يوم ضاقت قلت وينك يالفرج قال جيت .. شفت حولك 1000 صاحب وخفت أسبب لك حرج *** ارتكيت .. بس وين اللي يشيل الحِمل وينه ؟ وين أبو الفزعات عنّي ؟ ما قدرت ألقاه ... وينه ؟ من لمحني فوق كف الموج فضّ وكسّر ألواح الرجا بيني وبينه حزّ نفسي .. وغصّ في حلقي ورضّ .. كل ضلعٍ لي معاه وغضّ .... عينه يحسب إنّي مِتّ همّ ما درى إني حيّ ،،، لكن مت من خنقة يدينه *** يالفرج صاحبي ما شفت زوله من فقدته بيوم شِدّه بس لو جاني على قلعة عيوني حالف إني ما أردّه والمودّة يالفرج ... هي المودّة صاحبي ،،، مالي بصدّه صاحبي .. روحي عرينه ولو نصاني والنواصي عشـبـ قبري والله إنّي غصب لأحيا .. ثم أعينه *** ارتكيت.. وطحت والجلمود ناخ آه يا كذب الليالي البيض آه من ظلم السباخ من مشاها ولا وراه زنود تبري الكبد ..داخ يا كثر ما خيبت ظنّ اللبيب يا كثر ما غيبت وجهٍ قريب يا كثر ما شاف منها صافي النيّة وشاخ ارتكيت ... وأثر ظلّي ما يمون وأثرني كومة طعون من غلاة أصحابها ... ما قدرت أقول: آآآآخ لي مــــــــــــــــبادي صاحبي لو جار منه الجور... عادي صاحبي لو هو قتل ذكراي ... عادي صاحبي لو هو بخل برضاي ... عادي صاحبي .. يبقى العزيز الناصع اللي له ودادي ودام أنا سِتره وثوبه صاحبي .. ما أقول عنه أبدًا وتوبه يا هلا به ، وبعيوبه، وبذنوبه يا هلا إن وصلني ... يا هلا وإن قطعني ... يا هلا صاحبي ... وإلا فلا والغلا نعمة كريم ... وساقها لكل الملا *** يالفرج ... حاول تحب دام لأهل الأرض ربّ ولو تشوف أصحاب واجد حول قلبي ... لا تعاند السواعد .. من سراب والحصايد .. من يباس والشعر كذّاب خلّ فتال الشوارب ... عن يمينك ولا تخاف من الحرج ... لو قيل وينك؟ كلهم مثلي تراهم في النهاية طالبينك .. طالبينك طالبينك يالفرج *** يوم ضاقت قلت وينك يالفرج قال جيت .. شفت حولك 1000 صاحب وخفت أسبب لك حرج
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
السيد/عششقي عيونك سلمت اناملكـ على رقي طرحكـ تاهت حروفي بين طيات كلماتكـ العذبه فوجدت الآبداع والذوق والتميز في متصفحكـ أدام الله نبض قلبكـ لك من خالص الشكر وارق التحايا
او 
لمشاركة اصدقائك!
عضويتي
]
(( بنت الباديه ))
العرض العادي
