رواية احاول اخفي احساسي ولكن بالعشق مفضوح

#1 4 - 5 - 2013, 04:36 PM

رواية احاول اخفي احساسي ولكن بالعشق مفضوح

آحآول آخفي آحسآسي ولكن بالعشق مفضــوـوح(ليآن&نوآف)

هذا البارت الجديد من قصه صدقوني راح تعجبكم
الجزء الأول الفصل الآول ليــان/عمرها18سنه في ثالث ثنوي حلوه وقموووره وحساسه درجه أولى وتحب الاناقه والروايات الرومنسيه وتمووت في ولد خالتها فتحيه(نواف)
أمل/أخت ليان اصغر منها في اول ثنوي هذي البنت عكس اختها تماما وتخالفها في كل شي وتحب تنتقد بأنانيه دون ماتراعي شعور الغير تغار من ليان كثيير لأنها احلى منها وتحب
نفسها اكثر من اي شي؟؟
مشاري/الأخ الوحيد والمدلل لليان بس لسانه طوييل ويحتاج قص على قولة ليوون>>دلع ليان ومايسمونه في البيت غير الشيطان الصغير والكل عنده مثل الخاتم في اصبعه والي
يضحك ان عمره8سنين بس
أم ليان(هدى)/مدرسه في الروضه وعمرها39سنه تحب بناتها وتعدل مابينهم بس لما تتعلق المسئله بمشاري فالفووز لصالحه>>محظووظ .
أبو ليان/عمره48سنه متقاعد من شغله وفاتح ديوانيه يستقبل فيها كل من هب ودب؟؟>>يعني لو هندي تجيه القهوى لين عنده؟؟ ( بيت خالة ليان)
فتحيه)/فتحيه شخصيه متواضعه وقياديه وتممووت في ليون وتتمنى تشوفها مرت ولدها نواف؟؟ ولد الخاله
(نواف)/عمره24سنه يدرس هندسة كمبيوتر واخر سنه ويتخررج قولو اميين..>>مملوح وطويل
عهود/أخت نواف وصديقته قبل كل شي وهي بنفس عمر ليان وصديقتها ومن صفاتها انها طيووبه (وطبعا العيله كبيره بس راح تنحصر القصه على ذكر هذي الشخصيات بشكل اكبر انشا الله
تعجبكم ونبدأأأأأأأأ) ليان:الوووو
رد نواف:وعليكم السلام
ليان بعد ماعرفت الصووت ردت وهي متفاجأه:وعليكم السلام(محاولة للتظليل) من معااي؟؟
نواف وهو يستغبي:انتي ليون صح
ليان وهي مصره:أول اعرف منو انت؟؟
نواف:لا والله؟زعلت منك؟انا نوااااف
ليان:نواف اهلين بولد الخاله شلونك شخبارك شعلومك انشا الله تماام؟؟ نوااف وهو مستانس انها عرفته اخيرا:انا بخير انتي شلونك وشلون خالتي هدى والوالد
ليان وهي طايره من الفرح:كلنا تماام ويسلمون عليك؟؟
نواف وهو يطول السالفه بغرض شريف:وأهم درو عشان يسلمون علي؟؟
ليان سكتت وتقول في خاطرها(يازينك ساكت بس)
نواف يحاول يغير الموضوع:طيب طيب ماعلينا؟؟بس قلت اتطمن عليكم خذي عهود تبي تكلمك:الووو ياقشطه ,قبل ما انسى وانغير الموضوع العزومه عندنا اليوم لاتنسين اوك؟؟ <<ما عندها وقت
ليان بصوت منزعج لانها كانت تبي تتفلسف على نوااف وعهود قطعت الخط عليهم:اوك بجي اليوم يالله بااي يا علبة زبادي منتهيه صلاحيته وتسكر السماعه وهي ميته ضحك على ردة فعل
عهوود الي كانت تتصورها في خيالها؟؟ ليان راحت غرفتها وهي ميته صياح لان نوااف(حسبي الله عليه)ماعبرها وكلمها عادي ولا كأنها موهبه له من يوم ماانولدت؟؟وفجأه الباب
(طق طق طق) ليان وهي منزعجه: من المزعج الي يدق علي الباب؟؟
أمل ماكانت داقه الباب شفقه بأختها بس لانها ملقووفه درجه اولى:ليون بعد قلبي حياتي انتي كليتي اليمنى وش فيك تبكين قطعتي نياط قلبي يا خيتي العزيزه؟؟
ليان ما قصرت خذت الجزمه ورمتها على الباب وهي تقول افهميها وهي طايره؟؟
أمل:ياربي من هذي النحيسه اروح اتسبب في مش مش احسن لي؟؟>>>فاضيه ومرووقه
ليان مالقت احد تكلمه غير صديقتها غـــلا صديقات من ايام الطفوله الرووح بالرووح
ليان وهي ميته صياح:الوو غلا,شفتي ايش يصير فيني
غلا وهي موداريه عن شي بس توقعت انه له علاقه بحبيب القلب نوااف:لا,ايش فيك ؟
ليان:يعني كل ما اطقها عوجه واحلامي كلها مستحليه خلاص انا حياتي بتنتهي قريب (وتصيح)
غلا :اهااااا تقصدين نوافوو
ليان بعصبيه على اسلوب غلا بالرد:ايه نواف الي احبه ولا داري عن هوى داري؟؟كل ما احاول اقرب منه بطريقه غير مباشره ووديه يبعدني؟؟
غلابكل ثقه:يا حبيبتي يا بعد قلبي يا صديقتي اسمعيني ولو ان كلامي كل مره اقوله ويدخل من اذنك ويطلع من الثانيه اسمعي تركي عنك هالخرابيط والوهم الي انتي عايشته وركزي
على دراستك احسن لك وهذا المطنش لاحقه عليه بس خبل لانه ما يطالع فيك والله والله
ليان:منو الخبل؟؟
غلا في محاوله ناجحه لتغيير الموضوع:هااا؟لا ولا احد سقطت سهوا على قولة ابلة النحوو؟ هههههههههههههههههههههه(ويضحكون اثنيناتهم)
غلا:اليوم عزومه في بيتي تجين؟؟
ليان:اجليها ،اليوم في بيت خالتي فتحيه وبكره اذا الله عطانا عمر في بيتك يا عسل
غلا:ماتحتاجين ملابس سلف تراناتحت الخدمه وحاضرين
ليان:ايش شايفتني طراره على غفله مابي من عندك واذا احتجت بطلب منك ( وكانت فاقعه ضحك على اسلووب غلا الي دايما يوسع صدرها لما تتضايق ) ................................................
في الصاله امل تتحرش في مشاري:مشاري ؟
مشاري يقولها بضيقة خلق:نعم,خير,امري,غردي؟
امل بكل نعومه:اغرد ليه عصفوره؟؟
مشاري:آلا بقرة مأخوذ خيرها مالت؟
امل وهي معصبه:هه,ياقليل الادب انا امل شيخة البنات ورمز للاتكيت والستايل الغربي تقول عني بقره؟؟
مشاري وهو مستهزئ:ايش ايش لاتكييت وستايل شنو يعني,تكلمي عربي ما افهم هندي يالبقرررررررره؟؟ اقول لا يكثر وتلايطي تراك ازعجتيني؟؟
(ويكمل لعبه ولاعبر امل ) امل عصبت حدها لدرجة ان خدودها حمروو ووجها يعرق من شدة الحره الي فيها على مشاري:شالبلاوي المتحذفه علي اخو لسانه طوله25ســــم والثانيه حاكمه
على نفسها بحبس انفرادي ياربي شكثر اعاني من هالعيله؟؟تهئ تهئ ......................................
في بيت فتحيه النقاش حاد بين نوااف وعهود
عهود:انت انشا الله متى بتعرس؟؟ ابي افرح ابي افصل فستان واعزم صديقاتي,يعني تغيير من الروتين الممل؟؟
نواف:وانتي هذا الي يهمك(يقلد صوتها)ابي افرح ابي فستان,تبين تفرحين تزوجي انتي.
عهود:انشا الله من بعدك تدري انت الخير والبركه بعدين توني صغيره (تقولها باحراااج)
نواف:لاصغيره ولا شي شوفي امي تزوجت وهي عمرها16سنه والحين صار يضرب فيها الامثال على الزوجه المثاليه لابووي الله يرحمه(فتحيه تطالع نوااف بنص عين وتضحك)
عهود:هذاك ايام اول يغصبون البنت تتزوج الحين الناس تحضرو وصار راي العروسه هو الاول والاخير والي يحدد المصير<<حلوه
نواف:انتي الكلاام معك ضايع خلني اقوم انام اصرف لي؟؟
فتحيه:نواف يا ولدي لاتصير حساس زياده عن اللزوم؟؟(محاولة ترقيع)هي كل الي تقصده انها تتمنى تشوفك متزوج وعندك عيال لاتفهم اختك غلط
نواف:يمه,لاتحنون علي استنو شوي لما اتخرج على الاقل وبعدين افكرر اتزوج؟ فتحيه:انا يا ولدي كبرت في السن ونفسي اشوف احفادي قبل لا اموت(عينها دمعت)
عهود وهي حزينه:يمه ارجوك لاتجيبين طاري الموت هو حق علينا بس ارجوك لاتذكريني بالي فات>>تقصد الوالد ابو نواف(عم الهدوء على بيت ام نواف ) عهود تلطف الجو:بس انا امزح لو ا
لود ودي اخليك في بيتنا واصك عليك بمفتاح ولا افتح الباب آلا اذا كنت ابي منك خدمة توصيل او فلووس ههههه
نواف:طلعي على حقيقتك شفتي يا امي وهذي بووسه لاحلى ام في الوجود فتحيه:الله يخليكم لبعض ويطول بعمري عشان اشوف كل واحد فيكم مرتاح مع الي يحبه قلبه امييين
( ويرن جوال عهود وترد وتطلع ليان تبادلو الرسميات المعرووفه بين الشعب العربي)ليان:ايش بتلبسين اليوم يادبه؟؟
عهود:اممممممممممم ايش رايك بالبدله الي من فيرامودا؟؟
ليان:قصدك البدله الي اشتريتها ويوم شفتيها عندي قلدتيني اهاااااا عهود:ليون عن المن؟انتي تعرفين ان ذوقي رايح فيها هذا بدل ماتفتخرين اني اقلدك تمنين؟؟ طيب طيب بس تعالي
بيتنا وشوفي ايش بسوي لك ؟دبه
ليان:لاتزعلين تفداك البدله ومحل البدله وراعي محل البدله وااا
عهود وهي تضحك:بس بس هههههههههههه خلاص يعني بنطقم اوك يا عسسسل
ليان مستعجله:اوك بنطقم يا زبادي منتهيه صلاحيته وقفلت السماعه وهي تتصور ملامح عهود..
عهود:هالبنت احلى مافيها خفة دمها.احسن من بعض الناس الي مايضحكون غير كل سنه حسنه(وتناظر في نواف )
نواف وهو منزعج:يعني لا تلمحين قولي نواف
عهود:وهو في غيرك افهمها يالغالي انا احب الالغاز هههههههههههههههه نواف : تبغيني اصير ارقوز لك في البيت عشان ترضين علي؟؟ عهود:يعني ليوون ارقوز طيب بعلمها؟
نواف وهو يصرخ ومتوتر وحالته صعبه قدام عهود عن جد احرجته:تكرم ليان عن الارقوز بس الي اقصده اني طول حياتي وانا همي اكل الكتب لدرجة ان خوياي ماسموني غير اينشتاين
ايام الثنوي فماكان عندي وقت اني اخترع قصص مضحكه او اعلق على مواقف تدل على الضحك؟؟ يالله بقووم انا احسن ضغطي ارتفع منك تصبحوون على خير
عهود:وانت من اهله يا حلووو هههههههههههههههههههههه
ياترى ايش راح يصير في بيت الخاله؟؟
هل ليان راح تقدر انها تجذب نواف ناحيتها؟؟وايش راح تكون ردة فعل نواف؟؟

الموضوع الأصلي :‎ رواية احاول اخفي احساسي ولكن بالعشق مفضوح || الكاتب : || المصدر : شبكة همس الشوق

4 - 5 - 2013, 04:36 PM

الجزء الأول الفصل الثاني

(في الليل) أمل:يالله انتي بعدك ما خلصتي ؟كأنك وحده بتشوف عريسها مو زياره عاديه؟؟
ليان:والي يرحم والديك فكيني من تعليقاتك البايخه(كانت ليان روووعه لابسه تنوره جينز قصيره ومعاها
بلوزه حرير ورديه فيها شرايط ودانتيل أما بالنسبه لشعرها فكان مفتوح وكتكمله لستايلها الناعم لبست
طوق وردي مثل طوق اليسا في بستناك والمكياج مرره ناعم اقتصر على كحل تحت العين وقلوس وردي فاتح .ولبست عباتها وطلعت شافها ابوها:الله ايش هالشياكه هذي؟أحسن من بنات هاليومين المكياج
مخليهم مهرجين(ويناظر في امل) أمل:يعني تقصدني صح؟ماني ماسحه المكياج خلني كذا ابي افشلكم؟(مشاري ميت ضحك على امل)ويقول بضحك:امل الله يخليك ابي اصور معك عشان اخلي صدقاني
يتفرجون على مغامراتي في ماليزيا يعني تقدرين تقولين دليل على سفري؟
أمل:يا حقييييير(وزعلت وكشرت وصار وجهها خارطة مشوهة المعالم)
(ام ليان في محاوله لتلطيف الجو):وربي قمر تهبلييييين تعالي اقرى عليك من العين
(امل مدت لسانها لمشاري ولمت امها وهي حاسه بالانتصار وواثقه انها قهرت مشاري)
في سيارة ابو مشاري الكل ساكت ماعدا مشاري يغني(والعن ابو الساعه الي شفتها فيها..هي
خاربه خاربه..الخ) ويناظر في وجه امل وهي مقهووره :يبه شوف مشاري؟؟
ابو مشاري:مشاري وش فيك على اختك اتركها بحالها كفايه هالي مسويته في وجهها؟؟
مشاري: وانا اغني قلت اسمك؟؟
امل وهي مسبهه:لا؟
مشاري:طيب ,دام ماذكرت اسمك لاتحتكييين؟(ليان ميته ضحك عليهم ومشاري مستانس )
ام مشاري:يابو مشاري اذا ماعليك امر مر باتشي محل الشوكولاته مايصير نزورهم ويدنا فاضيه
ابو مشاري :انتي تامرين امر؟ بس خلي وحده من البنات تنزل لان ذوقي مش ولا بد؟؟
ام مشاري:مافي غير ليان,ها وش قلتي ليونتيي
ليان وهي سارقه ابتسامه:انشا الله ,حاااضر,بس المره الجايه على اموول العصله اوك؟؟
امل:اذا جيه دوري تكلمي بس الحين دورك(تبتسم ابتسامه عريضه)
ووصلو المحل وتنزل ليان بكامل اناقتها؟؟ قام السعودي الي في المحل يتفلسف:اهلا نورتي المحل
(ليان ما عطته وجه ولا كأنه يتكلم)<<ثقيييله
ليان بينها وبين نفسها:ياربي هالمغازلجيين في كل مكان لا حول ولا قوة آلا بالله ؟؟ (علت صوتها):
لو سمحت طلع لي السله الي على ذاك الرف؟
المغازلجي:من عيوني ( ويغمز) <<المشكله قرد
(ليان لاحظت احد يناظر فيها من بعيد وتوترت وكان توترها واضح قررب منها<<<راحت فيها)
صوت مألوف:لياان؟
ليان وهي متأكده من الهويه انه ولد خالتها فتحيه(نواف):نواااااااف (خذت نفس عميق واضح)
نواف: ايه نواف وش فيك انصرعتي؟؟
ليان:لا لا ولا شي؟لاتتعب نفسك وتشتري سلة باتشي خلها علينا؟

نواف: يا بنت خالتي زيادة الخير خيرين الي بتجيبينه باخذه لي والي بشتريه لكم طيب
ليان:ماتقصر خيرك سابق يالله هلي في السياره عن اذنك
(تركب السياره وتستلمها امل):كل هذا تشترين شوكلاته؟الظاهر تخترعينها؟؟ ليان:افففففف مالك
دخل امي وابوي ما سألو انتي ايش يلقفك ملقووفه(امل حمقت)
مشاري:والله لو تتركين اللقافه عنك يمكن يمكن نستلطفك؟؟
امل:خلاص اسكتو (وتطالع من النافذه وكأن شيئا لم يكن)<<<اخسسسسس يا فسحى
نواف وصديقه ياسر في السياره<<لاتنهبلون مو ياسر القحطاني؟؟بس والله حلو ياسر القحطاني هههههههه نرجع لمحور القصه..
ياسر:نواف شالقطعه الي كنت تكلمها؟
نواف:هذي بنت خالتي هدى
ياسر:بنت خالتك؟ولا حجزها ولا شي؟والله لو تقرب لي اليووم عند بابهم اخطبها؟المشكله انهم
كلهم شيف؟؟
نواف :هههههههه,تصدق ولا مره طالعتها؟؟
ياسر:ماعندك سالفه ؟يعني في مثل يقول القريب اولى من الغريب بدل ما ياخذها واحد من
برا العيله انت المفروض الي تخطبها؟
نواف:مدري؟دراستي منسيتني حياتي الخاصه؟الناس الطبيعيه تفكر في بنت الحلال وانا افكر كيف
اقتحم موقع؟؟
ياسر لف على جهة النافذه(الدريشه):الحمد لله والشكر
نواف:ولاحتى فكرت فيها بس اوعدك يا صديقي الاهبل اني اتصرف بس كيف؟متى؟الله اعلم؟؟
ياسر:اقول سوق؟انت الواحد ما ياخذ منك لاحق ولا باطل ............................................. ليان
طايره من الفرح لأنها شافت حبيب القلب نواف.
عهود:هلا وغلا توه منور البيت,آلا على طاري غلا الخبله؟ليه ما جت؟
ليان:انتي تعرفين غلا حاطه لنفسها حواجز تقول (وتقلدها) تجمع عائلي انا ايش ينقزني؟
عهود:مالت عليها هذا وبيتها قريب
فتحيه(ام نواف):عهود حبيبتي روحي جيبي الشوكليت الي من خالتك
عهود: مدري وينه قولي للي جابتها تجيبه هنا انا راسي داير مابي ادور في المطبخ؟
ليان وهي تنفخ:هذا وانا ضيفه عندك في المره الجايه لما تجين بيتنا بكرفك كررف ؟(وراحت ليان
للمطبخ وفتحت الثلاجه وطلعت سلة الباتشي نواف دخل المطبخ ويقول حضرته بكل ثقه: عهود جيبي
لي عصير الليمون من الثلاجه) ليان تجمدت جاها شلل في رجلها مالفت بس بعدين لازم تحسم
الموقف هو يستهبل وهي مو عارفه ايش تسوي بعد لحظات لفت وهي تاخذ انفاسها هو ماقصر
ناظرها وبعدين قال :او اوا وا سوري(وراح)(جات عهود للمطبخ وشافت ليان ماسكه السله
وسرحاااااانه:ليانوو يالله بسرعه يالبطيئه والله لو قايله لخدامتنا السيلانيه كان اصرف لي ؟
(طلعت من المطبخ وكانت ليان تسرق ابتسامه عشان محد يلاحظ التوتر الي فيها<<مسكينه
(من ضمن افكار ليان الي دارت في العالم الاخر بعيد عن جلسة الحريم وسوالفهم عن السواق
والثلاجه والدعوات على هيفاء ونانسي ((ياربي ايش الي صار لي هذا حلم لالالا مو معقول,نواف
شافني؟اكيد كان متعمد؟يعني بالعقل عهود شعرها قصير مو طويل ))
عهود تقاطعها وهي تصفق بيدها
ليان صرخت والكل لاحظ تفشلت <<ازمه وتعدي
بعد ما طلعت عايلة ابو مشاري من بيت فتحيه(ام نواف) نواف على طوول راح لغرفة عهود وطق الباب
:عهود اختي العزيزه بغيتك في كلمتين يالغاليه؟
عهود:انت نواف والا واحد ثاني؟
نواف:لا ولد الجيران؟ايه نواف افتحي الباب
عهود:الحين تأكدت لما راح اسلوب السنع؟(فتحت الباب)
نواف:شوفي بختصار وبدون أي مقدمات انا شفت ليان وبصراحه اخذت عقلي,هي تحب احد او
مخطوبه لأحد
عهود:لا ما تحب احد فاااااجأتني ,ليه في مشروع مستقبلي انشا الله؟
نواف:في البدايه خلني اخلص دراستي بعدين يصير خير؟
عهود:طيب اخطبها
نواف:مابي البنت تتعلق في اوهام اذا تخرجت يصير خير برروح انام تبين شي
عهود:امممممممممم ايه ابي ايسكريم من باسكن روبنز سنتين ما ظقته؟
نواف:حتى كذب مثل الناس ما تعرفين؟ توني من يومين مشتري لك بالتوفي والشوكولاته وين
اختفووو
عهود:يعني يا اخي العزيز انت تعرف اني احب الحلو والحلو للحلو صح<<<تصرف ما تبيه يقوول
عنها هامه
(نواف ابتسم لها وراح)
عهود:اخوان اخر زمن متى البنت تسوق سياره تهئ تهئ تهئ
ليان فرحانه ان نوااف اخيرا شافها بس كانت متردده من شعور الفرح هي تدري انها حلوه ونواف انعجب
فيها بس متضايقه انه تكشف عليها؟؟نامت وهي تصيح كالعاده قربت الاختبارات النهائيه(ليان تكلم غلااا)
ليان:الوووو يالي تذاكرون غلاوهي صوتها رايح :اهلا يالمتفوقون وش تبون في مثل هالوقت الاستشعاري
ليان:والله وكبرنا وصرنا نعرف اساليب ادبيه تعالي اقرى عليك هههههههههه
غلا:وربي مو وقته يالفاضيه النحو شيبني,احس اني برسب
ليان:ذاكري واستعيني بالله وعيني خير وانشا الله تنجحين,انا مكلمتك تشجعيني تزيدين همومي
بكلم عهود احسن
غلا:الله يستر يا ليون الله يستر؟
هل راح تنجح غلا؟؟
وايش بيصير في عزومة عهوود؟؟
سي يا في الباارت القادم..

4 - 5 - 2013, 04:42 PM

الجزء الثاني الفصل الأول

(انتـــــــــهت الاختبـــــارات وكلن نجح(غلا وعهود وليان) اما بالنسبه لنواف كمل دراسته
بالمراسله ونــــــــــــــــــــــجح)
في بيت ام نواف:الحمد لله والشكر له هذا انتو تخرجتو وبنسبه ترفع الراس الله يهنيكم
عهود:تكفين يمه دعواتك لاتنقطع لاني نسبتي انزل من غلا وليان
ام مشاري:احمدي ربك في ناس اعرفهم نسبهم99 و98 ويحطونهم انتظاار على الاقل انتي عندك
الواسطه الي تدخلك لأي مكان تبغينه؟
عهود: يا يمه هي مو قصة واسطه وفلوس انا كنت ابي اثبت لنفسي شي ؟ نواف:وشنو هذا الشي؟
عهود: مدري نواف:هههههههههههه ومتتدرين بعد؟خلاص انتي تخرجتي لاتفكرين بالماضي فكري
بمستقبلك وتعلمي من اخطائك ولا تعتبرين أي خيبة امل نهاية الطريق ؟؟
عهود:درر درر انت مو اينشتاين انت ابو الحكم يا حبي لك نواف:انتي غلطان الي يكلمك جد<حس انها تتريق عليه
عهود:وهذي بوسة على راسك ولا تزعل انا من لي غيرك نواف:طيب بقوم اكل لي شي جعت
(رن جوال نواف وعهود من اللقافه الزايده ماشافت حتى مين الي يتصل على طوول رفعت السماعه)وبكل غباء:الوووووو
ياسركان متردد :الوو السلام عليكم عهود:وعليكم السلام <<<تقول في خاطرها ليتني ما رديت
(بيذبحها نواف) ياسر:هذا جوال نواف؟؟
عهود:هو مشغول اتصل عليه بعد شوي يالله مع السلامه<<<كانت تلقط (تجمعو غلا وليان في بيت عهود
وعزمت عهود مشاعل بنت جيرانهم)
(للمعلوميه مشاعل تمووووووت في نواف ودايما تحاول انها تلفت انتباهه اقروو ايش سوت الي ماتستحي)
عهود:بنات يالله ضوقو حلى القهوه الي سويته وارجوووكم جاملو ما احب انصدم بالواقع؟؟ غلا
:امممممممممممم خطير يهبل ممكن تعطيني طريقته عشان اسمم فيه اخوي
ليان: هههههههههههه حرام عليك خليها ما صدقنا تطبخ عهود:غلا يعني من زين طبخك انا اخرمره
ضقت من ايدياتك حسيت بمغص<<<تكذب
غلا:يا ام الكذب انتي كليتي نص الصحن؟؟ حطي عينك بعيني ليان:خلاص ولا تزعلون انا الي اعرف
اطبخ وانتو طبخكم مقبوول
(مشاعل ساكته بالها في شي ثاني) ليان:مشاعل مشاعل:سمي
ليان:وش فيك ساكته اكيد طبخك احلىى مننا وخايفه من الحسد ههههههههههههه مشاعل
بكل تكبر:انا ما اطبخ شغالتنا هي الي تطبخ
ليان كانت تعرف من قبل وحاسه ان مشاعل ما تحبها بس ما كانت متأكده مشاعل:عهود حياتي
ابي اشوف غرفتك بعد التعديل ممكن
عهود وهي حاسه بتوتر ليان فنست ان نواف فووق:روحي شوفي الغرفه تهمني ارائك لانك ذوووق
واا(مشاعل ما استنت عهود تكمل كلامها لان ما كان هدفها انها تتفرج على غرفة عهوود)
غلا:عهود هذي البنت ما تنبلع وفي المره الجايه اذا بتعزمينها بلغيني عشان ما احضر ,انا ملاحظتها
من اول تخززز في ليان الي يشوف نضراتها يقول ليان ماكله حلال ابوها هذي ايش فيها؟؟عقد نفسيه
<<<<تحب تحش هههههههه
ليان:غلا ما عليك منها خليها في حالها ؟<<<طيبه وعلى قد نياتها
عهود تغير الموضوع:ايش صار على حفلة التخرج؟؟ ليان:كل شي تماااااااام التماااااااام
غلا:انا مو مصدقه ؟موقادره استنى ابي حفلة التخرج اليوم وليس بعد اسبووع (عهود تضحك على
اسلوب غلا)
(نرجع لمشاعل ركبت الدرج وكانت بدون عبايه او طرحى؟؟ لمحت احد في الصاله عرفت ان هذا الشخص
هو نواف دخلت الصاله وسوت نفسها انها طاااحت من الدرج المرتفع عن مستوى الصاله<<<قليلة الادب,) مشاعل:اااااااااااهــ رجلي تألمني
نواف من قوة الصدمه خاف على البنت ركض لها لغرض شريف<<نبيل نواف:وين تتألمين(أشرت على منطقة الركبه)
نواف انحررررررج تمنى الارض تنشق وتبلعه؟؟ في لحظه خااطفه ناظرت في عينه وهي تصيح وهو
بدوره ناظرها وهو معجب بجمالها(الشعر اشقر<<صبغه)(العيوون عسليه<<عدسات) مااااااااات عليها
شآلها من مكانها ونادى عهوود عشان ماتصير شبهه وغطاها بحجاب وكان ماسك يدها؟؟ عهود انصدمت من الموقف ولحقتها ليان وغلا<<طبعا كانو متغطيات
عهود:مشاعل ايش فيك مشاعل:طحت من على الدرج بس الحمد لله جت سليمه<<<تنعم في صوتها ,ابي اروح بيتنا نواف ممكن توصلني البيت قريب
غلا فااااتحه فمها مستنكره من جرأة مشاعل
ليان اخنقتها العبره تبغي تصيح بس بدل ما تصيح ساعدت مشاعل انها تنزل من الدرج اما غلا فكانت
وااااثقه ان مشاعل تمثل وحاولت تفهم عهود بطريقه غير مباشره بس عهود كان قلبها على ضيفتها
الي وجهها حمر والدموع خربت الميك اب؟؟
.................................................. ......................................
ليان تكلم غلا:الووو غلووي
غلا:هلااا والللللللله ليان:اخبارك وحشتيني على قولة راشد الماجد
غلا:كح كح يطلع منك غبار مالقيتي غير اغنية راشد الماجد القديمه ليان:على طاري راشد الماجد
ايش رايك نحط دلوعتي ضمن الدي جي غلا:والله فكره اصلا حفله بدون رشوود نوت قوود ليان:هههههههههههههههه وناسه عهود على الخط بحولها معانا استني
بعد ثواني(عهود):كلولولولولولولولولوولولولولش غلا:اسملا عليك ايش فيك؟؟ كل هذا متخرعه على
حفلة التخرج ؟؟الله يستر من يوم عرسك كان ماتستنزلين على المعازيم
عهود وليان فاقعييييين ضحك
غلا:اهم شي شددو على عدم اصطحاب الاطفال مابي حفلتي تصير فوضى عهود:لاتخافين انا وليان
مسويين خطه تدرين ايش هي؟ غلا:نوريني؟؟
عهود:حاطين صورتك لما كان عمرك عشر سنوات على بوابة القاعه هههههههههه ليان :هههههههههههههه تقصدين الصوره الي بالعناقيص والحاله لله عهود:ايه ايه ماغيرها هههههههههههههههه
غلا:من زينكم لما كنتو صغار كل وحده جيكرا يالله الحافظ عهود:كلنا جياكر ولا وحده تزعل خلاص>>>حل وسط

4 - 5 - 2013, 04:43 PM

....الجزء الثاني الفصل الثآني....

****حفلة التخــــــــرج****
كلهم كانو مفصلين فساتين كلاسيكيه ناعمه مرررره ولونها بيج بلمعه ذهبيه من تل عادي وجاي
طبقات وضيق على الخصر ووسيع من تحت و لين فوق الركبه وكل وحده لبست حلق حلقه من ذهب
اصفر وفي النص اول حرف من اسمها,ومرصع بدايمنت فصوص صغيره والشعر كان تسريحه على السبعينات(الشعر المموج المفتوح على جنب) اما بالنسبه للميك اب شدوو بيج ولمعه ذهبيه وقلوس وردي ولبسو فوق هذي الفساتين عباية التخرج السودا الي اطرافها محدده بشريط ذهبي . وكانت الحفله عباره عن بدايه لعرض بسيط لبرنامج من تصميم غلا على البور بوينت لصور ليان وعهود وغلا من ايام الطفوله والشرايط والعناقسص وسلة الفسحه والحاله لله وايام المراهقه والسنون المكسره هههههه وكلن ضحك بالتحديد على صورة غلا
وهي نافشة شعرها وجالسة تذاكر لاختبار النحوو<<مسبب لها ازمه نفسيه ,واخيرا بعد العرض انزفو البنات على المسرح بشعربسيط ولما وصلو للمسرح رقصو <<استخفو هههههههه
غلا وهي نازله بالمسرح بالصدفه شافت ابلة النحو ليان:غلووي ابلة النحو حبيبة قلبك جات روحي سلمي
عليها ههههههههه
غلا كشرت في وجه ليان>>انتي ايش لقفك وراحت تسلم على ابلة النحو وهي تصطنع ابتسامه :اهلا
يا ابله كيف حالك والله منوره
ابلة النحو:ماشي الحال؟ماقلتي لي ايش سويتي بالنحوو غلا :والله الفت كتاب يا ابله؟
ابلة النحو:وشووو؟؟
غلا وهي تحك راسها ووجها قوس قزح:هاااا؟؟اقصد صميت الكتاب مثل اسمي وحليت كويس في الاختبار يالله عن اذنك استانسي في حفلتنا يا احلىى ابله>>منااافقه
كل المعازيم طلعو تقريبا والصاله فضت ومابقى فيها غير الثلاثي المرح ليان :ياكثر المعازيم ويقهروني اذا قالو عقبال عرسك
غلا:انا اذووب واصير قطع جلكسي اذا قالو عقبال عرسك بس وينه ولد الحلال وسعيد الحظ عني؟؟
امل اخت ليان:آلا قولي وين تعيس الحظ الي داعيه عليه امه وابوه متبري منه والوضع مستلعن معاه وبايع
الدنيا ببلاااش الي بيخطبك
غلا:وانتي داخله شراع ومجداف ايش دخلك ملقووفه زي ماقالو عنك؟؟
ليان:امل عيب عليك لاتغلطين على صديقاتي يعني لو انا اغلط على هذي الي اسمها شهد انواع الاستحماقات
امل راحت وهي تقول :مالت عليكم مسوين حزب اففففففف
وبدون أي حسبان او توقعات فلكيه دخل مشاري اخو ليوون وهو يكح
ليان بسخريه:اتغطوو المعرس بيدخل
مشاري يعدل الشماغ والعقال وكاشخ بالدقله صاير فانتاستييك >>اكشخخ غلا:يا حبي له مرره كيوووت
مشاري:انا مو كويتي انا سعودي؟؟بس استاذ الانقليزي كويتي وهو رجال وولد حلال اذا تبين اكلمه لك
ترى ما عندي مانع>>>واسطات
غلا وهي مصدقته:لالا تحرجني
مشاري يتلفت لعهوود ويطالعها ويغمز>>عاجبته ليان:مشاري عييييييييب
(عهود وجهها اشارة مرووه)
غلا:اهااااا عرفنا ليه الاخ ما يعطينا وجه اثره طايح في ربييييع
مشاري ناظر غلا بنص عين والتفت على عهود وهو يستعرض سنونه:عهوود جبت لك هديه انشا الله
تعجبك؟؟
عهود:مش مش شكرا ماكان في داعي تكلف على نفسك بس اوعدك اردها لك في الافرااح
غلا:ومش مش بعد ,لا الظاهر العلاقه جديه ولازم تتوج بالزوااج
ليان:بس هههههههههه بطني ههههههههههههه
مشاري رفع حاجبه الايمن:غلا نقطينا بسكاتك غلا:انت تامر امر ههههههههههههههههه
مشاري:عهوود بطلع لخوياي تامرين شي قولي لاتستحين
عهود:لا سلامتك (وعينها تدمع من الضحك) فتحت عهود الهديه الي كانت مغلفه بجرايد
غلا:والله رومنسي هالولد مغلف بجرايد هههههههههههههههههه
والهديه كانت عباره عن عقد من ابو رياليين ؟<<يا حليله غلا:ليوون انتي اكثر وحده جاتها هدايا ليان:يمممممه منك قولي ماشا الله
غلا بثقل:ماشا الله اللهم زد وبارك
عهود:يالله عن اذنكم تأخرت الحين امي تحاتي؟؟ اهم شي بكرا تجون عندي تناموون ونكمل السهرى
والسوالف
غلا:واعزمي ذيك العصله والله حلفت اني اطلع من بيتك عهود:مو عازمتها ارتحتي يالله باااااااااي للعاقلين
فقط
ليان راحت على البيت وهي على السرير تعبانه ومكسره من الرقص ومافتحت ولا هديه وكانت تبكي لان
نوااف ولد خالتها وحبها الوحيد ماجاب لها هديه(يعني حتى لو مايحبها بصفته ولد خالتها)>>كذا كانت تفكر وفجأه الساعه ثلاث رن جوال ليان ورقم غريب ليان رفعت السماعه :الوووووو
رد الي يتصل:الووو من معاي
ليان:انت الي منوو
الغريب:مو لازم تعرفين انا الي لازم اعرف؟؟>>يستهبل الاخ ليان:صحيح واحد فاضي وقليل ادب والي اهم
مزعج(سكرت السماعه)
كان يتصل ويتصل وهي حاطته سايلنت في الاخير جاها مسج بعد محاولاته الفاشله
انا مزعج الله يسامحك المهم حبيت اهنيك يا بنت خالتي على التخرج وعقبال ما تحققين كل طموحاتك
واحلامك وانا مانسيتك حتى شوفي تحت المخده؟؟ ليان انصرعت معقووله هذا نواف وايش تحت المخده؟؟
لفت هديه مغلفه ومافتحتها على طوول اتصلت على غلا ليان :الوو يالعصله مراح تصدقين؟حاسه اني
بحلم ؟انا طااااااااايره من الفرح (غلا كان شعرها نافش وعيونها مقفله ومتورمه ) :انتي ازعجتيني اشتبين,قطعتي علي حلمي مع خطيبي غربلك الله
ليان:هههههههههههههههه مراح تصدقين نواف جاب لي هديه وحطها لي تحت المخده؟
غلا:والله وشبكتيه يا ليون طلعتي خطيييره؟طيب ايش هي الهديه ليان:من الخرعه مافتحتها استني
شوي (بعد ثواني)الللللللللللللللله ساعه نينا ريتشي تهبل والله ذووووق يا بعد قلبي يا نواف
غلا:ومسويه ثقيله وطيبه وعلى قد نياتك وانتي تشتغلين في المخفي ياما تحت السواهي دوااهي<<بدى الحقد
(والمحادثه استمرت لييييين الساعه 8 وكانت غلا مجرد مستمعه شبه ناايمه) (العزومه في بيت عهود)
عهود:اهلا بالحلووين منوريين
ليان:النور نورك,وين غلوي؟؟ عهود:مدري عنها هالخبله؟لحظه بكلمها,مقفله جوالها ايش فيها هذي ؟؟ ليان:والله مدري يمكن تعبانه نسيتي ايش سوت امس هههههههههههه عهود:وانا اقدر انسى,ماخلت رقص مارقصته ؟ ياحليلها ههههههههههههه نواف:كح كح (درب)
(ليان تغطت وكاااانت فرحانه انها بتشوف حبيب القلب نواف) نواف:اهلا ليان اخبارك انشا الله بخير وشخبار
خالتي
ليان وهي منحرجه:كلنا بخير,شكرا على هديتك ,فعلا ذوقك حلو
نواف:الحمد لله انها اعجبتك كنت خايف ذوقي ما يعجبك بس جت سليمه
(مايدري انه لو جاب لها قوطي ميرندا كان صاحت من الفرحه)
ليان:شوفني لبستها من كثر ما عجبتني انشا الله اردها لك
نواف وهو يبتسم:يالله عن اذنكم
عهود:نواف لحظه طلبتك طلبه قول تم
نواف وعلامة استفهام في وجهه:خير انشا الله وانتي كل ماشفتيني طلبتي طلب ليان:لاتتعبينه
يا عهود حرام عليك توه جاي من الشغل نواف:شوفي الاخت السنعه ؟
(ليان كتمت الي في عيونها من دموع ,اخخخخخخ لو تدري يا نواف اشكثر احبك؟وبعد كل هالتلميحات

تقول مثل اختي؟آآآآآآآآآه يالقهر؟؟)
عهود:ابي اروح البحر او مجمع أي مكان الله يخليك حاسه بكتمه مو طبيعيه وضيييقه يرضيك ياخوي يآ
ولد امي وابوي<<تتمسكن لين ما تتمكن
نواف:موفاضي الحين اجليها بعدين؟اصلا مااكتملتو باقي وحده <<يدور عذر عهود:اصلا غلوي مو بالدنيا
الحين هي في سااابع نومه واحلام مع شريك المستقبل ليان:ههههههههههههه خليها تحلم(في نفسها تقول:الحلم ببلاش بس الواقع مرير يا نواف)
وتدرعم عليهم مشاعل بدون غطا:وتطالع نواف ولما حست انه انه شبع من وجهها تغطت
مشاعل:السلام عليكم
كلهم:وعليكم السلام مشاعل:سيبرااايز شخبار المتخرجين
عهود وهي حاسه انه ليان متضايقه من وجود مشاعل:الحمد لله كلنا تماام
نواف استانس لما شاف مشاعل:يالله كل وحده تلبس عبايتها بطلعكم
عهود وهي ناقزه من مكانها:هيييييييييه يحيى العدل ,ما كذبت لما قلت انك احلىىى اخو في الدنيا؟
ليان كان ودها تستأذن بس عهود حلفت انها لو ماجت مراح تطلع؟؟فقررت انها تدوس على اعصابها وتتحمل تشوف احلامها تتحطم في ثواني
هل ليآن رآح تقدر تصآرح نوآف بحبهآ لهوإلآ رأح تظل سآكته وهي تشوف حلمها يتحطم
آآآآه يآزمن وش بقىآ مآآظهر...إن حكينآ ندمنآ وإن سكتنا قهــــــــر

4 - 5 - 2013, 04:44 PM

الجزء الثالث الفصل الأول
في السياره ركبت عهود قدام ومشاعل في المقعد الي ورى نواف وليان لزقت جنب الباب وكانت تتأمل
المناظر الي في الشارع وماتشاركهم نقاشاتهم نواف:مشاعل
مشاعل بصوت شبيه بحليمه بولند:عيونها آآآآآآآآمر نواف:مايامر عليك عدو بس حبيت اسئلك ؟انتي تخرجتي
مشاعل:انا بعد الثنويه قعدت في البيت لأني افكر اكرس نفسي لشخص اهتم فيه.
كلام مشاعل كان مقنع في وجهة نظر نواف وكان يحس انها هي الي تناسبه؟
لما وصلو البحر نزلت ليان بسرعه فاجأتهم وراحت بتجاه البحر ولحقتها عهود مشاعل بدلع:الظاهر مافي
غيري وغيرك
نواف:وهذا الشي يضايقك
مشاعل:لا ابدا اصلا من زمان ابي استفرد فيك واقوول لك عن كل الي في قلبي من حب لك
نواف تفااااااجأ وكان مرتاح انها جات منها :يعني ايش تقصدين؟؟ مشاعل:نواف كثير ناس ياخذون الجرأه
على انها قلة ادب ؟بس انت غير انت انسان متعلم واكيد بتكون متفهم (انا احبك بمعنى الكلمه لما سافرت
كنت انتظر لما ترجع واصبر نفسي عشان اشوفك ولما اشوفك احس بشي داخلي ما عرفت ايش هو ؟)
نواف:مشاعل لاتتسرعين ما ابغيك تتحسفين في يوم مشاعل:ليه تقلل من قيمة نفسك انت مليوون وحده تتمناك وانا اكثر وحده تتمناك
نواف منهدش وحاس انه يتمنى يموت بعد ماسمع كل هالكلام الحلو
عهود لقت ليان تصيح بحراره:ليوون قلبي ايش فيك؟؟
ليان مسحت دموعها:لامافيني شي بس تذكرت هلي الي بالرياض لهم وحشه عهود:ياحبيبتي لاتصيحين عليهم انشا الله بتجتمعين فيهم عن قريب
(ليان في نفسها:بس لو اقدر اقول لك ان اخوك هو السبب) عهود:ليون شوفي سيارة الايسكريم يالله بقوم
اجيب لك واحد اكيد بالفراوله اعرفك تحبينه
ليان:أي شي من ذوقك حلو حتى لو كان بسكوت مالح عهود:ههههههههههه خلاص بجيب لك بسكوت مالح عشان ما تتريقين علي ثاني مره
ليان طلعت جهاز السي دي الي في الشنطه وكانت تسمع لرابح صقر(صدقيني عجزت انساك ..صدقيني
عجزت انساك..عجزت اداري احزاني..تمنيت العمر وياك..تمنيت العمر وياك ..ولايرخص لحد ثاني..انا
في همي متأسف..على حبي لك على ايامي ..على حبي لك على ايامي..انا من زود مافيني تمنيتك
في احلامي) هذا اليوم تعييس بالنسبه لليان اما نواف كان اسعد انسان
كلمت غلا ليان:الووووو مساء الفل والياسمين والشربات على الناس الحلوه الطعمات<<فااااااااضيه بس
اعذروها ماتدري ليان:وعليكم
غلا:يووووه ايش فيك معصبه ومو طايقتني الشرها علي انا الي كلمتك ليان:قولي انك بتتركيني بعد خلاص
انا تعبت تعبت(وتصيح ) غلا:الحين جايتك ركض بس تماسكي ليوون اوك
(عشر دقايق وغلا عند ليان)
غلا:ليان ليه تبكين ؟من مضايقك؟
ليان:انا موقادره افهم؟موقادره استوعب الي يصير؟ غلا:فضفضي يا ليان لاتشيلين بالقلب؟ ليان :انا..انا.
.انا الي احبه مو ..هي ليه يتركني؟ليش يعذبني...حرام عليه غلا:ايش الي صاير؟؟هو قال لك شي؟؟
ليان:انا شفته معها كان يكلمها ويناظرها نظرات اعجاب وهي كانت تغيظني تذبحني الف مره وانا كنت
اتأملهم من بعيد،يعني ايش ذنبي؟حبيته وهو ماحبني ..والله ظلم
غلا:ليان هذا قسمه ونصيب وماتدرين يمكن ربك يعوضك احسن منه؟؟ وتفائلي بالخير تلقينه ,ولاتنسين
ان هذي البنت مشيتها بطااله وانشا الله يكتشفها على حقيقتها؟؟تذكرين لما كنا ننزل من السياره لبيت
عهود؟ ولقيناها تنزل من سيارة واحد غريب
ليان بصوت متقطع:ايه اذكر
غلا:هذي بنت ماتستحي لو فيها خير كان ماسوت هالحركات الغلط؟بس وين اهلها عنها؟؟المهم لاتتعبين
نفسك وانتي تفكرين فيهم في الطقاق اثنيناتهم وهو الي خسران.
ليان مسحت دموعها وهي تقول بتردد:انا ما اوعدك بس بحاول؟؟هذا كان حلمي
انتهـــــــــــــــــــى ..!

4 - 5 - 2013, 04:44 PM

الجزء الثالث الفصل الثاني

هدى(ام مشاري):السلام عليكم يا ام نواف
فتحيه(ام نواف):وعليكم السلام الله يسلم هالصوت الي ماسمعته من زمان شخبارك وشخبار ابو العيال
عساكم عالقوه
هدى:ابو العيال في الديوانيه كالعاده بس ليان ذابحتني يا فتحيه مدري ايش فيها؟؟ فتحيه:ايش فيها ليان؟
هدى:لها شهر لاتاكل ولا تشرب
فتحيه:طيب خذوها عند الدكتور يمكن تكون تعبانه هدى:حاولت اقنع فيها بس مافي فايده ؟؟ياربي من هالبنت كان مايصير لها شي والله خايفه عليها
فتحيه:طيب اليوم بجيب غدانا عندكم وبجي ؟؟
هدى:يالغاليه لاتتعبين نفسك؟انا بحاول فيها وامري لله فتحيه:بس اذا ما كلت بلغيني عشان اكلمها ماتدرين
عل وعسى تتحسن؟ نواف يبغاني في موضوع مهم بشوف ايش يبغي يالله مع السلامه
هدى:مع السلامه
نواف يحب راس امه كمقدمه عشان يفتح الموضوع:يمه انتي تعرفين اني كبرت وكونت نفسي وابي استقر والزواج نص الدين فتحيه:كلولولولولولولولولولولولوش اخيرا ما بغيت تقولها ومن حاطط عينك عليها نواف:بصراحه؟مشاعل بنت ابو محمد الــ..
فتحيه كشرت لانها كانت متوقعه يقول ليان؟؟ :يا ولدي بس البنيه مو حلوه ذاك الزود ليان احلى منها وحتى شهاده مامعاها والناس تتكلم عنها كثير و..
نواف عصب:يمه الناس هذي شغلتهم؟لو البنيه تقعد في البيت تكلمو لو تزوجت تكلمو لو تطلقت تكلمو ما يسكتون لو بنتابعهم بنضيع يا يمه ولاتنسين ان رضــى الناس غــاية لا تدرك.......
فتحيه وهي زعلانه:على راحتك وانا ايش يخصني تاخذ رايي اساسا اذا رايي كان مايهمك؟؟
نواف: انتي رايك هو المهم وهو الي بيصير يعني ماتتمنين تشوفين عيالي مع الي اختارها قلبي وحبتني وحبيتها؟؟
فتحيه:خلاص على راحتك الي انت تبيه بيصير لكنك راح تتحمل مسؤلية اغلاطك نواف بكل ثقه:أي اغلاط
واي خرابيط يا يمه اقول لك احبـــــها تقولين اغلاط فتحيه سكتت وجات عهود من بيت ليان
عهود متضايقه:السلام عليكم يا قوم
نواف وفتحيه:وعليكم السلام
عهود:يمه والله ليان حالتها صعبه ما ادري ايش فيها
فتحيه:هي من متى على هالحال؟؟
عهود:من يوم حفلة التخرج ؟ فتحيه:اكــــيد عطوها عين؟شوفي بجيب ماي زمزم مقري فيه خليها تشرب
منه كل يوم مرتين؟؟
عهود:انشا الله يمه
نواف:عهود باركيلي واخيرا بيتحقق حلمك وبتلبسين فستان عهود: بقبقت عيونها:والله؟ومنو بتاخذ؟اكيد ليوون
نواف وهو مستغرب:وانا كل مافتحت الموضوع قلتو ليان؟؟لامو ليان ؟مشاعل عهود:يووووو وليان ايش فيها
اصلا ليان من ناحية الجمال والاخلاق والشياكه وكل شي كامله والكامل وجهه سبحانه؟؟ ومشاعل ولا شي جنبها ؟بصراحه ماعندك ذوووق
نواف:وانتي هذا الي يهمك الجمال؟هي مو شينه لهالدرجه ؟والاهم انها تحبني وهذا يكفي؟ انشا الله
بخطبها قريب؟؟وخير البر عاجله
فتحيه وعهود: وشوووو
عهود:هذا مستخف؟انت اكيد مو بكامل قواك العقليه انا بقوم من هنا وروح اخطبها لحالك انا مو رايحه ؟؟
فتحيه:يابنتي لاتسوين مشاكل انا مو ناقصه الله يصلحك ويهديك
(عهود راحت غرفتها وكلمت غلا):الووو غلا ماتصدقين الي يصر لنوافو استجن هذا الولد ؟
غلا:شالمصايب الي تتحذف علينا ليان ونوااف ؟يالله موباقي غيري وغيرك عهود:انا وانتي عاقلين عقلنا براسنا ونعرف خلاصنا؟؟ بس هم الي مدري وش فيهم ؟مسكينه ليونتي حاسه فيها بس ما حبيت اقول لها عشان ماتحس اني اشفق عليها اعرفها ؟؟
غلا:يعني كنتي تعرفين ولا سويتي شي ؟؟ماحاولتي مع اخووك؟؟ عهود:كنت احاول واحاول بس مافي
فايده هو راكب راسه ما يبي يتزوج والحين مختار وحده ماتجي عند ليان ضفرها؟؟ غلا:مين؟؟
عهود:مراح تصدقين,مشاعل بنت الجيران غلا اشهقت:هــــه؟؟يصوم ويصوم ويفطر على بصله يوووو اخوك ضاربه فيوزاته اعذريني؟؟
عهود:خليها على الله امي ماتبغاها بس ايش نسوي البنت خلاص لفت مخه وخلته يتعلق فيها تصوري
يقول ان الشكل ما يهمه؟؟
غلا:هذا وهو دارس برى؟وين الي كان يقول يبي مواصفات عالميه؟؟ عهود:انشا الله يكشفها على حقيقتها
غلا:والله ولعبتيها صح يا شعوول ؟؟الله لايوفقك ؟كل الي يصير لليون بسببها ؟؟
(صارت زياره لابو مشاري من اخوه ابو طارق وعياله استقبل الرجاجيل في الديوانيه ورحب فيهم بعد غياب طويل) :حيا الله من جانا؟شخبارك ياخوي عساك بخير
ابو طارق:الحمد لله بخير وصحه وسلامه انت شخبارك يالقاطع
ابو مشاري:نحمد الله على الصحه ؟ياخوي تعرف الدنيا واشغالها تنسي الواحد اقرب واعز الناس عليه ؟اعذرني
(ينادي السواق) يا ســـــلامه
سلامه:نأم بابا
ابو مشاري:روح جيب الغدا من عند ام مشاري للديوانيه بسررعه سلامه:هدا واجد تقيل قول لمشاري
يجي مأ انا عشان مافي طيح من ايد انا(واجد ثقيل قول لمشاري يرز طوله ويساعدني عشان ما ينكت
الرز على المعازيم)
مشاري:صحيح انك بهيمه مع هالعيون تقول لمبات ددسن
عيال عم مشاري:ههههههههههههههههههههههههههه سلامه :بابا شوف بيبي مال انتا كلو جنجان مع
انا ؟انا كلاس ما تبين شقوول؟(بابا شوف ولدك كله يتهاوش معاي علىكل صغيره وكبيره>>مزوده ,انا خلاص
ما ابغي اشتغل <<<ناوي يسوي اضراب سواقين اخر زمن))
ابو مشاري:يا مشاري اترك عنك الطنازه على السواق ترى ربي بيحاسبك( بعدين مشاري حب راس ابوه
وكبر بعين كل لرجال الي في المجلس:انشا الله يبه
ابو طارق:والله وصار ولدك رجال يعتمدعليه ونعم التربيه
طلع مشاري من الديوانيه ويطق راس سواقهم:مو قلت لك انك بهيمه والي العن انك ماتفهم ؟مسوي فقير ومسكين؟والله لعلم ابوي عن الهنديه الي ماخذها واخليه يلعن ابو شكلك يالزباله؟؟
(داخل الديوانيه) ابو مشاري: شخبارك يا ولدي طارق ؟وشخبار شغلك وانا عمك طارق:الحمد لله كله ماشي تماام
ابو مشاري :وانت يا محمد بأي سنه؟
محمد:السنه الجايه ثاني ثنوي انشا الله
ابو مشاري:ماشا الله وصرتو رجال الله يوفقكم (دخل نواف وصديقه ياسر)
ياسر تفاجأ لما شاف صديق الثانويه طارق: انت طارق الــ.. صح؟؟ طارق:ومسوي ماتعرفني (ويسلمون
علىبعض بحراره ويسالفون عن ايام الطفوله)
نواف:وانا نسيتوني؟؟
طارق:ومن يقدر ينساك؟وينسى مواقفك؟كل من كان يبي فزعه يجيك والنعم فيك؟؟ ياسر:هههههههههههههههههههههه
نواف:يالخبل وش فيك تضحك بدون سبب ياسر:تذكرت موقف من ايام الثانويه
نواف:ضحكنا معاك لاتحتكر الموضوع لنفسك وتصير اناني ياسر:تذكر لما وقفنا استاذ الرياضيات ثلاث ايام؟؟
نواف وطارق:ههههههههههههههههههه آلا آلا تذكرنا طارق:شالفكره الجهنميه؟من الي اخترعها؟؟
ياسر:ومن غيره اينشتاين السعودي نواف:ههههههههههه الله يرجك رجا مبرحا من اخمص قدميك لين انامل شعرك طارق :بس حرام عليكم والله مايستاهل>>طيب
محمد داخل عرض:طيب قولو لي ايش سويتو يالمافيا؟؟ ياسر:اخاف نخربك؟؟
طارق:لاهذا ما ينخاف عليه سيدا مايلف يمين ويسار نواف:الله يسلمك لما وقفنا عشان ما كنا نحل الواجبات؟انتقمنا بطريقه مضحكه؟ خذينا مطارة الماي الي يشرب فيها وحطينا فيها ثلاثة صراصير ولما جيه
يشرب ولا داري عن شي تعرف ايش صار ؟؟
محمد:يالله الي يشوف اشكالكم يعني براءه مايقول يطلع منكم هالعمايل السوده
ابو طارق:يامحمد؟ قم وانا بوك ساعد مشاري يجيب الغدا؟؟
محمد:تامر امر
امل كانت بالحوش الي جنب الباب الخلفي للمطبخ تكلم شهود:اقول لك تعالي الله يخليك حاسه بضيقه
كل بنات عمي وخالتي كبار وانا لحالي اقابل الجدار
شهد:مو فاضيه يعني موبس انتي الي عندك اهل انا بعد اهلي جايين عندنا اليوم يعني اتركهم واجيك ايش بيقولون عني؟؟
امل:خلاص على راحتك ,وبكرا بنروح للعزيزيه مع عيال عمي تجين يعني تجين كلها نص يوم؟؟
شهد:اففففففففففف بشوف يا انتي حنانه
ودخل محمد بغرض انه يجيب الغدا من داخل وشاف امل وعرفها<<من ايام الطفوله يتحرش فيها ويحبها
امل دخلت داخل بسررعه وهوعرفها((مشا الله هذي بنت عمي ملكة جمال))
امل((يالله يجنن ولا براد بيت زوج العصله انجلينا جولي يهبل عذاب ))
امل:الوو شهود لسه على الخط (طيط طيط) افففففف وانا ناقصه

4 - 5 - 2013, 04:45 PM

الجزء الرابع الفصل الأول

هدى(ام مشاري):امل تعالي ساعديني
امل:يمه وين ليانوو؟؟ ليه ماتجي تساعدك
هدى:انتي غبيه والا تستغبين؟؟اختك تعبانه ؟يعني ماعندي احساس اقول لها تعالي ساعديني؟وانا امك
لما اقول لك شي تقولين لي تم
امل حست انها نرفزت امها:يمه اسف اسف بسوي كل شي بس رضاك ؟؟
ليان نزلت وهي مبتسمه: يمه تبين اساعدك في شي؟؟
ام مشاري:ليان انتي ايش فيك؟روحي ارتاحي بسرعه ؟؟
ليان:يمه انا تعبت من كثر ما اقعد على السرير احس بالكسل والخمول بساعدك عشان اتنشط شوي وين
عهود وغلا؟؟
ام مشاري:عهود داخل تقهوي الحريم وغلا مو جايه؟؟ ليان :عطيني أي شي ؟المهم اشتغل؟؟
ام مشاري(هدى):خلصنا الحريم باقي الرجال؟؟ودي صحون التمر عند بابهم واخوك مشاري بيستلمهم؟؟
(في الديوانيه) نواف:لازم اساعد شوي محمد اقعد انت ضيف يالله بروح اشوف اذا خالتي تبي شي؟؟
ليان طلعت من المطبخ تودي صحون التمر لزوم الغدا وهي ماسكه صينيه كبيره وكان نواف مسسسرررررع
وصدم في الصينيه وطاحت كل صحون التمر وتوصخت ثياب ليان ؟؟طبعا ليان جاها تبلد حسي لما شافت نواف وهو كمحاوله لتصحيح غلطه خذ التمر ورجعه في الصينيه وهي كانت تناظره ودمعت عينها وتركت الصينيه
ودخلت داخل؟؟هو حس من عيونها ان نظراتها فيها عتاب وحزن ؟؟
ليان دخلت وهي تركض وراحت غرفتها على طول وقفلت الباب:ياربي يعني لازم اشوفك يا نواف عشان اتحطم زياده ماكفاك الي سويته فيني؟؟(وشغلت المسجل عشان يصفى لها جو الحزن والعالم المنعزل الي برايها
يريحها لكنه في الحقيقه يزيد من همها(المهم) كانت الاغنيه تقول:يعني جت عليك انتا..ياعمي روح انا موزعلان ..عندي مليون الف قصه..ماني لاقيتلها عنوان)
عهود حست ان في شي ؟راحت لغرفة ليان:ليان ليون افتحي الباب بسرعه؟؟
ليان بسرعه مسحت دموعها وسكرت المسجل فتحت الباب:اهلا عهوود
عهود تقولها وهي تصيح :ليوونه انا عارفه ليه تبكين ؟ بس ايش اسوي مابيدي شي ؟ارجوك لاتتركيني؟مالي غيرك
كانت ليان مفتعله ابتسامه مزيفه بس تغيرت ملامح وجهها بعد هذا الكلام ولمت عهود بحراره:انا اتخلى عن نفسي وحياتي ولا اتخلى عنك انا من لي غيرك؟؟
وجات غلا وبكت :ايش فيكم
(خذتها ليان وعهود وضموها )<<يعني كان يوم لاينسى وليان لما لقت صديقات يوقفون معها تشجعت انها تنسى الي كان وتفتح صفحه جديده والي يفرح انها حبت صديقاتها اكثر من قبل لانهم كانو سند لها في الايام الي فاتت والايام الي بتجي؟؟
امل جاتهم واستنكرت من الي شافته:ياهووووو ليان:ههههههههههههه نعم
امل:ليان تضحك,بسوي عرس بعزم فيه كل الناس من مختلف اقطار العالم بس عشان يشوفون هالضحكه
الي انحرمنا منها تهئ تهئ تهئ
وتكمل:ليان ممكن تعطيني نضارتك السبورت عشان العزيزيه الله يخليك
غلا وعهود وهم يناظرون نفسهم:مصــــالح ؟
غلا:وانا اقول هالسنع الي طلع فجأه ايش قصته؟؟
امل:انا سنعه من زمان ,وعندي اسلوب اطلب فيه من اختي الحبيبه؟؟ غلا:ايه ماشا الله عليك تعالي اتفل
عليك لانظلك عيوني حاااره تطيح الطير من السماء
ليان وعهود:هههههههههههههههههههههههه
(نواف حس بالذنب اتجاه ليان مافهم نظراتها بس كان شاكك انها تلومه على شي هو موعارفه؟؟)
مشاري لما يحط شي في باله خلاص يسويه لو بيموت؟؟وكان سلامه هو هدفه ,جمع شلته المعهوده
الي الكل متأذي منها في الحي؟؟(فهد<<المشهور بزيدان لانه نفس الصلعه ويقلده بحيث لما يعصب يضرب
راسه بالانيمي الي قدامه)<<خطير
عبد الرحمن<<غشمشم(نفس الستايل واللوك),مصطفى المصري<<هذا واحد متسعود يعني جنسيته
مصري وولد في السعوديه),واخيرا مشاري<<زعيـم الهلال
هو ساس أي مشكله وذكي لدرجة اذا صادفتهم أي مشكله يطلعهم منها مثل الشعره من العجيين؟؟
بعد الغدا مباشرة راحو لبيت مشبوه يبيعون فيه صراقيع<<اسمعو ايش سوو المهابيل فهد:مشاري انا معاي خمسين وانت؟؟ مشاري:عشرين ؟
عبد الرحمن:خمسه ريال كنت ناوي اشتري فيهم شاورما بس الله ماكتب مصطفى:ابوي ذا ما رضى اقول
عشره ريال يقول:كتير كتير يابني لازم نوفر ديه الفلوس للمستقبل ,ام حق ابوو
مشاري مو مشكله يكفون بشتري الصواريخ والقنبله اوك الكـــل:اوك
بعد ما اشترو الصراقيع راحو لسيكو بلدينغ<<<هذي منطقه بالدمام فيها تجمعات هائله من الهنود
(نمل) ,وراحو للبوفيه الي فيها سلامه بالذات وحطو الصراقيع بسررعه وشغلوها<<انواع الصراخ, سلامه
راح فيها داخل البوفيه انخش في الرسبشن المتواضع مع الهنود الي معاه وقام يصيح ؟؟
مشاري قال له :وان في امك خير علم ابوي هالمره جت سليمه بس في المره الثانيه والله لتوطى في
بطنك ؟؟
سلامه مافهم شي بس استوعب انه ما يعلم ابو مشاري<<مســكين؟؟
سلامه خاف على نفسه ماعطل راح للديوانيه قدام الرجال وصاح صياح كسر خاطر الكل وقامو يعطونه
بالخمسين والميه عشان يجبرون خاطره<<بينه وبين نفسه استانس فلوس وين يحصل له ؟؟
ســلامه وهو غرقان بدموعه:بابا كلاس مافي اقدر اقعد هنا دقيقه واهد انا ماتبين موت انا في انديا بيبي وزوج هرام بابا(يابوي خلاص ما اقدر اقعد هنا دقيقه وحده انا موبايع عمري بلوشي انا في بلادي عندي مره وعيال)
ابو مشاري:ياسلامه امسحها في وجهي وانت عزيز وغالي بزيد راتبك بس تحمل شوي؟؟
سلامه:بابا بس أشان خاتر انتا انا في تحمل وماتبين فلوس(يابوي بس عشان خاطرك آكل نعاله مخلله
واتحمل الي يجيني ,وعشان اثبت لك اني ولد اصول مابي فلوس زياده)<<<طبعا الي يترجم الي يقوله هو ياسر والكل مييت ضحك<<خفيف دم تخيلو لو هو ياسر القحطاني واااااااااااااااااو
كانو بنات عم ليان موجودين وهم سارا ومريم
ليان:الله وناسه كلنا متجمعين ,عهود وغلا مالكم حجه جمعتنا ماتكمل آلا فيكم ناموو عندي ؟؟بليييييييز
عهود:انا ماعندي مانع وانا اقدر افوت هالجلسه الحلووه غلا:طيب تكفين ليون خلي امي تكلم امك لاني
لو قلت لها بتقول بصوت عالي(لا) ليان:طيب بقول لها
سارا:والله عن جد لك وحشه يا ليون ؟؟ اخر مره شفتك من سنتين
مريم:أي سنتين ؟يمكن اكثر
ليان:اهم شي تجمعنا اخيرا ؟؟
غلا:فيني حرة اختبارات؟ابي ارقص وارقص وارقص ليين ما اتعب الكل:ههههههههههههههههه
عهود:حسافه فاتتكم حفلة تخرجنا بس على العموم صورناهافيديو وكل شي واااااضح
سارا:يالله ايش تنتظرون؟بسررعه نقوم نشوفه ليان:بالأول اطلع لكم بجامات (طلعت لهم بجامات كت من
فوق وقصار وكلهم نفس الموديل بس الالوان تختلف)

4 - 5 - 2013, 04:45 PM

الجزء الرابع الفصل الثاني

ليان تكلم مشاري بالجوال:الوو مش مش وينك؟؟ مشاري:موجود بالديوانيه
مع الشباب
ليان:منو فيه من الشباب؟؟>>ملقوفه
مشاري:يعني منو ؟؟نواف ياسر طارق محمد وغشمشم وزيدان؟؟
ليان:هم كلهم بينامون في الديوانيه؟؟
مشاري وهو منزعج:ايه؟انتي تحققين والا شنو؟؟ ليان:لابس مستغربه؟؟
مشاري:على قولة غشمشم مالغريب آلا الشيطان
ليان:انت شالربع الي مخاويهم غشمشم وزيدان بالله ذي اسماء.؟نسيتني ايش ابي اقول لك؟؟مش مش لاتفشلني في بنات عمي كلهم جاو وماعندي شي لزوم السهره ابيك توديني السوبر ماركت بجيب شوية اغراض شوكولاته وبطاطس و(قاطعها)
مشاري:يعني شايفه عندي سياره؟؟وبعدين ماعندنا بنات يطلعون البقالات في انصاف الليالي>الساعه توها10 يبي يفتك؟؟
مشاري:اطلعي مع سلاموو الخايس انا مو فاضي؟؟ ليان:انت عدو مو اخوو(سكر الجوال في وجهها)
نواف سمع الحوار الي دار بين ليان ومشاري خاصة ان مشاري كان يصارخ على السماعه <<مرجووج
نواف:مشاري انا بوديها البقاله لان سلامه تعبان نفسيا من الي سويته له؟؟ مشاري:انا ...انا ...ايش
سويت له؟؟
نواف:تجي معاي عشان اختك ماتنحرج مني ؟؟
مشاري:انا العب كيرم مو فاضي لها ولخرابيطها روح وصلها ؟؟
(عند البنات)
غلا:ليانو بتروحين مع سلامه طيب اجي معاك ؟؟ عهود:مايصير تروحين لحالك انا بعد بروح معاك؟؟
ليان:اقول انثبرو ثنتيناكم في البيت ايش تبين يقولون الضيوف طلعو وخلونا لاتفشلوني؟؟بعدين السوبر
ماركت مسافة شارعين مو بعيد؟؟
طلعت وتركتهم يناظرون في بعض مفهيين؟؟
نزلت ليان و تفاجأت مالقت سلامه بس لقت منووووووو
الاخ الفاضل نواف مشغل السياره وفتح الباب ونزل ويصارخ:ليان تعالي انا بوصلك؟
ليان بصوت واطي: (ايش فيه هذا يصارخ يعني انا مآ اسمع؟) (وعلت صوتها):بس انا قلت لسلامه يجهز
السياره مافي داعي تتعب نفسك؟؟
نواف بنفس نبرة الصوت:سلامه تعبان
ليان: (رد يصارخ مره ثانيه خلني اركب السياره والله يعيني) طيب بجي؟؟
وفتحت الباب وركبت السياره:السلام عليكم نواف:وعليكم السلام ؟لاتنحرجين مني اعتبريني مثل اخووك؟؟
ليان رجعنا لسالفةاختي اففففففف لو تدري بالي بقلبي على الاقل ارتاح شوي) نواف:ليان ؟؟
ليان بصوت واطي:هلا
نواف:ايش تحبين تسمعين؟؟
ليان:احب فضل شاكر واليســا ورابح صقر وراشد الماجد ونانسي وشرين(ولفت تشوفه لقته يضحك)
<<انحرجت ولفت عنه
نايف:بصراحه ذوقك حلو؟؟ طيب بسمعك اليسا اوك؟؟ ليان:اوك
نواف:طيب أي اغنيه تبين؟؟ ليان:عيشالك ,صحيح قديمه بس احبها؟؟(وشغل لها عيشالك(عيشالك احلى سنين بالعمر يا ضي العين وبقلبي ياغالي حنين وغرام من اول يوم بهواك..كان حلمي اكون وياك لو يوم من عمري معاك وكتير وانا بتمناك يا حبيب القلب وبستناك)
نواا اف:اللله حلوه الاغنيه،معاك لها طعم ثاني مع اني سامعها مليوون مره ليان بينها وبين نفسها (موقادره افهمك يا نواف مره تقول زي اختك والحين تقول الاغنيه لها طعم ثاني معاك؟ نفسي اعرف ايش الي داخلك؟؟بايش تفكر))
نواف بينه وبين نفسه: (اخاف اني اتزوج مشاعل الي تحبني واندم بعدين اني ضيعت ليان من ايدي ياربي
ايش اسوي انا خلاص عطيت مشاعل كلمه؟؟لالالا استحاله اتراجع انا احب مشاعل آلا احبها؟؟))
<<<غبـــــــــي
وصلو للسوبر ماركت نزلت ليان ولحقها نواف؟؟
ليان بعفويه :نواف لاتتعب نفسك استنى في السياره وانا بدخل كلها كم دقيقه وراجعه؟؟
نواف:على راحتك؟؟
دخلت ليان للسوبر ماركت وراحت قسم الحلويات واختارت جلكسي كبييير وبونتي وسنكرز ومارس وقسم البطاطس خذت لييز بالخل والملح وبالفلفل وتسالي مشويات<<ضوقوه خطير(يعنني مسويه دعايه) وراحت قسم العصاير وكان لقسم العصاير منفذ واحد للي يدخل والي يطلع دخلته واخذت عصير فراوله ومنجا وبرتقال وتذكرت ان نواف لما شافها في بيتهم بالغلط طلب منها عصير ليمون معناته انه يحب عصير الليمون
<<ماتنسى ذكيه
لما جات بتطلع واحد واقف في طريقها حاولت انها تتفاداه عشان تطلع بس هو ما وخر عن طريقها ليان خااااااااافت
قالت له بأسلوب حازم :لو سمحت وخر شوي ابي امر؟؟
هو قال بضحكه ساخره:لا ابي اقابلك مابي اوخر ايش بتسوين؟؟
ليان جاتها الصيحه؟؟
في السياره نواف((ياربي شالغباء خليت بنت تنزل السوبر ماركت لحالها ؟انزل يمكن تحتاج مساعده او
فلوس؟؟))
راح يدورها في السوبر ماركت مالقها وتذكر انه عطشان حده <<<صدفه لقاها في قسم العصائر(من هذا
الي واقف قدامها)؟؟
نواف: ليــــــــان؟؟
ليان:نواف ؟جيت بوقتك ((ودفعت الولد بكل طآقتها وراحت لأحضان نواف؟؟))
نواف عرف ايش الي صار لليان وماقصر قرب جنب الولد وطبعا نواف بطوله الفارع وصوته الرجولي وعينه
الاسديه كانت كافيه انها تطلع الولد من السوبر ماركت وتخليه يحررم يضايق بنات الناس>>ابي اتزوج نوااف(اعذروني متفاعله مع القصه)
ناظر نواف ليان بعيون حنونه:ناقصك شي تشترينه؟؟
ليان ذااايبه:لا ...خذيت كل شي؟؟
نواف:خلاص روحي السياره وانا بحاسب ليان:لاتكلف على نفسك نواف؟انت كذا تحرجني بكرمك؟؟ نواف:هههههههههههه أي كرم كلها كم شغله بسيطه وتقولين كرم؟يالله اركبي السياره وبجيك؟؟
ليان لسه في حالة ذوبان:انشا الله
ركب نواف السياره:اووووو نسيت اشتري لي عصير ليمون؟؟بنزل اشتري وراجع لك؟؟
ليان:تعال تعال نواف:هلا؟؟نسيتي تشترين شي؟؟
ليان:لا انا ..انا اشتريت لك عصير ليمون؟؟
نواف وهو مستغرب: كيف عرفتي اني اشرب عصير ليموون بالذات؟؟ ليان:امممممم تذكر مره لما طلبت
مني عصير ليمون؟؟ نواف:ههههههههههههه ايه تذكرت ؟؟ماشا الله عليك ماتنسين؟؟
ليان بين نفسها(انا انسى نفسي ولا انسى أي شي تحبه)
وشغل نواف على اغنية لأليسا(جوايا ليك احساس بيكبر كل يوم ..العين تنام والقلب عمرو ماجالو نوم.
.من كتر شوقي ولهفتي شايل هموم..ارتحتلك..احساس غريب بحسو لما ببصلك..وبحنلك..لو حتى جنبي
حضن قلبي بحنلك..سلمتلك..اغلى ماعندي حتى قلبي فتحت لك) ووصلو للبيت نزلت ليان من السياره
ونواف نزل للديوانيه
عطته ظهرها وراحت نواف:ليان
لفت ليان بشوق:هلا
نواف:اذا احتجتي أي خدمه اتصلي فيني ليان:بزعجك كل يوم ههههههههههه
نواف:عادي زي العسل على قلبي (بينه وبين نفسه<<ايش فيني قمت اقط خيط وخيط ,الظاهر اني بديت
احبك يا ليان؟؟انا ايش قاعد اقول))
ليان:تامر شي؟؟
نواف:لا سلامتك؟؟
ليان:طيب عن اذنك؟
نواف:الله معاك.
كان نواف يمشي ويلتفت يشوفها وهي نفس الشي بس المشكله لما تلف تشوفه يبغاها في شي ؟يمكن نسى يقول أي شي؟لكن يكون هو خلص لفته الاولى وتلف عنه وهو يلف ويناظرها وتكون خلصت لفتها الاولى؟ويلف للمره الثانيه وهي ماتناظره......وهـــكذا الييين مادخلت داخل البيت<الي مافهم يشوف فديو
كليب تملي معاك لعمرو دياب وبيفهم ايش اقصد ههههههههههه ليان دخلت البيت وهي فرحااانه:بنات :lats Party <<اتفلسف خخخخخخخ سارا:اول ابي اشوف الفيديوو يالله بسرعه مافيني صبر؟؟
غلا:تقول جدتي العجله من الشيطان؟؟لاتصيرين عجوله ليان:يالله قبل ماتزعل سارونه (عهود في حالة
صدمه)؟ ليان:عهود ايش فيك؟؟
عهود:بقول شي بس لحد يعصب علي والله بدون قصد؟؟
ليان:وشو ؟؟
عهود:نسيت كيمرة الفيديو في البيت(غطت على وجهها)
غلا وهي تعظ على شفايفها بطريقه مضحكه:حدوني عليها ابي اذبحها؟؟ الكل:ههههههههههههههههههه
ليان:مريم وسارا ادري انكم منصدمين من هالاشكال بس شسوي صديقاتي؟ مريم:وربي كل وحده احلى
من الثانيه يهبلوون..
عهود:خلاص بكرا بجيب الكيمرا وانشا الله مايفوتكم شي؟؟
(داخل الديوانيه) ياسر:يارجال اقول لك تغش والله تغش
نواف:أي غش الله يهداك استغفر ربك آلا انت ماتعرف تلعب؟؟ حتى مشاري يعرف يلعب احسن منك ؟؟
مشاري:يعني شنو انا مو رجال تقارني فيه؟؟
نواف حس ان مشاري عصب:آلا رجال يعتمد عليه؟؟ومنافس قوي لا يستهان فيه؟؟ كل الي كنت اقصده ان
الاخ الفاضل ياسر بعيييييير عمره25 وبعد ثلاث شهور بيكمل26 ولايعرف يلعب و انت ماشا الله عليك عمرك8
سنين وتبدع في اللعب<<اسلوب سياسي يصلح مصلح اجتماعي ..
مشاري:اهاااااااااا تسلم يالحبيب طارق:هههههههه وربي ماينشبع منكم آلا شخبار الخبر؟؟ من زماان عنها؟؟
ياسر يستهبل:تسلم عليك ,كبرت وتطورت نواف:خلاص دامكم بتقعدون اسبوع هنا لازم نمشيكم على احلى منطقه في السعوديه الشرقيه
ياسر:تدري ان الخبر حازت على ثاني اجمل منطقه عربيه؟؟ طارق:ماشا الله؟اكيد دام ارامكو معمرتها ؟؟
مشاري:غشمشم مطوول؟؟
غشمشم:كلها كم دقيقه وبطلع اشوفك تبي الفكه؟؟ مشاري:ريحتك ياخي تلووع كبدي متى اخر مره
تسبحت؟؟ غشمشم:والله مدري يمكن من اسبووع اذا ماخاب ظني اسبوع وثلاث ايام؟افااا تبيني اطلع
يالله الزم ماعلي كرامتي؟؟
مشاري:لا تزعل وعلى قولة مدري منو ابيك بعيوبك ابيك بحلوك بمرك ابيك الكل:ههههههههههههههههه
(البنات)انواع الرقص وليوون رقصها ابداع خاصة في المصري لما ترقص الكل يقعد ويتفرج عليها واموول محتره منها؟؟
امل:انشا الله تطيحين وانتي ترقصين؟؟
غلا:قولي لا اله آلا الله لاتصكين البنت وحده تروح فيها؟؟ ليان:خلاص بقعد اخاف على نفسي من عيونها
الحوله سارا:ههههههههههههه اما حوله
امل:انا حوله؟كل هالجمال وحووله؟؟انتي الحوله تأملي فيني زيين؟؟ مريم:نبي الشاكي للجسمي
ليان:اوك ( وانتهت السهره انهم كلهم تعبوو ونامو الساعه4 الفجر بس ليان مانامت راحت تتأمل منظر الشروق تحبه<<<رومنسيه بس منسيه
طبعا الشباب كلهم في سابع نومه في الديوانيه آلا نواف راح يتأمل نفس المنظر؟؟ وتحديدا في الحديقه,
كانت لابسه عبايه عشان محد يتكشف عليها؟؟ <<لحسن الحظ والا كان نواف راح فيها على الطوارئ ,
هو عرفها وكان يكلم نفسه(يا ربي شالصدف؟العصير ؟والمغنين ؟ومنظر الغروب؟؟في بينا قواسم مشتركه
كثييره يعني نصلح لبعض؟؟لالالالا ومشاعل استحاله اخذلها الرجال عند كلمته؟؟بس والله ليان احلى منها
ومو مايعه مثلها و و و و و<<<الولد راح فيها ,بس في الاخير رجع داخل وقعد يفكر هل انا صح او غلط ؟؟........................................

4 - 5 - 2013, 04:46 PM

الجزء الخامس الفصل الأول

في الصباح الكل نايم ماعدا ليان كانت مواصله اصلا كيف يجيها نوم بعد الموقف الي صار لها؟؟ دخلت
الغرفه الي متجمعين فيها البنات ولقت منظر يضحك(غلا يدها على وجه عهود ورجلها في فم سارا يعني
كانت مسويه زحمه؟؟)
ليان:ياكسلانيــــنين قوموا؟؟ يالله نفطر بطلب من الناعوره معجنات يالله قومو لايفوتكم (غلا بس اسمعت
طاري الاكل قامت بكل نشاط)
ليان:بسم الله الرحمن الرحيم انتي غلا اكييد؟روحي اغسلي وجهك وربي تخرعين غلا:احمد ي ربك اني قمت اساسا؟؟
ليان:اصلا لو ماجبت طاري الاكل كان ماقمتي ؟؟ عهود:يالله انا بقوم بعد(وتتثااااااااااااوب) ظهري انكسر اتخيلي يالليون ؟؟انا نايمه وفجأه
الاقي رجل في وجهي
؟؟ابعدها
وترجع؟
غلا:الله يطول بعمر رجلي الكريمه اصلا شرف لك هههههههههههه عهود:وععععععععععع الله يقرفك
ليان سمعت الجرس:شكله المطعم يالله صحصحوو على بال ما اجهز الفطور الي بتاكلون اصابعكم معاه
دخل مشاري المطبخ ودخل معاه غشمشم:ليون وين الفطور الشباب جوعانين ليان:طيب حبيبي بس ثواني واجهز الفطور لاتصير متخرع ؟؟ غشمشم
:الللللللللللله منو هذي؟؟
لاتقول اختك لان انت بشرق وهي بغرب؟؟ مشاري:ايش تقصد؟انت تكلم عن نفسك وروح تسبح بعدين انتقد؟؟
ليان انحرجت لان غشمشم صحيح ياهل بس جثه؟؟ ليان:يالله خذ هذي الصينيه وارجع عشان تاخذ الثانيه؟؟ مشاري:طيب ليان الله يخليك ابي تدورين بلوزتي
الزرقا الي تشبه
بلوزة تامر حسني. ليان:طيب طيب بدورها بس انت ود الصينيه الحين الشباب ماتو من الجوع ؟لاتفشلنا. (البنات على الفطور) سارا:وناسه بيتكم
ياليت كل شهر نجي عندكم؟على الاقل احس ان عندي اهل
مريم :أي والله الغربه مو حلوه بس تعودنا
عهود:طيب ليه ماتجون هنا؟؟ سارا:تعرفين مرت ابوي من الرياض وكل اهالها هناك ؟؟ مريم:ابوي تغير ؟مو
ابونا الي نعرفه,تخيلي ان كل الي يهمه المصروف ؟مايهتم نجحنا او لا؟؟اكلنا او لا؟؟حتى يتجنب انه يتناقش معنا؟؟
غلا:ومن قوية العين الي قصت على ابوك واخذته
ليان قرصت غلا وغلا الخبله فضحت الموضووع:اييييييييي وجع عورتيني عهود تغير الموضوع:اليوم بنرووح
العزيزيه وناااااااااااااسه ,نواف بيركب جدتسكي ؟ابي اسوي مثله بس تخيلي شكلي بالعبايه
ليان:اكيد بيحطونك في الجرايد اول امرأه سعوديه تركب جدتسكي هههههههههههه غلا:لا انا مابي اتجرد من انوثتي؟بركب دباب وبس
ليان:انا ما ابغي اركب شي بقعد اتفرج بس>>عاقله سارا:اصلا ما اعرف اسوق دباب عشان اركب جدتسكي ههههههههه غلا:ولايهمك انتي في ايدي امينه؟ماتعرفين
ان الي قدامك
هي الي علمت الي جنبك (وتأشر
على عهود وليان)
مريم:قدعه بنت ستين رااجل
امل نزلت وخذت فطاير لبنه وراحت المطبخ
مريم تسأل باحراج:امل متضايقه مننا؟احنا غلطنا بحقها ؟؟ ليان وهي متفشله من تصرفات اختها الي مالها داعي: لا ابدا هي تحب انها تنفرد في كل شي؟حتى انا
اختها
ماتعطيني وجه؟؟
غلا:هذي امل اذا تبين تتعايشين معها لاتعطينها وجه واذا مرت لاتحتكيين فيها لسانها لاذع والمثل يقول
اسئل مجرب ولا تسأل خبير
مريم:يعني بنت عمي واحتقرها؟ليه
غلا:كذا ؟بدون ليه؟الدنيا تمشي بالمقلووب مثلا انا ما تعرفت على ليان آلا بعد عداوه دامت سنتين في اول
وثاني ابتدائي؟؟والمثل يقول ما صداقه آلا بعد عداووه
عهود بتعجب:يا شيخ عليك امثال ولا ام هلال بس ابي اعرف من أي موقع تجيبينها
غلا:الباب الي يجيك منه الريح سده واستريح,مراح ارد عليك عهود لاني عارفه انك تبين تحرجيني لكن حامض على فمك الكل:هههههههههههههههههه
غلا:يالله بقوم اخذ شور واتجهز للرحله؟؟
(في العصر بدت الرحله البنات انقسمو ثلاث اقسام) في سيارة طارق الفورد (محمد وغلا ومريم وسارا) في سيارة ياسر( مشاري والشله)في سيارة نواف(عهود وليان
وبدون
حسبان مشــــاعل)
نواف:مسكين ياسر توهق بشلة المصيعه الي مركبهم ههههههههه عهود:الله يعينه وربي ثقال دم ومزعجين خاصة الي اسمه زيدان مدري فهد مسوي رجال وهو ياهل
بو7سنين
يالله لك الحمد؟؟
ليان عكس كل مره بالعاده لما تجتمع مع مشاعل تكون متضايقه ومتوتره ؟ بس الحين غييير مرتاحه
وريلاكس على الاخر؟؟
ليان:نواف حط لنا اغنيه على ذوقك؟نبي شي فرايحي؟؟ نواف:امممممممممم؟؟ والله محتار تبون محمد
عبده ياسلام الله؟؟والا طقاقه تغني قوه قوه؟؟ (ليان قالت:ياسلام الله,وفي نفس الوقت ردت مشاعل:قوه
قوه) عهود:هههههههههههه,هذي مشكلتنا يالعرب ماتنفق على كلمه اقرب دليل شوف برنامج الاتجاه المعاكس بنحط فيه ليان ومشاعل ههههههههههههههه
ليان:خلاص مابي ازعل احد مني حطو الي تبونه؟؟
مشاعل:يالله حطو طقاقه دمي فااااار ؟؟ نواف:بصراحه مو عاجبني شريط الطقاقه بس قلت ابي اشوف
اذواقكم ؟؟ عهود:يوووووه؟ترى كلها اغنيه ؟؟(واختارت شريط نوال كل الحكايه) ليان:عهووود نبو دارك طالعين
نبي نفرح تغمينا بهالاغنيه الي تجيب الاكتآب؟؟ عهود:تجنن؟ياحبي لك يا نوال؟؟
(مشاعل تقززز في المرايه الي بوجه نواف وكانت مكحله العين وحاطه عدسات,نواف كان يبادلها نفس
النظرات بحكم انها خطيبته المستقبليه)
وصلوو للعزيزيه بعد مشوار استمر ساعه
مشاري فتح باب السياره:يــاناس يا عسل مشاري وصل؟؟ غشمشم:اقول اسكت الناس يطالعونا فشلتنا
يابو الشباب زيدان:مشاري ماخذ في نفسك مقلب هههههههههههههههه مشاري:اقول اسكت انت وياه مو معناته اقط الميانه معاكم تاخذونها ايزي غشمشم:وربي
بطاقة الشحن
خلصت ابي كرت ايزي؟؟ مشاري:ياشين السرج عالبقر ؟حتى مزح مثل الاوادم ماتعرف تمزح؟؟ زيدان:حناجايين نستانس والا نتهاوش؟؟ مشاري:صدقني هالهوشات من
ثمرة حبي
الزايد لهالولد الغشيم؟؟ زيدان:الللللللللله ياحلوو طعوس الشرقيه اخخخخخخخ لو عندي عراوي كان خذيت راحتي؟؟
مشاري:انت انتظر يصير عمري16 والله لطلع الرخصه وادق اللطمه واسووق في الطعووس
غشمشم وهو سرحان:الللللللللللله ؟لاتخليني اتحلم؟ مشاري:انت بنحطك مكان الخواريف عشان يصير
في توازن؟؟ زيدان:خخخخخخخخخخخخخخ آلا بومصره وينه؟
مشاري:ابو ماعطاه فلوس قلت تعال؟قال لي اخاف اكلف عليك؟قلت له بخليك تحل دروسي بس تعال ماوافق
قال الزم ماعلى المصري كرامته؟؟مسيكين؟
(ليان لبست نضاراتها الشمسيه ماركة شانيل وكانت رووعه ؟؟) غلا:بنات ما اقدر اقاوم يالله بسررعه ابي اركب الدباب سارا:من بعدكم وربي استحي؟؟ شوفي اشكثر الشباب؟
غلا:اذا خايفه من الشباب معانا رجاجيل وتلف (والا تلاقي ياسر وراها انحرجت) ياسر:يابنات الي ودها تركب
دباب تركب ماعندنا عقد؟؟
غلا بصوت واطي(ياهووو قطعه يجنن قطيعه تقطعه) غلا:أي بنركب دباب بس لازم احد يراقبنا ما نبي الشباب يتحرشون فينا؟؟
عهود بصوت واطي:من زين وجهك ؟؟ ياسر :ابشري وانتي ليان؟؟
ليان:انا بس بتفرج مابي اركب دباب اخاف على عمري؟؟ ياسر :على راحتك يالله الي بيركبون قدامي؟؟ مشاعل:لحظه بركب معاكم صار لي مده ماركبت نواف بتركب؟؟عشان
بركب
معاك؟ نواف:لا مو راكب؟اذا تبين روحي عادي ؟؟
مشاعل بزمر:طيب قلبي اهم شي رضاك اذا تبيني اركب بركب؟؟

نواف ابتسم في وجهها وليان انقرفت من الموقف وبعدت عنهم
ليان مشت ومشت في تراب العزيزيه لين ما وصلت للقوارب والمنظر كان رومنسي بالمرره؟؟(اللللللللله لو يا نواف كنت تحبني كان هالمنظر بيصير اكثر من روعه
اخخخخخخخ
يا دنيا شقد انتي ظالمه)
واجرت قارب لنفرين (لو في نفر كان خذت بس مااخترعوه بعد) ركبت القارب وهي تقول:ياربي كيف بدفه لحالي)وصار الي ماكان متوقع نواف تجرأ وركب القارب الي فيه
ليان,ليان
قالت بحزم:خييييييير؟؟
نواف وهو مشووت:الخير بوجهك بس مايصير تركبين لحالك؟؟ ليان:يعني من المفروض انك تركب مع خطيبتك
؟مو معي؟؟ تبي يقولون عني سراقة الرجاجيل<<موناقصه مشاكل
نواف:ترى كلها ربع ساعه بركب وبنزل مو ماكلك؟؟
ليان بخاطرها(هالربع ساعه بتمر علي مثل الساعه ؟ ياربيييي)
حرك القارب بعيد عن الحشود في مكان مسدود ,مكان بقرب الشمس يختفي فيه كل همس,يصلح كبداية
حب ويسرع نبضة القلب.مكان لا بالحسبان ولا طرى في خيال انسان,الوقت القصير يطوول وكل واحد في نفسه يقوول هذا الحلم مو معقوول لانه ما يخاطب عقوول؟يخاطب قلب
مشغوول؟؟
استمر الصمت للحظات وقرر نواف انه هو الي يبدى بالكلام لان الصمت يحسسه بضيق؟؟:ليان انتي ما
تحبين؟؟
ليان بينها وبين نفسها(أي احبك)
نواف حس ان السؤال محرج:طيب ما قط حسيتي بانجذاب ناحية احد؟؟ ليان مع عقلها الباطن(الجاذبيه قليله بالي اعانيه انا متيمه ) نواف:افففففففف لاني بصراحه حبيت بس
ما ادري؟؟هل هو حب او مجرد اعجاب؟؟
ليان بصوت واثق:نواف بكل صراحه الحب شي حلو؟والاعجاب شي حلو؟بس لكل واحد عواقبه شوفني مثلا حبيت واحد ما يحبني ولايدري عني وتعذبت عشانه لكن الحياه
تستمر
في ظل كل الظروف الي اعانيها انا او
انت او أي احد؟؟والصفحه الجديده تنفتح لما انت تقرر مصيرك ؟؟
نواف فرح ان ليان اخيرا عطته وجه بس ماكان يعرف ان الكلام كان عليه؟؟ نواف:انا ما ادري المشاعر الي داخل هي حب او اعجاب<<يقصد مشاعل ليان:اذا كانت اعجاب لاتتسرع بس اذا
كان حب(تتنفس بعمق) نيــااالك نواف:كلامك حلو مثلك
ليان:لاتتميلح بعدين اعلم مشاعل ههههههههه
في الربع ساعه كانت ليان تصطنع الابتسامات وتزيفها بردود لمجرد انها ماتظهر لنواف انها تهتم فيه؟بس بينها وبين قلبها جرحها عميق ماله علاج غير نواف نفسه؟
انتهت الربع ساعه ونزل نواف من القارب :ليان جيبي ايدك لاتطيحين؟؟
ليان يوووو بيمسك ايدي فشله:كانت ترتجف وهو حس بارتجافها لما مسك يدها وكانت بتطيح بس مسكها من يدها الثانيه ونزلت لبر الامان وتلاقي عهود وغلا يغمزون لها <<فهمو غلط
عهود:ياعيني على الي يخطط
ليان بانزعاج:أي تخطيط ؟هو الي ركب القارب...انا ما قلت له اركب ...بعدين مسك يدي ..اناانا انحرجت(وتاخذ نفس عميق)
والتفتت تشوف وين نواف لقته يبتسم لها مافهمت ايش سر الابتسامه؟معقوله هو مال ناحيتها؟او تكون الابتسامه الاخويه الادايما يكلمها عنها؟؟ياربي ايش هاللخبطه؟ مشاري :بنات
بنات
يالله تعالو الشباب
بيركبون الخيول...سباق ..سباق؟؟
ليان:والله ان ركبت لأتصل على ابوي واعلمه عليك؟؟ وأخليه يتوطى في بطنك
(طارق اختار خيل اسود ومحمد نفس الشي وياسر ركب مع مشاري على خيل ابيض منقط بني ونواف ركب
خيل ابيض)
وكان معاهم مجموعه من الشباب
وبدى السباق بس مو بطلقة نار زي الافلام الكوبوي<<هههههههههه الصعيدي قال(وحده اتنيييييين وتللاتييه) البنات استجنو على نواف ؟؟منو هالمزيون؟منو هالمملوح؟؟ كأنه واحد من
قصص
الخيال مع اللطمه؟؟يااااي
روعه الي مسوي لطمه
وطبعا بيض وجه البنات وفاز بالمركز الثاني؟؟
مشاعل اول ما نزل نواف من الخيل:نوافي حبيبي مبروك الفوز؟؟تستاهل يالله ودني مطعم بس انا وانت بهالمناسبه؟؟
عهود:لالالا ايش يطلع وايخلينا ؟انتي استخفيتي؟بعدين هو ما مملك عليك؟بصفتك ايش تطلعين معاه؟اذا
خاطرك تطلعين روحي اطلعي مع الي كنتي نازله معاه من قدام بيتنا؟؟
نواف عصب وعيونه صارت حمر وبدون وعي او تفكير عقلاني عطى عهود كفففففف على وجهها قدام الكل؟؟
طارق:انت استجنيت تضرب اختك قدام العالم صل على النبي واركب سيارتك؟؟
مشاعل في خاطرها تتشفى وهي تناظر عهود تبكي بعمق وتقول احسن تستاهلين
نواف تضايق مرره انه ضرب اخته كف واحرج نفسه واخته ايش بيقولون الناس؟؟ نواف:عهود انا..انا..آآآآآآآآسف
عن جد آآآسف سامحيني والله ماكان قصدي
عهود ماتكلمت وركبت سيارة طارق الي تبرع انه يوصلها وركبت ليان وغلا معهم؟؟ طارق:معليش يا عهود
اعذريه هو شكله يحبها؟؟ وانتي غلطتي بحقها؟؟
عهود:اولا انا ماقلت شي غلط او تبليت عليها؟ثانيا ماكان له داعي يعطيني كف عشان وحده ماتسوى الله يسامحه؟؟ماسوى خير فيني؟انا تضربني يا نواف؟؟
طارق:لاحول ولا قوة آلا بالله ليان:مشكور يا طارق تعبناك معانا
طارق:تعبكم راحه بس مره ثانيه حلو نقاشاتكم في البيت ؟؟حرام خليتو الكل يتفرج عليكم وكأنه عرض؟؟
غلا:ايه والله عرض ولا فوتو شوب تخرجنا؟
عهود:هههههههههههههههه الله يرجك
غلا:ايه كذا اضحكي ؟الدنيا ماتسوى تبكين عشان واحد يعز عليك فقد اعصابه في لحظة غضب؟
طارق حس من كلامهم بحبهم لبعض واعجبه هذا الشي
عهود:آسفه يا طارق مدري ايش اقول لك
طارق:انتو ايش فيكم مكبرين الموضوع كلها توصيلة اعتبروني تكسي غلا:ماعندي فلوس يا تكسي طارق:ههههههههههه مو لازم الدفع عشان عيون عهود مجانا
عهود انحرجت وطارق حس انه احرجها؟؟<<ماكان يقصد غير انه يراضيها..
وصلو للبيت ونزلو كلهم بعد ماضاعو ودلو الطريق يعني المشوار بدل ما ياخذ ساعه اخذ ساعتيين؟؟......................................... ..............................

4 - 5 - 2013, 04:47 PM

الجزء الخامس الفصل الثاني

(مر شهر كامل بدون ماتكلم عهود اخوها نواف)
ياسر من يوم ماشاف غلا وهي تفحط في الدباب كانت داخله مزاجه وعاجبته مره خاصة لما خمست
بالدباب>>محترفه؟؟ وكان يتمنى لو يشوفها مره ثانيه؟؟ بس وين وكيف؟؟
ياسر:نواف؟؟
نواف بدون نفس:هلا
ياسر:متى ناوي تخطب مشاعل مايصير انك تشوفها ؟؟البنت سمعه؟؟ نواف:انا لو الود ودي كان خطبتها
اليوم قبل بكرا؟بس هي دايما تأجل مدري لييه؟؟ ياسر بينه وبين نفسه(تلاقيها متعرفه على واحد غيرك وانت ياغافلين لكم الله)؟؟ ياسر:آلا اقول ؟؟ نواف:سم؟
ياسر باحراج: ذيك البنت صديقة اختك؟؟ ....غلا؟؟بنت منو؟؟
نواف وهي يبتسم بخبث:ليه؟على ايش ناوي؟؟ ياسر:هااا؟؟ولا شي بس عجبتني اخلاقها؟؟
نواف:هي من ناحية الاخلاق ماعليها كلام؟بس من ناحية العقل؟؟مثلك ياسر:هههههههههههه (تكلم
بجديه:شنو تقصد) نواف:يعني هي خبله وانت خبل تزوجو وجيبو مجانيين؟؟ ياسر:هههههههههههههه
والله فكره؟؟
(رن جوال نواف والمكالمه كانت من مشاعل) نواف:الوو؟؟
مشاعل بصوت ذايب :والله واحشني موت اخاف بعدك امووت نواف:لا ما اقدر على هالكلام الحلووو
مشاعل:قلبي لو من حديد ذاب وانتا بعييد لو خسرتك حبيبي كيف احب من جديد
نواف منحرج لان ياسر قام يطالعه؟؟
العصله تكمل:والله مايسوى اعيش الدنيا دونك لا ولاتسوى حياتي بهالوجود دامك انت الي رحلت وكيف
بصبر عالبعاد وكيف بنثر هالورود نونو وحشتني ابي اشوفك الحين الحين؟؟
نواف:دقايق وانا قدام بيتكم مشاعل :لاتتأخر احبك قد ماقالو الناس للي يحبونهم احبك نواف:ههههههههه
وانا اكثر مشاعل:باااااااااااااااااااي نواف:باااااااااااااي ياقلبي
(ليان كانت بتزور صديقتها عهود مع غلا وهي نازله من السياره)
غلا:شوفي الي ماتستحي؟وين اهالها عنها؟ صحيح ماعندها حيا؟؟ ليان وهي حزينه:الشرها مهب عليها
الشرها على الي مرحب فيها وفاتح لها قلبه؟بس انشا الله بينصدم فيها وبذكرك يا غلا؟؟
مشاعل ركبت السياره وناظرت ليان من فوووق لين تحت ونواف كان في عالم مشاعل بس في خلال شهر استولت على قلبه )
ليان وغلا دخلو بيت عهود عهود:اهلييييييييين وسهلييييييين ومرحبتييييين
غلا:باقي تغنين النشيد الوطني عهود:هههههههههههه ليه ماتفصخون عباياتكم
ليان:انتي الي روحي والبسي عبايتك يالله بسرعه غلا:اليووم بنصيع صيااعه ؟؟ههههههههههه
ليان:شكلك مطوله وانا وغلا بزنس ومن مو فاضيين لك بسرعه بسرعه
عهود:احسبولي ثلاث دقايق البس واجيكم اوك (ركبو السياره وطولو على صوت المسجل(وكانت الاغنيه ياسلامي عليكم يالسعوديه) وانواع الرقص في السياره وقربو من مجمع الراشد والشباب ماتوو على البنات
الي في السياره ليان بطولها الحلوو وغلا بعيونها الخطافه وعهود بعبايتها المزركشه )
غلا:شوفيهم كيف يناظرونا كأنهم اول مره يشوفون بنات؟؟ عهود:تخيلي يشوفنا نواف ههههههههههه ايش بيسوي؟؟ غلا:بيذبحنا جماعي طبعا ما تحتاج سؤال؟؟
(واحد من الشباب اعترض طريقهم):وش ذا الذي عيني تشوفه؟؟ غلا:مخلووق فضائي؟؟اقول ضف وجهك
جبت لي قلق؟؟ الولد:افااااا؟بوسه من عندك حبيبي تسوى عندي الدنيا كلها؟؟ غلا:تبي بوسه صح؟؟
الولد مات استجن لما غلا قالت هالكلمه وليان خااافت
غلا تعال قررب:تفوووووووووووو عليك وعلى اصلك يالي ماتستحي عشنا وشفنا لكن مثل هالاشكال
ماكوو؟؟ قسم بالله ان ماوخرت لتوطى في بطنك بجزمتي يا نعااله
الولد انصرع وحط رجوله وشرد عهود:بصراحه اول ما دخلت المجمع خفت لكن بعد هالموقف ما اتوقع
اخاف ههههه ليان:الله شوفي ذيك البلوزه تشبه بلوزة نواف؟؟
كأن احد قال اسمي؟؟
ليان التفتت؟؟
نواف:ليان ايش تسوين هنا؟؟
عهود:عن اذنكم اذا فاارق نادوني انا بروح لزارا
غلا حست ان شكلها غلط ما بينهم؟؟:طيب عن اذنكم ؟؟ عهوود استنيني
نواف يضحك عليهم والتفت لليان: مو خاطرك في شي؟؟ ليان :وشو ؟؟
نواف طلع من يده بوكيه ورد احمررر جوري
ليان:عييييد ميلااااادي (دمعت عينها) نواف:أي عيد ميلادك ؟مسحي دموعك وتعالي للكوفي شوب الناس
قامت تطالعنا؟ (راحو لجوفريييز)
ليان:وين مشاعل؟؟
نواف: لاتجيبين طاريها؟؟
(يسترجع نواف ايش الي صار في السياره بينه وبين مشاعل)
مشاعل:نواف تعال ابيك في شغله؟؟
نواف قرب من مشاعل ما يدري ايش تبي فيه واول ما قررب ندم على كل لحظه ظيعها مع مشاعل الي
سوته ما يغتفر؟؟معقوله الجرأه فيها تخليها تسوي كذا؟
مشاعل:امووووووه (وتعض على شفاتها)حلو عطرك
نواف تضايق حس بتأنيب الضمير مشاعره تلخبطت؟كيف انا ما خطبتها وتبوسني بهالطريقه؟كيف انا
سمحت لنفسي اني اركبها سيارتي؟؟يالله صدقتي يا عهود؟؟
سرع بالسياره لبيت مشاعل وقال لها وهومعصب وندمان:من هاللحظه انا ما اعرفك ؟اعتبري علاقتنا الي
ماكان لها داعي من الاساس انها انتهت؟؟
مشاعل:كل هذا عشان بستنك؟؟لاني احبك؟؟ نواف:دامك بستيني وطلعتي معي بدون أي معارضه اكيد
سويتيها مع غيري ؟؟
وشخط بالسياره يدور قلبه ؟؟يدور الي كانت تحبه وضيعها من يده؟ نواف:الووو سلامه؟؟
سلامه:نأم بابا نواف؟؟
نواف:وين وصلت ليان؟؟
سلامه :في مجمع راشيييد؟؟
قفل السماعه في وجهه؟؟ سلامه حس باذلال وحلف ان لو نواف دق عليه مراح يرد؟؟>>عنده كرامه؟؟
ليان:افففففففففف نواف حرام عليك انت جايبني عشان تتأمل في المحل؟(صفقت) نواف نقززز
نواف:لو سمحت؟؟ كوفي وذاوت شوقور؟؟ ليان اطلبيلك شي؟؟ ليان:اورنج جوس؟اند ون تراميسو كيك؟؟
المكان كان فاضي ؟ورومنسي بالمره؟؟
جاب القرصون الطلبيه وقدمها لهم؟؟ ليان كانت مستغربه من تصرف نواف؟؟وماتدري ليه مشاعل مو معه ما تدري ايش السالفه؟؟
نواف:اكلي الكيكه؟؟والا اقول انا بكلها عنك(اخذ الشوكه واكل كيكة ليان) ليان تستعبط:كيييييييكتييي؟؟دب
نواف فرح لما ليان قالت له دب؟؟
نواف:يالله دورك اكلي الكيكه؟؟ والا تنقرفين تاكلين من بعدي؟؟ ليان :اشدعواا (واكلت الكيكه وكل هذا وهي متغطيه)
نواف كان يتأمل ليان وهي تقص الكيكه بكل ذرابه وتدخل الشوكه من تحت النقاب وتاكل وترجع الشووكه
وهو لسه يناظر وترها؟؟)
ليان:نواف اذا تبي تاكل الكيكه قول لي لايجيني مغص
نواف:عليك بالعافيه
ليان استحت:الله يعافيك
نواف ناظر ليان بكل شووق:خذني بيدي معك ابتدي آن الاوان انسى الي كان حتى لو طال الزمان لازم
اوصل للربيع قبل ما عمري يضيع
ليان:ههههههههههه سلامات نواف ايش فيك ؟بعلم مشاعل عليك؟؟
نواف نزل راسه ورفعه مره ثانيه وتغيرت ملامح وجهه للجديه:ليان لو قلت لك اني بديت احبك ؟؟ايش
بيكون ردك؟؟لاتستعجلين فكري
ليان انصدمت تمنت لو الارض انشقت وابتلعتها من الحيا(هذا الي كان يقول انتي مثل اختي) معقوله
تغير شعوره ناحيتها
نواف: ليان انا غلطت بحقك وبحق نفسي ؟؟......سكـــت فتره....
كنت ادري انك تحبيني؟؟بس سويت نفسي مو داري
لاتسأليني ليه ؟؟لاني نفسي ما اعرف؟انا ندمآآآآآآآآآآآآآآن على كل لحظه ظيعناها ليان:انت الي بيدك هدمت حبنا؟؟انت الي صديتني؟؟انت الي قلت اني مثل اختك؟؟ نواف:اعرف اني قلت ؟وكنت غلطان ؟؟وحاليا
ندمان ,ومستعد اسوي أي شي عشان اعوضك؟؟ليااااان؟انتي جنتي وناري انتي ليلي ونجمي انتي عمري
انت كل
شي في حياتي ارجووك لاتتخلين عني
ليان: انا ما ادري وش اقول؟؟انت فاجأتني؟فعلا فاجأتني .
........عم الصمت لفتره.........

ليان:ومشاعل؟؟خطيبتك وحبيبتك؟
نواف باصرار:مشاعل غلطه وانتهت من حياتي ؟؟صارت مجرد ماضي؟؟انتي يا ليان احلىى مستقبل؟؟انتي حلمي
ليان :نواف؟انا مو لعبه؟؟انت رفست النعمه الي قدامك ؟؟تخليت عني ولا سألت فيني؟؟لو ماقلت لي انك كنت تدري كان ارحم مليوون مره من الي انا بصير فيه؟؟كنت تدري وتجاهلتني؟؟ليه؟وبأي حق؟ انا اسف؟؟
(وتركت مكانها وطلعت من الكافيه وهي غرقانه في دموعها وهي تردد في نفسها:ممكن اسمح بأي شي آلا كرامتي يانواف)
غلا وعهود مازالو يتسوقون
غلا:اللللله شوفي هالبلوزه تجنن ؟
عهود تناظر في غلا وهي مستنكره:انتي صحيح ما عندك ذوق وين ليان عنك الي تقول اني لحجيه خلها
تجي وتشوف ذوقك
غلا:وش فيه ذوقي يجنن مثلي
عهود:حرام عليك ؟في احد يشتري لون اصفر
غلا:ايه ؟فيه؟
عهود:منو يا ذويقه؟؟
غلا رفعت كتوفها على فوق وهي تضحك بكل فخر:انــــا طبعا عهود:ههههههههههههه مداح نفسه يستاهل رفسه(ورفست غلا برجلها .وغلا ما قدرت تتماسك وفقدت توازنها وطاحت على رجال في الثلاثينات )
عهود:يوووووووووو؟(حطت رجلها وقالت بصوت واضح:انا ما اعرفك؟؟) غلا قامت من فوق الرجال المسكين الي ماتم ضلع وتكسر من جسمه وهي منحرجه) غلا:انت ما تشوف وين عيونك حول>>>>
المشكله ان هي الغلطانه؟؟ الرجال:وربي ما شفتك يا بنت الحلال ومتأسفين ؟؟>>>محترم على حظها غلا
:ايش يعني ما شفتني؟؟وقح بشكل؟نعنبو دارك ماتشوف؟؟لاتكون متعمد ؟ وربي لقطعك واا(تبي تكمل
وسحبتها عهود من يدها لمكان بعيد عن الرجال)
غلا:ليه قاطعتيني ؟؟العــن خيره
عهود:انتي اااخر مره اخذك معاي للسوق؟فضحتينا,فشلتينا,الرجال تعقد
غلا:احسسسسسسسسن خله يتعقد بنات الناس مو لعبه له ولأشكاله
عهود:الله يهديك بس؟وين عقلك؟؟هذا رجال وانتي مره يعني فيه حدود للتعامل غلا:هذي مشكلتنا ؟رسمنا
لنفسنا خطوط حمرا ومنعنا نفسنا اننا نتجاوزها؟واذا خالفنا القاعده يعتبرنا المجتمع قليلات ادب
عهود:ما فهمت؟؟
غلا:يعني الولد يغازل ويعاكس بنات خلق الله ويشوه ويخرب ويسوي كل شي؟؟
ولا احد يقول له كلمه ؟؟اما البنت بس تطلع للسوق تكلمو عليها؟ ماتحسين ظلم عهود:اقوول ؟؟مالي ومال
السياسه خلينا على جنب ترا مالي في هالكلام ؟؟موناقصه اضيع عمري في السجن
غلا:هههههههههههههههههههه غربلك الله عهود:بكلم ليون تأخرت ؟؟ (الوو ليان وينك؟؟)
ليان:انا في السياره اذا خلصتو تعالو بنتظركم؟؟ (وقفلت الخط في وجه عهود) عهود:يووووووو هذي استخبلت؟؟تقفل السماعه في وجهي؟؟انا عهود بنت الاصل والجود تقفل السماعه في وجهي؟؟اوريك يا ليوون
غلا:هههههههههههه هذا لانك حوطه هبيطه يقفلون على وجهك السماعه
عهود: اقول بس تعالي نركب السياره نسيتي نفسك انتي وليون الله ...خلني ساكته غلا:غصب عنك تسكتين
لان الدعوه اذا كانت مو زينه ترد لصاحبها
(ركبو السياره وطوول الطريق ليان ساكته)
عهود:الله يسامحك يا ليون تقفلين في وجهي السماعه وتخلين العصله غلووي تتطنز علي الله يسامحك و.
...و....(ليان سرحانه )
غلا:خخخخخخ اقول اسكتي البنت في عالم آخر
عهود:وين عالم آخرجنيه على غفله
غلا:هاهاهاهاها ضحكتيني
ليان بصوت خالي من أي شعور محدد:نواف اعترف لي بحبه
غلا ضربت على سدرها:هه؟والله احلفي
ناظرتها ليان بنظرة غموض:ليه احلف ؟انا اكذب يعني ؟؟ عهود:يقطع لسان الي يقول عنك كذاابه(وتناظر
غلا)
غلا:انتي حسابك بعدين ؟؟ليان ايش صار بالظبط؟؟ ليان:الي صار ليته ماصار؟لاني مدري وش القرار؟
؟اخاف احبه واندم واخاف اصده واندم؟؟اقول غالي؟؟شي يرد يقول هو ماعبرك؟؟اقول حبيته؟يزيد الصوت
ويقول هو ماحبك؟؟والله حرام انا ايش اسوي؟؟(وتصيح بحرقه وكأنها طفله صغيره )
وصلو ليان البيت وهي في حاله هستيريه من الي صار؟؟ وتطوعت غلا انها تنام معاها عشان تخفف من
الحزن الي فيها؟؟
غلا دخلت البيت وتفاجأت لما شافت نواف
نواف كان وااضح انه متردد عهود حاولت تصده بس ما قدرت انها تتحمل فراقه اكثر نواف:عهود
عهود ركضت ناحية نواف:نيـــــوف(ولمته بقووه عشان تنفس عن كل الي في قلبها من عتاب عليه
وشوق <<مشاعر متضاربه) نواف:عهود انا آسف بسوي كل الي تبينه بس سامحيني يالغلى كله ؟؟ عهود:خلاص لا تتكلم اصلا انا اول ما شفتك واقف قدام الباب وشكلك يكسر الخاطر سامحتك؟؟ آلا صحيح
بتحقق لي كل شي اطلبه اذا سامحتك؟؟
نواف:ههههههههههههه الله يرجك رجا مبرحا ؟؟
ام نواف:كلولولولولولولولولوولولولولولولش اخير تصالحتو ماصارت ؟؟ نواف:يمه جهزي عشاك مييت
مييت جوع.
عهود:وانت ماتهتم غير ببطنك ؟هـــامه<<حيوان ياكل كل الي قدامه لو قرطاس
ام نواف (فتحيه):خليه ياكل له شهر نظر عيني ما كل؟؟ عهود:خلاص كل عليك بالعافيه ؟؟بس وانت
تاكل انتبه لاتغص ؟؟ نواف:من هذي الناحيه انا ضامن اني بغص؟؟
ام نواف:بروح اجهز العشا لاتتناجرون مو ناقصه وجع راس ماهقيت على الله تتصالحون ؟؟الله يهديكم
(وراحت المطبخ وهي تدعي لهم بصوت مسموع)
نواف:ايش صار لليان؟انصدمت صح؟؟
عهود: ايه انصدمت؟؟مدري ايش الي اقلبك على مشاعل؟؟ نواف:انا كنت مخدوع فيها كنت اطالعها من
برى بس ماشفت ايش داخلها من شر عهود:انشا الله تكون ندمت لانك حقرتها من اول؟؟والحين جاي تبغاها تحييك وبالاحضان ؟؟ ليان عندها كرامتها يا نواف؟؟
نواف:يعني ايش اسوي يا عهود؟؟ابي اصلح غلطتي بس مو عارف كيف؟؟ عهود:انا اقووول لك (واستمر موضوع النقاش لين موعد العشاء وبعده)
امل راحت لبوها تبي فلوس عشان تشتري ساعه مثل ساعة ليان
امل حبت راس ابوها وفاجأت امها وابوها في نفس الوقت هدى(ام مشاري):اموول ,ايش طاري عليك
تبوسين راس ابووك؟؟مو عوايدك؟؟ امل:يعني حرام ابوس راس ابوي (هدى):هههههههههههلا حلال
بس انتي محرمته على نفسك؟؟
امل راحت جنب ابوها:يبه تبي كاس ماي شاي ؟؟عصير؟؟بيض أي شي؟؟
ابو مشاري يحك راسه :لا (وش طاري على هالبنت) مشاري:مصـــالح ,محد فاهمها غيري تلاقي تبي
تطلع او فلوس وحده من الثنتين خخخخخخخخ صادوه ويقرب منها شكووه
امل:انت لا تتدخل مو شغلك ملييييق ,يبه طلبتك قول تم؟؟ انا مالي غيرك يبه وانت اكيد تحبني ولا ترضى
احس اني اقل من غيري؟؟
مشاري يقلدها بصوت ناعم :ولا ترضى احس اني اقل من غيري ؟؟تتمسكن لين ما تتمكن؟؟
ابو مشاري :وانا كم اموووله عندي آآمري؟؟
امل:تسلم يا احلىىىى ابو في الكون مشاري:العن ابو الكذب؟؟ولا مسيلمه الكذاب ؟؟ الله اكبر (يحط يدينه
على راسه) امل تتجاهل كلام مشاري:يبه كل الي ابيه ساعه ماركه بس ؟؟(وتطالع وفي عيونها بصيص من الامل)
ابو مشاري:ههههههههههههه تامرين امر بس روحي سوي لي فنجان قهوه امل:من عيني اليمين قبل اليسار؟؟ (وهي طالعه من الصاله للمطبخ:مشاري مووت قهر فلفل حره حره)
فوق في غرفة ليان موجوده غلا تحاول انها تواسيها وتقنعها بان نواف فعلا بدى يحبها بس مافي فايده ليان
كانت متمسكه بقرارها ان تظل علاقتها بنواف مجرد علاقه اخويه بعيده عن خرابيط الحب على قولتها
ليان:هو الي علمني احب وعلمني كيف اكره بدون مايعرف ؟؟كيف ماكان يعرف آلا كان يعرف ويتلذذ ؟؟
غلا:تعوذي من الشيطان؟الله يهديك يا ليان مو هذا الي كنتي تبغينه ؟؟ايش الي غيرك؟؟
ليان:الدنيا تعلم وتغير ليان البسيطه الي حبت خلاص موو موجوده ونواف هو السبب غلا:يعني بتطلع لنا
ليان دراكولا ؟؟
ليان:هذا مو وقت ضحك ؟؟ دبه
غلا:اقول اتركي عنك الخزعبالات ؟؟
ليان :ايش يعني خزعبالات؟؟ غلا:مدري؟؟قلتها وبس؟؟سمعتها من احد ومااذكر منو على حظك يالمقرووده؟؟ ليان:يالله بطس انام تامرين بشي؟
غلا:بكرا ابي فطور من الناعوره؟
ليان:ذكرتيني ببنات عمي راحو الرياض وهم مهمومين.. غلا:الي صار صار ما نقدر نغير من الواقع
شي؟؟ ومابقى في العمر اكثر مامضى يالله بطووس انام يا دبه؟؟
ليان:اخمدي خمدة جدي انشا الله ماتقوومين ههههههههههه امزح امزح غلا:الحقران يقطع المصراان
في اليوم الثاني مشاري كان ناوي على سلامه اقرو ايش صااار مشاري:والله لوريه نجوم الليل في النهار
واقلبه راس على رجل واخليه يبووس رجلي المخلله ؟؟
زيدان: يعني ايش بتسوي فيهنعلقه من رجله على المروحه؟؟ غشمشم:لالالانحط له صمغ وديتول
وملمع قزاز وعلبة مكياج امي في سريره؟؟ مشاري:افكاركم تدل على مراهقه متأخره انتبهو على نفسكم
؟؟<<خايف عليهم زيدان:طيب قول لنا ايش بتسوييله يالطيب؟؟
مشاري قعد وحط رجل على رجل:كل الي بسووووووويه................
سلامه كان نايم في سبحانيته؟؟احلامه في الهند مع زوجته ام ريحه والحاله لله؟؟ وقاام على صووت
عاااااااااااااالي صوت موسيقى روك اند رووول قعد يخابط في غرفته مو فاهم شالسالفه والصوت كل
ماله يقوى ويقوى؟؟ واخيرا اغمى عليه؟؟
زيدان:مششششششاري؟؟هذا كأنه مات ياويلي ويلاااه؟؟
مشاري يسمع دقات قلبه:لامامات في نبض في قلبه؟؟ غشمشم :يمكن في غيبوبه(من البارحه ياناس
عايش في غيبوبه من صادمتي لليوم مو قادر اتكلم)
مشاري:فااااااااااااااااااضي وسخيييييييييييف وبااااااايخ غشمشم طلع زعلان وريحته زادت عن حدها؟؟الله
يعين هله؟؟ زيدان:مابي ارووح الاحداث تهئ تهئ تهئ
مشاري :أي احداث انت افففففف خل منك فايده وجيب كلونيا؟؟<<<ذكي
بس حطو الكلينكس المعطر بالكلونيا وسلامه فزززز سلامه:ايييييس تبين مشاري:ههههههههههههههههههخخخخخخخخخاااي الاخ فقد ذاكرته احسن زيدان:بس خلنا نطلع نروح نلعب كوره
حاس ان راسي بينفجر من سواقكم مشاري:سلامه,تفوووو عليك ههههههههههههه
سلامه مسح التفله وهو حاس بالاذلال مشاري:غشمشم طلع مهب كفوو طلع على طوول لكن هين يا
غشوووم يا كلب زيدان:بقول لك شي مهم؟؟غشمشم العن من سلامه يعني سلامه زين منه قام من غيبوبته
لكن غشمشم بيمووت على طول ؟ <<<محلل سياسي
مشاري:اوك بسمع كلامك بس لاتقول لي كلمه ولا ابي اجابل خشته؟؟ريحته ياخي تلوع كبدي انا كنت
متحمله واجامله بس الحين طاح الفاس في الراس؟؟ .................................................. .....................................
.بو مشاري:ليان ؟؟
ليان:هلا يبه؟؟
ابو مشاري:الخير بوجهك؟بنات عمك معزمين يجون بعد اسبوع ابيك تجهزين كل شي هالمره بنستقبلهم
في مزرعتنا؟؟
ليان طاارت من الفرحه:والله يبه اخيرا بشوفهم؟انت تامر امر انا بحطهم في عيوني ؟
وانا من لي غيرهم
ابو مشاري :الله لا يحرمكم من بعض؟؟ بقوول لك شي؟
ليان:سم يبه؟؟
ابو مشاري:سم الله عدوك يا بنتي؟؟طارق ولد عمتك؟؟ خطب عهود بنت خالتك فتحيه
ليان:الله شو هاي الخبريه لك يبعتلي حمى على هيك خبريااات
ابو مشاري: ههههههههههه الفال لك يا بنتي ليان:يعني تبي الفكه مني صح >>>تتدلع
ابو مشاري:يا بنتي ؟البنت مالها غير ريلها؟وانا لو علي حنطيتك في البيت لكن ما باليد حيله ؟
ليان:ههههههههههههه يبه يعني ماتبي الفكه مني ؟خلاص بتزوج عشان تحسون بقيمتي؟؟
امل داخله عرض كعادتها:الساعه المباركه الي بنفتك منك؟ ليان:افففففففف بقوم قبل لايرتفع ضغطي؟؟
(يـــــــــوم الاستراحه)
ليان:اهلاااااااااا سارونه وريوووم لكم وحشه ساره:وانتي اكثر ؟شخبارك انتي وعهود وغلوي الدبه؟؟
غلا:انا تماام وعهود من درت عن سالفة خطبتها وهي منحرجه ليان:غلا بكبرها فضيحه ماعندها شي اسمه سر؟؟ماتعترف فيه؟؟ غلا:اقول لا يكثر ؟؟شخبارك يالقمر ريووم انتي وسارا؟ سارا:بشوفتكم اكيد بصحه وعافيه؟؟ مريم:فرحااااااااانين بشوفتكم اكييييد
عهود قافله الباب عليها ومو راضيه تفتح الباب مستحيه وبيني وبينكم فرحااانه ليان:عهود افتحي الباب فشلتينا؟؟ايش بيقولون الناس؟؟
عهود:منحرجه حدي كيف بقابلهم؟
فتحت الباب؟؟عهود:ليوون الحقيني بطيييييير من الفرح مو مصدقه ان ذاك المزيون خطبني؟؟(سارا سمعت
كل الحوار الي دار بينهم)
سارا:الوووو طرووق الحق الحق طارق:وشو خرعتيني؟؟
سارا:البنت متولعه فيك اكثر ما انت متولع فيها
طارق وهو طاير وحاير خابف تكون سارا تلعب في اعصابه:واللللللللللله سارا: من قدك يا عم وطلعو لك
معجبات الله يهنيكم ما وصيك؟؟ يالله باي
طارق من الفرحه نسا يروح مجلس الرجال وراح مجلس الحريم على باله هذا هو الطريق وفتح الباب آلا
عهود بوجهه ابتسم لها وهي احمررررت من الخجل
طارق:انتي لي ؟ولا راح ارضى لاي احد يخطفك مني؟؟(عهود وجهها صار اشارة مرور انحرجت
ودخلت داخل ))
طارق:ياحلوها تجنن أي نانسي أي هيفاء انا عفتهم بعد عهود يا قلبي يا عهود متى بنتزوج<<<متخررع
كل الناس الي في الصاله لما دخلت عهود لولشووو من الفرحه. غلا:ياخطيير انتا يالي بتتزوج من قدك ؟؟
عهود تناظر غلا يعني اسكتي
مشاري لما عرف ان عهود بتنخطب (مو رسمي بس متداول)درعم على الحريم مشاري:انا الي ابي
اتزوجك مو ولد عمي ؟؟
امل تستغل الفرصه عشان تبرد حرتها في مشاري الي صار لها سنين متكدسه:انت هيييييييييه استح على
وجهك تدرعم على الحريم بدون احم ولا دستور بعدين توك صغير يالله لك الحمد حتى اليهال قامو
يحبون؟؟
ليان:حبيبي مش مش عهود مثل اختك اذا كبرت فكر بالزواج مو وعمرك8سنين مشاري عينه دمعت
طلع من الاستراحه نهائيا؟؟
مشاري صار له اربع ساعات وماله اثر وقررب موعد الغدا؟؟وهو لسه ماجيه؟ غلا:مشاري مسكين
وينه لسه ماجيه ؟؟
ليان ماتحملت الوضع راحت لبوها وهي تصيح وشافت نواف ينزل حاجياته من السياره ولازم
تعبر شارع المواقف عشان تدخل للديوانيه الي فيها ابوها<<<يعني كذا والا كذا نواف بيشوفها))
نواف فرح لما شاف ليان وهي حاولت تتهرب منه خاف يقرب منها وتبتعد عنه داس على قلبه وتجاهلها؟؟
ليان وهي تصيح:يبه مشاري مختفي له اربع ساعات؟؟
ابو مشاري:تعوذي من الشيطان وصلي على النبي؟؟
غلا راحت مع ليان ما قدرت تترك صديقتها؟؟ ياسر حضرته كان توه داخل للاستراحه متأخر وشاف
حبيبة القلب غلا الولد تجمد مكانه؟؟
المشكله ان غلا كانت لابسه الطرحه وبنطلون جينز وتيشيرت رمادي فيه زخرفه فضيه ؟؟ وشعرها مموج طبيعي وكانت بعدها ما لبست الطرحه شافها ياسر وياليته ماشلفها البنت انكسفت منه <<<تحبه
ياسر عشان يبعد الحرج عن غلا ناظر الارض<<<كذاااب كان يناظرها من تحت لين تحت
ياسر:غلا ماشا الله عليك حلووه ه ه ه ه ه<<<قام يخربط ويتلعثم غلا:عيونك الحلوه<<<<<بدورها
قامت تخربط
ياسر:لا انتي احلىى
غلا بكل ثقه:اصلا الحلى مبتليني من راسي لين اخمص قدمي ههههه ياسر:انا كنت ملاحظ بس ما حبيت
اقول لك خفت تقولين عيوني حاره
غلا:لا ابدا عادي اتقبل أي انتقاد بكل ثقه لاني انسانه واثقه من نفسي وماينتقدك آلا الي يكون محتر منك ؟؟<<<<كل الناس ينتقدونها فترقع
ياسر:احب البنت الواثقه من نفسها؟؟(سرح في بحر الخيال:تخيل نفسه يجلس على ركبته في العشب
بالثوب والقتره ويوقول لها هل تقبلين بي زوجا لك وطبعا بيده خاتم)
غلا تخيلته يبوسها على شفايفها وكااانت مسبهه وهي تطالعه؟؟
ليان وهي راجعه من الديوانيه لقت ياسر يناظر في غلا وغلا تناظر في ياسر وكان شكلهم غريب هي
كانت ساكته وهو ساكت اممممم شفيهم
ليان:غلوووي لقو مش مش تدرين وين

المواضيع المتشابهه لموضوع: رواية احاول اخفي احساسي ولكن بالعشق مفضوح لموضوع: رواية احاول اخفي احساسي ولكن بالعشق مفضوح
الموضوع	كاتب الموضوع	المنتدى	مشاركات	آخر مشاركة
حاول خفي احساسي لكن بالعشق مفضوح	روحي معك	همس موبايلات الاندرويد	5	9 - 4 - 2019 07:58 AM
احاول اخفي	شمعة حب	همس الشعر والقوافي	10	8 - 3 - 2014 12:04 AM
احاول ابتسم وانسى ولكن وش ينسيني	إنكسآر ♪`	همس المواضيع العامة	3	21 - 4 - 2013 07:54 PM
صور للماسنجرومازلت احاول اخفي ملامحي الشاحبه تلك	الحب ياسمين	همس للمسنجر توبيكات وثيمات والصور	4	4 - 3 - 2012 01:24 PM
احاول بتسم و نسى ولكن وش ينسيني	گـےـلآسيگےـيـہ	همس الشعر والقوافي	4	27 - 10 - 2011 06:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية احاول اخفي احساسي ولكن بالعشق مفضوح

همس للقصص وحكايات وروايات