بخيرٍُ وسعادهـ

29 - 1 - 2013, 08:07 PM

أبدعتي ب السرد ..
بقدومك أنغام الكريستال يدق رنينها
ممتنـه بحجم الكوون ل سحابة عطرك وابداعك
عرفان بعطـر الزعفران !!

المواضيع المتشابهه لموضوع: اهديتني جرح موجعني و عاجبني لموضوع: اهديتني جرح موجعني و عاجبني
الموضوع	كاتب الموضوع	المنتدى	مشاركات	آخر مشاركة
يا حلو يا عاجبني	للعشق حلاوته	همس الشعر والقوافي	10	24 - 2 - 2017 12:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع