ابسألك هو حقيقي انت لو رحت كل ديره وكل مكان
ولو درت الكون مليون
بتنسى همك والاحزان
او تزيد احزان فوق احزان
او تجردك من مشاعر كانسان؟؟
جوابني ليه تطالعني هاللون
تبي اسكت ماكمل ولا يهمك ولا تهون
لكن اسمح لي اقول تبقى غلطان
وصدقني غلطت بالعنوان
همومي ماهي صيف ب"كان" ولا مال ولا اكون بنت سلطان
همومي اكبر منك ومن هالزمان
انا كان حلمي قلب شاعر وفنان يملى حياتي حب وحنان
يجيني دوم بشوق ولهان يعوضني عن ايام الشقى والحرمان
وينسيني همومي والاحزان يحسسني معه بالامان
ويكون لي جنه وروضه وبستان فيها احلى الالوان
ورود صدق وفاء واخلاص وعرفان
بس خساره الزمن ماله امان
قتل حلمي و لقيت الكل خوان
حلمي ماهو بهالزمان
مات الشاعر ومات الفنان
وصار الزمن
انا فلان وانا ولد فلان
عزاي ياحلم ياحب ياحنان
لكن قبل مارحل بقولك ليه سألتك هالسؤال
يمكن ياخذك الفضول
راح اريحك واقول
لان ياسيدي اللي تفتخر فيه مايعني لي ولا عنوان
و انا لي قلب انجرح من كل انسان
وانا الحزن صار لي عنوان
وانا الفرح ماله بقلبي مكان
مقبره فيها ملاااااايين
انا عنوان لكل انسان حزين
انا قلب نصبت فيه خيام للبائسين
ياسيدي انا روايه مو في عالمك ولا عالم كان يامكان
انا روايه بعالم القهر والحرمان
عالم الخوان
عالم الخذلان
عالم النسيان
وقلت الوداع حان
و الدرب قدامي طويل
والتفت التفت
وبعد مامشيت خطوتين
ناداني قال لحظة قبل ماتسرين
عندي سؤال لازم اسألك الحين
قبل ماتمسكي الدرب وتبعدين
ومدري القاك او مالقاك بعد سنين
قلت اسأل انا واقفه يمك الحين
قال انت بنت مين؟؟؟!!!
؟؟؟؟؟
؟؟؟
؟؟
؟
طالعت السماء فوق والليله كانت قمرا
وغصب عني سالت مني الدمعة
هي دمعة قهر
او دمعة حزن
او دمعة فخر؟؟
نعم فخر
قلت له بعالي الصوت
واقولها بكل صوت وبكل فخر
انا مو بنت امير ولا تاجر ولا وزير
انا بنت فقير
ابوي رجل فقير
عاش فقير
ومات فقير
وافتخر انه ابوي الفقير
اهو مثل البحربس مو بجاهه وكبر منصبه بقوته بعزته بقلبه الكبير
اهو مثل النهر جارف مو بماله وفلوسه بحنانه وحبه اللي دوم بدمي يجري
اهو مثل الشجر مات وهو واقف رجله ماوطت درب الخيانه ولا العار
اهو مثل القمر مو بغروره وبمكانه اللي فوق كل البشر
بنوره اللي ينور ليل القهر
انت تشوفه مره في الشهر
بس انا اشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
اقولها بكل فخر
بنت فقيراتمنى انها تعجبكم
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
متميزه جدا بذوقك الرآقي دائما ..
تسلم يمينك و يسلم إنتقائك الرائع بروعتك ..
يعطيك الف عافيه على الطرح الرائع ..
لا حرمنا من إبداعك .. ب إنتظار جديدك المتميز و تواجدك المتألق ..
سيدتي الغاليه حتى لا أشوه جمال ماكتبت أناملكِ سوف
أكون هنا في محل شاكر مثني عليكِ لما قمتِ به من جمال وإبداع
تقبلي مني جل شكري
وسبغ ودي وثنائي أبعثها إليكِ عبر وريقاات
ذلك الورد الذي يكون منكسراً مخذولاً بين يديكِ
إجلالاً وخجلاً منكِ ومن يديكِ
عضويتي
اناموبنت امير ولا تاجر ولا وزير انابنت فقير 
العرض العادي
