عبر عن حالتك النفسيه ببيت من الشعر

26 - 12 - 2014, 05:04 PM

ما دام طعت الوقت فيني
واقفيت
تحمل اللي يجيك لا جيت تايب

26 - 12 - 2014, 05:05 PM

هــذا الــزمــن حــاكم وأنــا
فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟

1 - 1 - 2015, 10:45 PM

مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة

قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

1 - 1 - 2015, 10:45 PM

قال : أنا ب أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

1 - 1 - 2015, 10:46 PM

من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي

1 - 1 - 2015, 10:46 PM

عني كذا يا أم الوفا والمحبه
كذا المحبة والوفاء ياوفيه
أغيب عنك أيام ولا أتنبّه
إلا وانا أشوفك زعلتي عليه
وش زعلك ؟ وش هز قلبك وشبه ؟
يعني عشاني غبت صارت قضيه !

1 - 1 - 2015, 10:46 PM

ياام القوام اللي من أدناه هبه
يميل كن الخيزران أدميه
وأم الجديل اللي من يخاف ربه
يذكر عليه الله ويذكر نبيه
إن كنت مخطي فالخطا مايجبه
إلا العذر وانا اعترف بالخطيه
وهذي بعد من فوق الأعذار حبه
لا تزعلين الله يخليك ليا

1 - 1 - 2015, 10:47 PM

يا بشر تكفون حلّو عن سمايه
ما يصيب الهرج لو الهرج صوبي

كم سكت لكم بما فيه الكفاية
اشتموني لو زعلتوا واشمتوا بي

1 - 1 - 2015, 10:47 PM

عيبوني واتركوني في عمايه
واتركوا لي واحد يرضى عيوبي

اتركوا لي واحد يمسح شقايه
كل ما حط الزمن دوبه و دوبي

ذاك والله لو ذكرت انه ورايه
اشعر إن الكون كله وسط ثوبي

يكفي انه لو يسولف للمرايه
كن صوته يهمس ل صورته.. ذوبي

1 - 1 - 2015, 10:48 PM

وكل ما قال الخطا ماهو خطايه
قلت له قل للعيون السود توبي

ضيعتني واسأل الله الهداية
وين أجيب العقل.. أجيبه من جيوبي

من يعرفك ما يدل العقل راية
يا شروق العمر.. مدري يا غروبي

أذكر انك كنت لي مثل الهواية
لو تروح ولو تجي يبقى شحوبي

المواضيع المتشابهه لموضوع: عبر عن حالتك النفسيه ببيت من الشعر لموضوع: عبر عن حالتك النفسيه ببيت من الشعر
الموضوع	كاتب الموضوع	المنتدى	مشاركات	آخر مشاركة
عبر عن حالتك النفسيه ببيت من الشعر	همسه الشوق	همس الشعر والقوافي	731	يوم أمس 08:54 PM
احذر عادات تستنزف حالتك النفسيه	عادل ابن الرافدين	تطوير الذات والبرمجه اللغويه العصبيه	7	22 - 4 - 2021 11:28 AM
لسانك مؤشر حالتك الصحية	نظرة عين	همس للطب والصحه	8	19 - 2 - 2015 08:45 PM
سجل حالتك بالمسن	●∫قْلبهآإ مغ‘َـرِورْ !	همس للمسنجر توبيكات وثيمات والصور	205	19 - 2 - 2014 08:15 PM
كوب يعبر عن حالتك المزاجية	تالا**	همس للصور والغرائب	11	21 - 3 - 2012 04:00 AM

الذين يشاهدون محتوى الموضوع الآن : 21 ( الأعضاء 0 والزوار 21)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عبر عن حالتك النفسيه ببيت من الشعر

همس الشعر والقوافي