ان كان ماحسيت فاوضاع دنياي
عز الله اني ماتكلمت عنها
وشلون ابشكي لك واباقول شكواي
لاصار ماشفت بعيوني حزنها
لاتلومني لاشفتني تقصر خطآي
النفس عيا لا يجآوب رسنهآ
عزيز في بيتي على جال مركاي
ماأحس بالدنيا وصافي لبنهآ
اوالوقت ما غير فعل مثل شرواي
يامدور الدنيا من اللي ضمنها
لا تعتذر مني ولا تدور رضـاي
خل اللحون المغرده في لحنها
خلك من الماضي ووجهك على الجاي
حنا ترى الخوة نقدر ثمنها
لو جيتني ماني مغير نواياي
دام الكرامه سلم الله بدنها
لو جيت ابردي ردني طيب مجناي
والمرجله دايم وطنا وطنها
اما كسبت افعول مجدي بيمنآي
ولا ترى اليمنه تبريت منها
وراع الردى لا ينتظر طيب ملقاي
دام المعادن سعرها فمعدنها
لا من قضى الواجب عطيته مقفاي
والساق تقطع لو لحقها عفنها
وجهي على الطيب ليا لويت ملفاي
اللي ليا قال السوالف وزنها
اللي ليا عرض مع الناس طرياي
يحيي علومي للعرب مادفنها
ويردع عدويني ويستر خطاياي
ويرجع على راعي الضغينه ضغنها
وينصح ليا شاف الخطا في سواياي
وليا بردت فيني العزيمه شحنها
ماهو يمدحني على شان مخبااي
واليا قصر مالي فعولي لعنها
بالصبح نمامن وبالليل حكااي
واعراض خلق الله بظلمه طعنها
يالله طلبتك لاتفرح بي اعدآي
وبعد عن النفس الحزينه حزنهآ
عضويتي
ان كان ماحسيت باوضاع دنياي عز الله اني ماتكلمت عنها 
]
العرض العادي
