عثى فينا جهاز الدش بث وعـرض وإستقبـال**محاقيـن الــــــــــــــردى لا بـارك الله فـي محاقنـهـا
بدا وقت الفتن يطلع عسـى الله يصلـح الأحـوال**ولا نقـــــــــــدر نقـول إلا عـسـى ربــي يزينـهـا
طلـع جيـل يشيّـب بالرضيـــــــع ويذهـل العقّـال**بعض ناس ذكـرهـا المصطفـى شفنـــــا عواينهـا
لقينا الكاسيـات العاريـات الوصـف والأشكـــــال**عليهـــا لبـس لكـــن لبسهـا يبـــرز مفــــــــاتنهـا
تميل عن الــطـــريق المستقــيــــم ومـن تبعهـا مـال**خبيثة شكـل ظاهرهـا يمثـل خبـث باطنـــهـا
ترحّلها إبليـس وانجـــــلـى عنهـا الحيـا وانجـال**ولـو قامـت تلــمـــــــــلـم مـن يصدقهـا ويامنهـا
تستر لين تدخل راسهـا فـي المشغـل الشغـــــــال**وعلـى الشغـال بالمشغـل مــــــذارعهـا تبيّنـهـا
غدت ماعاد تجفل مـن عيـال الهنـــــــــد والبنغـــــال**تغنّـج لـه إليـن يهــــــزّ رأسـه ثــم يديّنـهـا
على ذا الحال يمـــــكــــــــن تفتن الصاحـي مـع البطّـال**مـادام إنهـا تغنّـج لــه وكلمتـهـا تلينـهـا
تجرد عن لبـاس المسلميـن وتلبـس البنطــــــــــــال**مع قـل الحـــــــــلا تلبـس لهـا لبـس يشينهـا
يقولون الرجال إن الفـــــــــرس فـي دبـرة الخيـال **ورى الخايب يخلـي الخايبـة تبـرز محاسنهـا
ولا يؤدب ولا ينصح ولا ينظـــــــــــر لهـا فـي حـال**يعاملهـا بهيمــــة بـس مابـه إلا يسمّنـهـا
وبعضهم لو يبي يؤدب وينصح زوجته ما حـــــتـال**ولا ينكـر عليهـا شـيء وإن زعلـت يساكنهـا
خذت منه القوامة وأصبح الحــــــرمـة وهـي رجـال**تخلي الثـوب نصـف السـاق وثيابـه يطمّنهـا
ولا جا اللــــــيل كل راح له سائـق ولـه جــــــــــوال**إلى من جات ما تلقاه وإن جاء ما يعيّنهـا
تحدد نسلها تبغى الرشاقـة مـا تريـد عـــــــــــــــــيـال**مع عـــــدوان ديـن الحـق معلنـة تضامنهـا
وظيفتها عساها البعد بين الناس و قـــيـل وقـال**تجيـب الـــــهــــــــــرج وتودّيـه والفتنـة تكوّنـهـا
ولا أعمـــــــــــم لأن الخيـر فـي بعـض البشـر لازال**وكـم مصيونـة فـي بيتهـا والـرب صاينهـا
ولا يمكن يضـــــــــــحّي بالشرف والديـن بنـت رجـال**لأن الطيّبة يحمي شرفهـا طيـب معدنهـا
عطاها الـــــــرب عقل ودين مافيها جهـل وخبـال**نتيجـة قــــــــــوة التيـار مـا تخـلـف توازنـهـا
على زلــــــة زوجها لـو يكــــــررهـا وسيعـة بـال**تحدث في المحاسن والعلــــوم القشـر تدفنهـا
لها في مهجـــــته منزل وله فـي قلبهـا منـزال**تبادلـه الغـــــــــــــــلاء ماهيـب خاينتـه وخاينـهـا
ولا ننسـى شبـاب إبتلـــــــن بـه طيبـات الفـال**تبـي العفّـة وستـر الحـال والداشـــــــــر يجننهـا
مريض وناقص عقله خفيف وتشعـــــــــــفـه الأزوال**ومنيحه من ردى حظه ومـن خبثـه يحينهـا
نهاره نوم وإن جــــا الليل يسهر في ردى وهبـال**ولا جاء الفجر جـاك يسحّـب رجيلـه مطيّنهـا
من آثار المــــــخدّر كنّ في جوفه مـرض سـلال**مـن التدخيـن كـنّ شفـاه بالنيلـة يلــــــــــوّنهـا
ومنهم من تميّز بالنعومـة والظفـور طـــــــوال**وذيك القذلة اللـي مـن دهــــــــون أختـه يدهنهـا
تحلــــــــى بالإنوثـة مابقـى إلا يلبـس الخلـخـال**يشـوف إختـه تجمّـل لـــــلعريـس وغايـرٍ منهـا
إلى منه هـــــرج في المجتمع جات الهروج هزااااال**يـدوّر للـــرخامـة والمراجـل مـا يواطنـهـا
يضايقه الآذان ويطـــــــــرب الداشـر مـع المـوّال**قضى ليلة مــــع الشلّـة وبنـت النـاس هاينهـا
ولا أعمـــــــم لأن المجتمـع لازال فـيـه أبـطـال**وترى الدنيا من أهل الطيـب ماخليـت مخازنهـا
رجال تلتـزم نهـج الرسـول وللحمــــــــــول جمـال**ولا يخرج حديهـم كلمتـه يـا كـــــود وازنهـا
ولا ننسى قضية من مسكها لاجـــــــل حـب المـال**لاجــل المال وصلت بنتـه الخمسيـن راهنهـا
يبيع ويشتري فيها كما السلعـة مــــع الـدلال**يبي ينظر من اللـي يدفـع أكثـــــــــــر مـن زباينهـا
ترى هذا ومثلـه فـي المجالـس عـدّه الفنجـــــــــال**جزى اللـي علشـان الطمــــع بنتـه يخزّنهـا
إلـى جـوه رجـال طيبيـن الديـن والأفـعـــــــــال**يحوّلهـم علـى أم البنـت والخايـب ملقّنــــــــهـا
تقول : أبغى المهر اللحين نقد ريال فـــــــوق ريـال**نبي فـوق الميـة مـن غيـر حاجـات تأمنهـا
تحتـه ليـن يبقـى راس مالـه غتـرة وعقـــــــــال**يـدوّر الدداسـن فـي المـــــــــعـارض ويتدينـهـا
ألا وآشيب راســـــــــي شاخـت النسـوان والأنـذال**ولا يعتـزّ جيـــــــل شيّـخ الحرمـة ومكّنـهـا
أنا مانيب شامت بس أبيّن واضـرب الأمثـال**لعـل أهـل العقـول الطيبـة .. تــــــــردع مجننهـا
أبحـاول عــــــلاج عـصـر الــدش والأهــوال**وناس ماتبي تسمـــــــــع كلامـي مـا علـيّ منهـا
يقـــــوله واحـد يخطـي مـع التفريـط والإهــمـال**ولكن فـي رجـا الرحمـن لا صعبـت يهــــوّنهـا
إلى منا هوينـا فـي المقابـر والحمــــــــول ثقـال**وبدينـا فـي حيـاة الآخــرة وأول مساكنــــــــهـا
وجاء يـوم عبـوس قمطــــــريـر يشيـب الأطفـال**نهـار فيـه نـاس يفرحـون ونـاس يحـــــــــزنهـا
ورود النار هـذا شـيء ثابـت ماعليـه إشكـــــــال**ولكن النجاة اللـي تبـي .. مـا حـد بضامنهـا
تسمّع يا وسيـع العـــــــــــــرف لاتجهـل مـع الجهّـال**أبعـرض النصيحـة وانـت ياجعلـك تثمنـهـا
تخيـل يـوم ينقطـع النفـس وتضيّـع الآمــــــال**ونفسك عن هجــــــوم المـوت مـا تقـدر تحصّنهـا
ولا ينفع ولدك ولا ولـد عمـك ولا إبـن الخـــــال**مسجّـى والمــــــــكفـن عـنـد جثمـانـك يكفنـهـا
ألا يـا الله يـا اللـي بيـدك الأرزاق و الآجـــــــال**ولا للنـاس غيـرك رب يرحمهـــــــا ويأمنـهـا
تجاوز عن خطايانا إلى مـن عرضـت الأعمــــــال**نهـار فــيـه نفـس العبــــد مـا يجـدي تغابنهـا
عراة ما علينـا لبـس وحفـاة بـدون نعــــــــــال**نهـار فيـه يجمـع ظـــــالـم الأمــــــة ومحسنـهـا
مما راق لي
آخر تعديل ملك الود يوم
31 - 5 - 2014 في 09:30 PM.
عضويتي
]
عثى فينا جهاز الدش 
العرض العادي
