|
انشد نجوم الليل عن ساهر الليل
 
إنشد ليال الشوق وإنشد قمرها
وانشد نجوم الليل عن ساهر الليل
عن حالته في غيبتك وش خبرها
تلقى جوابٍ(عاشقك يشكي الويل)
عاف الحياه ابغيبتك واعتبرها
هم وشقا واحزان قلب وبهاذيل
ابكيت عينه بالهجر يانظرها
لاشوفةٍ حصلت ولابه مراسيل
طوّلت هالغيبه وطوّل سهرها
وانت الذي عاهدتها بالمواصيل
أبكيتها والدمع ملحه دمرها
وسمه على خده كما جرة السيل
واهل النمايم عاشقك ماقدرها
من يمنع اللي ينقل القال والقيل
خل المغيبه تنتهي واختصرها
وارجع ترى المشتاق مشتاق لك حيل
الموضوع الأصلي :
انشد نجوم الليل عن ساهر الليل || الكاتب :
الصافي || المصدر :
شبكة همس الشوق | 
عضويتي
]
العرض العادي
