بس قبلها نتبل الدجاج وبسم الله نبداء :
اول شي هاذي مقادير 4 اشخاص جبت 4 صدور دجاج وقطعته صغير وتبلتو وحطيتو في الثلاجه والتتبيله هي:
3فصوص ثوم مدقوق - وملعقتين خل ابيض - و4 ملاعق ليمون - ورشة ملح ورشة فلفل ابيض او اسود براحتك
حطيتهم على بعض وفي الثلاجه لمدة ساعه او اكثر براحتك كمان على فكره هاذي التتبيله هي حقت الشاورما
وخلصنا من التتبيله نروح للعجينة وهي طريقة مدام شيرين بس انا دبلت المقادير وهي:
6 اكواب دقيق - ملعقتين اكل حليب بودرة - 3ملاعق خميرة فورية - ملعقتين سكر - 4ملاعق اكل زيت
ملعقة صغيرة ملح - تعجن بالمووية 3 اكواب وبالتدريج لانو ممكن تاخذ اقل
وتعجني العجينه وتكوريها تقريبا 10 كور تطلع معاكي بحجم اليوسفي وتخليها تخمر من رنص ساعه لساعتين
ونرجع للعجينه نفردها ونحطها على طاوة او صاج ممسوحه بالزيت ونسويها على الجيهتين
خرجت الدجاج من الثلاجه وحطيتو على الطاوة مع مويتو وخليتو الين يستوي وبقيت شوية موية راح تلاحظي الريحه
زي ريحة الشاورمة بالضضضضضضضضبط بس لونها ابيض طبعا ولاتضيفي لازيت ولاشي
نحضر الصلصة الحمرا عبارة عن 3 حبات طماطم مفرومه
حبة ماجي
ملعقتين صلصة وبسسسسسسسس
نحطها على النار ونخليها الين تغلي ويذوب الماجي
نقلي بطاطس اصابع ونخليه على جنب
وبعد مانخلص ناخد خبز على حسب ماتبغي انا اخذت 5 وقطعتها مربعات كاول طبقه في الصحن
وبعدين وزعت فوق الدجاج مع المرقة وبعدين جيهه حطيت 2زبادي وجيهه حطيت الصلصة وجيهه حطيت البطاطس
وبالهنا والعافية
عضويتي
العرض العادي
