دخيلك يمـه لي رجوة مدامك قادرة تكفين . . ابي لي لعبة يَ يمه تكون الصادقة بَ عيني !!
السلـآم عليكم . .
كلمات اعجبتني . .
فأحببت ان تشاركوني فيها . .
يجينا الفرج بكرا.. يا بنتي بس لا تبكين
................. انا ما استحمل دموعك .. وهمساتك تبكيني
نشف دمعي على خدي يا بنتي من ثلاث اسنين
................. وصارت كل آلامي تعيش وتلتحم فيني
يا بنتي احبسي دمعك دخيلك اكتميه الحين
................. حرام الدمعة في عينك تعانق ماضي سنيني
اشوف الدنيا بعيونك .. واشوف الفرحة بك يا زين
................. وانا مالي سواك إنتِ .. وإنتِ شمعة تضويني
علام الهم في قلبك .. يابنتي ليه ما تحكين
................. ابيك تكسري همك وانا امك قولي حاكيني
يايمـه حالتي صعبة انا.. والفقر صرنا اخوين
................. اعيش بظلمة همومي والاقي الهم يكويني
معاقة يمه من صغري .. معاقة تشتكي حق مين
................. مدام ان البشر تنظر لحالي بعطف يعميني
اناظر هالبشر واسال ..انا وش موقعي الحيــن؟؟
................. وش اللي يميز الأعمى عن اللي شوفهم زيني
فقيرة حظ يا يمـه وحالي تعمي العينين
................. من اللي يعشق ويهوى معاقة حظها شيني
سألتيني وش اتمنى يايمه منيتي شيين
................. يكون الفرح اولهم بعدها تعيش رجليني
انا ودي ومنا عيني يكون لجسمي بس رجلين
................. تساعدني على برك .. وبرك غايتي وديني
يا ليت الناس ترحمني وترحم حالة المسكين
................. ولا تجلس تناظرلي بنظره تجرح سنيني
تلاقين الفرح مظلم ونور الحزن وسط العين
................. وألاقي الهم والحسرة وسمها الوقت بجبيني
معاقة يمه قولي لي علامك ساكتة تبكين
................. كلامي ازعجك ادري .. وادري الدمع يشكيني
دخيلك يمـه لي رجوةمدامك قادره تكفين
................. ابي لي لعبة يا يمه تكون الصادقة بعيني !!
طلبتك يمه هاتي لي عروسة مالها رجلين
.. وابيها تكون في كرسي .. ( معاقة ) مثلي ترثيني؟؟ :cry_1: 
او 
لمشاركة اصدقائك!
عضويتي
]
العرض العادي
