روايه ودك تنامين نامي

30 - 3 - 2014, 10:49 PM

(( شقة سعود ودلع ))( الساعة 2 الظهر )دلع كانت كاشخة ع الآخر ومستعدة عشان تنفذ الخطة اللي قالت لها عنها نسايم قبل كم يوم ..يمنعاخذت الصحن وودته لغرفة الطعام ... حطته على الطاولة قدام سعود اللي ابتسم يوم شافها ....يمنعسعود : وش هالحلوووو ...؟؟دلع ابتسمت وقعدت قدامه على الطاولة : شلون دوامك اليوم ...؟؟يمنعسعود : بخير ... ما عدى القرررف والحر والكتمة ... انا بخير...دلع : أي والله الجو صار ما ينطاق ...يمنعسعود : أبشرك ... عندي إجازة بعد اسبوعين ...يمنعدلع استانست : والله ..؟؟ وناااسه .. !!سعود ابتسمت يوم شافها فرحانة : تسلم لي الضحكة ...!! فرحيني معك ..يمنعدلع تسوي انها تتذكر : واااااااااو يا سعووووود ... اسكت لا تذكرني .. شفت جارنا العسكري اللي قلت لك عليه ...سعود طالعها بنظرة مستغرب .....دلع : هذاك اللي اخذت منه الزيت هذيك المرة ...يمنعسعود وهو يكمل أكل : طيب ...يمنعدلع شقت الحلق " بنذبح اليوووم ..! " : اليوم دق الباب وانا فتحت ...يمنعسعود والوضع ايزي : طيب و ايش كان يبغى ...؟؟دلع : كان يقول .. يبغى شوية سكر من يدي الحلوين ... شرايك..؟؟ بالله عليك كلامه ما يخقق ....؟؟!!سعود طالعها وبعدين رجع كمل اكل وهو مو معطيها وجه : ما قال شي غلط ..دلع " ما قال شي غلط...!؟!؟!؟!!؟ كل هذا وما قال...!؟!؟! اجل متى يكون اللي يقوله غلط ...؟؟؟ لما يقول تتزوجيني مثلا....؟!؟!؟ " : ا...أ .. أي صح .. وقال لي تتزوجيني؟؟سعود قام من على السفرة : كانت قلتيله انك متزوجة .. وانتهى الموضوع .. !!!تركها ودخل الغرفة عشان يتروش وينام شوي ... وتركها منقهرة منه ع الآخر ....يمنعدلع " هذا من جده ولا يستهبل ..؟؟ بالله عليه احد يرضى يجي واحد يقول لزوجته كذا........!؟!؟!؟ صدق انا ماني عارفة وش اسوي معاه ....!!! انا اوريك يا نسايم انتي وخططك الفاشلة ....!!! "قامت ودخلت الغرفة وشافته بالحمام ... اخذت التليفون ودقت على نسايم ...يمنعنسايم : الووووو ..يمنعدلع تصااارخ معصبة : مااااااالت عليك .. وعلى خططك الفاااااااشلة...!!!نسايم : ليش ايش صااار ...؟؟دلع : ايش صار ها...؟؟؟ ما صار شي ... بس عطاني كفين ....!!!نسايم تضحك : هههههه قلت لك هالخطط احيان وراها ذبح ...دلع تقلدها : هههههههه مااالت عليك مصدقة بعد ... يا غبية ما سوى شي .. يقول ما قال شي غلط ... وبعدين قلت له قال تتزوجيني ..؟؟ قال لي كان قلتيله متزوجة وانتهى الموضوع ....!!!!!!!!نسايم استغربت : انتي متاكدة انه زوجك مو مريض ..؟؟دلع : أي ليش...؟؟نسايم : في واحد عاقل تقول له زوجته هالكلام وع الاقل ما يموت من العصبية والغيرة...؟؟؟!!دلع : اففف ... انا شدراااني ... ترى والله تعبت ... ما خليت شي ما سويته ... بعدين ترى هالسالفة بدت تاثر ف علاقتنا ...يمنعنسايم : طيب خلاص .. طنشي وانسي الموضوع ... مو لازم يغار عليك ....دلع : لا والله ... في احد ما يغار على حبيبته ...؟؟ وش دراني انه صدق يحبني اذا ما يغار علي...؟؟نسايم : سهلة .. ما يحبك ...!!دلع سكرت بوجهها معصبة : ماالت ... قال ما يحبني قااال .. ( فكرت شوي ) معقوولة ما يحبني ... افففففف ... ( دموعها بدت تتجمع ) ليش..؟؟ انا ايش سويت عشان ما يحبني ..؟؟ والله ما خليت شي وسويته عشانه .... ضحيت بكل شي عشانه .. انا اللي وقفت جنبه لين ما وصل لهالمرحلة ... واللي ساعدته وحبيته ووثقت فيه .. ليش ما يحبني ..؟؟يمنع

30 - 3 - 2014, 10:51 PM

طلع سعود من الحمام وعلى طول دلع مسحت دموعها ومسكت المجلة اللي جنبها.. تحاول تخبي وجهها الحزين عنه ...يمنعاما هو فما عرف ايش يسوي ... قرب منها وقعد على السرير بملابسه اللي كان لابسها .. سحب منها المجلة وهو يضحك ....يمنعسعود : هههههههههههههه... هههههاااااي ..يمنعدلع مستغربة : ليش تضحك ...؟؟ وليش ما تروشت للحين..؟؟يمنعسعود مسك ضحكته وقال : انتي ليش خشمك احمر ..؟؟يمنعدلع لفت وجهها : ما فيني شي ...يمنعسعود : اكيد...؟؟يمنعدلع : أي ..سعود لصق فيها وحضنها بقوة وهو يضحك : هههههههه ... هههههاااااي ...يمنعدلع اللي كانت بحضنه وطاحت دموعها : لا تضحك ...!! ما في شي يضحك ..يمنعسعود باس راسها وطالع فيها : الحين مين قالك اني انا ما احبك ...؟؟؟!! معقووولة .. انا سعود .. ما احبك ...!!!؟؟ من وين تجيبي هالافكار انتي..؟؟يمنعدلع تدافع عن نفسها : انا من وين اجيبها ...؟؟ اسال نفسك ... تصرفاتك كلها تدل على هالشي ...يمنعسعود مستغرب : انا..؟؟ انا وش سويت...؟؟دلع انقهرت : شفت شلون .. وتقول لي وش سويت ..؟؟ لا ما سويت شي ابدا يا اخ سعووود .... !!سعود : من جد دلع ... انا ضايقتك بشي...؟؟يمنعدلع تنهدت وقامت : انسى الموضوع ...يمنعسعود مسكها من يدها : لأ ... انتظري ..قوليلي انا مسويلك شي ... مزعلك بشي..؟؟يمنعدلع مسحت دموعها وابتسمت ابتسامة مجاملة : خلاص سعووود .. انا صايرة حساسة شوي ... انسى الموضوع ..يمنعسعود وقف : متأكدة ...؟؟دلع : أي...يمنعسعود باسها من جديد : طيب .. على راحتك ..يمنعتركها ورجع للحمام .. اما هي " انا غبية ... احد يسوي زيي ..؟؟ صدق اني بزر ..! "___________________________________

30 - 3 - 2014, 10:51 PM

(( بيت ابو راكان ))( الساعة 6 المغرب )في الغرفة اللي يغطيها الظلام ... كل شي تغير عن ما كان اول .. الغرفة ما عادت مرتبة ... كل شي مرمي على الارض و ف الزوايا .. وصوت الصياح ما ينقطع .. هذي حالة مها من فترة ... بدت تنهار ... الاكتئاب استولى عليها .. والعظام بدت طلع من جسمها من قلة الاكل ....يمنعقامت مها ترتجف والعرق يصب منها : ثامر ...!!! ثاااامر وينك ..؟؟ ...يمنعقامت من على السرير زي المجنوونة تدور ف الغرفة على شي مضيعته .. رمت الملابس.. نثرت الاوراق ع الارض .. حتى العطور كسرتها وهي تدور بهستريا ف الغرفة وتصيح وتنادي : آآآآآآآآآآآه ... وييييييينك ..؟؟ ثامر وينك ..؟؟ ليش تسوي كذا..؟؟ ليش تهرب مني ...؟؟ انا مها يا ثامر .. مها مو خلووود....!!!! انا ما سويتلك شي عشان تسوي فيني كذا ...!! خلود ... خلود هي السبب والله ... والله ....يمنعوبعد نوبة الصراااخ اللي جاتها .. بدى الباب يندق .. سمعت صوت الباب والتفتت بلهفة وشوووق : ثامر...؟؟بس كلها ثانية وتحطمت من جديد يوم سمعت صوت امها الخايفة من ورى الباب : مهااا.... مها حبيبتي افتحي الباب شفيك..؟؟ الله يخليك يا مها ... يا مها لاتسوي فيني كذا افتحي الباب الله يخليك .....!!!!!!مها بخووووف وهي فاتحة عيووونه ... رفعت شعرها الطايح على عيووونها .. وفتحت الدرج اللي جنب السرير .. وطلعت منه علبة حبوووب ... اخذت لها حبتين .. بلعتهم بدون موية ... وانسدحت وتغطت من فوووقها لتحتها .. وما عاد شي يبين فيها ... !!___________________________________

30 - 3 - 2014, 10:52 PM

(( سيار ة رائد ))( الساعة 7 المسا )سكر رائد عن ريم .. اللي اتصلت فيه من المطار .. تبشره انهم رجعوا .. وجاله خاط على طوووول وكانت دانة ...رائد ابتسم يوم شاف اسمها : فديتك انتي .. مرة اشتقت لصوووتك ..يمنعبس ما قدر غير انه يعطيها بزي ... " الحين لو رديت .. بتسويلي سالفة .. مو وقته .. بعدين بكلمها ....!! "يمنع( من جهة دانة )دانة " كذا يا رائد ...؟؟؟ هذا جزاتي متصلة اتفاهم معاك عشان نحل المشكلة سوا ...؟؟ "يمنعحطت التليفون ف الغرفة وطلعت تغير جو وتحاول ترتاح شوي من التفكير اللي ذابحها ..يمنع

30 - 3 - 2014, 10:53 PM

( المطار )ركضت ريم اللي طاحت بحضن اخووووووها مستااانسة ..يمنعرائد : ههههه شوي شوي .. كل هذا اشتقتيلي..؟؟ريم باسته على خده بدلع : وه فديتك مررررة اشتقت لك ...يمنعرائد منحرج لانه الناس قاموا يطالعون فيه : يا بنت بس... شوفي الناس قاموا يطالعووونا...!!!ريم ولا معطيتهم وجه : وين بابا ..؟؟يمنعرائد : ابوي ف البيت ..يمنعريم : طيب ليش ما جا...؟؟يمنعرائد التفت لامه اللي جاية وتحط اوراق بشنطتها : الحمدلله جيتي ... خليتا تسكت الله يخليك....ام رائد ابتسمت : ما عليك منها مستانسة لانها شافتك ... ها وش سويت للعرس ...؟؟ ترى ما بقى غير يومين ....!!رائد ابتسم : اتطمني ... كل شي تمام ... ما عليك .. كلها يومين زي ما قلتي .. وتشوفيني طالع ع الكوشة جنب دانة ...يمنعام رائد : حبيبي انتا ... وكيف دانة ..؟؟رائد : الحمدلله بخير... ا... بتسولفون هنا ف المطار..؟؟ مو ناويين تروحون البيت ..؟؟ريم : الا يللا .. الله سخليك ابغى اشوووف باابا ...يمنعرائد ضحك والتفت لامه : هذي شوووفي شلون كبير ة ... ليش عقلها قد النملة كذا..؟؟ هههههههههههههيمنع

30 - 3 - 2014, 10:54 PM

(( اليوم اللي بعده .. بيت ابو رائد ))( الساعة 4 العصر )كانت دانة قاعدة ترتب اغراضها ف الشنطة عشان ياخذوووها بيت ابو رائد بكرة .. يوم دق تليفونها ..يمنعاخذت الجوال وهي عارفة مين اللي متصل " ارد ولا ما ارد ..؟؟ اسوي زي ما سوى فيني واعطيه بزي..؟؟ لا لا لا ... هذا رائد .. ما يصير اسوي فيه كذا ...!! "دانة : الووو ..يمنعرائد ابتسم : فديت هالصوووت ... كيف حالك حياتي..؟؟يمنعدانة " ياربيييي ... احبك والله احبك " : هلا ..يمنعرائد : دانة روحي ... زعلانة ..؟؟دانة : اكيد ...يمنعرائد : خلاص حياااتي .. انسي الموضوع .. خلينا نبدا من جديد ونعيش حياة زي الناس ... ترى بعد بكرة عرسنا نسيتي ...؟؟يمنعدانة : لا ما نسيت ... بس.. ما اقدر يا رائد ... اللي تقوله ماله تفسير .. شلون تبغانا نتزوج ونعيش حياة طبيعية وانت لسه ما عطيتني تفسير مقنع ....!؟!؟!؟رائد " الله ياخذك يا بنت الكلب على اللي سويتيه ...!! " : دانة .. دانة انا احبك .. انسي اللي قلته .. وانسي انك شفتي أي شي .. خلاص .. انتي عطيني ثقتك شوي .. وما راح تندمين ... ها..؟؟ شرايك ..؟؟يمنعدانة سكتت تفكر شوي : ............................... مين شهد ..؟؟يمنعرائد سكر عيووونه منقهر : دانة .. قلت لك خلاص ... هذي وحدة مو مهمة ...!!دانة باصرار : لأ مهمة .. بس قول لي الصورة هذي لمين و ايش كان موقعها من حياتك وانا بنسى الموضوع ...رائد : يا دانة .. هذي وحدة من اللي كنت اعرفهم .. مو مهمة .. ما عادت ف حياتي ... خلااااص ....؟؟دانة : طيب ليش كذا الصووورة ..؟؟ شلون العلاقة كانت نت وتليفون بس..؟؟رائد : دانة مو قلنا انسي...؟؟دانة : طيب قول لي .. ايش اللي خلاك تطلع معاها بصووورة وانت تبوسها ..؟؟ ممكن تفهمني بس...؟؟يمنعرائد تنهد : كنت اشوووفها ...يمنعدانة : وين ..؟؟رائد : وين يعني ..؟؟ ف بيتها ..دانة : وايش اللي خلاك تروح بيتها...؟؟يمنعرائد : لا حووووووووول ... دانة .. خلاص يكفي ... ما صارت والله ...!!دانة : ليش تضايقت ..؟؟ قول لي كل شي .. وانتهينا ...!!يمنعرائد تضايق بزيادة : دانة .. والله هالوضع ما يحتمل ترى ... انا بسكر ..دانة : أي يللا .. اهرب ... بس مردي بعرف يا رائد .. مردي بعرف .. !!!رائد : باي حبيبي...يمنعدانة سكرت بوجهه : قال الوضع ما يحتما قااال ..!! اكيد ما يحتمل ..لانك مو راضي حتى تنطق ....!!! بس انا قلبي مو متطمن ...!!___________________________________يمنع

30 - 3 - 2014, 10:55 PM

(( بيت ابو سعود ))( الساعة 8 المسا )ابو سعود بضيق : الله يهديك يا باسمة .. انا ما صدقت خفت المشاكل ف هالبيت .. لا تفتحينها من جديد ...ام سعود مصرة : لأ.... شلون يقرر زي هالقرار بدون ما يشاورنا ... ولدك تمادى كثييير .. هذا مستقبل مو لعبة .. ومو من حقه يقرر زي هالقرار بدون ما يشاورنا .. إحنا أهله ونعرف مصلحته اكثر منه ...ابو سعود : يعني ايش ..؟؟ تبغيني اغصبه يسافر برى ويتغرب .. أصلا الدراسة برى يبغالها نفسية تكون متقبلتها ... مو يروح مغصوووب .. ترى والله يخرب اذا كذا ..يمنعام سعود : انا مالي شغل .. الولد هذا مين عشان يتحداني .. انا امه يقول لي انتي مالك دخل...؟؟ ولدك هذا يبغاله إعادة تربية من جديد ..ابو سعود ضحك باستهزاء : بس سالم اللي يبغاله ...؟؟ اذا أخوه الكبير شفتي وش سوى لا بارك الله فيه.. والبنت ما فلحت ف دراستها .. وبنت أختك شفتي شلون طلعت ... تبغين الولد المسكين هذا يطلع أحسن منهم يعني ..؟؟ام سود : انا ما قصرت معاهم بشي .. كل شي كان عندهم .. وماني بساكتة عن الوضع .. الولد يا يدخل جامعة زي الناس ... يا يقعد ف بيته أحسن .. هذا كله من ولد عثمان ... عبى راسه افكااار بطالية .. !!!!ابو سعود : الحين فيصل المسكين يعبي راس ولدك افكااار..؟؟ المسكين ولدك اللي قاعد يسوووقه وين ما يبغى ... ولا هو يتيم الأم مسكين و أبوه ف السجن ولا داري عنه .. وبعدين انتي ابد ما قصرتي ف حقهم ...!!!ام سعود : تتطنز....؟؟ابو سعود تنهد بتعب : ه ما اتطنز ولاشي .. فكينا اسكتي بس واللي يرحم اوووومك...!!!!

30 - 3 - 2014, 10:56 PM

(( بيت ابو رائد ))( الساعة 11 الصباح )قامت ريم وكل من ف البيت من الصباح عشان يتأكدون انه كل شي جاااهز اليووم ..يمنعوهي تتمشى ف البيت شافت رائد يمشي ف الصالة داخل من برى ...يمنعريم بوناااسة : رؤووودي ..التفت رائد عليها وابتسم : هلا ريم ..يمنعقربت ريم وباسته : اووخص .. وجهك منووور اليوم ..يمنعرائد ابتسم : أكيد .. مرررة فرحاااان ...ريم باكتئاااب : يا حظك ... ابغى أتزوج ....!!!رائد فتح عيووونه الثنتين ع الاخير : شوووف..!! يا ام راااائد ... تعالي تعالي .. تعالي شوفي بنتك اللي ما تستحي وش تقوووول ...!!!ام رائد تضحك : ههههههه هبلة ....!!!!ريم : ماني هبلة لا تقولووون هبلة .. والله اني قمر واهبل .. زوجووووني ....!!رائد كاتم الضحكه : ههههه بس يا بنت .. لا اسمع منك هالكلام مرة ثانية .. عيب يا بابا عيب.....يمنعريم تركته ومشت وهي مادة بوزها شبرين : اففف .. محد يقدر يقووول الصدق ف هالبيت ..؟؟ يعني ايش فيها اذا قلت ابغى أتزوج ...؟؟؟ زوجووووووووووووووني ...!!

30 - 3 - 2014, 10:57 PM

(( غرفة دانة ))( الساعة 3 العصر )كانوا البنات مجتمعين عند دانة ف الغرفة وداقينها سوالف وضحك ... سهى وخلود وغادة .. اما سمر وهيفا وعهود كانوا تحت قاعدين يستنونهم عشان يروحون الصالون سوا ...يمنعدانة : هههههههه الله يقطع ابليسكم ... وين مها..؟؟سهى : مها تقول بتلحقنا بعد شوي ... يللا خلصتوا ...دانة قامت : بس باقي عبايتي يللا ..يمنعنزلوا البنات تحت ... وشافوا ام بندر قاعدة ف الصالة تنتظرهم ...دانة : ماما مين بياخذنا...؟؟ام بندر : حبيبتي انا كلمت بندر يجي يوصلكم ...يمنعدانة : اوكي ...خلود حسن بشي يطيح ف بطنها : ا... ما اتوقع كلنا تكفينا سيارة وحدة ..يمنعدانة : أي صح ...ام بندر بتفكير : أي والله ... لحظة بدق على ثامر اشووووف وينه ..؟؟يمنعدانة : ماما احمد وينه ..؟؟ام بندر : عمك احمد يا بنت ...دانة : ههه أي طيب عمي احمد وينه ..؟؟ام بندر : راح مع ابووك مو فاضي ..يمنعسهى : خلاص عادي بتصل ف عبدالعزيز يجي ياخذنا ...ام بندر : الووو ... ثامر ووووجع ليش ما ترد بسرعة ..؟؟ ها..؟؟ طيب اسمع .. ابغاك انت واخوك تجون الحين بسياراتكم ... أي كل واحد بسيارته ... ابغاكم تودون اختك وبنات خالاتكم الصالون .. أي ... وبدوووون نقاااش ... يللا اشوووف دقيقتين وتكونون هنا فاهمين …. يللا سلام ...يمنعالتفتت ام بندر على البنات بابتسامة : يللا دقيقتين ويكونون هنا ... ماما دانة .. انا بلحقكم مع خالتك هدى ومها طيب...؟؟يمنعدانة ابتسمت : اوكي ... بس لا تتأخري .. ابغاكي موجودة جنبي ...يمنعحضنتها امها : يا حبيبتي انتي .. اكيد بكون جنبك...يمنعوفجأة الكل التفت للباب اللي انفتح فجأة ودخل واحد بثوووبه الاصفر المخصر .. والشماغ اللي من الطريقة العشوائية ف لفته .. صاير طوله طول برج ايفيل فوق الراس..يمنعثامر ولا يدري وين داخل : يا يمااأ.... وينهم البرفع راسه واندهش ... الكل موجود .. بنات .. عبايات .. ونظرات طفووولية .. وعيون مكحلة ....يمنعام بندر بعتب : الله يفشلك...!! احد يدخل كذا ..؟؟ افرض انه البنات ما كانوا متغطيات..؟؟ثامر اللي حمر خده منحرج من اللي سواه عطاهم ظهره ونزل راسه : معذرة .. ا.. آسف .. م .. ما دريت انهم هنا يما ...يمنعام بندر : طيب شووووف ...ثامر للحين معطيها ظهره وسااااكت ....يمنعام بندر : ياهووو ... ياربييي منك .. لا شفت البنات تنسى نفسك...!!!!!!البنات كلهم مسكوا الضحكة...... اما ثامر فحمر خده زيااادة وكان يتمنى الارض تنشق وتبلعه : سمي ...يمنعام بندر عصبت : لف طيب طالع فيني انا واتكلم ...يمنعثامر : يما خلاص تكلمي اسمعك ...يمنعام بندر : لا حووووووول ... الحين اقووولك لف طالعني عشان تفهم زين .. لانه كذا عقلك مو معك ابدا ...يمنعثامر " الله يفضحك يما زي ما فضحتيني ..!! مسحتي فيني الارض قدامهم ...!! " التفت ثامر وهو منزل راسه ومسكر عيوووونه والكل فاقع عليه ضحك ....يمنعام بندر : شووف ... ( تذكرت ) أي صح .. وين اخوووك ..؟؟يمنعبندر من ورى الباب : انا هنا برى يا يما.......يمنعام بندر : ادخل انت بعد .. ادخل بتفاهم معاك ..يمنعبندر وهو يدخل البيت منزل راسه .. كان لابس ثوووب بعد بس ابيض ومخصر .. مع غترة بيضااا انيقة .. " لا حووول ... جا دوري بالفضيحة يعني...؟؟ " :سمي يما .... !!خلود واقفة ومتصنمة وماهي قادرة تشيل عيووونها عنه " آآآآآآه ما ملاآ عيني سوااآك !! "ام بندر : شوفوا انت وياااه .. الحين بتودون البنات الصالون ... نصهم ف سيارتك يا ثامر .. ونصهم ف سيارتك يا بندر ....يمنعبندر وثامر : ان شاء الله ...!!ام بندر : بندر ... سيارتك نظيفة ..؟؟ ريحتها زي الناس ..؟؟بندر : أي يمااا ... توني جايبها من المغسلة ...ام بندر : وانت يا شيخ ثامر...؟؟يمنعثامر :حتى انا...ام بندر : حتى انت ايش..؟؟ مافي قشر فصفص ( حَب ) ف السيارة كالعادة ..؟؟يمنعبندر انرسمت على وجهه ابتسامة تبغى تاخذ راحتها بس مو قادرة ..خلود ابتسمت لابتسامة بندر .......اما ثامر فراااح فيها من الفشلة : أي يما اكيد ...يمنعام بندر ... طيب .. يللا كل واحد يركب معاه نص البنات .. انتا النص وانت النص .. فاهمين ....يمنعبندر وثامر جايين بيطلعووون : ان شاء الله يما ...يمنعام بندر تذكرت : أي تعالوا تعالوا .... تعال انت وياااه...بندر " متى بنخلص..؟؟ " : آمري...يمنعام بندر : شوووفوا ... هذولا بنات خالاتكم وبنات عمكم .. والله اللي اسمع انه سوا معاها حركة بايخة من حركاااتكم... والله ما يصيرله خير... فهمتوا..؟؟ حركات المغازل حقتكم واللعب البطالي لا اشوووفكم تسوونها ... فاهمين ..؟؟ثامر وبندر اللي وجوووههم صارت ف الارض والكل ماااسك الضحكة عن يضحك قدامهم..يمنعطلعوا بندر وثااامر وراحوا يشغلون السيارات ... اما ام بندر ...يمنعام بندر : يللا بنات .. انقسموا .. نصكم مع بندر .. ونصكم مع ثاامر .. وشوفوا .. اذا غلطوا بحقكم او سوولكم حركة سخيفة لا تخافووون ... على طول هزؤوووهم وقولولي انا اتصرف معاهم طيب...؟؟ لا تخافون منهم ...يمنعالبنات يضحكون : ههههه ان شاء الله ..دانة : حرااام عليك ماما .. فشلتيهم...ام بندر بنص عين : يعني بالله عليك اخوانك يصلح معاهم غير هالاسلووووب ..؟؟؟!دانة التفتت للبنات وهي تضحك : طيب بنات .. يللا انقسموا ...البنات وقفوا مستغربات ....يمنعدانة : طيب .. انا بقسمكم ... انا وسهى وسمر وعهود ... ف سيارة ثامر .. شرايكم..؟؟يمنعسهى تضحك : هههههه أي والله .. خاطري اضحك شوي على ثاااامر بعد الزفة اللي اكلها .....يمنعسمر جات : خخخخخ اليوم اخوك ما بيسلم من لساااني ...يمنعدانة : طيب ... خلود وغادة وهيفا ف سيارة بندر ... موافقين ..؟؟غادة : انا عادي عندي ... أي مكان اركب ..يمنعهيفا : اووكي .. ما في أي مشكلة ..يمنعدانة : ها خلود ..؟؟خلود : ها..؟؟ ا .. ا.. اوكي..يمنعدانة اخذت شنطتها : يللا اجل ...!! مشينا...يمنعطلعوا البنات وركبوا ف السيارات ... وطلعوا من البيت ..يمنع

30 - 3 - 2014, 10:58 PM

(( الحلاق .. ))( نفس الوقت )كان رائد قاعد بينما الحلاق يضبط له شكله ... ويحدد له سكسوووكة حلوة ... ويقصر له شعره شوي لانه طولان ... و معاه ناصر وجاسم و شويه من ربعه ..يمنعناصر : حركااااااااات بو الشباب ... شوووف شكلك شلون طلع كشخة ...!!!جاسم : يا حظك والله .. اليوم عرسك ...!!رائد : هههه انت للحين ما عطوك رد بيت عمك..؟؟جاسم تنهد : ه .. الا بس .. يقولون ما يبغون ملكة الا قبل العرس بيوم او يومين ..يمنعرائد ضحك : ههههااااااي .. طيب اصبر ما وراك شي...يمنعجاسم : صاحي انت .. ما اعرفها ولا اعرف شكلها .. انا ما شفتها من كان عمرها 13 سنة .... بعدين .. يقولون فترة الخطوووبة احلى الفترات .. وشكلها بتروح علي...!!!رائد سرح يفكر " فترة الخطوبة احلى شي...!؟!؟! انا فترة الخطوووبة كانت حلم ما كان ودي اصحى منه ... لولا اللي صار آخر شي ... حسبي الله عليك بس .. شلون بتفاهم مع دانة اليوم ..؟؟ اكيد زعلانة مني.. لازم أطيب خاطرها... الله يستر بس ما ترجع هتون لأفعالها بعد العرس ... يا رب يعدي هالعرس على خير ....!!! "___________________________________(( ف سيارة ثامر .. ))( بعد 10 دقايق )ثامر اللي كان متفشل مرة من اللي سوته امه فيه .. كان حاط عيووونه على الطريق ولا يرفعها مهما صاااااار ..يمنعثامر " الله يهديك يا يما .. كذا مسحتي صووورتي قدامهم ف الارض..!؟؟! وش خليتي..؟؟ اكلتيني بلحمي وعظمي .. ما بقى فيني شي ما قلتيه...!!! "سمر اللي كانت فاتحة الكاميرا وتصور فيديووو قالت وهي تضحك : ثامر... حر .. شغل المكيف ...يمنعثامر مد يده على طول وفتح المكيف ولا يدري انها تصور : حاضر عمتي ...سمر : خخخخخخخ ...سهى ميتة ضحك : هههههااااااااااي ... الله يقطع ابليسك يا سمر ...يمنعدانة التفتت عليهم وما تدري انهم يصورون : شفيكم ..؟؟سمر : لا بس تذكرنا خالتي شلوووون تتكلم ...يمنعدانة : هههههه دايما كذا ماما .. تغسل شراعهم ...!!يمنعطالعها ثامر بنص عين ... وبعدين رجع يسووووق ..يمنع___________________________________

المواضيع المتشابهه لموضوع: روايه ودك تنامين نامي لموضوع: روايه ودك تنامين نامي
الموضوع	كاتب الموضوع	المنتدى	مشاركات	آخر مشاركة
يمد لي يده وامد له روحي	حنين الأشواق	همس عالم حواء	5	8 - 11 - 2023 03:30 PM
نامي بصدري	نجمة الليل	همس الشعر والقوافي	6	25 - 3 - 2023 05:41 AM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
روايه	خفہَ’ـايِـِـا	همس لمدونات الاعضاء	2	4 - 1 - 2016 05:16 PM
روايه بعت الجسد	الحب ياسمين	همس للقصص وحكايات وروايات	8	12 - 6 - 2013 01:31 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه ودك تنامين نامي

همس للقصص وحكايات وروايات