العام انا جيـت المدينـه فالخريـف=واليـوم انـا لــولاك ماطبيتـهـا
العيـش فالباديـه مالـه وصـيـف=عـزة جـدودي وانــا عزيتـهـا
قالت ترى من العيش واللبس النظيف=تلقـاه وسـط الـمـدن لاجيتـهـا
الباديـه مابهـا راحــه وكـيـف=لوعشـت فيهـا شـهـر مليتـهـا
قلـت المدينـه بهـا عالـم لفيـف=مـن كـل وادي عصـا صفيتـهـا
ابغى صديق بهـم وابغـى سعيـف=يصلوا فـروض انـا قـد صليتهـا
قالت ترى منطقك منطـق سخيـف=النـاس ياابـن الحـلال اذيتـهـا
لما تجي لهم بااسلوب (ن) مخيـف=تمـوت اعصابهـم ثـم احييتـهـا
فقلت مـن خبـرك عنـي عنيـف=اليـوم نبـرة زعــل حسيتـهـا
ماجيت محتـاج متسـول ضعيـف=جيت اخطب اللي سحرني صيتهـا
هدت وقالـت بالاسلـوب اللطيـف=عندي ملابـس لـك انـا اتنقيتهـا
تقابـل النـاس بالشكـل الظريـف=مـلابـس الـبـاديـه ذبيـتـهـا
فقلـت مانلبـس الثـوب الخفيـف=محـارم الهـنـد لــك رديتـهـا
ماتصلح الا على الجسـم التريـف=وشـونـة الـبــدو ماخليـتـهـا
قالـت اتمشيـت معنـا ياالوليـف=وضيفـتـك عنـدنـا ماانهيتـهـا
معوده نفسك علـى قطعـة رغيـف=لوكـنـت بالجـنـه اتمنيـتـهـا
فقلت فـي بيتكـم ماشفـت ضيـف=وكلـمـة المرحـبـا مااوحيتـهـا
والتمشيه من رصيف الى رصيـف=وقـهـوة الـبـن لا مااتقهويتـهـا
عضويتي
العرض العادي
