كفاية حبّ يا قلبي خـــــلاص ارتـــح وريّحنـا
يا كثر جروحي اللّي بك من احبابك خذيناها
ما دام اللّــي تحبّه هــــو ملوّعنــا وجـارحنـا
جـروحٍ صعـب بـك تبـرى ولا بيعجّـل شفـاها
نحبّ بكــــلّ ما فينا وصـــدق الحــبّ ذابحنـا
حرام ارفق ترى جروحك ما ظنّي عاد أقواهـا
نحب الحبّ لاجـــل الحـبّ ولا به ســرّ لـه بحنا
وولّـــع نـار مـا تطفـى بنـا شبّت وخـــلّاهــا
وعـذب الحـبّ خـالـص لـه ولا ندوّر مصـالحنـا
ولو اخطــى فلعيـونـه نطــوّفهــا وننسـاهـا
ولو اهتــمّ له نهتـمّ وما يسعــده يفـرحنـا
ومـن حزنه بنا الدنيا جميع الحزن يغشـاهـا
أحــاول ما تبيّن بي جـروحـه خاف تفضحنـا
وتتشمّت عـواذلنا عجيبة نـاس مـا اقسـاهـا
انا طالبك يا قلبي كـفـــايـة حبّ جـرّحـنــا
ترى كــلٍ وما حصّـل وكـل نفـسٍ وما جـاهـا
عطيب جروح ويّا الهمّ حسافـة هـي مرابحنا
بـدنيـانــا تلوّعنــا ومــن نـغـلـيـه عنّـاهـا
يا حظّ اللّي خلي قلبه ولا هـو بحـالنـا احنـا
جـرحنـا مــن وفينـا لــه ولا قــدّر وداواهـا
عضويتي
كفاية حب يا قلبي 
]
]
العرض العادي
