| همس الشوق |
| Thu, 13th Mar 2025, 11:09:08 | ||||||
| همس للقصص وحكايات وروايات خاص بشتى انواع القصص الواقعيه والخياليه |
 |
| | LinkBack  | أدوات الموضوع | انواع عرض الموضوع |
28 - 4 - 2014, 08:38 PM
| #371 | |||||||||||||||||||||||||||||||
  
| 
رد: رواية ملامح الحزن العتيق 
يوم الجمعه .. اذن المغرب وهي تمشي في سور البيت .. كانت تدعي ربها من صلاة العصر لأن فاطمة نصحتها بتكثيف الدعاء من بعد صلاة الجمعه لأذان المغرب .. قد تصادف ساعة استجابة فلا يرفض لها الله دعوة او طلب .. كانت موجهه بيدينها وبقلبها للسماء وتلهج بدعوات وأمنيات ورجاء وماحست في الدنيا الا بعد ماصرخ مشاري وهو يدور في البيت .. : ياسارة .. ياسااارونه ... ياسوسو .. ولما ماردت عليه نادى بصوت اعلى : ياااااااااسويرة .. وصلت عنده قالت : خير يامشمش اش عندك سمعت الجيران صوتك وانت تنادي عليّ . من زين الاسم اللي تناديني فيه . جاها يمشي والضحكه تهلل وجه قال : ههههههههههههههههه وش احلى من سويرة . .. المهم عندي لك اخبار حلوة ان شاء الله انها تعجبك . : خير ان شاء الله ..؟ : ابشرك الله اظهر الحق ياسارة .. خالد ظهر على حقيقته وبالجرم المشهود .. وماباقي الا نرفع عليه قضية طلاق وهذي مضمونه مية بالمية بإذن الله . كانت ملامحها تعبر عن عدم فهمها وعدم رغبتها في الفهم .. ماتبي تنصدم فيه اكثر من كذا .. قالت : مشاري لاتقول لي شي مو لازم اعرف شي عنه . مسك يدها ولف يده من ورى كتفها قال : الا ياسارة لازم تعرفين وتفهمين كل شي .. لاتكونين سلبيه والسكوت عمره ماكان حل لمشكلتك ... واجهيها وناقشيها وربي بيساعدك ان شاء الله .. ماشاف منها رد وكمل : تعالي ادخلي وراح اقول لك على كل شي . بلعت ريقها وسلمت امرها لله واستسلمت لاخوها ومشت معاه من دون ماتتكلم .. وصلوا للصاله وجلست على اقرب كنبه وابوها قدامها يكلم امها بحديث جانبي وموطي صوته .. شافها ابوها وفتح لها يدينه قال : وين اختفيتي ساعه ندور عليك .. تعالي هنا في حضن ابوك . ليش حبيبة ابوها تجلس بعيد عنه ..؟ جلست بجنب ابوها وهي تنقل نظرها بين وجه امها المتجهم والمصدوم وبين وجه مشاري اللي يتهلل والدنيا مو سايعته من الفرح . قال ابوها : الحمد لله ان ربي فرج لنا من اوسع ابوابه من هالابتلاء ياسارة . طالعت في ابوها بخوف وكأنها في مواجهه لأصعب موقف تمر به في حياتها .. مست شفايفها تجبرها على الابتسامه قالت : الحمد لله . قال مشاري : يبه تقول لها وشلون ربي فكنا منه ولا اقول انا . انسحبت امهم واعطتهم ظهرها وهي تقول بقرف : بالله كرموا مجلسنا من هالسيرة . لحقت امها بنظراتها وعرفت ان الموضوع فيه يمس الشرف ولا يمت للطهر بصلة . تكلم ابوها على طول : خالد مسكته الهيئة البارحه في الرياض وهو متلبس . رد مشاري : اللهم لاشماته .. تدرين اش قضيته ..؟  | |||||||||||||||||||||||||||||||
  |
|
28 - 4 - 2014, 08:40 PM
| #372 | |||||||||||||||||||||||||||||||
|
رد: رواية ملامح الحزن العتيق
هزت راسها بلا وهي مابين تبي تعرف وماتبي .. كمل مشاري بعد ماشاف ابوه مستحي منها او متردد يجيب هالموضوع قدام بنته قال : لواط والعياذ بالله .. وسكر ورقص ومجون وخلوة غير شرعيه في الاستراحه اللي قبضت الهيئة عليه فيها .. ماتحرك منها ساكن وكأن الله ثبتها بيقينها وقوة ايمانها .. ردة فعلها على عكس ماتوقعوا .. يمكن عشرة فاطمة بثتها قوة الايمان والقناعه والصبر ويمكن الايام اللي راحت تخيلت كل شي عنه ومااستغربت هالكلام .. وقفت وقالت : الحمد لله اللي فرج لي منه .. الحمد لله ياربي .. باست راس ابوها وكملت : يبه من بكرة طالبوا بطلاقي واذا تبغوني اسوي لكم توكيل سويت .. قاطعها مشاري قال : بتروحين معانا للشيخ وهو راح يطلق منه غصب . وبهالمناسبة .. قاطعه ابوه : اجل مناسباتك لبعدين ولاتفرح على خالد يامشاري ادع له بالهداية والصلاح لاتبتلى . : الله يهديه ومن هم على شاكلته . انا فرحان يايبه لأن جزء من الوباء المتحرك بين الناس انسجن وافتكوا عيال خلق الله من اذاه . طلعت لغرفتها فوق وهي تسمع ابوها ينصح مشاري من رفقة السوء ويقول له على اسباب الشذوذ يمكن من البيئة او التربية او انه مريض نفسي او ان الشيطان عرف يدخل له من مدخل لأن ايمانه ضعيف ودينه مختل .. هي من النوع اللي ماتقدر تعيش بهمومها لوحدها وبُعْد شادن خلاها تلجأ لفاطمة بلسم جروحها وماخابت يوم خلتها مكان شادن وصارت لها الصاحبه الصالحه والرفيقه اللي تحثها للخير والصلاح .. دقت عليها وسردت لها اللي صار بالحرف .. باركت لها فاطمه ظهور الحق قبل ماتتورط معاه وان حبسه ورحم عيال الناس من شره وغثاه .. ونصحتها بالصبر والصلاة والتفاؤل وحب الحياة لأن فيها اجمل من خالد وذكرياته وهمومه .. | |||||||||||||||||||||||||||||||
| |
|
28 - 4 - 2014, 08:41 PM
| #373 | |||||||||||||||||||||||||||||||
|
رد: رواية ملامح الحزن العتيق
صحت من بدري ولبست تنورة جينز وبلوزة لونها سماوي بكم طويل وزارير من قدام وتحتها بدي ابيض يغطي اعلى صدرها .. نزلت تحت وشافت جدتها وتوجهت لها على طول .. قالت وهي تبتسم : صباح الخير ياوجه الخير .. ردت جدتها وهي تقصر على صوت الراديو قالت : صباح النور والسرور يالغاليه .. تعالي افطري معي . : سامحيني ياجدتي مانزلت بدري افطرك انشغلت بلبسي عشان مايفوتني الوقت .. لكن من بكره ان شاء الله بحط المنبه على سته بالضبط اسوي فطورك وارجع البس .. : لا وانا جدتتس ماعليتس مني ولاتقومين بدري عشاني .. يسد انتس تسوين فطوري من اسبوعين وانتي توتس عروس .. غيرتس يشيلن نوم للظهر وانتي تقومين من صباح الله علشاني .. سلمت على راسها قالت : مو اقوم عشان الغاليه ؟ .. مو انا اخدم جدتي الغالية وام ابوي الغالي الله يرحمه ؟ .. قولي بس آمين ان الله يقدرني وارضيك عني . : الله يرضى عليتس ويسهل امورتس ويستر عليتس ويرحم اللي جابتس . : طيب جدتي بمشي للمدرسة انا الحين .. وبمر على عمتي فوزية آخذ شهد بطريقي . : هالحين ورى ماتخلين عماد يوديتس بدال ماتمشين مع هالتربان وانتي مغطيتن وجهتس حتى عيونتس مغطيتها . لبست عبايتها وهي تقول: حرام اصحيه عشان خمس دقايق .. بعدين انا عادي متعودة على الغطى .. والمشي صحه ياجدتي .. بس الله يستر انا خوافه خاصة بجنب بيت ام جواهر كل مانمر من عند بيتها انا وشهد زمان تفتح شباكها تراقبنا ولا تنادينا والناس تسمع صوتها . اخذت شنطتها .. واعطت جدتها ظهرها وهي تقول : دعواتك ياجدتي . وقفت بمكانها وتسمرت لمن جاها صوت عماد من وراها وهو ينزل الدرج قال : لاتروحين اصبري انا اللي اوصلك . طالعته وهو لابس ثوبه الابيض ويقفل ازاريره وبدون شماغ وعيونه شبه مغمضه قالت : مايحتاج .. قاطعها بصوت كله نوم : الحقيني بس . ركب السيارة وشغلها وسند راسه على المرتبه ينتظرها .. وهي وقفت على البوابه محتارة ومستحيه .. تركب معاه ولا تقول له ينزل وهي تروح مشي ..؟ واذا راحت معاه فين تركب .؟ " ياربي شو هالاحراج .. " تقدمت لمن شافته رفع راسه وطالعها وهي بمكانها وفتحت الباب اللي ورى .. التفت عليها يحسب انها بتحط شنطتها بس تفاجأ انها ركبت وجلست ورى .. قال بلهجة امر : انزلي اركبي قدام . : عادي كذا مرتاحه ...! : انزلي اركبي قدام لاتفضحينا بخلق الله .. تذكرت لو احد شافها انها بتصير نكتة الموسم .. نزلت وركبت قدام وهي تلوذ بالباب من قربه .. وهو حرك سيارته قال : لاتفكرين تروحين مشي بعد اليوم . ردت بصوت هادي وهي تطالع بالبيوت اللي تمر السيارة بجنبها : اليوم انت فيه .. بس بكرة مو اكيد اش اسوي ؟ .. اقعد ؟. التفت عليها قال : شادن .. التفتت عليه من دون ماتتكلم قال : انا مسؤول عنك هنا .. سكت ثواني وكمل .. عموماً السواق بيجي اليوم ان شاء الله . حست انه غير ال | |||||||||||||||||||||||||||||||
| |
|
28 - 4 - 2014, 08:42 PM
| #374 | |||||||||||||||||||||||||||||||
|
رد: رواية ملامح الحزن العتيق
حست انه غير الكلام اللي كان بيقوله .. وفضلت انها تسكت .رغم انها دايماً تتمنى لو يكلمها حتى تعرفه اكثر .. هو بالنسبة لها لغز كبير وصعب تحله اذا هو ساكت ومايتجاوب معاها الا لاتسوين لاتتدخلين فيني . وقف قدام المدرسة واخذت شنطتها ونزلت قال : اليوم راح اجي على 12 ونص آخذك . : بس انا مااطلع الا وحده اليوم السبت وفيه حصص نشاط . : اها حسبتك تطلعين مع شهد ... اجل اجيك وحده ان شاء الله . نزلت وسكرت الباب ودخلت المدرسة اول و حده قابلتها الخاله مزون اللي استقبلتها ووقفت بمشقه وسلمت عليها وباركت لها .. توجهت للإدارة وهي تاخذ نفس عميق وتهدي نفسها استعداداً لأي تلطيش من نوف ولا كلمة ترفع لها ضغطها خاصة انها مو مستعده تسمع منها او من غيرها أي كلمة تنرفز .. دخلت الادارة وهي تقرا المعوذات وآية الكرسي علّها تهديها وتسكن نفسها .. آخر شي توقعته انها تشوف المديرة غير .. كانت صدمه جمدت شادن في مكانها لثواني وهي فاتحه فمها وعيونها .. هذي نوف ولا مغيرين المديرة بوحدها تشبه لها الشعر اللي كانت لامته كعكه ولافته بمنديل ولا ماسكته بربطه عادية .. الحين مفتوح وقصير لحد الكتف ولونه هاي لايت طالع حلو على ان نوف سمرا .. وملونة شفايفها بأحمر صارخ .. حاطه مكياج ثقيل .. والحواجب مشقرتها ومغيرة من شكلها نهائي . اما عيونها كانت مكحلتها باسود من داخل وراسمتها من برا .. وقفت لها نوف وجات تسلم عليها .. لا لا هذي مو معقوله تكون نوف ..!! وتقوم تسلم .. ؟ سبحان المغير .. !! حتى ملابسها غيرتها .. !! كانت لابسة تنورة لونها زيتي وبلوزة تفاحي ومقلمة بفوشي .. بعد التنورة السودا والكم بلوزة عادية .. تكلمت وتأكدت شادن انها نوف بعد ماكانت بتجزم انها وحده ثانيه .. : هلا ابلا شادن وشلونتس . ابتسمت شادن ورفعت حاجبها قالت : الحمد لله بخير . نعيماً . طالعت بشكل شادن اللي ماتغير عن قبل زواجها وابتسمت بانتصار قالت : الله ينعم عليتس .. تفضلي . : ها ..؟ لا لا مشكورة بروح اشوف البنات يمديهم وصلوا . طلعت لغرفة المدرسات اللي دوبهم وصلوا .. واستقبلتها خلود بالاحضان .. وبعد التباريك والسؤال عن الاخبار توجهوا للطابور اللي ابتدا .. قربت منها خلود قالت : شادن شفتي نوف اش عاملة . : ايوه ماشاء الله عليها طالعه حلوة بس خلود تكفين لانتكلم فيها مو ناقصة ذنوب على الصباح .. ردت خلود وهي تضحك : خليني اقول لك عن اسئلتها لنوير عنك . : لاوالله فكينا من سيرتها مانبي ناكل لحمها .. سبحانك اللهم وبحمدك اشهد الا اله الا انت استغفرك اللهم وأتوب اليك . كررت خلود نفس الدعاء واصغوا اسماعهم للإذاعة الصباحية .. وخلود تضحك وتقول : شكلي بتطوع على يدك ياشدون . ردت شادن وهي تبادلها الضحك : خليني اتطوع انا اول .. الله يهدينا بس .. خلاص اسكتي بدأ القرآن . | |||||||||||||||||||||||||||||||
| |
|
28 - 4 - 2014, 08:42 PM
| #375 | |||||||||||||||||||||||||||||||
|
رد: رواية ملامح الحزن العتيق
حست انه غير الكلام اللي كان بيقوله .. وفضلت انها تسكت .رغم انها دايماً تتمنى لو يكلمها حتى تعرفه اكثر .. هو بالنسبة لها لغز كبير وصعب تحله اذا هو ساكت ومايتجاوب معاها الا لاتسوين لاتتدخلين فيني . وقف قدام المدرسة واخذت شنطتها ونزلت قال : اليوم راح اجي على 12 ونص آخذك . : بس انا مااطلع الا وحده اليوم السبت وفيه حصص نشاط . : اها حسبتك تطلعين مع شهد ... اجل اجيك وحده ان شاء الله . نزلت وسكرت الباب ودخلت المدرسة اول و حده قابلتها الخاله مزون اللي استقبلتها ووقفت بمشقه وسلمت عليها وباركت لها .. توجهت للإدارة وهي تاخذ نفس عميق وتهدي نفسها استعداداً لأي تلطيش من نوف ولا كلمة ترفع لها ضغطها خاصة انها مو مستعده تسمع منها او من غيرها أي كلمة تنرفز .. دخلت الادارة وهي تقرا المعوذات وآية الكرسي علّها تهديها وتسكن نفسها .. آخر شي توقعته انها تشوف المديرة غير .. كانت صدمه جمدت شادن في مكانها لثواني وهي فاتحه فمها وعيونها .. هذي نوف ولا مغيرين المديرة بوحدها تشبه لها الشعر اللي كانت لامته كعكه ولافته بمنديل ولا ماسكته بربطه عادية .. الحين مفتوح وقصير لحد الكتف ولونه هاي لايت طالع حلو على ان نوف سمرا .. وملونة شفايفها بأحمر صارخ .. حاطه مكياج ثقيل .. والحواجب مشقرتها ومغيرة من شكلها نهائي . اما عيونها كانت مكحلتها باسود من داخل وراسمتها من برا .. وقفت لها نوف وجات تسلم عليها .. لا لا هذي مو معقوله تكون نوف ..!! وتقوم تسلم .. ؟ سبحان المغير .. !! حتى ملابسها غيرتها .. !! كانت لابسة تنورة لونها زيتي وبلوزة تفاحي ومقلمة بفوشي .. بعد التنورة السودا والكم بلوزة عادية .. تكلمت وتأكدت شادن انها نوف بعد ماكانت بتجزم انها وحده ثانيه .. : هلا ابلا شادن وشلونتس . ابتسمت شادن ورفعت حاجبها قالت : الحمد لله بخير . نعيماً . طالعت بشكل شادن اللي ماتغير عن قبل زواجها وابتسمت بانتصار قالت : الله ينعم عليتس .. تفضلي . : ها ..؟ لا لا مشكورة بروح اشوف البنات يمديهم وصلوا . طلعت لغرفة المدرسات اللي دوبهم وصلوا .. واستقبلتها خلود بالاحضان .. وبعد التباريك والسؤال عن الاخبار توجهوا للطابور اللي ابتدا .. قربت منها خلود قالت : شادن شفتي نوف اش عاملة . : ايوه ماشاء الله عليها طالعه حلوة بس خلود تكفين لانتكلم فيها مو ناقصة ذنوب على الصباح .. ردت خلود وهي تضحك : خليني اقول لك عن اسئلتها لنوير عنك . : لاوالله فكينا من سيرتها مانبي ناكل لحمها .. سبحانك اللهم وبحمدك اشهد الا اله الا انت استغفرك اللهم وأتوب اليك . كررت خلود نفس الدعاء واصغوا اسماعهم للإذاعة الصباحية .. وخلود تضحك وتقول : شكلي بتطوع على يدك ياشدون . ردت شادن وهي تبادلها الضحك : خليني اتطوع انا اول .. الله يهدينا بس .. خلاص اسكتي بدأ القرآن . | |||||||||||||||||||||||||||||||
| |
|
28 - 4 - 2014, 08:44 PM
| #376 | |||||||||||||||||||||||||||||||
|
رد: رواية ملامح الحزن العتيق
*** رجع للبيت وهو ساكت وتفكيره يجيبه ويوديه .. ماقدر يكلمها .. موقفه وحياته اصعب من كل الكلام .. قالت جدته اللي تشرب من قهوتها الشعير : اشوا انك وديتها . جلس بجنب جدته وصب له فنجال قال : جدتي ماابيها تطلع تمشي بين البيوت نبهي عليها ماودي ازعلها ولا اضغط عليها .. كلها يومين ويجي السواق الجديد .. تروحون وتجون معه ماابي ولا وحده منكم تطلع تمشى بين البيوت . : انت لو علمتها باللي تبيه ماتخالفه .. حتى يوم راحت معي للدكتورة قالت اخاف ان عماد يزعل ان طلعت امشي . طالع بجدته شوي ... وانكسر بداخله شي .. ليه تفرض نفسها عليه .. وليه تفرض احترامها على الكل .. بدءاً به هو وجدته وانتهاءً بحريم الحارة اللي يشكرون فيها وتعلمه فوزية عن كلامهم ... قال : الشهادة لله هي سنعه وماشفت منها الزلة من يوم جاتني . : وانا اشهد وانا امك . بس تراك مقصر معها .. مااشوفك تداريها ولاتقعد معها .. وقف وقاطعها قال : الله يرضى لي عليتس انتي تبين اللي اعيده ازيده .. ماقلت لتس على الظروف اللي صارت لنا بعد سالفة فهد .. ان شاء الله اعوضها الايام الجاية . هزت راسها بعدم اقتناع قالت : الله يوفقكم ويرزقكم . كان بيطلع بعدين رجع لها قال : تروحين معي للمزرعه ؟ اليوم نبي ننقل اشجار الحنا من مزرعتنا الاولى تعالي اشيري عليّ بالمكان اللي يصلح لها . : والجوافه ماتبينا نجيبها ؟ : لا الجوافه بتحشر الاشجار فكينا منها ومن ريحتها . : هاناد الشغاله خلها تجيب لك فطور وخلنا نمشي قبل ماتحتر الشمس . : امشي بس ... مابي فطور الحين . بقولها تجهز القهوة ناخذها معنا والتمر قدامنا بالمزرعه . مر على الشغاله قال لها تجهز له القهوة وتحطها بسله ومعاها فناجيلها .. وطلع بجدته للمزرعه بعد عشر دقايق .. في السيارة .. كانت جدته تسولف وهو يفكر وشلون يتركها لوحدها ويروح للمزرعه الصغيرة اللي في آخر القرية .. قال لجدته : تراني ابي امر على فوزية وآخذها معنا . : وشو له تقومها من نومها مايمديها رقدت الا بعد الفجر . : خليها تقوم مع المسلمين .. ابيها تقعد معتس في المزرعه وانا ابي اروح للمزرعه الثانية اجيب الاشجار .. : ها سو اللي تبيه ويجوز لك .! وقف عند بيت فوزية ودق عليها الباب .. وفتحت لهم الشغاله .. دخل وقال لها تنادي المدام بسرعه .. وبعد دقايق قليله جات فوزية لابسه روب طويل وعيونها كلها نوم يادوب تفتح قالت : عماد خير امي فيها شي .؟ : لا ابد محد فيه شي بس قومي اغسلي وجهتس والبسي وتعالي مع جدتي للمزرعه . : لاحوووول وش هالصبح ... قاطعها : ماعندي وقت عجلي وراي مية شغله . : زين ..وعبدالعزيز ..؟ : امر عليه الظهر اخليه يجي عندنا . بس عجلي خمس دقايق وانتي جاهزة . : طيب .. | |||||||||||||||||||||||||||||||
| |
|
28 - 4 - 2014, 08:47 PM
| #377 | |||||||||||||||||||||||||||||||
|
رد: رواية ملامح الحزن العتيق
رجع لسيارته وبعد وقت قصير كانوا كلهم في المزرعه .. فوزية معصبة وزعلانه من ازعاجهم لها.. وام ناصر تبارك المزرعه اللي انعشها جوها ونشطها ... نزلت شغالة فوزية فصولي اللي قعد يلعب وجابت لهم القهوة .. اخذ عماد فنجال وقام للعمال اللي متفق معاهم يجون من بدري يحفرون الأرض للأشجار اللي بينقلها من المزرعه الثانية لهذي .. مرت ساعتين ماحس فيها غير العمال وعماد اللي رجع لجدته وفوزية ورمى نفسه على الأرض بتعب ووهن .. قال : يوووه من التعب انكسر ظهري .. انتبه لفيصل ولد فوزية جاي يمشي ناحيته قال : وخري ولدك يافوزية عني لايطيح علي . قالت فوزية اللي صحصحت وبدت تسولف بنشاط : حلال فيك وش اللي منكد عليك من الصبح ونكدت علينا معك . رفع لها راسه قال: الحين ابي اعرف شي واحد ليه انتي مو مثل باقي الحريم .. ؟ : قصدك على شادن . : شادن وغيرها ..! : يعني عشان الست شادن تصحى بدري تحسب كل الحريم يقومون مثلها . قالت ام ناصر : شادن الله يستر عليها مامثلها . جلس عماد قال : يالله بروح للعمال اقف معهم يمديهم خلصوا حفر . وقف عماد وراح لعماله وكملن فوزية وامها سوالفهن لحد مااذن الظهر . . بعد صلاة الظهر خلصوا العمال شغلهم وطلعوا .. دخل عليهم عبدالعزيز قال وهو يتأمل المزرعه الكبيرة باعجاب : الغدا اليوم في المزرعه ياابو مشعل . جاه عماد يمشي وهو ماسك اسفل ثوبه .. مسح حبات العرق اللي انتثرت على جبينه قال : تم ياابو فيصل .! جلسوا يتقهوون ويسولفون والوقت يمشي محد حس فيه .. طالع عماد بساعته ووقف على طول قال : انا بروح اجيب اهلي من المدرسه واجيب لكم غداكم . رد عبدالعزيز وهو يشيل فيصل ويحطه بحضنه قال : جيب لنا شهد معك لاتنساها . : افا عليك انسى بنتي ..؟ عطاه عماد ظهره وقام عبدالعزيز لفوزية وام ناصر كمل جلسته معاهن افضل من الجلسه لوحده . *** | |||||||||||||||||||||||||||||||
| |
|
28 - 4 - 2014, 08:47 PM
| #378 | |||||||||||||||||||||||||||||||
|
رد: رواية ملامح الحزن العتيق
لابسه عبايتها وواقفه عند الباب تنتظره .. قالت نوير : من بيوصلك لبيتك ياشادن .؟ : زوجي بيجي ياخذني . : وشهد ؟ طالعت بشهد اللي ماسكه شنطتها وتدور وتلعب عند البوابه قالت : اكيد شهودة معانا . : اقول شادن انتم مارحتوا ولا سافرتوا رغم ان زوجك مثل ماسمعت بطران . ؟ : لا لسه تعرفين الوقت مرة ضيق وانا مو مرة حريصه على السفر بعدين جدتي فرحانه ومستانسة واحنا عندها خليها لين تشبع منا بعدين نسافر على كيفنا . قالت خلود لنوير وهي تضحك : اكيد الرادار حقك قال لك على اخبارهم ويدري انهم ماطلعوا ولا راحوا ولا جو . ضحكت نوير قالت : هههههههههههههههههههه حرام عليك مو لهالدرجه بس تعرفين عيال الحارة يلعبون وسامر يحب عماد وكل ماشافه قال لي بس له كم يوم مايشوفه قلت يمكن راحت شادن معاه . جات الخاله مزون ( الفراشه ) قالت لشادن اللي تضحك من نوير وخلوود : ابلا شادن ابوعلي يقول زوجك برا اطلعي له . : حاضر ياخاله انا خارجه . يلا بنات سلام واشوفكم بكرة ان شاء الله . ردوا : مع السلامه الله معاك . طلعت شادن هي وشهد وركبت السيارة وشهد ركبت ورى بعد ماسلمت على عماد . قالت شادن اول ماسكرت الباب : السلام عليكم . : عليكم السلام . ساد الصمت دقايق قليله قال عماد : شهودة تبين تروحين تتغدينفي اللمزرعه ؟ : ايه ايه تكفى عماد تبغى نروح وخل شادن تروح معانا . : طيب بنزلك في المزرعه يالله . توجه للمزرعه ونزل شهد قالت : شادن انزلي معاي . قال عماد : روحي ادخلي امك وفصولي قدامك يالله بسرعه . وقف لحد مادخلت وشاف ابوها يفتح يدينه لها وهي تجري عشان يحضنها . رجع بالسيارة للبيت قال : بدلي ملابسك وقولي للشغاله تسوي الغدا بوديه لجدتي وفوزية ورجالها في المزرعه . : حاضر . : ترى بتروحين معانا . قالت بتردد : بس زوج عمتي معاكم . ! حس بترددها وحياها وكأنها بتجبر نفسها على الروحه حتى ماتعارضه قال : ماراح نجلس عندكم .. تعالي عشان جدتي . هزت راسها وسكتت ماردت عليه .. نزلت للبيت ومرت على الشغاله في المطبخ .. فتحت الفريزر وطلعت لحم يكفيهم .. وراحت تنزل عبايتها في الصاله جا عماد يمشي ناحيتها قال : امشي وانا ارجع بعد شوي آخذ الغدا . : لا انا بسوي الغدا .. وبعد ساعه تعال . سكت ولا رد عليها .. وتوجه لاقرب كنبة طويلة وتمدد عليها وحط يده على راسه .. قال : اذا خلصتي صحيني .. | |||||||||||||||||||||||||||||||
| |
|
28 - 4 - 2014, 08:48 PM
| #379 | |||||||||||||||||||||||||||||||
|
رد: رواية ملامح الحزن العتيق
نزلت عبايتها ورجعت للمطبخ .. قالت الشغاله المتفانية بشغلها ومتحمسه في تقطيع السلطة : مدام لاتحطي زيت كتيير .. عشان مستر عماد . طالعتها شادن باستغراب قالت : ليش ..؟ : انا يسوي اكل زيت كتير مستر مافي اكل .. يسوي بدون زيت ياكل . قالت باقتناع وهي تكلم نفسها : الله يعين اللي عنده قولون . قطعت اللحم وعزلت الشحم عنه نهائي .. وسمعت كلام الشغاله وتركت الزيت .. اضطرت انها تحط البصل مع الطماطم والثوم وتحركها مع بعض .. طبعاً فادتها خبرة امها في الطبخ لمن كانت تطبخ لابوها مريض القلب قبل وفاته .. اخيراً خلصت الرز البرياني والشغاله غلفت السلطه وحطت الملح في السله مع الكاسات واللبن والمويه والملاعق .. وحظرت الصحون واطباق السلطه .. فتحت غطا قدر المرقوق حق جدتها واللي بدون ملح .. وشافته ماباقي عليه شي وانه جاهز طفت عنه ورفعته على جنب .. وأخذت معاها سفرتين كبار وطلعت بتقول لعماد ان الغدا خلص .. شافته نايم وغاط في نومه . كسر خاطرها وشكله تعبان ونايم بعمق .. قالت بهمس : عماد . مارد عليها .. قالت بنفسها " الحين لايكون نومه ثقيل ويبغى لي ساعه عشان يصحى " نادته مرة ثانيه وبنفس الهمس : عماد . ونفس الحكاية لارد . : عماد اصحى الغدا جاهز . رفع يده عن جبينه وفتح عيونه ببطء من دون مايطالعها كأنه مو داري عن نفسه .. التعب واضح عليه .. لدرجة انه مايدري وش قالت ولا وين هو .. قالت بنفس الهمس : عماد الغدا جاهز . كأنه بدا يستوعب قال : ها .. همممم .. يالله طيب .. اذا خلصتوا قولي لي . : خلاص جاهزين . ماسمعها لأنه غمض عيونه وراح في النوم من جديد . رفعت صوتها اكثر من قبل قالت : عماد .. عماد ترى الغدا بيبرد وانت نايم . فتح عيونه وجلس ثواني ماتكلم .. رفع نظره لها قال وهو يوقف : يالله .. البسي على بال مااحطه بالسيارة وقولي للشغاله تمشي .. فوزية تقول لازم تجي . : اوكي .. انا حضرته كله ماعليه الا تشيله . رجعت للشغاله قالت لها : روحي ودي السله للسيارة وارجعي خذي القدر الصغير واللبن . راحت الشغاله تودي الاغراض وجا عماد اخذ القدر الكبير اللي طبخت الغدا فيه . لبست شادن عبايتها وتغطت وركبت معاه .. | |||||||||||||||||||||||||||||||
| |
|
28 - 4 - 2014, 08:52 PM
| #380 | |||||||||||||||||||||||||||||||
|
رد: رواية ملامح الحزن العتيق
*** " كثر الله خيرك ياابو مشعل .. سلم الله يدين من طبخ اشهد انها راعية بيت " قالها عبدالعزيز وهو يشرب كاسة اللبن بعد مارفع يده من الصحن . قال عماد وهو يبتسم : ياجعله هنا وعافيه .. ذكرتني بكلام جدتي الله يطول بعمرها .. : ياخي خلوا فوزية عندكم اسبوع تعلمها الطبخ والسنع . : لا تكفى اخاف انها تخرب حرمتي . : ههههههههههههههههههههههههههههههه لاتظلمها انا يوم اخذتها وهي مااسنع منها بس خربتها ودلعتها .. والحين ماتعرف تسوي حتى الشاهي . : اجل البلا منك وانا ظالم خالتي . : ايه لحد يتكلم لها تراها مسكينه . : هههههههههههههههه عز الله مامسكين الا انت . اقول تبينا نقعد ولا نمشي . : لاوالله خلنا نمشي انا بعد هالغدا يبي لي قيلولة . وقف عماد واخذ الصحن رجعه ونادى الشغاله تجي تاخذ السفرة وباقي الاغراض .. جا عند جدته وهو يشوف المرقوق عندها قال : افا مسوين لتس مرقوق وحنا لا ؟ قالت ام ناصر : عندك القدر اكل على كيفك منه ..! فتح عماد القدر وضحكت فوزية عليه وشادن تبتسم بحيا ومنزله راسها للأرض قال وهو مكشر ومتقرف : اخخخخخ هذا بدون ملح .. الله يعينتس ياجدتي على هالعيشه . طالعت ام ناصر في شادن قالت : عندي الملح اللي ليا لمست عيشتنا تباركت وزينها ربي . استحت شادن اكثر وتوردت خدودها وهي تناظر بالارض وتعدل طرحتها على راسها زين .. قال عماد وهو يبتعد عن المواجهه والاحراج وانتقادات فوزية اللي تدقق بكل شي بعفوية : فوزية روحي لعبدالعزيز يبيتس . وقفت فوزية قالت : يارب عساه يقول بنمشي عشان ارجع انام . : ايه يبي يمشي .. التفت لشادن قال : اذا انتي بعد تعبانه وتبين ترجعين امشي . ردت بهدوء وثقل : شوف جدتي اكيد انها تبي ترتاح من الصباح وهي هنا . انا عادي مو تعبانه . قالت ام ناصر وهي تمد يدها عليه : خل شادن تشوف المزرعه .. من اليوم منحرجة من ابو فيصل ماتقدر تمشي فيها .. قومني انا برجع مع فوزية ورجلها . حس ان جدته تبي تقربهم من بعض اكثر قال : نبي نجي ان شاء الله مرة ثانية وتشوفها براحتها . قاطعته : اليوم خلها تشوفها مايصير تطلع منها ماشافت الاشجار اللي غرسناها . لامفر منها ومن تحكمها وسلطتها . مد يده عليها وساعدها على الوقوف باستسلام .. قال لفوزية اللي جات تاخذ بقية اغراضها : ساعدي الشغالات في الاغراض وترى جدتي بتروح معكم . | |||||||||||||||||||||||||||||||
| |
|
|
| مواقع النشر (المفضلة) |
| الكلمات الدلالية (Tags) |
| ملامح, الحزن, العتيق, رواية |
| |
| الذين يشاهدون محتوى الموضوع الآن : 5 ( الأعضاء 0 والزوار 5) | |
الأعضاء الذين قاموا بتقييم هذا الموضوع : 0
| |
لم يقوم أحد بتقييم هذا الموضوع | |
| |
|
المواضيع المتشابهه لموضوع: رواية ملامح الحزن العتيق
لموضوع: رواية ملامح الحزن العتيق | ||||
| الموضوع | كاتب الموضوع | المنتدى | مشاركات | آخر مشاركة |
| رواية شياطين تدوس الارواح واو احلا رواية قريتها | البارونة | همس للقصص وحكايات وروايات | 12 | 24 - 12 - 2024 01:34 PM |
| رواية وانتبه لك ترى روحي معك رواية سعوديه للكاتبه | الحب ياسمين | همس للقصص وحكايات وروايات | 9 | 4 - 4 - 2019 10:13 AM |
| رواية فهد و نوره رواية رومنسية سعودية كاملة | سجات التهاويل | همس للقصص وحكايات وروايات | 23 | 8 - 6 - 2018 01:07 PM |
| التشويق إلى حج البيت العتيق | همسة الشوق | همس للحج و العمره | 6 | 5 - 9 - 2015 09:30 AM |
| ملامح الحزن العتيق | سجات التهاويل | همس للفنون التشكيليه | 2 | 26 - 3 - 2015 12:51 PM |
|
| الخميس 13 /3/ 2025 م || 13 /9/ 1446هـ || |
عضويتي
العرض العادي
