وحده تقول انا تزوجت ولد عمتي اللي احبه و يحبني من قبل و عشت معاه احلى شهر و نص كان يصبحني ع ورد و يمسيني ع هديه
كان رافعني فووووق اي شيء ابيه يشتريه لي يعرف ايش ابغى و ايش ما ابغى ايش احب و ايش اكره
يجيب الشي قبل ما اطلبه كان ع قولتهم فارس احلام كل بنت
لما جاء ذاك اليوم اللي كان اخر يوم شفته فيه كنا نلعب { كيرم }انا وياه جاء هو و قرب مني و قرصني و انا احاول اضربه و غلطت و سويت نفسي زعلانه
قمت و رفست القطع وهو يضحك و انا ماده البوز و زعلانه و اقوله :ليه تسوي كذا شفت ضيعت علي الحمراء كنت اتصنع الزعل و يا ليتني ما تصنعته هو مسك ضحكته و قرب مني يراضيني و انا كنت اتغلى عليه مسويه زعلانه مع ان الموضوع ما يستاهل الزعل قام فجأة و دخل الغرفة قلت كالعاده رايح يجيب ورده يراضيني فيها
لكن استغربت لما شفته طالع وهو ﻻبس الثوب و بيده جواله يطالع فيه رفع راسه لي وهو يبتسم : فلانه انا بنزل تحت ادخن و ارجع قرب مني و باس خدي وهو يقول انتبهي ع نفسك يا عمري يلا مع السلامه ،انا دفيته و قلت استهبل معاه : روحه بلا رجعه ..! قلتها و بكيت عليها دم قلتها استهبل و فقدتني اغلى شيء يا يا ليتني ما قلتها الله يلعن الكيرم اللي ضيع مني اغلى شيء هو ضحك و خربط شعري و طلع خمس دقايق و وصلني مسج ( حياتي انا رايح اجيب لك العقد اللي ازعجتيني فيه تبينه بس تكفين ﻻ يطول زعلك ) ابتسمت ع مسجه و قمت اجهز نفسي لزوجي ، ساعه ساعتين ثلاث ساعات قلبي طاح فلان ﻻ اتصال وﻻ مسج وﻻ فيه خبر عنه تذكرت. دعوتي عليه
و موت نفسي صياح قمت زي المجنونة ادور بالشقه
دقيت ع كل اهله دقيت ع اهلي دقيت ع الجيران يمكن احد شافه والله العظيم حتى هندي البقاله اللي يروح له زوجي دقيت عليه لكن ما لقيت رد صرت زي المجنونة كسرت التحف كسرت الاغراض لما اندق الجرس و رحت له اجري فتحته بدون ما اشوف مين لقيت اخوي قدامي متلثم و عيونه دمعانه قلت انا و قلبي حاس ان في شيء و دموعي ع خدي : فلان وين فلان ما جاء اخوي ضمني بقوة و انا انهرت ع كتفه ضربت صدره و انا اصرخ و احاول ابعد عنه : وين زوجي وين زوجي يا فلان وييينه قال لي وهو يشهق : ادعي له بالرحمه هو عند ربي
دخلت بعدها بغيبوبه 4 ايام صحيت وانا والله حاسه اني بموت خاصة بعد ما دريت اني حامل
#لحد يدعي .. حتى لو مزح '
#لحد يدعي ع غآلي
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
عضويتي
قصه اليمه حد الوجع 
العرض العادي
