سجل دخولك للمنتدى ببيت شعر يعجبك - الصفحة 383

31 - 1 - 2018, 05:00 PM

خذني من الناس وادخلني وسط صدرك
لاتخلي البعد ياتي بيني وبينك

31 - 1 - 2018, 05:24 PM

ما عاد يغريني اللي كان يغريني
الظاهر إني كبرت أكثر من اللازم

1 - 2 - 2018, 06:50 PM

أشتقت لك واللي خلق [ حلو الإحساس ]
يامشغل قلبي و [ روحي ] وعيني
[حبي لك أكبر من هوى الناس للناس]
تبعد .. تقرب .. أنت موجود [ فيني ]
أنت الحبيب اللي على العين والرآس ..
قربك هوى قلبي وأحلى سنيني

1 - 2 - 2018, 07:18 PM

اعذر لساني اليا تلعثم بالكلام
وماعرف ينطق احـبـك
اعذر بعد كلمة احـبـك لو تموت
ما بين صمتي والسكوت

1 - 2 - 2018, 08:49 PM

على ذاك المكان الي شعور العاطفة لفه
اجي مشتاق له عطر على ثوبك ترشينة
بلهفة عاشق انتظرك يجيبك هالبخت صدفه
واقول لخاطري يمكن يجي يوم وتمرينه

نبضي

2 - 2 - 2018, 02:55 AM

اللي سرى ما قال تصبح على خير
الله درى عقب الزعل عن صباحه

مدري لقى عن ذنب الاحباب تكفير
والا لقى في بُعد الاحباب راحه

2 - 2 - 2018, 07:21 AM

بعض الغلا ما منه غير المضره
لي صار خلك بالهوى ما يشاطرك
اليوم لا تعتب علي وتشره
كأني بليا قصد حسيت خاطرك

2 - 2 - 2018, 08:19 AM

خاوا جروحه وخلاها على ربه
ذي آخر أخبار قلبي يا مشاويري

كله ذهول وهبوب الغبنه تهبه
مغبون وعتابه اصدق من معاذيري

القلب مركب سهروالريح تلعبه
والموج ما يرحم ذنوبي وتقصيري

والحب غبه ورى غبه ورى غبه
فقدت فيها ثلاث ارباع تفكيري

مرات اقول الخطا مني وانا السبه
ومرات اقول السبب قسوة مقاديري

واعيني اللي تهل الدمع وتصبه
على فراق سرق فرحة تباشيري

2 - 2 - 2018, 03:52 PM

ياشينها لاصرت مخلص وخانوك
كم ضاقت الدنيا الوسيعه بعيني

لابو الهـوى ولابو الليالي ولابوك
ولابو الوفا لاصار يلوي يميني..!!

2 - 2 - 2018, 05:20 PM

تخطي وادور من غلاتك معاذير
واضحك وانا اللي غارق(ن) في دموعي
كل الجروح الماضيه دون تفسير
عشتك عذاب بكل صنفٍ ونوعي
الحب ماله قيمةٍ دون تقدير
مانت الذي راضي بحبي وقنوعي
يا صاحبي فراق هوانا عن الغير
انا الوحيد اللي مشالك بطوعي
ليتك تسائل ليه حبي بتبذير
وليه انحني لك دايم(ن)لك خضوعي
اما نتفاهم ولا قلنا مقادير
ما يستمر شوقٍ وحب وقطوعي

المواضيع المتشابهه لموضوع: سجل دخولك للمنتدى ببيت شعر يعجبك لموضوع: سجل دخولك للمنتدى ببيت شعر يعجبك
الموضوع	كاتب الموضوع	المنتدى	مشاركات	آخر مشاركة
عندما يعجبك قلم عضو في طرحه وفكره	سجات التهاويل	همس للنقاش والحوار الجاد	3	6 - 2 - 2015 11:02 PM
بجاهك دعيتك يا الهي ولي طلب	جروح الم	همس الشعر والقوافي	6	13 - 9 - 2014 05:24 PM
يانجم السماء كم دعيتك	ملك الود	همس الشعر والقوافي	4	11 - 7 - 2014 04:51 PM
سجل حضورك بزي رجالي يعجبك	اخفي غلاك	همس عالم ادم ازياء الرجل عالم الرجل العصري	13	5 - 2 - 2013 07:28 AM
سجل نورك با كاركتير يعجبك	امر تدلل #	همس للاخبار الفنية العربية والعالمية وصور المشاهير	6	13 - 8 - 2012 08:16 PM

الذين يشاهدون محتوى الموضوع الآن : 10 ( الأعضاء 0 والزوار 10)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع